By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
‘அஜித் 62’ ஆவது படத்தை விக்னேஷ் சிவன் இயக்குவார் என லைக்கா நிறுவனம் அறிவித்திருந்தது.
ஆனால் கருத்து வேறுபாடு காரணமாக இதிலிருந்து நீக்கப்பட்டார் விக்னேஷ் சிவன்.
இந்த நிலையில் AK 62 படத்தை மகிழ் திருமேனி இயக்குவார் என கூறப்படுகிறது. இது குறித்து அதிகாரப்பூர்வ அறிவிப்பு இன்னும் வெளியாகவில்லை.
இதனை அடுத்து ‘லவ் டுடே’ நாயகன் பிரதீப் ரங்கநாதனை வைத்து விக்னேஷ் சிவன் ஒரு புதிய படத்தை இயக்குவார் என கூறப்படுகிறது. அதில் முக்கிய வேடத்தில் நயன்தாரா நடிப்பார் எனவும் அனிருத் இசையமைக்க வாய்ப்பு உள்ளதாகவும் தகவல்கள் வந்துள்ளன.
இந்த நிலையில் போதைப் பொருள் தடுப்பு விழிப்புணர்வு தொடர்பான நிகழ்ச்சி நேற்று சென்னை சத்யம் திரையரங்கில் நடைபெற்றது.
சென்னை பெருநகர காவல்துறை ஒருங்கிணைத்த குறும்பட போட்டியில் வெற்றி பெற்றவர்களுக்கு பரிசளிக்கும் இந்த நிகழ்ச்சியில் அமைச்சர் உதயநிதி கலந்து கொண்டார்.
இந்த நிகழ்ச்சி முடிந்த பின் செய்தியாளர்களை சந்தித்தார் விக்னேஷ் சிவன்.. அப்போது ஏகே 62 படம் குறித்து கேள்வி எழுப்பினர் நிருபர்கள்.
இதற்கு விக்னேஷ் சிவன் பதிலளிக்கும் போது.. “இந்த நிகழ்ச்சிக்கு சம்பந்தமில்லாமல் கேள்வி இது. இந்த நிகழ்ச்சி பற்றி கேளுங்கள் நான் பதிலளிக்கிறேன் அது தேவையில்லாத கேள்வி” எனக் கூறி புறப்பட்டு சென்றார் விக்னேஷ் சிவன்.
Unnecessary question. Vignesh Shivan’s response to Ajith’s film
