தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
நடிகர்கள் : ஸ்ரீபதி, சத்யரஜ், நியா, அங்காடி தெரு மகேஷ், அப்புக்குட்டி, கே.சி.பிரபாத், ரெய்னா காரத்
இசை : கு.கார்த்திக்
ஒளிப்பதிவு : மோகன் டச்சு
இயக்கம் : மோகன் டச்சு
தயாரிப்பு : ஸ்ரீபதி
கதைக்களம்…
காட்டுப் பகுதியில் இருக்கும் ரிசார்ட் ஒன்றில் சில விருந்தினர்கள் தங்கியுள்ளனர். அங்கு இருக்கும் ராணி பங்களாவில் ஏதோ மர்மம் இருப்பதாக ஊர் மக்கள் நம்புகின்றனர்.
இந்த வேளையில் புதிதாக வேலைக்கு வரும் மேனேஜர் அந்த ராணி பங்களாவில் விருந்து வைக்கிறார். ஒரு கட்டத்தில் திடீரென இரண்டு பெண்கள் மாயமாகின்றனர்.
இதனை விசாரிக்க கட்டப்பா கெட்டபில் வருகிறார் போலீஸ் சத்யராஜ்.. இரண்டு பெண்கள் காணாமல் போனதன் மர்மம் என்ன? ரிசார்ட்டில் ராணி பங்களாவின் மர்மம் என்ன.? இந்த படத்தின் தலைப்பு அங்காகரன் யாரை குறிப்பிடுகிறது? என்பதே படத்தின் மீதிக்கதை
கேரக்டர்கள் & டெக்னீசியன்கள்…
நாயகன் ஸ்ரீபதி புதுமுகம் என்றாலும் தன்னால் முடிந்த வரை கதைக்கு உதவ முயன்றிருக்கிறார். சில நேரம் கொஞ்சம் எரிச்சலும் ஊட்டும் கதாபாத்திரமாகவே தெரிகிறது.
கட்டப்பா கெட்டப்பில் சத்யராஜ்.. ஒரு சிறந்த நடிகருக்கு நல்ல கேரக்டர் கொடுத்து கதையை நிலை நிறுத்தி இருக்கலாம். ஆனால் ஏனோ தானோ என்று அவரது கேரக்டர் வந்து போகிறது..
என்னப்பா சத்யராஜை காணவில்லையே என்று ரசிகர்கள் சீட்டை விட்டு எழுந்திருக்கும் போது திடீரென கிளைமாக்ஸ்சில் வந்து திருப்புமுனை ஏற்படுத்துகிறார்.
கிளை கதைகளும் சிறப்பாக அமைக்கப்பட்டாலும் அதனை சொல்லும் விதத்தில் சுவாரஸ்யம் இல்லை. முக்கியமாக போலீஸ் விசாரணையில் கேரக்டர்களை விசாரிக்கும் போது ஒவ்வொருவருக்கும் ஒரு பிளாஷ்பேக் இருக்கிறது. ஆனால் அதில் எங்கேயுமே சுவாரசியம் இல்லை என்பது தான் மிகப்பெரிய குறை.
விசாரணை போதும்ப்பா என்கிற மனநிலையே நமக்கு வருகிறது.
நாயகியாக நியாவுக்கு ஒரு பாடல், சில காட்சிகள் மட்டுமே.. அங்காடித்தெரு மகேஷ், அப்புக்குட்டி, கே.சி.பிரபாத், ரெய்னா காரத் ஆகியோர் இன்னும் சிறப்பாக செய்திருக்கலாம்.
கருந்தேள் ராஜேஷின் கதைக்கு நாயகன் ஸ்ரீபதி திரைக்கதை எழுத, மோகன் டச்சு ஒளிப்பதிவு செய்து அவரே இயக்கியிருக்கிறார்.
ராணி பங்களா & அங்காரகனின் பின்னணியையும் இன்னும் கூட அழுத்தமாக சொல்லியிருக்கலாம்.
போலீஸ் அதிகாரி சத்யராஜின் பின்னணி என்ன என்பதை சொல்லும் விதத்தில் மட்டுமே இயக்குனர் சிறப்பான பங்களிப்பை கொடுத்திருக்கிறார்.
ஆக அங்காரகன்.. காட்டு பங்களாவில் காவல் பந்தா
Angaragan movie review and rating in tamil