தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
மாஸ்டர் படத்திற்குப் பிறகு மீண்டும் விஜய் மற்றும் லோகேஷ் கனகராஜ் கூட்டணியில் உருவாகியுள்ள திரைப்படம் ‘லியோ’.
லலித் குமார் இந்த படத்தை தயாரிக்க அனிருத் இசையமைத்துள்ளார். இந்த படம் அறிவிக்கப்பட்ட நாளிலிருந்து மிகப் பெரிய எதிர்பார்ப்பை உண்டாக்கியுள்ளது.
மேலும் படத்தின் பாடல்கள் போஸ்டர்கள் அனைத்தும் ரசிகர்களிடையே பெரும் வரவேற்பை பெற்றுள்ளது.
செப்டம்பர் 30ஆம் தேதி லியோ படத்தின் இசை வெளியீட்டு விழா நடைபெறும் என ரசிகர்கள் எதிர்பார்த்து காத்திருந்த நிலையில் திடீரென நேற்று செப்டம்பர் 26 ஆம் தேதி லியோ இசை வெளியீட்டு விழா நடைபெறாது என அறிவிக்கப்பட்டது.
இதனால் விஜய் ரசிகர்கள் உற்சாகம் இழந்து காணப்படுகின்றனர். இந்த நிலையில் இன்று செப்டம்பர் 27ஆம் தேதி மாலை லியோ படத்தின் இரண்டாவது சிங்கிள் வெளியீடு குறித்து அறிவிப்பு வெளியாகி உள்ளது.
படாஸ் மா.. லியோதாஸ் மா.. . என்று தொடங்கும் இந்தப் பாடலை விஷ்ணு என்பவர் எழுதியுள்ளார். நாளை செப்டம்பர் 28ஆம் தேதி மிலாடி நபி பண்டிகையின் போது இந்த பாடல் வெளியாகும் என அறிவிக்கப்பட்டுள்ளது.
தற்போது இந்த அறிவிப்பு ரசிகர்கள் மத்தியில் புது புத்துணர்ச்சியை கொடுக்கும் என நம்பலாம்.
Leo 2nd Single Badas ma Leodas ma release update