தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
மெஹெக் புரொடக்சன்ஸ் சார்பில் ரூபேஷ். P மற்றும் எஸ்.எஸ் பிக் சினிமாஸ் சார்பில் E. சிவசுப்பிரமணியன் & K.R. சீனிவாஸ் தயாரிப்பில் உருவாகியுள்ள படம் “கன்னா பின்னா”.
தியா கதையை எழுதி, இயக்குவதோடு கதையின் நாயகனாகவும் நடித்திருக்கிறார்.
வன்மம் படத்தில் விஜய்சேதுபதி ஜோடியாக நடித்த ‘அஞ்சலி ராவ்’ நாயகியாக நடித்திருக்கிறார்.
ரோஷன் சேதுராமன் இசையமைக்க, ஒளிப்பதிவு செய்திருக்கிறார் ஜெரால்டு ராஜமாணிக்கம். பாடல்களை ஸ்ரீதர் ராமசாமி எழுத, படத்தொகுப்பு செய்துள்ளார் வெஸ்லி.
இப்படம் பற்றி இயக்குனர் தியா சொல்லும்போது…
“சூப்பர் பிகருன்னா அவங்க சென்னையிலதான் இருப்பாங்க அப்படின்னு நினைக்கிற ஒரு நாயகன். அவங்களதான் கல்யாணம் கட்டிக்கனும் என திருச்சியில் இருந்து சென்னைக்கு வருகிறார்.
படம் ஆரம்பம் முதல் முடிவு வரை நகைச்சுவையை மட்டும் நம்பி இந்தப்படத்தை எடுத்திருக்கிறோம்.
என் வாழ்க்கையில் என் நண்பர்கள் வாழ்க்கையில் நடந்த நிஜ சம்பவங்களை கற்பனை கலந்து கொடுத்து உள்ளோம்.
இதில் நிஜ பவுன்சர்கள் பலர் நடித்துள்ளனர். பார்ப்பதற்கு பிரமாண்டமான உருவத்தில் இருக்கும் இவர்கள் படத்தில் நகைச்சுவை பாத்திரத்தில் நடித்திருக்கிறார்கள்.
தயாரிப்பாளர்கள் எனக்கு நண்பர்கள் என்பதால், கடைசி வரை இப்படத்தின் கதையை அவர்கள் கேட்கவே இல்லை.
ரசிகர்களின் சிரிப்புக்கு நாங்கள் உத்திரவாதம்.” என்றார்.
நாளைய இயக்குனர் குறும்பட நிகழ்ச்சியில் சிறந்த இயக்குனராக விருது பெற்றவர் தியா என்பது குறிப்பிடத்தக்கது.