முதலில் சினிமா தொழிலாளர்கள் குடும்பத்தோடு படத்தை பாருங்க, அப்போ தான் சினிமாவை காப்பாற்றலாம் – தயாரிப்பாளர் கரிகாலன் வேண்டுகோள்.

பிரசாத் ஸ்டூடியோ நிபந்தனைகளை ஒப்புக் கொண்டார் இளையராஜா.; போலீஸ் பாதுகாப்புடன் தியானம் செய்ய கோர்ட் அனுமதி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கடந்த 35 ஆண்டுகளாக பிரசாத் ஸ்டூடியோவில் தன் இசை பணிகளை செய்து வந்தார் இசைஞானி இளையராஜா.

பிரசாத் ஸ்டூடியோவில் இருந்து இளையராஜாவை வெளியேற நிர்வாகம் கூறியது.

இதனை எதிர்த்து 50 லட்சம் ரூபாய் இழப்பீடு கேட்டு இளையராஜா சிவில் நீதிமன்றத்தில் வழக்கு தொடர்ந்திருந்தார்.

மேலும் திரைப்படங்களுக்காக கைப்பட எழுதிய இசைக் கோப்புகள், இசைக் கருவிகள், எனக்கு கிடைத்த விருதுகள் உள்ளன. அவற்றை எடுத்துக் கொள்ளவும், தியானம் செய்யவும் அனுமதி வழங்க ஸ்டுடியோ உரிமையாளா்களுக்கு உத்தரவிட வேண்டும் என கோரி சென்னை உயர்நீதிமன்றத்தில் மனுத்தாக்கல் செய்தார்.

அந்த வழக்கு நிலுவையில் உள்ள நிலையில், இளையராஜாவை ஸ்டூடியோவுக்குள் அனுமதிக்க முடியாது என பிரசாத் ஸ்டுடியோ நிர்வாகம் தரப்பில் தெரிவிக்கப்பட்டிருந்தது.

இந்த மனு நீதிபதி சதீஷ்குமார் முன்பு கடந்த முறை விசாரணைக்கு வந்தபோது, சிவில் நீதிமன்றத்தில் உள்ள வழக்கையும், காவல் துறையிடம் அளித்த புகாரையும் வாபஸ் பெறுவதாக உத்தரவாத மனு தாக்கல் செய்தால் அவரை ஸ்டூடியோவுக்குள் அனுமதிக்கலாம் என ஸ்டூடியோ நிர்வாகம் தரப்பில் தெரிவிக்கப்பட்டது.

பதிலளித்திருந்த இளையராஜா தரப்பு.. பிரசாத் ஸ்டுடியோ’வுக்கு எதிராக தொடர்ந்த வழக்குகளை வாபஸ் பெற முன் வந்தார்.

தற்போது சிட்டி சிவில் நீதிமன்றம் முழுமையாக இயங்காததால், வழக்கை திரும்ப பெற உத்தரவு இன்னும் கிடைக்கவில்லை என விளக்கமளித்தனர்.

இந்த வழக்கு நீதிபதி சதீஷ்குமார் முன் இன்று மீண்டும் விசாரணைக்கு வந்தது.

இளையராஜா தரப்பில் உத்தரவாத மனு தாக்கல் செய்யப்பட்டது.

இதை பதிவு செய்த நீதிபதி, பிரசாத் ஸ்டூடியோவுக்குள் நுழையவும், இசையமைத்த அறையில் தியானம் செய்யவும் இசையமைப்பாளர் இளையராஜாவுக்கு அனுமதியளித்து உத்தரவிட்டார்.

தியானம் மேற்கொள்ளும் போது, இளையராஜாவுக்கு சொந்தமான பொருட்களை பிரசாத் ஸ்டூடியோ நிர்வாகம், தனது சொந்த செலவில் எடுத்துச் சென்று ஒப்படைக்க வேண்டும் எனவும் உத்தரவிட்ட நீதிபதி, பொருட்களின் பட்டியலை சரி பார்க்க வழக்கறிஞர் லட்சுமி நாராயணனை வழக்கறிஞர் ஆணையராக நியமித்தும் உத்தரவிட்டார்.

எந்த தேதியில் இளையராஜா, பிரசாத் ஸ்டூடியோவுக்கு செல்வது குறித்து இரு தரப்பினரும் முடிவு செய்து கொள்ளலாம் எனவும், காலை 9 மணி முதல் மாலை 4 மணி வரை இளையராஜா ஸ்டூடியோவுக்குள் இருக்கலாம் எனவும், ஸ்டூடியோவுக்குள் செல்லும் இளையராஜாவுடன், அவரது உதவியாளர்கள் மூன்று பேரை மட்டும் அனுமதிக்கலாம் எனவும் இரு தரப்பு வழக்கறிஞர்கள் உடன் செல்லலாம் எனவும் நீதிபதி அறிவுறுத்தியுள்ளார்.

மேலும், சட்டம் ஒழுங்கு பிரச்னை ஏற்படாமல் தடுக்க போதுமான போலீஸ் பாதுகாப்பை வழங்க வேண்டும் என சென்னை காவல் ஆணையருக்கு உத்தரவிட்ட நீதிபதி, இளையராஜாவின் வழக்கை முடித்து வைத்தார்.

Maestro Ilaiyaraja agrees to collect his belongings without claiming ownership of studio space

தனுஷுக்காக 8வது முறையாக இணையும் செல்வராகவன் & யுவன்.; பிரம்மாண்ட தயாரிப்பாளருடன் கூட்டணி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

2002 ஆம் ஆண்டுல் ரிலீசான ’துள்ளுவதோ இளமை’ படத்தில் செல்வராகவன் இயக்குநராகவும் , தனுஷ் நடிகராகவும் அறிமுகமாகினர்.

மேலும் ’காதல் கொண்டேன்’, ’புதுப்பேட்டை’ படங்களிலும் இணைந்து பணி புரிந்தனர்.

தற்போது நீண்ட நாட்களாக ரசிகர்கள் எதிர்ப்பார்த்த கூட்டணியான செல்வராகவன் – தனுஷ் இணைவது உறுதியாகியுள்ளது.

இப்படத்திற்கு யுவன் இசையமைப்பது உறுதியாகியுள்ளது.

இதை இயக்குநர் செல்வராகவன் தனது ட்விட்டரில் பகிர்ந்துள்ளார்.

அதில்… “8வது முறையாக யுவன் ஷங்கர் ராஜாவுடன் இணைவதில் மகிழ்ச்சி” என குறிப்பிட்டுள்ளார்.

மேலும் யுவன் ஷங்கர் ராஜாவுடன் தான் (செல்வா) இருக்கும் புகைப்படம் ஒன்றையும் பகிர்ந்துள்ளார்.

இப்படத்தை கலைப்புலி தாணு தயாரிக்கிறார்.

Blockbuster duo Selva and Yuvan join hands again for Dhanush project

கொரோனா 2 அலர்ட்..: ஜனவரி 2 வரை இரவில் மட்டும் ஊரடங்கு அமல்..!

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இன்று டிசம்பர் 23ம் தேதி முதல் ஜனவரி 2ம் தேதி வரை கர்நாடகா முழுவதும் இரவு நேர ஊரடங்கு உத்தரவு அமல்படுத்தப்படுகிறது.

இரவு 10 மணி முதல் காலை 6 மணி வரை இந்த ஊரடங்கு உத்தரவு அமலில் இருக்கும் என்று கர்நாடக அரசு அறிவித்துள்ளது.

உருமாற்றம் கொண்ட கொரோனா (2) வைரஸ் வேகமாக பரவக் கூடியது என்பதால், இந்த நடவடிக்கை எடுக்கப்பட்டுள்ளதாம்.

அத்தியாவசிய பொருட்களான பால், காய்கறி, மருந்துகள், கொண்டு செல்லக்கூடிய வாகனங்களுக்கு கெடுபிடிகள் கிடையாது.

டூ வீலர், கார் உள்ளிட்ட தனியார் வாகனங்களுக்கு இரவில் அனுமதியில்லை.

மருந்தகங்கள், மருத்துவமனைகள் போன்ற அவசரகால பணிகளுக்கு அனுமதி உண்டு.

Fresh covid-19 lockdown in karnataka

எம்ஜிஆர் என்ன நல்லாட்சியா கொடுத்தார்.?.; ரஜினி கமலை அடிக்கிற அடியில விஜய் உள்ளிட்ட எந்த நடிகருக்கும் அரசியல் ஆசை வராது.. – சீமான்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தமிழக மீனவர்களை சிங்கள கடற்படை தாக்கினால் தமிழகத்தில் படிக்கும் சிங்கள மாணவர்களை தாக்குவோம் என்று 2010ல் பேசினார் நாம் தமிழர் கட்சி ஒருங்கிணைப்பாளர் சீமான்.

எனவே அவர் மீது தேச துரோக வழக்கு பாய்ந்தது.

அந்த வழக்கு விசாரணைக்காக இன்று பெரு நகர குற்றவியல் நடுவர் நீதிமன்றத்தில் சீமான் ஆஜரானார்.

பின்னர் செய்தியாளர்களை சந்தித்தார் சீமான்.

அவர்… “ரஜினி, கமலை அடிக்கிற அடியில் விஜய் மட்டும் அல்ல இனி எந்த நடிகருக்கும் அரசியலுக்கு வரும் எண்ணம் வராது.

நடிகன் என்ற ஒரே தகுதியை வைத்து நாடாள நினைக்க கூடாது.

நல்லக்கண்ணு அய்யா ஒருவருக்குத் தான் அந்த தகுதி் உள்ளது. ஆனால் அவரை பற்றி யாரும் பேசுவதில்லை.

நானும் நடிகன் தான். ஆனால் நான் ரசிகர்களை சந்திக்கவில்லை. மக்களை சந்தித்தேன்..

எம்.ஜி.ஆர். பிரபாகரன் மீது மதிப்பு வைத்திருந்தார். அதனால் அவரை மதிக்கிறோம்.

மற்றபடி எம்.ஜி.ஆர். என்ன நல்லாட்சி கொடுத்தார்.?

கல்வியையும் மருத்துவத்தையும் தனியாருக்கு கொடுத்தது எம்.ஜி.ஆர். தான்.

முல்லை பெரியாறு உரிமையை கேரளாவிற்கு கொடுத்ததும் எம்.ஜி.ஆர். தான்.”

இவ்வாறு சீமான் பேசினார்.

NTK leaderSeeman slams Rajinikanth , Kamalhaasan and Vijay

அண்ணாத்த’ ஸ்பாட் 4 பேருக்கு கொரோனா..; ரஜினி தனிமை.. சூட்டிங் கேன்சல்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ரஜினிகாந்த் நடிப்பில் சிவா இயக்கி வரும் படம் ‘அண்ணாத்த’.

இப்படத்தில் ரஜினியுடன் நயன்தாரா, குஷ்பு, மீனா, கீர்த்தி சுரேஷ், சூரி, சதீஷ் உள்ளிட்டோர் நடித்து வருகின்றனர்.

வெற்றி ஒளிப்பதிவு செய்ய டி.இமான் இசையமைக்கிறார்.

கொரோனா அச்சுறுத்தலால் இப்பட சூட்டிங் மார்ச் மாத இறுதியில் நிறுத்தப்பட்டது.

தற்போது டிசம்பர் 14-ம் தேதி முதல் சூட்டிங் மீண்டும் தொடங்கியது.

இதில் பங்கேற்க சென்னையிலிருந்து தனி விமானம் மூலம் ஹைதராபாத் புறப்பட்டுச் சென்றார் ரஜினி.

கடந்த ஒருவார காலத்துக்கும் மேலாக ஹைதராபாத் ராமோஜிராவ் ஃபிலிம் சிட்டியில் படப்பிடிப்பு நடைபெற்று வந்தது.

ரஜினி கூட்டணியில் முதல்வர் வேட்பாளராக கமல்..? ரஜினி ரசிகர்கள் கமலுக்கு ஓகே சொல்வார்களா?

இந்த நிலையில் படத்தில் பணியாற்றிய 4 பேருக்கு கொரோனா தொற்று உறுதி செய்யப்பட்டுள்ளதாம்.

இதனால் படப்பிடிப்பு நிறுத்தப்பட்டுள்ளது.

ரஜினிக்கு கொரோனா பரிசோதனை செய்ததில் அவருக்கு தொற்று இல்லை என தெரிய வந்துள்ளது.

ஆனாலும் அவர் ஹைதராபாத்தில் தனிமைப்படுத்தப்பட்டுள்ளார்.

விரைவில் ரஜினிகாந்த் சென்னை திரும்புவார் என சொல்லப்படுகிறது.

Annaatthe shoot has been temporarily stopped as 4 members of the crew test positive for Covid19.