ரஜினி ராஜ்யத்தில் முதன்முறையாக நுழையும் விஜய்.!

நான் தொலைந்தபோது நீ வந்தாய்.; உருக உருக காதலை கன்பார்ம் செய்த கௌதம் – மஞ்சிமா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சிம்பு நடித்த ‘அச்சம் என்பது மடமையடா’ படத்தில் நாயகியாக நடித்தவர் மஞ்சிமா மோகன்.

அதன் பின்னர் ‘தேவராட்டம்’ படத்தில் நடித்த போது அப்பட நாயகன் கௌதமுடன் காதல் கொண்டார்.

இவர்களின் காதல் பற்றிய செய்திகளை நாமும் நம் FILMISTREET தளத்தில் பார்த்தோம்.

இந்த நிலையில் கௌதம் கார்த்திக் மற்றும் மஞ்சிமா மோகன் ஆகிய இருவரும் தங்கள் காதலை தற்போது அதிகாரப்பூர்வமாக அறிவித்துள்ளனர்

தன் இன்ஸ்டாகிராம் பக்கத்தில் கௌதம் கார்த்திக்… ” சரியான நபர் உங்கள் வாழ்வில் வந்தால் என்ன நடக்கும்?பெரும்பாலானவர்கள் சொல்வார்கள், நீங்கள் அவர்கள் மீது உங்கள் கண்களை வைத்த நொடியில் நீங்கள் அன்பினால் நிறைந்திருப்பீர்கள்.

உங்கள் இதயத்தில் பட்டாம்பூச்சிகள் பறந்து செல்வது போல் உணரும்..

மஞ்சிமா… எங்கள் பயணம் வித்தியாசமானது, lol. நாங்கள் எப்போதும் ஒருவரையொருவர் கேலி செய்வதன் மூலம் தொடங்கினோம், எப்போதும் சச்சரவு செய்துகொண்டு, முட்டாள்தனமான விஷயங்களைப் பற்றி வாதிட்டோம்.

எங்கள் நண்பர்களால் கூட எங்கள் வாதங்களைத் தாங்க முடியவில்லை.

இந்த பந்தத்திற்கு முதலில் ‘நட்பு’ என்று பெயர் வைக்க முடிவு செய்தேன்.
ஆனால் அதை விட பந்தம் வலிமையாக இருந்தது…

நீ அதை வளர்த்துக் கொண்டே இருந்தாய்…
நான் அதற்கு ‘சிறந்த நண்பர்கள்’ என்று பெயரிட்டேன்.

ஆனால் அது அதைவிட வலுவாக வளர்ந்தது… நீ அதை நாளுக்கு நாள் வலுவாக வளர்த்தாய்.

நான் மோசமான நிலையில் இருந்தபோது நீ என் பக்கத்தில் நின்றாய்.
நீ எப்போதும் என்னை வாழ்க்கையில் முன்னோக்கி தள்ளுகிறாய், என்னை விட்டுக்கொடுக்க விடமால், எப்போதும் எனக்காக நேர்மறையாக இருக்கிறாய், என் சுயத்தையோ அல்லது என் சுய மதிப்பையோ சந்தேகிக்க விடாமல் இருக்கிறாய்.

என் வாழ்க்கையில் நீ இருப்பதால் தான் இதுவரை நான் உணராத ஒரு அமைதி இப்போது என் இதயத்தில் இருக்கிறது. இந்த பிணைப்பை விவரிக்க ‘காதல்’ என்ற வார்த்தை கூட போதுமானது என்று நான் நம்பவில்லை.

நீ என் பக்கத்தில் இருந்தால், வாழ்க்கை என் மீது வீசக்கூடிய எதையும் என்னால் எதிர்கொள்ள முடியும்.

இந்த சிறப்பு பந்தத்தை என்னுடன் பகிர்ந்து கொள்ள நீ தேர்ந்தெடுத்ததற்கு நான் மிகவும் நன்றியுள்ளவனாக இருக்கிறேன்.

நாங்கள் ஒன்றாக சேர்ந்து எங்கள் பயணத்தைத் தொடங்குவதற்கு என்னால் காத்திருக்க முடியாது!” என கௌதம் கார்த்திக் பதிவிட்டுள்ளார்.

இது தொடர்பான மஞ்சிமா மோகன் பதிவில்…

“மூன்று வருடங்களுக்கு முன்பு நான் முற்றிலும் தொலைந்து போன போது நீ என் வாழ்வில் ஒரு காவல் தேவதை போல வந்தாய்.

வாழ்க்கையைப் பற்றிய என் கண்ணோட்டத்தை மாற்றி, நான் ஆசீர்வதிக்கப்பட்டவள் என்பதை உணர வைத்தாய்!

நான் குழப்பமாக இருந்த போதெல்லாம் நீ என்னை தெளிவடைய செய்தாய். என் குறைகளை ஏற்றுக்கொள்ளவும், அடிக்கடி நானாக இருக்கவும் நீ எனக்குக் கற்றுக் கொடுத்தாய்.

நான் உன்னிடம் நேசிக்கும் சிறந்த விஷயம் என்னவென்றால், நான் யார் என்பதற்காக நீ என்னை எவ்வளவு நேசிக்கிறாய் என்பதுதான்.

நீ எப்போதும் எனக்கு பிடித்த எல்லாவற்றிலும் இருப்பாய்” என மஞ்சிமா மோகன் பதிவிட்டுள்ளார்.

https://www.instagram.com/p/CkYLNwBvDF9/?igshid=YmMyMTA2M2Y=

https://www.instagram.com/p/CkYLNznSHFy/?igshid=YmMyMTA2M2Y=

96 & ‘பிகில்’ பட நடிகை வர்ஷாவின் காதல்.; இப்படியொரு பதிலை எதிர்பார்க்கவே இல்ல?!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

’96’ படத்தில் விஜய்சேதுபதியின் மாணவியாக நடித்தவர் வர்ஷா மொல்லம்மா.

இவர் விஜய்யின் ‘பிகில்’ படத்தில் பிராமண பெண்ணாகவும் நடித்திருந்தார்.

தமிழ் மட்டுமல்லாது தெலுங்கு கன்னடம் மொழி படங்களிலும் இவர் நடித்துள்ளார்.

இந்த நிலையில் இவர் தெலுங்கு தயாரிப்பாளர் ஒருவரின் மகனை காதலிப்பதாகவும், திருமணம் செய்யபோவதாகவும் தகவல்கள் வந்தது.

இந்த செய்தி அதிகளவில் பரவியதால் இதற்கு விளக்கம் அளித்துள்ளார் வர்ஷா .

இது பற்றிய அவர் கூறுகையில்…

“நான் யாரையும் காதலிக்கவும் இல்லை. எனது முழு கவனம் சினிமாவில் மட்டுமே. ஒருவேளை நீங்கள் யூகத்தின் அடிப்படையில் சொல்லும் அந்த நபர் யார் என்று எனக்கு தெரிவித்தால் எனது குடும்பத்தாரிடம் சொல்லி நானே பேச சொல்லுவேன்’ என வதந்திகளுக்கு முற்றுப்புள்ளி வைத்துள்ளார் வர்ஷா.

துணிவு : அஜித் ரசிகர்களுக்கு ஹாப்பி நியூஸ்.; மீண்டும் ரசிகர்கள் மத்தியில் தல.!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

வினோத் இயக்கத்தில் உருவாகியுள்ள ‘துணிவு’ படத்தில் அஜித்துடன் மஞ்சு வாரியர் நடித்துள்ளார்.

இந்த படத்தை போனி கபூர் தயாரிக்க நீரவ் ஷா ஒளிப்பதிவு செய்ய ஜிப்ரான் இசையமைத்துள்ளார்.

இதன் டிவி உரிமையை கலைஞர் டிவி பெற்றுள்ளது. ஓடிடி டிஜிட்டல் உரிமையை நெட் ப்ளிக்‌ஸ் நிறுவனம் பெற்றுள்ளது.

அஜித்தின் ‘துணிவு’ பட தமிழ்நாடு வெளியிட்டு உரிமையை ரெட் ஜெயன்ட் நிறுவனம் பெற்றுள்ளது என அதிகாரப்பூர்வமாக அறிவிக்கப்பட்டுள்ளது.

‘துணிவு’ திரைப்படம் 2023 பொங்கல் தினத்தில் வெளியாகிறது.

இந்த நிலையில் நீண்ட நாட்களுக்கு பிறகு அஜித் படத்தின் இசை மற்றும் ட்ரைலர் வெளியீட்டு விழாவை ரசிகர்கள் மத்தியில் சென்னை நேரு ஸ்டேடியத்தில் நடத்த திட்டமிட்டுள்ளதாக தகவல்கள் வந்துள்ளன.

இது தொடர்பாக நடிகர் அஜித்திடம் ‘துணிவு’ பட புரொடியூசர் போனி கபூர் பேச்சுவார்த்தை நடத்தி வருவதாக கூறப்படுகிறது.

அஜித் தன் ஆரம்ப காலங்களில் அவரின் படங்களுக்கு இசை வெளியீட்டு விழாவுக்கு வந்திருந்தார்.

ஆனால் கடந்த 10 வருடங்களாக அவரது படப்பூஜை மற்றும் விழாக்களுக்கு கூட அவர் வருவதில்லை.

எனவே பல வருடங்களுக்கு பிறகு அஜித் மேடையில் தோன்றவுள்ளதால் அவரது ரசிகர்களுக்கும் இது பெரும் விருந்தாக அமையும் என எதிர்பார்க்கலாம்.

காதலரை மணக்கிறார் ஹன்சிகா.; ஜெய்ப்பூரில் டிசம்பர் மாதம் திருமணம்.!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தென்னிந்திய சினிமாவில் முன்னணி நடிகைகளில் ஒருவர் ஹன்சிகா.

இவர் தமிழில் முன்னணி நட்சத்திரங்களுக்கு ஜோடியாக நடித்துள்ளார்.

அண்மையில் வெளியான ‘மஹா’ என்ற/படம் இவரது 50வது திரைப்படமாகும்.

பல சமூக சேவைகளை செய்து வருகிறார் ஹன்சிகா. ஆதரவற்ற பல குழந்தைகளை தத்தெடுத்தும் வளர்த்து வருகிறார்.

சில ஆண்டுகளுக்கு முன்னர் ‘வால்’ படத்தில் நடித்த போது சிம்வுடன் நெருக்கம் ஏற்பட்டு அவரை காதலித்து வந்தார்.

ஆனால் அந்த காதல் திருமணத்தில் கைகூடவில்லை.

இந்த நிலையில் தனது காதலர் சோஹேல் கதுரியா என்பவரை வரும் 2022 டிசம்பர் மாதத்தில் கரம் பிடிக்கிறார்.

இவர்களின் திருமணம் ஜெய்ப்பூரில் நடைபெறவுள்ளதாக தகவல் வந்துள்ளன.

டைரக்டர் டூ ஹீரோ..; ‘லவ் டுடே’ பிரதீப்புக்கு சிம்பு – ஜெயம் ரவி அட்வைஸ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஜெயம் ரவி காஜல் அகர்வால் யோகி பாபு நடித்த ‘கோமாளி’ படத்தை இயக்கியவர் பிரதீப் ரங்கநாதன்.

ஐசரி கணேஷ் தயாரித்திருந்த இந்த படம் சூப்பர் டூப்பர் ஹிட் ஆகவே பிரதீப்பின் அடுத்த பட ஹீரோ யார்? என கேள்வி ரசிகர் மத்தியில் எழுந்தது.

ஆனால் அடுத்த படத்தில் அவரே ஹீரோவாக நடித்து இயக்கியிருக்கிறார்.

‘லவ் டுடே’ என்ற பெயரில் நவம்பர் 4ஆம் தேதி வெளியாகும் இந்த படத்தில் இவானா, ரவீனா ரவி மற்றும் யோகி பாபு நடித்துள்ளனர்.

இந்த படம் தொடர்பான பேட்டி ஒன்றில் பிரதீப் ரங்கநாதன் கூறியுள்ளதாவது….

“நான் ஹீரோவாக நடிப்பதை அறிந்த ஜெயம் ரவி.. “சும்மா ஏனோதானோ என்ற நடிக்காமல் நன்றாக நடிக்க வேண்டும்.

எனக்கு போட்டியாக வரவேண்டும் என அட்வைஸ் செய்தார்.

‘லவ் டுடே’ படத்தின் ஃபர்ஸ்ட் லுக் போஸ்டரை பார்த்த சிம்பு என்னை அழைத்தார். அதற்கு முன்பு நான் அவரிடம் பேசியதே இல்லை.

என்னுடைய போஸ்டர் ‘வல்லவன்’ படத்தை போன்று இருக்க வேண்டும் என்று நினைத்தே டிசைன் செய்திருந்தேன்.

அதை பார்த்து சிம்பு எனக்கு போன் செய்தார். போஸ்டர் நன்றாக இருக்கிறது. எதிர்ப்பார்ப்பு இருக்கு. இன்றைய காதலை சொல்லீட்டீங்க.. படத்திற்கு வாழ்த்துக்கள்” தெரிவித்தார் சிம்பு.