By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
நந்தா இயக்கத்தில் விமல் – சூரி நீண்ட நாட்களுக்குப் பிறகு இணைந்து நடித்துள்ள படம் ‘படவா’.
ஜான் பீட்டர் தயாரித்து இசையமைத்துள்ள இந்த படத்தின் இசை மற்றும் ட்ரெய்லர் வெளியீட்டு விழா சென்னையில் நடைபெற்றது.
இந்த நிகழ்ச்சியில் பங்கேற்ற கதாநாயகன் விமல் பேசியதாவது…
மேடையில் அமர்ந்திருக்கும் அனைவருக்கும் நன்றி. இந்த திரைப்படத்தின் இயக்குநர் நந்தா அவர்களுக்கும் நன்றி. அன்பு நண்பன் சூரி அவர்களுக்கும், மக்கள் தொடர்பாளர் நிகில் முருகன் அவர்களுக்கும் நன்றி.
விஜய் ஆண்டனி பேசியதாவது…
ஜான் பீட்டர் மற்றும் கதாநாயகன் விமல் அவர்களுக்கு வணக்கம். கண்டிப்பாக நீங்கள் பெரிய உயரத்தை தொடுவீர்கள். கதாநாயகன் விமல் நடிகர் சூரி சார் காம்போ நன்றாக இருக்கும். இது நல்ல திரைப்படமாக கட்டாயம் அமையும்.
அதன் பின்னர்… வானம் கொட்டட்டும் என்ற பாடல் இந்த படத்தில் இடம்பெற்றுள்ளது. அதை பாடியவரை அழைத்து மேடையில் பாடச் சொல்லி தாளம் போட்டு கலகலப்பாக்கினார் விஜய் ஆண்டனி .
சமீப காலமாகவே விஜய் ஆண்டனி (விபத்து நடந்த பிறகு) தன்னுடைய நிகழ்ச்சிகளை மிக கலகலப்பாக்கி வருகிறார் என்பது குறிப்பிடத்தக்கது.
ஒருமுறை இது தொடர்பான ஒரு கேள்வியில் கூட.. “என்ன நடந்துச்சு தெரியல.. ஆனா இப்ப ரொம்ப நல்லா இருக்கேன்” என்று பதில் தெரிவித்திருந்தார் விஜய் ஆண்டனி.
Vijayantony vibes at Badava audio launch
