தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
கல்யாண் இயக்கத்தில் ஜெயம் ரவி நடித்துள்ள படம் ‘அகிலன்’. இவர்கள் இருவரும் ஏற்கனவே ‘பூலோகம்’ என்ற படத்தில் இணைந்து பணியாற்றி இருந்தனர்.
ஸ்க்ரீன் ஸ்கின் ஸ்டூடியோ தயாரித்திருந்த அகிலன் திரைப்படத்திற்கு சாம் சிஎஸ் இசையமைத்துள்ளார்.
இந்த படத்தில் நாயகிகளாக பிரியா பவானி சங்கர் மற்றும் தன்யா ரவிச்சந்திரன் இணைந்து நடித்துள்ளனர்.
மார்ச் 10ல் இந்த படம் ரிலீசாகவுள்ள நிலையில் இந்தப் படத்தின் டிரைலர் வெளியீட்டு விழா சென்னை வடபழனியில் உள்ள ஒரு பிரபல மாலில் நடைபெற்றது.
இந்த விழாவில் தனது 20 ஆண்டுகால சினிமா பயணத்தை தன் சூப்பர் ஹிட் இயக்குனர்களுடன் கொண்டாடினார் ஜெயம் ரவி.
அப்போது மோகன் ராஜா, கல்யாண், ஏ எல் விஜய், பிரதீப் ரங்கநாதன், எம் ராஜேஷ் உள்ளிட்ட இயக்குனர்கள் கலந்து கொண்டனர்.
மோகன் ராஜா பேசும்போது தனி ஒருவன் படத்தில் இரண்டாம் பாகம் விரைவில் உருவாகும் என அறிவித்தார்.
அதன் பின்னர் பிரதீப் ரங்கநாதன் பேசுகையில்.. ஜெயம் ரவிக்கு ஒரு புதிய கதை சொல்லி உள்ளேன். விரைவில் நாங்கள் மீண்டும் இணைந்து பணியாற்றுவோம் என தெரிவித்தார்.
ஜெயம் ரவி நடித்த ‘கோமாளி’ படத்தை பிரதீப் இயக்கி இயக்குனராக அறிமுகமானார் என்பது குறிப்பிடத்தக்கது.
Mohan Raja & Pradeep Ranganathan gave 2 super updates on ‘Agilan’ stage