தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
இன்று ஜனவரி 26.. இந்தியா முழுவதும் குடியரசு தின கொண்டாட்டங்கள் நடைபெற்று வருகிறது.
இந்திய மக்கள்.. அரசியல் கட்சித் தலைவர்கள்.. பிரபலங்கள் திரைத்துறையினர் என பல்வேறு அமைப்பினரும் மக்களுக்கு வாழ்த்துக்களை தெரிவித்து வருகின்றனர்.
இந்த நிலையில் மோகன் நடிக்கும் ‘ஹரா’ பட குழுவினரும் வித்தியாசமான முறையில் வாழ்த்துக்களை பதிவிட்டுள்ளனர்.
விஜய் ஸ்ரீ இயக்கத்தில் உருவாகும் ‘ஹரா’ படத்தை கோவையைச் சேர்ந்த மோகன்ராஜ் என்பவர் தயாரித்து வருகிறார்.
இந்த படத்தில் மோகன், குஷ்பூ, யோகி பாபு, மொட்ட ராஜேந்திரன், மனோபாலா, சிங்கம் புலி ரயில் ரவி, உள்ளிட்ட பல முன்னணி நட்சத்திரங்கள் நடித்த வருகின்றனர்.
லியாண்டர் லீ மார்டி இசையமைக்க பிரஹத் ஒளிப்பதிவு செய்ய குணா எடிட்டிங் பணிகளை மேற்கொண்டு வருகிறார்.
இந்த படக்குழுவின் ட்விட்டர் பதிவில்…
‘இந்திய தண்டனைச் சட்டம், இந்திய அரசியலமைப்புச் சட்டம் குறித்த புத்தகங்கள், மாணவர்கள் முதல் ஒவ்வொரு இந்தியர்கள் வீட்டிலும் இருக்க வேண்டும்.
அனைவரும் அவசியம் படிக்க வேண்டும். இது அவசியம் மட்டுமல்ல.. நமது கடமையும் கூட!’ என்ற வாசகங்களுடன் அந்த பதிவில் உள்ளது.
மேலும் ‘ஹரா’ படத்தின் புதிய போஸ்டரையும் வெளியிட்டுள்ளது படக்குழு. அதில் மோகன் ஹிந்து – இஸ்லாமிய தோற்றத்தில் உள்ளார் என்பது குறிப்பிடத்தக்கது.
Republic day wishes from Haraa team