போஸ்ட் அபோகாலிப்டிக்.. திரில்லர் ஜானரில் உருவான ‘கலியுகம்’.; ஷ்ரத்தா கிஷோர் கூட்டணி.!

ஆதவ் கண்ணதாசன் இயக்கத்தில் சாந்தனு – மஹிமா நடிப்பில் ‘குண்டுமல்லி’

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

எம்.கே.ஆர்.பி புரொடக்‌ஷன்ஸ் பேனரில் ராம் பிரசாத் மற்றும் ஷரண் தயாரிப்பில் ஆதவ் கண்ணதாசன் இயக்கத்தில் சாந்தனு பாக்யராஜ் மற்றும் மஹிமா நம்பியார் நடித்துள்ள ‘குண்டுமல்லி’ என்கிற உற்சாகமான காதல் பாடலை இன்று தமிழ் மற்றும் மலையாளம் மொழிகளில் சரிகமா ஒரிஜினல்ஸ் வெளியிட்டது

இந்த வீடியோ பாடலின் டீசர் டிசம்பர் 25-ஆம் தேதி இரண்டு மொழிகளிலும் வெளியானது. திருமண நிச்சயதார்த்தத்தின் பின்னணியில் அமைக்கப்பட்ட காதல் மற்றும் குடும்ப உணர்வுகள் நிறைந்த பாடலாக இது உருவாகியுள்ளது. பாடல் வரிகள் வசீகரமாகவும், காட்சிகள் வண்ணமயமாகவும், இசை இனிமையாகவும் உள்ளன.

சாந்தனு தனது துறுதுறு நடிப்பால் கவர்கிறார். மஹிமா நம்பியார் தனது முகபாவங்களால் மனங்களை கொள்ளை கொள்கிறார்.

இந்தப் பாடலுக்கு ஜெரார்ட் ஃபெலிக்ஸ் இசையமைத்து, நித்யஸ்ரீயுடன் இணைந்து தமிழ் பதிப்பை பாடியுள்ளார்.

திமுகவின் சட்டமன்றத் தேர்தல் பிரச்சார கீதமான ‘ஸ்டாலின் தான் வாராரு’ பாடலுக்கு இசையமைத்தது ஜெரார்ட் ஃபெலிக்ஸ் தான் என்பது குறிப்பிடத்தக்கது. இந்தப் பாடல் மக்களிடம் பெரும் வரவேற்பு பெற்றது.

கே எஸ் ஹரிஷங்கர் மற்றும் நித்யஸ்ரீ குண்டுமல்லி பாடலின் மலையாள பதிப்பை பாடியுள்ளனர். குண்டுமல்லி பாடலுக்கான தமிழ் வரிகளை விவேக் ரவியும், மலையாள வரிகளை ரஃபீக்கும் எழுதியுள்ளனர். திருமணம் செய்து கொள்ள போகும் ஜோடியின் உணர்வுகளை பாடல் வரிகள் அழகாக வெளிப்படுத்தியுள்ளன.

ஒளிப்பதிவை மாதேஷ் மாணிக்கம் மேற்கொள்ள, படத்தொகுப்பை கார்த்திக் மனோரமா கவனிக்க, கலை இயக்கத்தை தினேஷ் செய்துள்ளார். காயத்ரி ரகுராம் இந்தப் பாடலுக்கு நடனம் அமைத்துள்ளார்.

காண்பவர்களை உடனடியாக கவரும் வகையிலும், அவர்களது இதயங்களில் இடம் பிடிக்கும் வகையிலும் குண்டுமல்லி பாடல் உருவாகியுள்ளது.

Saregama Originals released the feel good romantic music video ‘Gundumalli’ directed by Aadhav Kannadhasan starring Shanthanu and Mahima and produced by MKRP Productions

2021 கடைசி வெள்ளி… மோதும் 14 படங்களின் முழு தகவல்கள்; தாங்குமா தமிழ்நாடு.?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இன்று டிசம்பர் 27… இந்த வருடம் 2021 இன்னும் சில தினங்களில் முடியப்போகிறது.

இந்த ஆண்டில் தியேட்டர்களில் வெளியான படங்களின் எண்ணிக்கை 120 தாண்டியுள்ளதாம். ஓடிடி தளத்தையும் சேர்த்தால் 170 படங்கள் என கூறப்படுகிறது. கடந்த ஆண்டில் ஓடிடி தளங்களில் 24 படங்களே வெளியான நிலையில், தற்போது 40க்கும் மேல் அதிகரித்துள்ளது.

டிசம்பர் 31ஆம் தேதியன்று கடைசி வெள்ளிக் கிழமையில் ரிலீசாக 14 படங்கள் ரெடியாக உள்ளன.

அந்த படங்கள் என்னென்ன என்பது குறித்து ஒரு பார்வை இதோ…

டிசம்பர் 30ஆம் தேதியில்…

1. பிளான் பண்ணி பண்ணனும்

டிசம்பர் 31ஆம் தேதியில்..

1. தண்ணி வண்டி

2. தீர்ப்புகள் விற்கப்படும்

3. வேலன்

4. சக்கரை தூக்கலாய் ஒரு புன்னகை

5. இபிகோ 302

6. லேபர்

7. கரையேறும் கனவுகள்

8. மதுரை மணிக்குறவன்

9. மீண்டும்

10. நீ சுடத்தான் வந்தியா

11. ஒபாமா உங்களுக்காக

12. சில்லாட்ட

13. ஓணான்

14. பொண்ணு மாப்பிள்ளை

பத்ரி வெங்கடேஷ் இயக்கத்தில் ரியோ ராஜ், ரம்யா நம்பீசன், பாலசரவணன் உள்ளிட்டோர் நடித்துள்ள படம் ‘பிளான் பண்ணி பண்ணனும்’.

தீரன் இயக்கத்தில் சத்யராஜ். ஸ்ம்ருதி வெங்கட், ஹரிஷ் உத்தமன் உள்ளிட்டோர் நடிப்பில் உருவான த்ரில்லர் படம் “தீர்ப்புகள் விற்கப்படும்’.

மகேஷ் பத்மநாபன் இயக்கத்தில் ருத்ரா மற்றும் சுபிக்ஷா ஜோடியாக இணைந்துள்ள படம் ‘சக்கரை தூக்கலா ஒரு புன்னகை’.

மாணிக்க வித்யா இயக்கத்தில் தம்பி ராமையா மற்றும் அவரது மகன் உமாபதி, பாலசரவணன் நடித்துள்ள படம் ‘தண்ணி வண்டி’. நாயகியாக வில் அம்பு புகழ் சம்ஸ்கிருதி நடித்துள்ளார்.

கவின் இயக்கியுள்ள ‘வேலன்’ படத்தில் பிக்பாஸ் புகழ் முகேன்ராவ் நாயகனாக நடித்துள்ளார். இவருடன் மீனாட்சி, பிரிகிடா, பிரபு, தம்பி ராமையா உள்ளிட்டோர் நடிக்கின்றனர். சூரி மலையாளியாக நடிக்கிறார் என்பது குறிப்பிடத்தக்கது.

துரைராஜ் இயக்கத்தில் ‘டிக் டாக்’ புகழ் இலக்கியா நடித்துள்ள படம் ‘நீ சுடத்தான் வந்தியா’. இந்த படத்தை தயாரித்து ஹீரோவாக அறிமுகமாகிறார் அருண் குமார்.

சலங்கை துரை இயக்கியுள்ள படம் ‘இபிகோ 302’. இந்த படத்தில் முதன்முறையாக போலீஸ் வேடத்தில் நடிக்கிறார் கஸ்தூரி.

ஆதரவற்றவர்களின் வாழ்க்கையை சொல்ல வரும் படம் “கரையேறும் கனவுகள்’. கேபிஎஸ் சாமி இயக்கியுள்ள இந்த படத்தில் ராஜேஷ் பாலகிருஷ்ணன், நீனு, சான்ட்ரா. கஸ்தூரி, ரம்யா உள்ளிட்டோர் நடித்துள்ளனர்.

கதிரவன் மற்றும் அனகா ஜோடியாக நடித்துள்ள படம் ‘மீண்டும்’. அஜீத், மீனா நடிப்பில் வெளியாகி பரபரப்பாக பேசப்பட்ட ‘சிட்டிசன்’ படத்தை இயக்கி சரவணன் சுப்பையா தான் இந்த படத்தை இயக்கியுள்ளார்.

விஜய்சேதுபதி கெஸ்ட் ரோலில் நடித்துள்ள படம் ‘ஒபாமா உங்களுக்காக’. இந்த படத்தை நானி பாலா இயக்க பிருத்விராஜன், ஜனகராஜ் மற்றும் பூர்ணிஷா, கே.எஸ்.ரவிக்குமார், ரமேஷ் கண்ணா ஆகியோர் நடித்துள்ளனர்.

ராயல் ஃபார்சூனா கிரியேஷன்ஸ் தயாரிப்பில் முத்து, சரண்யா ரவிச்சந்திரன், ஜீவா சுப்ரமணியம், முருகன் ஆறுமுகம் ஆகியோர் நடித்துள்ளனர். சத்தியபதி இயக்கியுள்ள இந்த படத்திற்கு நிஜில்தினகரன் இசையமைக்க, சி.கணேஷ்குமார் படத்தொகுப்பு.

சிவராகுல் இயக்கி முக்கிய வேடத்தல் நடித்துள்ள படம் ‘சில்லாட்ட’. அறிமுக நாயகன் விஜீத் நாயகனாக நடிக்க ஹமைரா பரத்வாஜ், நதியா, நேசி, ஸ்டெபி ஆகிய 4 பேர் நாயகிகளாக நடித்துள்ளனர்.

ராஜரிஷி இயக்கத்தில் ஹரிக்குமார் இரட்டை வேடங்களில் நடித்துள்ள படம் ‘மதுரை மணிக்குறவன்’. மாதவிலதா என்பவர் நாயகியாக நடித்துள்ளார்.

இவர்களுடன் சுமன், பருத்திவீரன் சரவணன், ராதாரவி, கெளசல்யா, ராஜ்கபூர், பருத்திவீரன் சுஜாதா, எம்.எஸ்.பாஸ்கர், டெல்லி கணேஷ், ஓ.ஏ.கே சுந்தர், அனுமோகன் உள்ளிட்டோரும் நடித்துள்ளனர்.

இத்துடன் ஓணான் மற்றும் பொண்ணு மாப்பிள்ளை ஆகிய படங்களும் வெளியாகவுள்ளது. ஆக மொத்தம் 2021 ஆண்டு கடைசி வெள்ளியன்று 15 தமிழ் படங்கள் ரிலீசாகின்றன.

December last week release updates?

கேத்ரீனா கைஃபுடன் விஜய்சேதுபதி கொண்டாடும் ‘மெர்ரி கிறிஸ்துமஸ்’

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஆயுஷ்மான் குரானா, தபு, ராதிகா ஆப்தே உள்ளிட்டோர் நடிப்பில் 2018ல் வெளியாகி சூப்பர் ஹிட்டான படம் ‘அந்தாதூன்’.

ஸ்ரீராம் ராகவன் இயக்கிய இந்த படம் 3 தேசிய விருதுகளை அள்ளியது. தமிழ், தெலுங்கு உள்ளிட்ட மொழிகளில் இந்த படம் ரீமேக் ஆகி வருகிறது.

தமிழில் ‘அந்தகன்’ என்று பெயரிடப்பட்டு பிரசாந்த் நடிப்பில் அவரது தந்தை தியாகராஜன் இயக்கியுள்ளார்.

இந்த நிலையில் ஸ்ரீராம் ராகவனின் அடுத்த படத்தில் நாயகன் ஆகியுள்ளார் மக்கள் செல்வன் விஜய்சேதுபதி.

இவருக்கு ஜோடியாக கேத்ரீனா கைஃப் நடிக்கிறார். கிறிஸ்துமஸ் தினத்தல் இந்த படத்தை அறிவித்துள்ளனர். அதன்படி படத்துக்கு ‘மெர்ரி கிறிஸ்துமஸ்’ என்று டைட்டில் வைத்துள்ளனர்.

இந்தாண்டு கிறிஸ்துமஸ் தினத்தில் தொடங்கிய இந்த ‘மெர்ரி கிறிஸ்துமஸ்’ படத்தை அடுத்த ஆண்டு 2022 கிறிஸ்துமஸ் தினத்தில் ரிலீஸ் செய்யவுள்ளதாக அறிவித்துள்ளனர்.

Vijay Sethupathi and Katrina Kaif joins for Merry christmas

அதிர்ஷ்டசாலி அசுரன்..; ‘ராக்கி’ இயக்குனருடன் இணையும் தனுஷ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தனுஷ் நடிப்பில் ஹிந்தியில் ‘அத்ரங்கி ரே’ என்ற பெயரில் உருவான படத்தை ‘கலாட்டா கல்யாணம்’ என்ற பெயரில் தமிழில் டப் செய்து வெளியிட்டனர். கடந்த வெள்ளியன்று இந்த படம் ஓடிடி தளத்தில் வெளியானது.

இதனையடுத்து கார்த்திக் நரேன் இயக்கும் ‘மாறன்’ படத்தில் நடித்து முடித்துள்ளார் தனுஷ்.

தாணு தயாரிப்பில் செல்வராகவன் இயக்கத்தில் உருவாகும் ‘நானே வருவேன்’ படத்தில் நடித்து வருகிறார் தனுஷ்.

இப்படத்தைத் தொடர்ந்து தெலுங்கில் சார் என்ற படத்தில் நடிக்கிறார்.

தமிழில இந்த படத்திற்கு வாத்தி என டைட்டில் வைத்துள்ளனர். இந்த படத்தை தெலுங்கு இயக்குநர் வெங்கி அட்லூரி இயக்கிறார்.

இந்த படங்களை தொடர்ந்து அருண் மாதேஸ்வரன் இயக்கத்தில் நடிக்க உள்ளதை தனுஷ் உறுதிப்படுத்தியுள்ளார்.

தனுஷின் ட்விட்டர் பதிவில்,” ஆம்,யூகங்கள் உண்மைதான் அருண் மாதேஸ்வரன் இயக்கும் அடுத்த படத்தில் நடிக்கும் அதிர்ஷ்டசாலி நடிகர் நான்தான். விரைவில் இப்படம் குறித்த அறிவிப்பு வெளியாகும்” எனத் தெரிவித்துள்ளார்.

கீர்த்தி சுரேஷ்டன் செல்வராகவன் முதன்முறையாக நாயகனாக நடித்து வரும் ‘சாணிக்காயிதம்’ படத்தை அருண் மாதேஸ்வரன் இயக்கியுள்ளார்.

மேலும் கடந்த வாரத்தில் வசந்த் ரவி, பாரதிராஜா நடிப்பில் வெளியான ‘ராக்கி’ படத்தையும் அருண் மாதேஸ்வரன் இயக்கியுள்ளார்.

திரையரங்குகளில் வெளியான ராக்கி திரைப்படம் விமர்சன ரீதியாக நல்ல வரவேற்பை பெற்று வருகிறது என்பது குறிப்பிடத்தக்கது.

Rocky director joins next with Dhanush

விஜய் ஆண்டனிக்கு ஜோடியானார் தனுஷ்-சிம்பு பட நாயகி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘மழை பிடிக்காத மனிதன்’ என்ற படத்தில் நடித்து வருகிறார் விஜய் ஆண்டனி. இது சூப்பர் டூப்பர் ஹிட்டான ‘சலீம்’ படத்தின் இரண்டாம் பாகமாக உருவாகி வருகிறது.

சலீம் முதல் பாகத்தை நிர்மல் குமார் இயக்கியிருந்தார்.

இந்த படத்தில் முக்கிய வேடங்களில் சரத்குமார், ரமணா, சரண்யா பொன்வண்ணன், தலைவாசல் விஜய் உள்ளிட்டோர் நடிக்கின்றனர்.

விஜய் மில்டன் எழுதி, இயக்கும் இந்த படத்தை 2022ஆம் ஆண்டில் வெளியிட திட்டமிட்டுள்ளனர்.

தற்போது இப்படத்தின் படப்பிடிப்பு கோவாவில் நடைபெற்று வரும் நிலையில் விஜய் ஆண்டனிக்கு ஜோடியாக மேகா ஆகாஷ் ஒப்பந்தம் செய்யப்பட்டுள்ளதாக படக்குழு அதிகாரபூர்வமாக அறிவித்துள்ளது.

ரஜினி உடன் பேட்ட, தனுஷ் உடன் எனை நோக்கி பாயும் தோட்டா மற்றும் சிம்பு உடன் வந்தா ராஜாவா தான் வருவேன் உள்ளிட்ட படங்களில் நடித்துள்ளார் மேகா ஆகாஷ் என்பது குறிப்பிடத்தக்கது.

Megha Akash to romance Vijay Antony for her next