ஐங்கரன் விமர்சனம். 3/5..; இந்தியாவில் (வீக்) விஞ்ஞானி

ஐங்கரன் விமர்சனம். 3/5..; இந்தியாவில் (வீக்) விஞ்ஞானி

ஜி‌வி பிரகாஷ் , மஹிமா நம்பியார் நடிக்கும் ஐங்கரன் விமர்சனம் இதோ. இசை – ஜி‌வி பிரகாஷ் . இயக்கம் – ரவி அரசு

ஒன்லைன்…

விஞ்ஞானிகளை ஊக்குவிக்காத இந்தியாவை சாடும் இளைஞரின் கதை.

கதைக்களம்…

ஜிவி பிரகாஷின் தந்தை ஆடுகளம் நரேன். மிகவும் நேர்மையான கான்ஸ்டபிள். எப்படியாவது ரிட்டையர் ஆவதற்குள் இன்ஸ்பெக்டர் ஆக வேண்டும் என லட்சியத்துடன் இருக்கிறார்.

இவரின் மகன் ஜிவி. பிரகாஷ் இன்ஜினியரிங் மாணவர். படத்தின் நாயகி மகிமா நர்ஸ் ஆக பணிபுரிகிறார்.

இளம் விஞ்ஞானியான ஜி.வி. பிரகாஷ் தான் கண்டுபிடித்த படைப்புகளை அரசு அங்கீகாரத்திற்கு அனுப்பி வைப்பார். நேரில் கொடுப்பார். ஆனால் அதை கொஞ்சம் கூட என்னவென்று பாராமல் நிராகரித்து விடுவார்கள்.

மற்றொரு புறம் வட இந்திய கும்பல் ஒன்று லலிதா ஜீவல்லரி உள்ளிட்ட பல நகை கடைகளில் வைரங்களை கொள்ளையடித்து செல்கின்றனர்.

ஒருநாள் எதிர்பாராவிதமாக இவர் கொள்ளையடித்து வைத்திருந்த வைர மூட்டை ஒரு ஆழ்துளை கிணற்றில் விழுந்துவிடுகிறது.

சற்றுநேரத்தில் ஒரு 3 வயது குழந்தையும் அதே குழியில் விழுகிறது.

இனிக்குதா? கசக்குதா.? காத்துவாக்குல ரெண்டு காதல் விமர்சனம்

இதனால் அந்த கும்பல் திகைத்து நிற்கிறது. குழந்தையை மீட்க அரசாங்கமே திரள்கிறது. அப்ப்போது தனது புதிய கண்டுபிடிப்புடன் வருகிறார் ஜிவி. பிரகாஷ்.

அதன்பின்னர் என்ன நடந்தது? என்பதே கதை.

கேரக்டர்கள்…

நாயகன் ஜி வி பிரகாஷ் அலட்டிக் கொள்ளாத நடிப்பு. விஞ்ஞானிகள் என்றாலே தாடி வைத்து கண்ணாடி அணியதானே வேண்டும். எனவே நாயகனுக்கு கண்ணாடி மாட்டிவிட்டுள்ளார் டைரக்டர் ரவிஅரசு.

வசனங்கள் நன்றாக உள்ளன… உதாரணத்திற்கு..”விழுந்துடுவ ஓடாதன்னு சொல்றதுக்கு பல பேர் இருக்காங்க.. ஆனால் விழுந்திடாம ஓடு என்று சொல்லத்தான் யாருமே இல்லை உள்ளிட்ட வசனங்கள் சூப்பர்.

வழக்கம்போல இந்த படத்தில் நாயகிக்கு பெரிதாக வேலையில்லை. நாயகனுக்கு உதவ வேண்டும் என்பதற்காக நாயகியும் நாயகிக்கு உதவ வேண்டும் என்பதற்காக சில காட்சிகளை வைத்துள்ளனர். (கடிகாரம் உடையும் காட்சி வரை) அதிலும் கொஞ்சம் விஞ்ஞானி கண்டுபிடிப்பு இருக்கு.

ஆடுகளம் நரேன், ஹரிஷ் பெராடி, இரண்டு வில்லன்கள் என படத்திற்கு பக்கபலமாக இருந்துள்ளனர். அனைவரும் நடிப்பில் சிறப்பு.

டெக்னீசியன்கள்..

ஈட்டி படத்தில் சண்டைக் காட்சிகள் எப்படி பேசப்பட்டதோ அதுபோல சண்டைக்காட்சிகளை அமைத்துள்ளனர். ஆனால் அது ஜிவி. பிரகாஷ்க்குதான் செட் ஆகல.

நகை கடையில் கொள்ளையடிக்கும் காட்சிகளை அருமையாக படம்பிடித்துள்ளனர். அதுபோல் பைஃட் காட்சிகளும் சிறப்பாக உள்ளன.

படத்தின் ஒளிப்பதிவு பெரும் பலம். காட்சிகளின் வண்ணங்கள் கச்சிதம். அதுபோல் பின்னணி இசையும் பாராட்டும்படி உள்ளது. படத்தின் வேகத்திற்கு ஈடுகொடுத்துள்ளது எனலாம். பாடல் பெரிதாக இல்லை.

விஞ்ஞானிக்கு ஒரு விறுவிறுப்பான அங்கீகாரம் கொடுக்க வேண்டும் என்பதற்காக குழியில் குழந்தை விழும் காட்சி அமைக்கப்பட்டுள்ளதாக தெரிகிறது.

எந்த ஒரு வில்லனாக இருந்தாலும் வைர மூட்டைய எடுக்க ஒரு குழந்தையை உள்ளே தள்ளி விடுவார்களா? குழந்தை மீட்கப்பட்டால் உடனே அந்த குழியை மூடிவிட மாட்டார்களா? ஒருவேளை எல் வடிவில் மற்றொரு குழி தோண்டினால் முதலில் வைர மூட்டைதானே கையில் சிக்கும்… என்ன லாஜிக்கில் அந்த காட்சியை வைத்தாரோ?

முதல் பாதியில் காட்சிகளில் இருந்த உணர்வு இரண்டாம் பாதியில் மிஸ்ஸிங்.

ஆனால் நெத்தியடியாக க்ளைமாக்ஸ் காட்சியை வைத்துவிட்டார் ரவி அரசு. இந்தியாவில் பிறந்த இளம் விஞ்ஞானிகளுக்கு என்றுமே அங்கீகாரம் கிடைப்பதில்லை என்பதை ஆணித்தரமாக சொல்லியுள்ளார்.

ஐங்கரன் விமர்சனம் ..; இந்தியாவில் (வீக்) விஞ்ஞானி 3/5

Ayngaran movie review

கவனிக்க வேண்டியவன்..; கதிர் விமர்சனம்

கவனிக்க வேண்டியவன்..; கதிர் விமர்சனம்

ஒன்லைன்..

தினேஷ் பழனிவேல் இயக்கத்தில் வெங்கடேஷ், சந்தோஷ் பிரதாப், ரஜினி சாண்டி, பாவ்யா ட்ரிகா உள்ளிட்டோர் நடித்துள்ள படம் ‘கதிர்’.

கதைக்களம்..

ஊரில் நண்பர்களுடன் ஊதாரித்தனமாக சுற்றித் திரிகிறார் நாயகன் கதிர். ஒரு கட்டத்தில் குடும்பத்தில் கோபித்துக் கொண்டு சென்னையில் உள்ள நண்பன் ரூம்க்கு செல்கிறார்.

அங்கு ஹவுஸ் ஓனர் வயதான பெண்மணியான ரஜினி சாண்டியுடன் குடித்துவிட்டு அடிக்கடி தகராறு செய்கிறார் கதிர். ஒரு கட்டத்தில் பாட்டியின் பாசம் புரிந்து இருவரும் பாசமாக உள்ளனர்.

ஒரு கட்டத்தில் ஒரு இன்டர்வியூ தளத்தில் தன் பழைய காதலியை சந்திக்கிறார். இதனால் போராடி கிடைத்த வேலைக்கும் செல்லாமல் தவிக்கிறார்.

இதனையடுத்து பாட்டி இவனை நல்வழிப்படுத்துகிறார். அவரின் வாழ்க்கையில் நடந்த சில ப்ளாஷ்பேக்கை சொல்கிறார்.

அப்படி என்ன சொன்னார்? என்ன நடந்தது.? என்பதே மீதிக்கதை.

கேரக்டர்கள்…

கதையின் நாயகனாக வெங்கடேஷ். அலட்டிக் கொள்ளாத நடிப்பு. இன்னும் நடிப்பில் கவனம் செலுத்தினால் நன்றாக திரையுலகில் வளர்வார்.

நாயகி பாவ்யா ட்ரிகா அழகில் நம் மனதை கொள்ளையடிக்கிறார். இவருக்கு இன்னும் காட்சிகள் கொடுத்திருக்கலாமே என இயக்குனரை திட்டத் தோன்றும்.

வீட்டு ஓனர் பாட்டி ரஜினி சாண்டி.. நம்மை நிச்சயம் கவர்ந்துவிடுவார். அட இப்படி ஒரு பாட்டி (வீட்டு ஓனர்) நமக்கு கிடைக்கவில்லையே என நினைக்க வைத்துவிடுவார். இவரின் இளமைக் காலத்தில் அந்த நாயகியும் நடிப்பில் கலக்கல்.

ப்ளாஷ் பேக் காட்சியில் புரட்சிக்கார கம்யூனிஸ்ட் இளைஞராக சந்தோஷ் பிரதாப். அட இவரும் சூப்பர்ல என ரசிக்க வைக்கிறார். அந்தக் காலத்தில் பண்ணையார்களை எதிர்த்து செய்யும் புரட்சியும் இவரது காதலும் ரசிக்க வைக்கிறது.

கதிரின் நண்பர்களாக வருபவர்களும் நல்ல நடிப்பை கொடுத்துள்ளனர்.

டெக்னியீஷியன்கள்…

பிரசாந்த் பிள்ளை இசையில் பாடல்கள் சிறப்பு. ஜெயந்த் சேது மாதவனின் ஒளிப்பதிவில் காட்சிகள் அருமை.

கல்லூரி வாழ்க்கை.. ஊதாரித்தனம்.. காதல் வாழ்க்கை.. நண்பர்களுடன் கலாட்டா, காதல் தோல்வி.. ப்ளாஷ்பேக்.. பண்ணையார் காலத்து புரட்சி, நன்செய் ஆப்.. காய்கறிகள் வீட்டில் டெலிவரி என பல விஷயங்களை சொல்லியிருக்கிறார்.

ஒரு கட்டத்தில் படம் எதை நோக்கி பயணிக்கிறது என்ற சந்தேகம் எழுகிறது.

ஆனால் தன் முதல் படத்திலேயே ஆபாசம் வன்முறை இல்லாமல் நல்லதொரு படத்தை கொடுத்துள்ளார் இயக்குனர் தினேஷ் பழனிவேல்.

எனவே இந்த கதிர்.. கவனிக்கப்பட வேண்டியவன்தான்.

Kathir movie review and rating in Tamil

நெட்டிசன்களுக்கு எச்சரிக்கை..; பயணிகள் கவனிக்கவும் விமர்சனம்

நெட்டிசன்களுக்கு எச்சரிக்கை..; பயணிகள் கவனிக்கவும் விமர்சனம்

ஒன்லைன்…

மலையாளத்தில் 2019ல் வெளியான ‘விக்ருதி’ படத்தின் தமிழ் ரீமேக்.

தனக்கு லைக்ஸ் கிடைக்க வேண்டும் என்பதற்காக உண்மைத்தன்மை அறியாமல் சில செய்திகளை இணையத்தில் பதிவிடும் ஆசாமிகளுக்கு எச்சரிக்கை தரும் சைஃபர் க்ரைம் படம்.

கதைக்களம்..

விதார்த், லட்சுமிப்பிரியா இருவரும் மாற்றுத் திறனாளி தம்பதிகள். இருவரும் வாய்பேசமுடியாதவர்கள். இவர்களுக்கு ஒரு மகன், ஒரு மகள்.

இவர்களின் மகள் உடல்நிலை சரியில்லாமல் மருத்துவமனையில் அனுமதிக்கப்பட்டு சிகிச்சை பெற்று வருகிறார். இதனால் சரியான உறக்கமில்லாமல் இருக்கும் விதார்த்த ஒரு நாள் சென்னை மெட்ரோ ரயிலில் பயணிக்கும் போது சீட்டிலேயே படுத்து உறங்கி விடுகிறார்.

அவரை குடிகாரன் என நினைத்து அவ்வாறாக சித்தரித்து, சமூக வலைத்தளங்களில் பதிவிடுகிறார் பாரீன் ரிட்டர்ன் கருணாகரன். இன்னும் சில நாட்களில் கருணாகரனுக்கு திருமணம் நடக்கவிருக்கிறது.

அந்த மீம்ஸ்களால் விதார்த் குடும்பத்தில் பிரச்சினைகள் ஏற்படுகிறது. அவருக்கு வேலை போய்விடுகிறது.

எனவே மன உளைச்சலால் அவதிப்படும் விதார்த் ஒரு கட்டத்தில் போலீசில் புகார் அளிக்கிறார்.

கருணாகரனை போலீஸ் தேடுகிறது. பிறகு என்ன ஆனது? சைஃபர் க்ரைம் போலீசார் என்ன செய்தனர்? என்பதே மீதிக்கதை.

கேரக்டர்கள்…

வாய் பேச முடியாத, காது கேட்காத கணவராக விதார்த். பல காட்சிகளில் கண் கலங்க வைத்துவிட்டார். முக்கியமாக க்ளைமாக்ஸ் காட்சியில். தன் கேரக்டரின் தன்மை உணர்ந்து தன் நடிப்பால் வியக்க வைத்துள்ளார் விதார்த்.

விதார்த்தின் மனைவியாக லட்சுமிப்ரியா. வலுவான காட்சிகள் இல்லை.

சோஷியல் மீடியாவில் தனக்கு லைக்ஸ் குவியவேண்டும் என ஆசைப்படும் கருணாகரன் தன் நடிப்பில் கச்சிதம். சாப்பாடு முதல் வெளியே செல்லும் வரை என எதைக் கண்டாலும் உடனே போட்டோ போடும் ஆர்வக் கோளாறு இளைஞர் இவர்.

கருணாகரனுக்கு லேட் மேரேஜ் ஓகேதான். ஆனால் இவருக்கு கொஞ்சம் கூட மேட்ச் இல்லாத நாயகியாக மசூம் ஷங்கர். ஆனால் அப்பாவியான நடிப்பில் நம்மை கவர்கிறார்.

ஒளிப்பதிவு சிறப்பாக உள்ளது. ஒரு யதார்த்த சினிமாவிற்கு தேவையான பின்னணி இசையை கொடுத்துள்ளார் ஷாம்நாத் நாக்.

ஆனால் முதல்பாதி பொறுமையாக செல்வதால் தமிழ் ரசிகர்கள் சோர்வு அடைந்துவிடுவார்கள். மலையாள ரசிகர்களுக்கு இந்த படத்தொகுப்பு ஓகே.

நமக்கு வாட்ஸ் அப்பில் கிடைக்கும் மீம்ஸ்கள், தகவல்கள் என எதுவானாலும் சரியா? தவறா? என சரிபார்க்க வேண்டும். அதை விடுத்து அப்படியே பார்வேர்டு செய்யும் பார்ட்டிகளுக்கு இந்தப் படம் ஓர் எச்சரிக்கையை தருகிறது.

ஆல் இன் பிக்சர்ஸ் தயாரித்துள்ளனர். இந்த படத்தை சக்திவேல் என்பவர் இயக்கியுள்ளார். இந்த படம் ஆஹா தமிழ் ஓடிடி தளத்தில் வெளியாகியுள்ளது.

Payanigal Kavanikkavum movie review and rating in tamil

ஆண்கள் விடுதியில் ஓர் அழகி… ஹாஸ்டல் விமர்சனம்

ஆண்கள் விடுதியில் ஓர் அழகி… ஹாஸ்டல் விமர்சனம்

ஒன்லைன்..

இன்ட்ரஸ்ட் இந்திரன் (ரவி மரியா)விடம் நண்பனுக்காக வட்டிக்கு பணம் வாங்கி மாட்டிக் கொள்கிறார் அசோக் செல்வன். எனவே அவரை மிரட்டி அனுப்பி வைக்கிறார் ரவிமரியா.

அப்போது ரவிமரியாவின் மகள் பிரியா.. அசோக் செல்வனுக்கு பணம் கொடுத்து உதவ வருகிறார். ஆனால் ஒரு நிபந்தனை விதிக்கிறார். அதாவது தன்னை உன்னுடைய ஆண்கள் விடுதிக்குள் (ஹாஸ்டலுக்கு) அழைத்துச் செல் என்கிறார். (அதற்கான காரணம் ஒரு ப்ளாஷ்பேக்..)

எனவே பிரியாவை ஹாஸ்டலுக்கு அழைத்துச் செல்கிறார் அசோக். அதன்பின்னர் என்ன ஆனது? ஆண்கள் விடுதியில் சிக்கிய அழகியின் கதி என்ன? எப்படி உள்ளே போனார்? எப்படி வெளியே வந்தார்? என்பதே மீதிக்கதை.

கேரக்டர்கள்..

ஜாலியான கேரக்டர் அசோக் செல்வனுக்கு.. சில இடங்களில் நன்றாகவே நடித்துள்ளார். மாணவர்கள் படிப்பதை காண்பிப்பதை விட குடிப்பதை மட்டுமே காட்டியிருக்கிறார்கள்.

இவரின் நண்பராக சதீஷ் நடித்துள்ளார். ஒரு காட்சியில் ஜீவா வெளியே வாடா என்கிறார். ஓ.. அது என்னோட பெயராச்சே.. என காமெடி செய்கிறார். (இதுபோன்ற மொக்க காமெடி தேவையா ஜீ)

இனிக்குதா? கசக்குதா.? காத்துவாக்குல ரெண்டு காதல் விமர்சனம்

பிரியா பவானி சங்கர் திறமையான நடிகை.. இதில் பெரிதாக ஸ்கோப் இல்லை. எத வேணாலும் காட்டுறேன் என காம நெடி டயலாக்குகளை பிரியாவுக்கே வைத்துவிட்டனர்.

ரவிமரியா மற்றும் அறந்தாங்கி நிஷா காட்சிகளில் சிலவற்றில் ரசிக்கலாம். ஆனால் ரவிமரியாவின் அடியாளின் அந்த குசு மேட்டர் போர். நிறைய படத்தில் இப்படியே காட்டிக் கொண்டிருந்தால் எப்படி பாஸ்.?

நாசரின் பேச்சு மற்றும் காமெடி காட்சிகள் செயற்கையாக உள்ளது. எவ்வளவு பெரிய நடிகர் அவரை வீணடிக்கலாமா? முனீஷ்காந்த் காமெடி ஓகே ரகம். ஆனால் அவருக்கு 1960களில் போலீஸ் போட்டுக் கொண்ட ட்ரவுசரை மாட்டிவிட்டது ஏனோ..? தெரியல..

டெக்னீஷியன்கள்…

சுமந்த் ராதாகிருஷ்ணன் இயக்கியுள்ளார். ஜாலியாக கொடுக்க வேண்டும் என நினைத்து சொதப்பிவிட்டார். போபோ சசி என்பவர் இசையமைத்துள்ளார்.

காமெடி காட்சிகளுக்கு டிராமாக்களில் மியூசிக் போடுவார்களே அதே போல போட்டு இருக்கிறார். பின்னணி இசையில் நம்மை சோதிக்கிறார்.

பாடல்கள் பெரிதாக கை கொடுக்கவில்லை. போதை பாடல்களாக உள்ளது.

ஆக இந்த ஹாஸ்டல்.. ரசிகர்களுக்கு அவஸ்தை..

Hostel movie review and rating in Tamil

இனிக்குதா? கசக்குதா.? காத்துவாக்குல ரெண்டு காதல் விமர்சனம்

இனிக்குதா? கசக்குதா.? காத்துவாக்குல ரெண்டு காதல் விமர்சனம்

ஒன்லைன்..

ஒரு ஆண் ஒரே சமயத்தில் இரண்டு பெண்களிடம் காதல் கொண்டு இருவரையும் திருமணம் செய்ய முயற்சிக்கிறார். அந்த 2 காதலிகள் ஒத்துக் கொண்டார்களா?

கதைக்களம்..

தன் பிறப்பு முதலே துரதிஷ்டசாலியாக இருக்கிறார் நாயகன் ராம்போ (விஜய்சேதுபதி). தன் தந்தையை சின்ன வயதிலேயே இழக்கிறார். இவரின் வாழ்க்கையில் எல்லாமே நேருக்கு மாறாக நடக்கிறது.

விஜய் சேதுபதி பிறந்தவுடனே அப்பா இறந்து விடுகிறார், அம்மா படுத்த படுக்கையாகி விடுகிறார். மழை பெய்யும் போது இவர் வெளியே போனால் அந்த மழை கூட நின்றுவிடும். அப்படியொரு துரதிர்ஷ்டசாலியாம் இவர்.

பகலில் கார் டிரைவராகவும் இரவில் பவுன்சராகவும் வேலை பார்த்து வருகிறார்.

டிரைவராக வேலை செய்யும்போது நயன்தாராவையும் (கண்மணி), பவுன்சர் வேலை செய்யும்போது சமந்தாவையும் (கதீஜா) காதலிக்கிறார்.

ஸ்ரீசாந்துடன் காதல் பிரேக் அப் ஆக அதன் பின்னர் விஜய் சேதுபதியுடன் சமந்தாவுக்கு காதல் மலர்கிறது.

மீண்டும் ஓடிடி தளத்தை குறி வைக்கும் விஜய்சேதுபதி & நயன்தாரா

ஒரு கட்டத்தில் இரு பெண்களின் காதல் பிரச்சனையாக மாறுகிறது.

இறுதியில் காதல் பிரச்சனையை எப்படி சமாளித்தார்? நயன்தாரா, சமந்தா இருவரில் யாரை திருமணம் செய்தார்? காதல் கை கூடியதா? என்பதே மீதிக்கதை.

கேரக்டர்கள்..

சின்ன சின்ன முக பாவனைகளிலும் இரண்டு பெண்களிடம் சிக்கும் காட்சிகளில் அதிக ஸ்கோர் செய்துள்ளார் விஜய்சேதுபதி.

சில காட்சிகள் வீரா பட ரஜினி மீனா ரோஜாவை நினைவுப்படுத்துகிறது.

நயன்தாரா இந்த படத்தில் எலும்பும் தோலுமாக இருப்பதுதான் கஷ்டமாக உள்ளது. விக்னேஷ் சிவன் கொஞ்சம் கவனித்திருக்கலாம்.

நடுத்தர குடும்ப பெண்ணாக கஷ்டப்படும் கண்மணியாக நயன்தாரா. ஆனால் சமந்தாவிடம் உள்ள ஈர்ப்பு இதில் நயன்தாராவிடம் இல்லை. என்னாச்சுன்னு தெரியலையே…

மாடர்ன் டிரஸ்ஸில் நம்மை கட்டிப் போட்டு விடுகிறார் கதீஜா.

விஜய்சேதுபதி, நயன்தாரா, சமந்தா காம்பினேஷன் சீன்களில் ரொமான்டிக் காமெடி களைக் கட்டும்.

மாறன், கிங்ஸ்லி ஆகியோரும் உண்டு. சில இடங்களில் இவர்களின் காமெடி நன்றாக ஒர்க் அவுட் ஆகியுள்ளது.

டெக்னீஷியன்கள்..

ஒளிப்பதிவு படத்திற்கு உயிரூட்டியுள்ளது. படத்தை கலர்புல்லாக கொடுத்துள்ளார் கதிர்.

அனிருத் இசையமைத்துள்ளார். பாடல்கள் பட்டைய கிளப்பியுள்ளன. இளைஞரகளுக்கும் காதலர்களுக்கும் ஏற்ற வகையில் துள்ளல்லான இசையை கொடுத்துள்ளார். பின்னணி இசையும் ரசிக்க தக்க வகையில் உள்ளது.

ஆண்கள் விடுதியில் ஓர் அழகி… ஹாஸ்டல் விமர்சனம்

இரண்டு காதலை மையமாக வைத்து ஒரு படத்தை எடுப்பதற்கு ஒரு தைரியம் வேண்டும். அதை காமெடியாக சொல்ல முயற்சித்துள்ளார் இயக்குனர் விக்னேஷ் சிவன். ஆனால் லாஜிக் பார்த்தால் இதை முழுமையாக ரசிக்க முடியாது. எனவே ஜஸ்ட் ரொமான்டிக் என்று நினைத்து பார்த்தால் ரசிக்கலாம்.

குஷி, சத்யா படங்களில் வரும் காட்சிகளை தவிர்த்திருக்கலாம். கொஞ்சம் புதுமையாக யோசித்திருக்கலாம்.

ஒரு ஆண் மகனுக்காக 2 அழகிகள் அடித்துக் கொள்வது ஆடியன்சை வெறுப்பேற்றுகிறது. ஆனால் அதுபோல சில நிகழ்வுகளை நாம் நம் தாத்தா காலத்திலும் சமீபத்தில் வட இந்தியாவிலும் பார்த்து இருக்கிறோம் என்பதால் அட்ஜ்ஸ்ட் செய்துக் கொள்ளத்தான் வேண்டும்.

இப்படத்தினை தயாரிப்பாளர் லலித் குமார் தயாரித்து உள்ளார்.

ஆக.. ரொமான்டிக் லவ்வர்ஸ்… காத்துவாக்குல ரெண்டு காதல்…

Kaathuvaakula Rendu Kaadhal movie review and rating in Tamil

நம்பிக்கை நாய்(யகன்).; ஓ மை டாக் விமர்சனம் 3/5

நம்பிக்கை நாய்(யகன்).; ஓ மை டாக் விமர்சனம் 3/5

நடிகர் அருண் விஜய், அவரது தந்தை விஜயகுமார், அருண் விஜய்யின் மகன் அர்னவ் என மூன்று தலைமுறை இணைந்த படம் தான் “ஓ மை டாக்”. இப்படம் நேரடியாக அமேசான் ப்ரைமில் இன்று வெளியானது.

சரோவ் சண்முகம் என்பவர் இயக்க நிவாஸ் கே பிரசன்னா இசையமைத்திருக்கிறார்.

2டி எண்டர்டெய்ன்மெண்ட் சார்பில் சூர்யா மற்றும் ஜோதிகா தயாரித்துள்ளனர்.

ஒன்லைன்…

உடல் குறைபாடுள்ள ஓர் உயிரினத்தை ஒதுக்கி வைத்தல் / கொல்லுதல் பெரும்பாவம்.

ஒரு சிறுவனுக்கும் நாய்க்கும் இடையே உள்ள நட்பை தாத்தா அப்பா சென்டிமெண்டுடன் சொல்லும் படம்.

கதைக்களம்…

ஊட்டியில் தனது மனைவி மகிமா, மகன் அர்னவ், தன் தந்தை விஜயகுமாருடன் வாழ்ந்து வருகிறார் அருண்விஜய்.

குறும்புத்தனம் மிகுந்த சிறுவனாக வளர்கிறார் அர்னவ்.

தனது மகன் படிப்புக்காக தனது வீட்டினை அடமானத்தில் வைத்து வட்டி செலுத்தி வருகிறார் அருண் விஜய். வசதியை மீறி மகனை உலகத்தரப் பள்ளியில் சேர்த்துப் படிக்க வைப்பதால் கடன் சிக்கல்.

இது ஒரு புறம்…. மற்றொரு புறம்…

இன்டர்நேஷனல் லெவல் போட்டிகளில் நாய்களை வைத்து பந்தயம் கட்டும் வில்லன் வினய்.

இவரது நாய் ஒன்று ஈன்ற குட்டி ஒன்று கண் பார்வை குறைபாடுடன் உள்ளது.

இது பந்தயத்திற்கு உதவாது என்பதால் அதனை தனது ஆட்களிடம் கொடுத்து கொல்ல சொல்கிறார் வினய்.

ஆனால் எதிர்பாராத விதமாக அந்த குட்டி அர்னவிடம் செல்கிறது.

பிறகென்ன அர்னவும், அந்த நாய் குட்டியும் செய்யும் அட்டகாசங்களும் கதையாகிறது.

அதற்கு சிம்பா என பெயரும் சூட்டுகிறார் அர்னவ். தனது தீவிர முயற்சியால் சிம்பாவின் கண்பார்வையை சரி செய்கிறார் சிறுவன்.

ஒரு கட்டத்தில் நாய்கள் போட்டியில் வினய் வளர்த்த நாயோடு அர்னவ் வளர்த்த சிம்பாவும் போட்டி போடுகிறது.

போட்டியில் ஜெயித்தது யார்.? அருண் விஜய்யின் கடன் பிரச்சனை என்னவானது.? என்பதே மீதிக் கதை.

கேரக்டர்கள்…

அருண்விஜய் மிடில் க்ளாஸ் வறுமையை கடக்கும் காட்சிகளில் அசத்தல். நடிப்பிலும் ஸ்கோர் செய்கிறார்.

நாயகியாக மகிமா நம்பியார். அம்மா பாசத்தில் கவர்கிறார்.

அர்னவ் தனது முதல் படம் போல் இல்லாமல் அழகான பாவனைகளை அள்ளி தெளித்து இருக்கிறார். சில இடங்களில் செயற்கை.

நாய் சிம்பாவோடு இவர் செய்யும் சேட்டைகளை ரசிக்கலாம். எமோஷ்னல் காட்சிகள் அனைவரையும் கவரும். இவனுடன் நடித்த குட்டீஸ் அனைவரும் ரசிக்க வைத்துள்ளனர்.

வில்லனாக வினய். பெரிதாக மிரட்டல் இல்லை.. வினய்யோடு வரும் இரு கோமாளிகள் வேஸ்ட். எந்த இடத்திலும் சிரிக்க முடியல.

சிம்பா எனும் நாய்க்குட்டியை  நாமும் தூக்கிக் கொஞ்சலாம் எனத் தோன்றும்.

மைனஸ்…

நாயை திருட வரும் வில்லன் ஆட்கள் நாய் போல அமைப்புள்ள வண்டியில் வருவது ஏன்.? இன்டர்நேஷனல் போட்டியில் பங்கேற்க சிறுவர்கள் தனியாக வருவது எப்படி.?

டெக்னீசியன்ஸ்…

நிவாஸ் கே பிரசன்னாவின் பாடல்கள் மற்றும் பின்னணி இசை ரசிக்க வைக்கும். கோபிநாத்தின் ஒளிப்பதிவு கண்களுக்கு விருந்து. லொகேஷன் தேர்வை கச்சிதமாக கையாண்டுள்ளனர்.

நாய்களை விரும்பும் குழந்தைகளை கவர நிறைய காட்சிகளை வைத்துள்ளார் இயக்குனர் சரோவ்.

நாய்க்குட்டி உள்ளிட்ட உயிரினங்கள் மீது நாம் காட்ட வேண்டிய அன்பையும் அக்கறையையும் சுட்டி காட்டியிருக்கிறார்.

ஆக OH MY DOG… நம்பிக்கை நாய்(யகன்)

Oh My Dog Movie Review and Rating in Tamil

More Articles
Follows