தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
சின்னத்திரையில் நிகழ்ச்சிகளில் பங்கேற்று காமெடியனாக வலம் வந்தவர் சிவகார்த்திகேயன்.
ஒரு கட்டத்தில் விஜய் டிவியில் நிகழ்ச்சிக்கு தொகுப்பாளராக மாறி பிரபலம் அடைந்தார். இவரது காமெடிக்கு ஏராளமான ரசிகர்கள் உருவான நிலையில் ‘மெரினா’ என்ற படத்தின் மூலம் தமிழ் சினிமாவின் நாயகனாக மாறினார் சிவகார்த்திகேயன்.
பின்னர் ஐஸ்வர்யா இயக்கத்தில் தனுஷ் நடித்த 3 படத்தில் சின்ன கேரக்டரில் நடித்திருந்தார் சிவகார்த்திகேயன்.
அதன்பின்னர் வருத்தப்படாத வாலிபர் சங்கம் எதிர்நீச்சல் காக்கி சட்டை மான் கராத்தே உள்ளிட்ட பல வெற்றி படங்களை கொடுத்து நாயகன் அந்தஸ்துக்கு உயர்ந்தார்.
ஒரு கட்டத்தில் பாடலாசிரியர் பாடகர் தயாரிப்பாளர் என பல பரிணாமங்களை எடுத்து தற்போது தமிழ் சினிமாவின் டாப் 10 நட்சத்திரங்களில் ஒருவராக மாறி நிற்கிறார் சிவகார்த்திகேயன்.
தற்போது சிவகார்த்திகேயன் திரையுலகிற்கு வந்து 11 வருடங்களை நிறைவு செய்து நிலையில் இதனை கொண்டாடியுள்ளார்.
மடோனா அஸ்வின் இயக்கத்தில் உருவாகி வரும் ‘மாவீரன்’ படத்தில் நடித்து வருகிறார் சிவகார்த்திகேயன்.
இந்த படப்பிடிப்புல் படக்குழுவினருடன் கொண்டாடி இருக்கிறார்.
இந்த கொண்டாட்டத்தில் நடிகை சரிதாவும் அருகில் நிற்க அவருக்கு கேக் ஒட்டி மகிழ்ந்தார் சிவகார்த்திகேயன்.
1980-களில் பல படங்களில் நாயகியாக நடித்தவர் சரிதா. இவரின் தைரியமான கேரக்டருக்காகவே பல படங்கள் ஓடியது குறிப்பிடத்தக்கது.
விஜய் சூர்யா இணைந்து நடித்த ‘ப்ரெண்ட்ஸ்’ படத்தில் விஜய்க்கு அம்மாவாக நடித்திருந்தவர் சரிதா என்பது தங்களுக்கு நினைவிருக்கலாம்.
Sivakarthikeyan celebrated 11 Years of SKism with Vijay’s mother