தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
கடந்த சில வருடங்களாக கமல்ஹாசனின் உத்தமவில்லன், விஸ்வரூபம் 2, தூங்காவனம் உள்ளிட்ட பல படங்கள் பெரும் தோல்வியை சந்தித்தன.
எனவே கமல் பீல்டு அவுட் ஆகிவிட்டார் என பரவலான பேச்சு எழுந்தது.
ஆனால் கடந்த 2022 ஆம் ஆண்டில் வெளியான ‘விக்ரம்’ படம் தமிழ் சினிமாவில் புதிய சாதனையை படைத்தது. மீண்டும் கமல் தன் விஸ்வரூபத்தை எடுக்க ஆரம்பித்தார்.
விரைவில் மணிரத்னம் இயக்கத்தில் ஒரு படம், வினோத் இயக்கத்தில் ஒரு படம், ரஞ்சித் இயக்கத்தில் ஒரு படம் என நிறைய படங்களை ஒப்புக்கொண்டு நடிக்க உள்ளார்.
ஒரு பக்கம் தயாரிப்பாளராக சிவகார்த்திகேயன் நடிக்கும் படம் & சிலம்பரசன் நடிக்கும் படம் என தயாரித்தும் வருகிறார் கமல்.
இதனிடையில் கமல் ரசிகர்களுக்கு விருந்து அளிக்க ‘வேட்டையாடு விளையாடு’ ரீ-ரிலீஸ் செய்திருந்தனர்.
ஒரு புது படம் ரிலீசானால் ரசிகர்கள் மனநிலை எப்படி இருக்குமோ அதுபோல உற்சாகமான வரவேற்பு இருந்தது.
இந்த நிலையில் தற்போது ‘நாயகன்’ படத்தை ரிலீஸ் செய்கின்றனர்.்கமல் பிறந்தநாள் நவம்பர் 7ஆம் தேதி வரும் நிலையில் இதனை முன்னிட்டு நவம்பர் 3 தேதி ‘நாயகன்’ ரீ-ரீலிஸ் ஆகிறது.
ஒரு புது படத்தைப் போல 130+க்கும் மேற்பட்ட தியேட்டர்களில் இது வெளியாகியுள்ளதாக விநியோகஸ்தர்கள் தெரிவித்துள்ளனர்.
36 வருடங்கள் ஆன பின்னும் மணிரத்னம் – கமல் – இளையராஜா இணைந்த ‘நாயகன்’ படம் இன்றளவிலும் மைல்கல்லாக உள்ளது. எனவே ரீ-ரிலீஸ் நிச்சயமாக ரசிகர்கள் மத்தியில் பெரும் வரவேற்பை பெரும் என நம்பலாம்.
Will Kamals Nayagan rerelease create magic in kollywood