கதாநாயகன் விமர்சனம்

கதாநாயகன் விமர்சனம்

நடிகர்கள் : விஷ்ணுவிஷால், விஜய்சேதுபதி, கேத்ரீன் தெரசா, சூரி, ஆனந்த்ராஜ், சரண்யா பொன்வண்ணன், மொட்டை ராஜேந்திரன், அருள்தாஸ், மற்றும் பலர்.
இயக்கம் : சூப்பர் ஜீ புகழ் முருகானந்தம்
இசை : ஷான் ரோல்டான்
ஒளிப்பதிவு: லட்சுமணன்
எடிட்டர்: ஸ்ரீதரன்
பி.ஆர்.ஓ. : ரியாஸ் கே அஹ்மது
தயாரிப்பு : விஷ்ணுவிஷால்

கதைக்களம்…

ஊரு வம்பு நமக்கு எதுக்குடா? பிரச்சினைக்கு போகாதே என தன் மகன் விஷ்ணுவை பொத்திவைத்து வளர்த்து வருகிறார் அம்மா சரண்யா.

விஷ்ணுவுக்கு கேத்ரீன் மீது காதல்வர, பெண் பார்க்க செல்கின்றனர். ஆனால் ஒரு கோழைக்கு பெண்தர மறுக்கிறார் அவரின் அப்பா.

இதனால் விரக்தியில் இருக்கிறார் விஷ்ணு. இதனிடையில் தன் சகோதரியின் திருமண செலவுக்காக கிட்னியை ஆனந்த்ராஜீக்கு விற்க சம்மதிக்கிறார்.

அதன்பின் நடக்கும் சம்பவங்களை நகைக்சுவையாக கொடுத்துள்ளார் இந்த கதாநாயகன் குழுவினர்.

கேரக்டர்கள்…

வேலைன்னு வந்துட்டா வெள்ளைக்காரன் ஸ்டைலில் அடுத்த ஹிட்டையும் கொடுக்க நினைத்துள்ளார் புரொடியூசர் கம் ஹீரோ விஷ்ணுவிஷால்.

கேரக்டருக்கு ஏற்ற அலட்டிக்கொள்ளாத நடிப்பு. ஆனால் பயப்படும் காட்சிகளில் முகபாவனைகளில் நடிப்பு அனுபவத்தை காட்டியிருக்கலாம்.

காஷ்மீர் ஆப்பிள் போன்ற முகம், வாழைத்தண்டு கால்கள் என படு ப்ரெஸ்ஸாக வருகிறார் கேத்ரீன்.

நீயெல்லாம் கல்யாணத்துக்கு அப்புறமா ஃபர்ஸ்ட நைட் பண்ற ஆளா?’ என விஷ்ணுவை கேத்ரீன் கேட்கும் காட்சிகளில் நம்மையும் சூடேற்றுகிறார். (இந்த பொண்னுங்களே இப்படித்தான்)

காதல் கண் கட்டுதே படத்தில் நம்மை ஈர்த்த அதுல்யா இதில் தோழி கேரக்டரில் வருகிறார். சில நிமிடமே என்றாலும் இதிலும் கவர்கிறார்.

சூரிக்கு சில கதாநாயகன்களுடன் மட்டுமே கெமிஸ்ட்ரி ஒர்க் அவுட் ஆகும். அதில் ஒருவராக விஷ்ணு வை சொல்லலாம்.

சூரி மொபைலுக்கு விஷ்னு ஐ லவ் யூ மேசேஜ் அனுப்பும்போது அங்கு சூரியும் அவரது மனைவியும் செய்யும் ரகளை ரசிக்க வைக்கிறது.

இரண்டாம் பாதியில் சூரி கிட்னியை பறிகொடுக்கும் காட்சிகளும், மொட்டை ராஜேந்திரன் பாடும் காட்சிகளில் சிரிப்பை கன்ட்ரோல் செய்ய முடியாது.

ஆனால் மொட்டை ராஜேந்திரன் ஒரே மாதிரியான ரோல்களை தவிர்ப்பது நலம்.

ஆனந்த்ராஜ் வந்தபிறகு படத்தின் காமெடி அதிகமாக களைகட்டுகிறது. அசத்தல் சார்.

கௌரவ டாக்டராக வருகிறார் விஜய்சேதுபதி. அவர் ஸ்கோர் செய்தாலும், தற்போது முன்னணி நடிகராக இருக்கும் அவரை இந்த சிறிய கேரக்டருக்கு பயன்படுத்தியிருக்க வேண்டாமே என தோன்ற வைக்கிறது.

இதுபோன்று குழப்பமாக பேசும் காட்சிகளில் பார்த்திபன், அல்லது எஸ்.ஜே.சூர்யாவை பயன்படுத்தி இருக்கலாமே எனவும் யோசிக்க வைக்கிறது.

அருள்தாஸ் மற்றும் சிங்கம் பாஸ் இருவரும் ரசிக்க வைக்கிறார்கள்.

தொழில்நுட்ப கலைஞர்கள்…

உன் நெனப்பு, டப்பு டிப்பு பாடல்கள் ரசிக்க வைக்கிறது. ஷான் ரோல்டனின் பின்னணி இசை காட்சிகளுக்கு பொருத்தமாக இருந்தாலும் டாஸ்மாக் பார் சண்டைக்காட்சிக்கு பொருந்தவில்லை. இரைச்சலாக உள்ளது.

மேலும் அதுநாள் வரை டம்மியாக இருக்கும் ஹீரோ திடீரென எல்லாரையும் அடிப்பது ரொம்ப ஓவர்.
ஒளிப்பதிவும் எடிட்டிங்கும் படத்திற்கு கைகொடுத்துள்ளது.

இயக்கம் பற்றி அலசல்…

இதற்குத்தானே ஆசைப்பட்டாய் பாலகுமாரா, மரகத நாணயம் என சில படங்களில் காமெடி கேரக்டரில் நடித்துள்ள முருகானந்தம், இந்த படத்தின் மூலமாக இயக்குநராக அறிமுகமாகியுள்ளார்.

இவரின் பிரபலமான சூப்பர் ஜீ டயலாக்கை படத்தில் ஒரு கடைக்கு வைத்துள்ளது கவனிக்க வைக்கிறது.

இயக்குனர் ஒரு காட்சியில் வருகிறார். இவரும் நடித்திருந்தால் படத்திற்கு கூடுதல் பலம் கிடைத்திருக்கும்.

காமெடி படம் என்றால் லாஜிக் வேண்டாம் நினைத்துவிட்டார் போல. எல்லாவற்றையும் காமெடியாகவே கொடுத்துவிட்டார்.

கதாநாயகன்… காமெடி நாயகன்

காதல் கசக்குதய்யா

காதல் கசக்குதய்யா

நடிகர்கள் : துருவா, வெண்பா, சார்லி கல்பனா, லிங்கா, ஜெயசந்திரன் மற்றும் பலர்.
இயக்கம் : துவாரக்ராஜா
இசை : தரன்குமார்
ஒளிப்பதிவு: பாலாஜி சுப்ரமணியம்
எடிட்டர்: முனிஷ்
கலை: ரமேஷ்
பி.ஆர்.ஓ. : வின்சன் சி.எம்.
தயாரிப்பு : மதியழகன், ரம்யா (எட்ஸ்ட்ரா எண்டர்டெயின்மெண்ட்)

கதைக்களம்…

பார்த்த உடனே சிலரை லவ் செய்ய தோனும் அல்லவா? அதுபோல் ஹீரோ துருவாவை பார்த்த உடனே +2 மாணவி வெண்பாவுக்கு காதல் வருகிறது.

துருவாவுக்கும் காதல் வந்தாலும் அவள் பள்ளி மாணவி, ரொம்ப குள்ளம் என்பதால் வெளிக்காட்ட முடியாமல் தவிக்கிறார்.

மேலும் இருவருக்கும் 8 வயது வித்தியாசம் வேற. இதனால் நண்பர்கள் கிண்டலடிக்க, மறைத்து மறைத்து லவ் செய்கிறார்.

இந்த ஒன்லைனை வைத்து படத்தை சுவாரஸ்யமாக கொண்டு சொல்கிறார் இயக்குனர் துவாரக் ராஜா.

கேரக்டர்கள்…

வயது குறைவான, குள்ளமான பெண்ணை லவ் செய்யும் போது துருவா துறுதுறு. தன் கேரக்டரை உணர்ந்து நடித்திருக்கிறார்.

கற்றது தமிழ் படத்தில் குழந்தை நட்சத்திரமாக நடித்திருக்கிறார் இவர். இதில் கதையின் நாயகியாக வந்துள்ளார். வார்ம் வெல்கம் வெண்பா.

நடிப்பிலும் அழகிலும் க்யூட் பெண் வெண்பா. ஸ்கூல் யூனிபார்மிலும் கலர் டிரெஸ்ஸிலும் தன் பப்பி காதலை சொல்லும் இடங்களில் ரசிக்க வைக்கிறார்.

18வயதுக்குள் காதல் வந்தால் பெண்கள் என்ன செய்வார்கள்? என்பதை ரசிக்கும்படி செய்திருக்கிறார் வெண்பா.

ஹீரோவின் நண்பர்களாக வரும் இருவரும் ரசிக்க வைக்கிறார்கள். ஹீரோவை கிண்டலடிப்பது முதல் கருத்து புதுசு என்பது வரை ஜாலியாக கொண்டு செல்கிறார்கள்.

வெண்பாவின் அப்பாவாக சார்லி சபாஷ் போட வைக்கிறார்.

துருவாவின் அம்மாவாக கல்பனா. இவர் நடித்த கடைசிப்படம் இதுதானாம். கோமாவில் இருந்து மீண்டு வந்த பிறகு மகனை பார்க்கும் காட்சிகள் கல்பனா கலக்கல்.

தாய்மாமனாக வரும் ஜெயச்சந்திரன் மிடுக்கு. நடிப்பிலும் ஜெயமே. ஆட்டோ டிரைவர், பள்ளி மாணவர்கள் என அனைவரும் அருமையான தேர்வு.

தொழில்நுட்ப கலைஞர்கள்…

ஒரு சில பார்த்த காட்சிகள் என்றாலும் அதை தன் ஒளிப்பதிவின் மூலம் பாலாஜி சொல்லும் வகையில் கவர்கிறார்.
தரன்குமார் இசையில் பாடல்கள் ஓகே. துவாரக்ராஜா பாடல் வரிகளும்.

அட என்னப்பா? இந்த ஹீரோ இப்படி தம் அடிக்கிறாரு என ஆடியன்சே கவலைப்படும் அளவுக்கு ஊதி தள்ளுகிறார் ஹீரோ.

ஆனால் ஹீரோவை பார்த்து அம்மாவும் காதலியும் உன்னையும் கொன்னு, என்னையும் கொன்னுடாதே என கேட்கும் காட்சிகள் அருமை. இதன்பின்னராவது புகை பிடிப்பவர்கள் திருந்தினால் சரி.

நிறைய தம் அடிப்பவர்களால் நிறைய ஓட முடியாது என சொல்லும் காட்சிகளும் பின்னர் தம் பற்ற வைக்கும் காட்சிகளும் அருமை.

காதல் கசக்குதய்யா… காதல் என்றும் கசக்காது

புரியாத புதிர் விமர்சனம்

புரியாத புதிர் விமர்சனம்

நடிகர்கள் : விஜய்சேதுபதி, காயத்ரி, மகிமாநம்பியார், ரமேஷ்திலக், அர்ஜீனன் மற்றும் பலர்.
இயக்கம் : ரஞ்சித் ஜெயக்கொடி
இசை : சிஎஸ் ஷாம்
ஒளிப்பதிவு: தினேஷ் கிருஷ்ணன்
எடிட்டர்: பவன்ஸ்ரீகுமார்
பி.ஆர்.ஓ. : சுரேஷ்சந்திரா
தயாரிப்பு : ஜே. சதீஷ்குமார்

puriyatha puthir movie stills (8)

கதைக்களம்…

படத்தின் முதல்காட்சிலேயே ஒரு கல்லூரியின் உயரமான கட்டிடத்தில் இருந்து ஒரு மாணவி தற்கொலை செய்துக் கொள்கிறார். ஏன்? என்ற புரியாத புதிரோடு கதை விரிகிறது.

ஒரு சாலையில் காயத்ரியை பார்க்கும் விஜய்சேதுபதி அவர் மீது காதல் கொள்கிறார்.

பின்னர் அவரும் காதலிக்கிறார். இந்த நிலையில் விஜய்சேதுபதியின் மொபைலுக்கு காயத்ரியின் அந்தரங்கமான படங்கள் வருகிறது.

உடை மாற்றும் காட்சி, குளியல் காட்சி உள்ளிட்ட காட்சிகள். ஆனால் அந்த போனை இவர் தொடர்பு கொண்டு பேச முடியாமல் தவிக்கிறார்.

போலீசில் சொன்னாலும் தன் காதலி அசிங்கப்பட வேண்டிய சூழ்நிலை வரும் என்பதால் தானே அந்த நபரை கண்டுபிடிக்க முயற்சிக்கிறார்.

தான் சொன்னதை செய்தால் அந்த வீடியோவை இணையத்தில் அப்லோட் செய்யமாட்டேன் என்கிறார் அந்த மர்ம நபர்.

அவர் என்ன சொன்னார்? அவர் சொன்னதையெல்லாம் விஜய்சேதுபதி நிறைவேற்றினாரா? தன் காதலியை காப்பாற்றினாரா? இவரையும் காயத்ரியையும் அந்த நபர் பழிவாங்க என்ன காரணம்? என்பதை இந்த புரியாத புதிர்கள் சொல்லும்.

puriyatha puthir movie stills

கேரக்டர்கள்…

வித்தியாசமான கதைகளை தேர்ந்தெடுக்கும் விஜய்சேதுபதி இதிலும் தன்னை நிரூபித்திருக்கிறார்.

மர்ம நபர் யார்? என்று தெரியாமல் குழம்பி தவிக்கும் காட்சிகளில் உணர்வுபூர்வமான நடிப்பை வெளிப்படுத்தியுள்ளார்.

எந்த இமேஜ்ஜீம் தனக்கு வேண்டாம் என்பதில் தெளிவாக இருக்கிறார். இதே ரூட்டில் பயணித்தால் இதுபோன்ற வித்தியாசமான படங்கள் இவரிடம் இருந்து வரும் என எதிர்பார்க்கலாம்.

விஜய்சேதுபதி காயத்ரி கெமிஸ்ட்ரி இதிலும் நன்றாகவே ஒர்க் அவுட் ஆகியிருக்கிறது.

யதார்த்த பெண்ணாக மிகையில்லாத நடிப்பில் கவர்கிறார் காயத்ரி. தோழி, காதலி என இரண்டிலும் இந்த இரண்டிலும் நிறைவான நடிப்பு.

எவருமே எதிர்பாரா கேரக்டரில் மகிமா நம்பியார். சிறிய வேடம் என்றாலும் படத்தின் அச்சாணி இவர்தான்.

இவருடன் ரமேஷ்திலக், அர்ஜீனன் ஆகியோரும் உண்டு.

puriyatha puthir movie stills (2)

தொழில்நுட்ப கலைஞர்கள்…

பாடலின் வரிகள் பாடலுக்கு பலம் சேர்த்துள்ளன. ஷாமின் பின்னணி இசை ரசிக்க வைக்கிறது.

உயரமான கட்டிடத்தில் இருந்து எடுக்கப்பட்ட காட்சிகள், தற்கொலை காட்சிகள் மனதை பதற வைக்கிறது. ஒளிப்பதிவாளர் எடிட்டரும் தங்கள் பணியை நிறைவாக செய்துள்ளனர்.

puriyatha puthir movie stills (6)

இயக்கம் பற்றிய அலசல்…

இன்றைய டிரெண்டுக்கு ஏற்ப ஒரு படத்தை கொடுத்துள்ளார் ரஞ்சித் ஜெயக்கொடி.

2003ல் வந்த விசில் படத்தின் சாயல் இதில் கொஞ்சம் கலந்து இருக்கிறது. மேலும் அண்மையில் வெளியான லென்ஸ் பிரதிபலிப்பும் இருக்கிறது.

ஆனால் ஒரு ரொமான்டிக் மற்றும் த்ரில்லர் கலந்து இந்த புரியாத புதிரை சிறப்பாக செய்திருக்கிறார்.

எந்தவொரு சம்பவமாக இருந்தாலும் அது தன் வீட்டில் நடக்கும்போது அந்த வலி தெரியும்.

ஒருவரின் அந்தரங்கத்தையும் பார்ப்பதும் அதை இணையத்தில் பரப்புவதும் பெரும் குற்றம். அதனால் எத்தனை குடும்பங்கள் எப்படி எல்லாம் பாதிக்கப்படுகிறது என்பதற்கு இப்படம் ஒரு நல்ல உதாரணம்.

விளையாட்டாக நம் அந்தரங்கத்தை வீடியோ எடுத்து வைத்தாலும் அது பெரும் ஆபத்தை விளைவிக்கும் என்பதற்கும் விளக்கமளித்திருக்கிறார்.

இதை பார்த்து சில விஷமிகள் திருந்தினால் அதுவே இந்த படத்துக்கு கிடைத்த வெற்றி.

புரியாத புதிர்…. அந்தரங்க விபரீதம்

ஒரு கனவு போல விமர்சனம்

ஒரு கனவு போல விமர்சனம்

நடிகர்கள் : ராமகிருஷ்ணன், சௌந்தரராஜா, அமலாரோஸ், அருள்தாஸ், சார்லி மற்றும் பலர்.

இயக்கம் : விஜய்சங்கர்
இசை : ஈஎஸ் ராம்
ஒளிப்பதிவு அழகப்பன்
பி.ஆர்.ஓ. : மௌனம் ரவி
தயாரிப்பு : செல்வகுமார்

கதைக்களம்…

சிறுவயது முதலே ராமகிருஷ்ணனும் சவுந்தரராஜனும் நண்பர்கள்.

சவுந்தரராஜன் ஒரு சிறந்த பாடகராக வளர வேண்டும் என நினைக்கிறார். அவருக்கான எல்லா உதவிகளையும் லாரி ஓட்டி சம்பாரித்து செய்துவருகிறார் ராமகிருஷ்ணன்.

இந்நிலையில் ராமகிருஷ்ணனுக்கு பெண் (அமலாரோஸ்) பார்க்க செல்கிறார் சவுந்தரராஜன்.

ஆனால் பெண் வீட்டார் மறுக்கவே, சவுந்தரராஜன் வற்புறுத்தி சம்மதிக்க வைத்து திருமணம் செய்து வைக்கிறார்.

ஒரு நாள் சவுந்தரராஜனுக்கு உடல்நிலை சரியில்லாத போது சூழ்நிலை காரணமாக ராமகிருஷ்ணன் வீட்டில் தங்க நேரிடுகிறது.

அப்போது வேலை காரணமாக ராமகிருஷ்ணன் வெளியில் செல்கிறார்.

அந்த சமயத்தில் சவுந்தரராஜன் அமலாரோஸை பயத்தினால் அறியாமல் தொடுகிறார்.

அதுமுதல் அவருக்குள் சில மாற்றங்கள் ஏற்படுகிறது. அமலாரோஸ் கணவருக்கும் அவரின் நண்பருக்கும் நடுவில் சிக்கி தவிக்கிறார்.

அதன்பின் என்ன நடந்தது? நட்புக்குள் விரிசல் வந்ததா? கணவன் மனைவி உறவு என்ன ஆனது? என்பதை யாருடைய மனதை புண்படுத்தாமல் சொல்லியிருக்கிறார் இயக்குனர் விஜய்சந்தர்.

DH0O53pUIAAQ9vy

கேரக்டர்கள்…

ராமகிருஷ்ணன் மிகவும் யதார்த்தமாக அப்பாவியாக வருகிறார். நண்பனை பிரிய முடியாமல் இவர் படும் வேதனைகள் உண்மையான நட்பை காட்டும்.

நண்பனின் மனைவியை தெரியாமல் தொட்டதால் படும் அவஸ்தை உணர்வுபூர்வமாக காட்டியிருக்கிறார் சவுந்தரராஜன். அதுமுதல் இவர் ஒதுங்கி வேதனைப்படும் காட்சிகள் இவருக்கு பேர் வாங்கித் தரும்.

தமிழ் சினிமாவுக்கு ஒரு நடிக்க தெரிந்த நடிகையாக கிடைத்திருக்கிறார் அமலாரோஸ். ஒரு முதிர்ச்சியான கேரக்டரை ஜஸ்ட் லைக் தட் என தட்டி செல்கிறார்.

கணவனுக்கும் அவரது நண்பனுக்கும் இடையில் இவர் மாட்டிக் கொண்டு தவிக்கும் தவிப்பை கண்களிலேயே காட்டுகிறார். அமலாரோஸ் அருமை.

இவர்களுடன் சார்லி, அருள்தாஸ் ஆகியோரும் கேரக்டர்களும் நிறைவு தரும்.

DHvllfpV0AAwt58

தொழில்நுட்ப கலைஞர்கள்…

பாடல்களும் அதன் வரிகளும் நினைவில் என்றும் நிலைத்திருக்கும். இது போன்ற வரிகள் அடங்கிய பாடல்களை கேட்டு பல வருடங்கள் ஆகியிருக்கும்.

அதுவும் ஓடும் நீரில்… பாடல் ரஜினி, கமல், ஸ்ரீதேவி நடித்த மூன்று முடிச்சு படத்தை நினைவு படுத்தும்.

அதுபோல் பெற்ற தாயினை, கடவுள் சேர்த்து வச்ச, வான் என்றும்.. பாடல்கள் நம்மை மெய் மறக்க செய்யும்.

பொதுவாக மனைவியை தாயின் மறு உருவம் என்று பலபேர் சொல்லி கேட்டிருப்போம்.

ஆனால் இதில் கணவனை அடுத்த தந்தையாக பாடியிருப்பார்கள்.

அழகப்பனின் ஒளிப்பதிவில் காட்சிகள் அருமை. அதை அருமையாக எடிட்டிங் செய்தவரை பாராட்டலாம்.

நீண்ட நாட்களுக்கு பிறகு குடும்பத்துடன் கானும் வகையில் ஒரு படத்தை கொடுத்துள்ளார் இயக்குனர்.

ஆனால் சில காட்சிகளில் நாடகத்தன்மை காட்சிகளை தவிர்த்திருக்கலாம்.

நண்பனுக்காக பாதிரியாரிடம் அடி வாங்குவதும், கையில் நண்பனை தாங்குவது போன்ற காட்சிகளை தவிர்த்திருக்கலாம்.

எல்லாம் காட்சிகளை சொல்லி வைத்தாற் போல இல்லாமல் ட்விஸ்ட் வைத்திருந்தால் இன்னும் கூடுதலாக ரசித்திருக்கலாம்.

ஒரு கனவு போல… ஒரு கவிதை போல ஒரு படம்

குரங்கு பொம்மை விமர்சனம்

குரங்கு பொம்மை விமர்சனம்

நடிகர்கள் : பாரதிராஜா, விதார்த், டெல்னா டேவிஸ், குமரவேல், பாலாசிங், ரமா, பிஎல். தேனப்பன், கஞ்சா கருப்பு, கிருஷ்ணமூர்த்தி மற்றும் பலர்.
இயக்கம் : நித்திலன்
இசை : பி.அஜனீஷ் லோக்நாத்
ஒளிப்பதிவாளர் : என்.எஸ்.உதய குமார்
எடிட்டர்: அபினவ் சுந்தர் நாயக்
பி.ஆர்.ஓ. : குமரேசன்
தயாரிப்பு : ஸ்ரேயா ஸ்ரீ மூவிஸ்

Vidharth and Delna Davis (1)

கதைக்களம்…

படத்தின் முதல்காட்சியே படத்தின் மீதான எதிர்பார்ப்பை எகிற செய்யும். அதற்காக இயக்குனர் நன்றி சொல்லிவிட்டு விமர்சனத்தை தொடங்குகிறோம்.

சிலைக்கடத்தல் பேர்வழி தேனப்பன். தான் சிலையை கடத்தியபோது ஒரு போலீஸ்காரர் பார்த்துவிட்டார். எனவே அவரையும் கடத்திவிட்டோம் என பேசி ஆரம்பிக்கிறார்.

ஐந்து கோடி மதிப்புள்ள ஒரு சிலையை தனது உயிர் நண்பரும் தன்னிடம் வேலை செய்யும் பாரதிராஜாவிடம் கொடுத்து சென்னைக்கு சென்று குமரவேலிடம் கொடுக்க சொல்கிறார் தேனப்பன்.

ஞாபக மறதியும் அந்த நேரம் நேர்மையும் கொண்ட பாரதிராஜா அந்த குரங்கு பொம்மை டிசைன் செய்த பையை எடுத்துக் கொண்டு சென்னைக்கு செல்கிறார்.

இதுஒரு புறம் இருக்க, சென்னையில் வேலை செய்யும் பாரதிராஜாவின் மகன் விதார்த்திடம் ஒரு சூழ்நிலையில் அந்த பை சிக்குகிறது.

இந்த இரண்டு சம்பவங்களை வைத்துக் கொண்டு திரைக்கதையை கொஞ்சம் கூட பிசகாமல் கொண்டு சென்று முடிக்கிறார் இயக்குனர் நித்திலன்.

இதனிடையில் அந்த பையை வைத்து குமரவேல் ஆடும் ஆட்டமும், கல்கி என்ற அழுக்கு பையன் திருடும் சேட்டையும் படத்தின் சூப்பர் சுவாரஸ்யம்.

Kalki

கேரக்டர்கள்…

படத்தின் ஹீரோ இயக்குனர் இமயம் பாரதிராஜாதான். இனி இவர் பண்பட்ட நடிகர் இமயம் என சொல்லாம்.

பல நடிகர்களை உருவாக்கிய இவரின் நிஜ நடிகரின் உருவம் தற்போது வெளிவந்துள்ளது.

குமரவேலிடம் இவர் சிக்கிக்கொண்டு அங்கு பேசும் வசன காட்சிகள் கண்களை நீராக்கும். ப்ரேம் பை ப்ரேமில் நெஞ்சில் நிறைகிறார்.

அலட்டிக் கொள்ளாத நடிப்பில் விதார்த் அருமை. கேரக்டரை உணர்ந்து நடித்திருக்கிறார். ஒரு பாசமிக்க மகன் என்ன தண்டனை கொடுப்பான் என்பதை நிறைவாக செய்திருக்கிறார்.

பக்கத்துவீட்டு பெண் போல டெல்னா டேவிஸ். அழகிலும் ரசிக்க வைக்கிறார். இட்லி டிபன் காட்சியும், கஞ்சா கருப்பை தேடி செல்லும் காட்சிகள் சில உறவினர்களை உங்களுக்கு ஞாபகப்படுத்தலாம்.

மிரட்டல் வில்லன் இல்லையென்றாலும் தன் தோற்றத்திலேயே மிரட்டலை தருகிறார் பி.எல். தேனப்பன்.

அசால்ட்டாக ஷோபாவில் படுத்துக் கொண்டு பேசும் காட்சியும், பணம் முக்கியமில்லடா என் நண்பனை தேடி வந்தேன் என்று சொல்லும் காட்சியில் கேரக்டராக நிற்கிறார்.

ராதாமோகன் மற்றும் பிரகாஷ்ராஜ் படங்களில் அதிகம் பார்த்த கேரக்டர் குமரவேல். யாரும் பார்த்திராத கேரக்டரில் குட் வேல் ஆகிறார்.

என்ன பண்றது… நானும் நாலு பேரு மாதிரி ஆடம்பரமா நல்லாயிருக்கணுமே? அதுக்காக உழைக்கவா முடியும்? என்று குமரவேல் பேசும் வசனமும், “அண்ணே… எந்த பைண்ணே…?”, “ம், ராஜ்கிரண் நடிச்ச மஞ்சப்பை போன்ற வசனங்களும் படம் பார்த்தால் புரியும்.

என்னை என்ன பண்ண முடியும். கடைசியாக கொல்லத்தானே போற. பண்ணிக்கோ என குமரவேல் கேட்கும்போது அட இவன என்ன பண்ணலாம்? என ரசிகர்களே எரிச்சல் ஆவார்கள்.

ஆனால் அதை மீறி டைரக்டர் வைத்த க்ளைமாக்ஸ் படத்தின் செம ஹைட்லைட்.

பாலாசிங், ரமா, கிருஷ்ணமூர்த்தி, பாலாசிங் மச்சனாக வருபவரும் கேரக்டர்களில் மன நிறைவு.

பிக்பாக்கெட் திருடனாக வரும் கல்கி அசத்தல். நான் சாதாரண ஆளு இல்ல. என்னைய பார்த்து ஏ.வி.எம் சரவணனே கைய கட்டிகிட்டுதான் பேசுவாரு…” என்று பேசும் வசனங்களும் கடைசியில் ஹீரோவுடன் இவர் செய்யும் உதவியும் ரசிக்கும் ரகம்.

Bharathiraja (3)

தொழில்நுட்ப கலைஞர்கள்…

பி.அஜனீஷ் லோக்நாத் இசையமைப்பில் பின்ணனி இசை, பாடல்கள் ஓகே.

என்.எஸ்.உதய குமார் ஒளிப்பதிவும் முக்கியமாக அபினவ் சுந்தர் நாயக்கின் படத்தொகுப்பும் படத்திற்கு பலம். சொல்ல வந்த விஷயத்தை இழுத்தடிக்காமல் சரியான டைமிங் முடிக்கிறார்கள்.

Kumaravel & Krishnamurthi

இயக்கம் பற்றிய அலசல்…

குரங்கு பை போட்டோவை பேஸ்புக்கில் போட்ட பிறகு வரும் போன்கால்களும் அந்த மக்களும் சில சில்லறை கேரக்டர்களை நமக்கு நினைவுப்படுத்தும்.

அறிமுக இயக்குனர் ஒரு நிறைவான படத்தை கொடுத்திருக்கிறார். பாரதிராஜா என்ற இயக்குனர், குமரவேல் என்ற நடிகரை இவர் காட்டிய விதம் எந்த இயக்குனர் செய்யாத புதுமை.

பழிவாங்க அதிகபட்ச தண்டனை கொலைதானே… என்ற முடிவை மாற்றி, அட இப்படியும் ஒரு தண்டனை கொடுக்கலாமே என அப்ளாஸ் வாங்குகிறார் நித்திலன்.

ஒரே படத்தில் முதல் படத்திலேயே தமிழ் சினிமாவில் நிரந்தர இடம் பிடிக்கிறார் இயக்குனர் நித்திலன்.

குரங்கு பொம்மை

தப்பாட்டம் விமர்சனம்

தப்பாட்டம் விமர்சனம்

நடிகர்கள் : துரை சுதாகர், டோனா, கோவை ஜெயக்குமார், பேனாமணி, கூத்துப்பட்டரை துளசி, பேராசிரியை லட்சுமி, ரூபி, பொள்ளாச்சி M.K. ராஜா மற்றும் பலர்.
இயக்கம் : முஜிபூர் ரஹ்மான்
இசை : பழநிபாலு
ஒளிப்பதிவாளர் : ராஜன்
எடிட்டர்: ஆர். சரண் சண்முகம்
பி.ஆர்.ஓ. : குமரேசன்
தயாரிப்பு : ஆதம்பாவா

Thappattam

கதைக்களம்…

கதையின் நாயகன் துரை சுதாகர் பிணத்திற்காக தப்பாட்டம் அடிப்பவர். சூதாட்டம், சாராயம், தப்பாட்டம் ஆகியவைதான் இவரது பொழுதுபோக்கு.

இவரது அக்கா மகள் டோனா இவரையே சுற்றி சுற்றி வருகிறார்.

ஒருநாள் டோனாவை கற்பழிக்க முயல்கிறார் வில்லன். ஆனால் அவரை தாக்கிவிட்டு அங்கிருந்து ஓடி வந்து தன் அம்மாவிடம் சொல்கிறார்.

இதை தன் தம்பியிடம் சொன்னால் பிரச்சினை அதிகமாகும் என்பதால் யாரிடமும் சொல்லக்கூடாது என்கிறார் டோனாவின் அம்மா.

அதன்பின்னர் துரை சுதாகருக்கும் டோனாவுக்கு திருமணம் நடக்கிறது. சில மாதங்களுக்கு பின்னர் டோனா கர்ப்பம் அடைகிறார்.

இந்நிலையில் டோனாவை கற்பழித்துவிட்டேன் என சுதாகர் முன்னிலையில் சொல்கிறார் வில்லன்.

இதனால் தன் மனைவியின் கர்ப்பத்திற்கு காரணம் வில்லன்தான் என்பதால் மனைவியை ஒதுக்கிவைக்கிறார் சுதாகர்.

அதன்பின்னர் என்ன நடந்தது?, டோனா தன்னை பத்தினி என்று நிரூபித்தாரா? சுதாகர் தன் அக்கா மகளை ஏற்றுக் கொண்டாரா? என்பதே மீதிக்கதை.

Thappattam movie stills public star

கேரக்டர்கள்…

பப்ளிக் ஸ்டார் என்ற பட்டத்தை வைத்துக் கொண்டு இப்படம் தொடர்பான விளம்பரங்களில் ஜொலித்து வருகிறார் துரை சுதாகர்.

குடிசைப் பகுதியில் வாழும் மக்களில் ஒருவராக தோன்றியிருக்கிறார்.

ஆத்திரக்கானுக்கு புத்திமட்டு என்ற கேரக்டரில் நன்றாகவே தேர்ச்சி பெறுகிறார். ஆனால் முகபாவனைகளில் இன்னும் மெச்சூரிட்டி தேவை.

முதலில் லூசுப்பெண் போல வரும் நாயகி டோனா ரோசாரியா திருமணத்திற்கு பிறகு தன் உணர்வுபூர்வமான பாத்திரத்தை உணர்ந்து நடித்திருக்கிறார்.

ஒரு குத்தாட்ட பாடலில் கவர்ச்சி காட்டி சூடேற்றுகிறார்.

சுதாகரின் மாமா, டோனாவின் அம்மா கேரக்டர்கள் படத்திற்கு பலம்.

அதிலும் டோனாவின் பாட்டியாக வருபவர் கண்களாலேயே தன் நடிப்பில் மிரட்டியிருக்கிறார். இவருக்கு நிறைய வாய்ப்புகள் வரும் என எதிர்பார்க்கலாம்.

முதல்பாதியில் வரும் சாராயக்கடை காட்சிகள் காமெடிக்கு பதிலாக வெறுப்பை ஏற்றுகிறது.

Thappattam movie stills

தொழில்நுட்ப கலைஞர்கள்..

பழனி பாலுவின் இசையில் ஓரிரு பாடல்கள் ரசிக்கும் ரகம். பாடலை விட பாடல் வரிகள் ரசிக்க வைக்கிறது.

ஒளிப்பதிவில் இன்னும் மெருகேற்றியிருக்கலாம்.

தம்பதிகள் என்றால் சந்தேகத்தை தவிர்த்து சந்தோஷமாக வாழவேண்டும். இவர்களின் நடுவில் சந்தேகம் வந்துவிட்டால் அது எந்த மாதிரியாக விளைவுகளை ஏற்படுத்தும் என்பதற்கு இப்படம் நல்ல உதாரணம்.

படத்தின் க்ளைமாக்ஸ் பாரதி கண்ணம்மா படத்தை நினைவு படுத்துகிறது.

படத்தின் ஆரம்பம் முதலே நாயகியுடன் பாசமாக இல்லை நாயகன். பின்பு இறுதிகாட்சியில் மட்டும் சாவை தேடிச் செல்வது ஏனோ..?

காட்சிகளில் சுவாரசியம் கூட்டியிருந்தால் இந்த தப்பாட்டம் சவுண்ட் பார்ட்டியாக இருந்திருக்கும்.

தப்பாட்டம்… தம்பதியருக்குள் சந்தேகம் வந்தால் திண்டாட்டம்தான்

More Articles
Follows