தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ஜெயம்ரவி காஜல் அகர்வால் யோகி பாபு நடிப்பில் வேல்ஸ் ஃபிலிம்ஸ் தயாரித்த திரைப்படம் ‘கோமாளி’.
இந்தப் படத்தை இயக்கியிருந்தார் பிரதீப் ரங்கநாதன். இந்த படம் இளைஞர்கள் மத்தியில் பெரும் வரவேற்பை பெற்றது.
எனவே அடுத்து ஒரு பெரிய முன்னடி நடிகரை இயக்குவார் பிரதீப் என எல்லாரும் எதிர்பார்த்த நிலையில் திடீரென அவரே ஹீரோவாக மாறி இயக்கியுள்ள படம் தான் ‘லவ் டுடே’.
இத்திரைப்படத்தை முன்னணி தயாரிப்பு நிறுவனமான ஏஜிஎஸ் எண்டர்டெயின்மெண்ட் நிறுவனம் தயாரித்துள்ளது.
இதில் பிரதீப் ரங்கநாதன் உடன் இவானா, சத்யராஜ், ராதிகா, யோகி பாபு, ரவீனா மற்றும் ஆதித்யா கதிர் முக்கிய வேடங்களில் நடித்துள்ளனர்.
தினேஷ்குமார் புருஷோத்தமன் ஒளிப்பதிவு செய்ய பிரதீப் ராகவ் படத்தொகுப்பு செய்ய யுவன் சங்கர் ராஜா இசையமைத்துள்ளார்.
இந்த படத்தில் இடம்பெற்ற ‘சாச்சிட்டாளே….’ பாடல் மற்றும் 2வது பாடலான ‘என்னை விட்டு…..” பாடல் ஆகியவை ஏற்கெனவே வெளியாகிவிட்டது.
இந்தப் படம் அடுத்த நவம்பர் மாதம் 4ம் தேதி திரையரங்குகளில் வெளியாகிறது.
இந்த நிலையில் இன்று அக்டோபர் 5ம் தேதி மாலை ‘லவ் டுடே’ படத்தின் அதிகாரப்பூர்வ ட்ரைலர் வெளியாகி உள்ளது.
இந்த ட்ரைலரில் இவனாவின் தந்தையாக சத்யராஜ் வருகிறார். அவர் பிரதீப் மற்றும் இவானாவின் காதலை சம்மதிக்க ஒரு நிபந்தனை போடுகிறார்.
இருவரும் ஒரே ஒரு நாள் உங்கள் செல்போனை மாற்றி வைத்துக் கொள்ளுங்கள். மறுநாள் உங்கள் போனை நான் வாங்கிக் கொள்கிறேன்.
ஒருவேளை உங்களுக்குள் பிரச்சனை வராமல் இருந்தால் நான் கல்யாணத்துக்கு சம்மதிக்கிறேன் என்கிறார்.
இதனை அடுத்து ட்ரெய்லர் பரபரப்பாக இருக்கிறது.
முக்கியமாக உங்களின் முன்னாள் காதலர் காதலிக்காக இந்த படம் என டைட்டில் கார்டு வருகிறது.
இதோ முழுமையான ட்ரைலரை நீங்களே பாருங்கள்…