தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
பொதுவாக ஒரு படம் வெற்றி பெற்றால் அந்தப் படத்தின் தயாரிப்பாளர்.. இயக்குனர் மற்றும் நடிகர் நடிகைகளுக்கு பரிசு வழங்குவார்.
மிகப்பெரிய வெற்றி பெற்றால் அந்த தயாரிப்பாளர் நடிகருக்கோ அல்லது இயக்குனருக்கோ அல்லது இருவருக்குமே தங்க சங்கிலி கார் அல்லது விலையுயர்ந்த பொருட்களை பரிசாக வழங்குவார்.
கடந்தாண்டு ‘விக்ரம்’ படம் வெற்றி பெற்ற போது தயாரிப்பாளர் கமல் தன் இயக்குனருக்கு கார் பரிசு அளித்தார்.
இது போன்ற பலவற்றை நாம் பார்த்து வந்திருக்கிறோம்.
இந்த நிலையில் தான் நடித்த படம் வெற்றி பெற்றதற்கு ஒரு நடிகர் பட தயாரிப்பாளருக்கும் இயக்குனருக்கும் தங்க சங்கிலி பரிசளித்துள்ளார். அவர்தான் நாயகன் சசிகுமார்.
சமீபத்தில் வெளியாகி அனைத்து தரப்பு மக்களின் பாராட்டை பெற்ற படம் ‘அயோத்தி’. மந்திர மூர்த்தி இயக்கிய இந்த படத்தை ரவீந்திரன் தயாரித்திருந்தார்.
2021ல் வெளியான ‘அண்ணாத்த’ படம் வெற்றி பெற்றதற்கு அந்த படத்தின் இயக்குனர் சிவாவுக்கு ரஜினிகாந்த் விலை உயர்ந்த பொருளை பரிசளித்திருந்தார் என்பது தங்களுக்கு நினைவிருக்கலாம்.
அதுபோல 10 – 15 வருடங்களுக்கு முன்பு தான் நடித்த ‘வாலி’ ‘முகவரி’ உள்ளிட்ட படங்கள் வெற்றி பெற்ற போது அஜித் தன்னுடைய இயக்குனருக்கு கார் மற்றும் பைக்குகளை பரிசளித்து இருந்தார் என்பது குறிப்பிடத்தக்கது.
Sasi Kumar gifted gold chain to ayothi director