ரூல் நம்பர் 4 விமர்சனம்..; காட்டுக்கள் ஒரு கஜானா

மார்கழி திங்கள் விமர்சனம்..; பாரதிராஜாவை மிஞ்சுவாரா மனோஜ்.?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘தாஜ்மஹால்’ படத்தில் தன்மகன் மனோஜை நடிகராக அறிமுகப்படுத்தினார் இயக்குனர் பாரதிராஜா. ஆனால் தன் ஆசை நடிப்பு மீது இல்லை. படம் இயக்க வேண்டும் என்பதுதான் என் ஆசை என்றார்.

அதன்படி இந்த மார்கழி திங்கள் படத்தின் மூலம் இயக்குனராக அவதாரம் எடுத்திருக்கிறார் மனோஜ்.

என் இனிய தமிழ் மக்களே.. எனக்கு ஆதரவளித்தது போல தன் மகனுக்கும் ஆதரவளிக்க வேண்டும் என்ற பாரதிராஜாவின் குரலுடன் படம் தொடங்குகிறது.

இயக்குனர் சுசீந்திரன், கதை திரைக்கதை அமைத்து தயாரித்துள்ளார்.

கதைக்களம்…

நாயகன் வினோத் மற்றும் நாயகி கவிதா இருவரும் ஒரே வகுப்பில் படிக்கின்றனர். ஒரு கட்டத்தில் இவர்களுக்குள் காதல் மலர்கிறது.

இதனையறிந்த கவிதாவின் தாத்தா பாரதிராஜா ஒரு நிபந்தனை விதிக்கிறார். படிப்பு தான் வாழ்க்கை மாற்றும். கல்லூரி படிப்பையும் முழுவதுமாக முடியுங்கள். அதன் பிறகு திருமணம் செய்து வைக்கிறேன் என்கிறார். படிப்பை முடிக்கும் வரை நீங்கள் இருவரும் எந்த தொடர்பிலும் இருக்கக் கூடாது என்கிறார்.

அதன் பிறகு என்ன நடந்தது.? காதலர்கள் நிபந்தனைக்கு ஒத்துக் கொண்டார்களா? படிப்புக்கு பின்னர் இணைந்தார்களா.? தாத்தா பாரதிராஜா சொன்னதை நிறைவேற்றினாரா? அல்லது வேறு ஏதேனும் திட்டம் போட்டாரா என்பதுதான் படத்தின் மீதிக்கதை.

கேரக்டர்கள்…

கவிதாவாக ரக்ச்ஷனா… வினோத் ஆக ஷ்யாம் செல்வன்… இருவரும் கிராமத்து இளம்காதலை யதார்த்தமாக வெளிப்படுத்தினர். ஆனால் நாயகனின் நடிப்பில் இன்னும் மெனக்கடல் தேவை. நாயகி கவிதா நாயகனை விட அதிகமாகவே காதல் செய்து நம்மை கவர்கிறார்.

நாயகியின் தாய்மாமனாக இயக்குநர் சுசீந்திரன். கிராமத்து நபராகவே தன் பங்களிப்பை சிறப்பாக கொடுத்துள்ளார்

குரங்கு பொம்மை, திருச்சிற்றம்பலம் ஆகிய படங்களில் கவர்ந்த பாரதிராஜா இதில் நம்மை கொஞ்சம் ஏமாற்றி விட்டுள்ளார் என்றே சொல்லலாம்.. ஒருவேளை வயது ஒரு காரணமாக கூட இருக்கலாம்.. தன் தந்தைக்கு முக்கியத்துவம் கொடுத்து தேர்வில் கொஞ்சம் கோட்டை விட்டுள்ளார்

இவர்களுடன் அப்புகுட்டி & ஜார்ஜ் விஜய் உள்ளிட்ட பலரும் நடித்துள்ளனர்.

டெக்னீசியன்கள்…

கிராமத்தை இசையை மண் மணம் மாறாமல் கொடுப்பவர் இளையராஜா. இந்த படத்திற்காக பல வருடங்களுக்குப் பிறகு மீண்டும் பாரதிராஜா உடன் இணைந்துள்ளார் இளையராஜா.

இது ஒரு காதல் படம் என்பதை அவரது இசை தான் அடிக்கடி நினைவூட்டுகிறது. 1980களில் இசைஞானி போட்ட மெட்டுக்களின் உணர்வை இதில் கேட்க முடிகிறது.. பின்னணி இசையும் சிறப்பு.

வாஞ்சிநாதன் முருகேசனின் ஒளிப்பதிவில் கிராம சுற்றுலா சென்ற உணர்வு கிடைக்கிறது. திண்டுக்கல் மாவட்ட அழகை திகட்ட திகட்ட கொடுத்துள்ளார். படத்தின் நீளத்தை குறைத்து இருப்பதால் நிச்சயமாக எடிட்டரை கை குலுக்கி பாராட்டலாம்.

பள்ளி காதல்.. கல்லூரி காதல் என்ற காதலில் ஆணவப்படுகொலையை கொடுத்து கொஞ்சம் வித்தியாசத்தையும் காட்ட முயற்சித்துள்ளார்.

ஆனால் திரைக்கதை செல்லும் விதத்தை முன்பே யூகிக்க முடிவதால் பெரிய சுவாரஸ்யம் ஏற்படவில்லை. புதுப்புது இயக்குனர்களே வித்தியாசமாக யோசிக்கும் போது கலை குடும்பத்தில் வந்த மனோஜ் இன்னும் கூட யோசித்து இருக்கலாம்.

தொழில்நுட்பங்கள் நம் வாழ்க்கையை மாற்றினாலும் இன்னும் ஜாதி உள்ளிட்ட தொல்லைகள் தொடர்ந்து கொண்டே இருப்பதை தோலுரித்து காட்டியிருக்கிறார் மனோஜ்.

அதேசமயம் காதலர்களுக்கு மட்டுமல்ல சமூகத்திற்கு பாடம் எடுத்துள்ளனர் தயாரிப்பாளர் சுசீந்திரன் மற்றும் இயக்குனர் மனோஜ்.

Margazhi Thingal movie review and rating in tamil

லியோ விமர்சனம் 3.75/5… அன்லிமிடெட் ஆக்சன் ட்ரீட்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

லோகேஷ் கனகராஜ் இயக்கத்தில் விஜய் நடிப்பில் உருவாகியுள்ள படம் ‘லியோ’. இப்படத்தை செவன் ஸ்கிரீன் ஸ்டூடியோஸ் சார்பில் லலித் குமார் தயாரித்துள்ளார்.

கதைக்களம்…

ஹிமாச்சல் பிரதேசத்தில் கதைக்களம் தொடங்குகிறது. அங்கு அனிமல் பாதுகாவலராக வாழ்கிறார் பார்த்திபன் (விஜய்). இவருடன் மனைவி த்ரிஷா.. ஒரு டீன் ஏஜ் மகன் மகள் என வாழ்ந்து வருகிறார். காபி ஷாப் மூலம் கிடைக்கும் வருமானத்தில் இவர்கள் குடும்பம் வாழ்கிறது.

ஒரு நாள் இரவில் மிஷ்கின் மற்றும் சாண்டி இவர்களது காபி ஷாப்பில் நுழைந்து அங்கு வேலை செய்யும் பணி பெண்ணையும் விஜய்யின் மகளையும் துன்புறுத்துகின்றனர்.

இதனையடுத்து தற்காப்புக்காக மிஷ்கின் சாண்டி உள்ளிட்ட 5 நபர்களை குறி தவறாமல் சுட்டுக் கொல்கிறார் விஜய்.

ஒரு பயிற்சி பெற்ற போலீஸ்காரனால் கூட சரியாக சுட முடியாது நிலையில் விஜய் சரியாக எப்படி சுட்டார்? என விசாரணையில் போலீஸ் (கவுதம் மேனன்) இறங்குகிறது.

இது ஒரு பக்கம் இருக்க விஜய்யின் போட்டோ மும்பை சேலம் தெலுங்கானா உள்ளிட்ட கேங்ஸ்டர்களுக்கு பரவுகிறது.

அவர்கள் இவன் பார்த்திபன் (அல்ல) லியோ தாஸ் என்கின்றனர். அப்படி என்றால் உண்மையில் விஜய் யார் என்பதுதான் படத்தின் மீதிக்கதை..

கேரக்டர்கள்…

விஜய், அர்ஜுன், சஞ்சய் தத், திரிஷா, பிரியா ஆனந்த், மன்சூர் அலிகான், மிஷ்கின், கௌதம் வாசுதேவ் மேனன், சாண்டி, மேத்யூ தாமஸ், பாபு ஆண்டனி, மரியம் ஜார்ஜ் உள்ளிட்ட பலர் நடித்துள்ளனர்.

ஆக்ஷன் டான்ஸ் பாசம் பொறுப்பு என அனைத்திலும் தெறிக்க விட்டுள்ளார் விஜய். அதே சமயம் விஜய்யின் ஹேர் ஸ்டைல் பெரும் அதிருப்தி.

ஃப்ளாஷ்பேக்கில் நான் ரெடி பாடலில் வரும் விஜய் செம ஸ்மார்ட்டாக இருக்கிறார்.

அழகும் அன்பு நிறைந்த நாயகியாக த்ரிஷா. காஷ்மீரில் பழுத்த ஆப்பிள் போல வருகிறார்.

விஜய்யின் கூடப்பிறந்த மடோனா செபஸ்டியன் கொஞ்ச நேரமே என்றாலும் ஆட்டத்திலும் ஆக்சனிலும் அசத்தல்.

தோழியாக பிரியா ஆனந்த். பெரிய காட்சிகள் இல்லை. விஜய் உடன் நடித்தேன் என்று சொல்லிக் கொள்ளலாம்.

நரபலி கொடுக்கும் மூடநம்பிக்கை கொண்டவராக சஞ்சய் தத். மிரட்டல் வில்லத்தான் என்றாலும் நரபலி கான்செப்ட் நம்ப முடியாத ஒன்று. அதுவும் பெற்ற குழந்தைகளை கொல்ல நினைப்பது எல்லாம் யூகிக்க முடியாத கற்பனை.

வில்லன்களில் சஞ்சய் தத்தை விட அதிகமாகவே ஸ்டோர் செய்கிறார் அர்ஜுன். இளம் வயதிலும் வயசான கேரக்டரிலும் அர்ஜுன் கம்பீரமாகவே காணப்படுகிறார்.

மன்சூரலிகான் வந்து செல்லும் காட்சிகளில் மட்டுமே கொஞ்சம் சிரிக்க முடிகிறது. கௌதம் மேனன் போலீஸ் அதிகாரியாக அவரது ஸ்டைலிஷ் இங்கிலீஷில் பேசி கவனம் இருக்கிறார்.

மரியம் சார்ஜ் படத்தில் நுழையும் போதே அவர் கைதி படத்தின் LCU பாணி என தெரிகிறது.. அதற்கான நாளிதழ் ஆதாரமும் படத்தில் காட்டப்பட்டுள்ளது.

டெக்னீசியன்கள்…

அனிருத்தின் மிரட்டலான இசையில் படம் முழுவதும் பயணிக்கிறது. சமீபத்தில் மார்க் ஆண்டனி படத்தில் கிளைமாக்ஸ் இல் ‘பஞ்சு மிட்டாய் சேலை கட்டி…’ என்ற பாடல் இடம் பெற்றிருந்தது.. லியோ படத்தில் முக்கியமான ஒரு ஆக்ஷனில் காட்சியில் ‘தாமரை பூவுக்கும் தண்ணிக்கும் என்றைக்கும் சண்டையே…’ என்ற பாடல் ஒலிக்கிறது பாடலை வைத்து இப்போதெல்லாம் ஓட்டி விடுகிறார்கள். பின்னணி இசை அமைக்க தேவையில்லை.

மற்றபடி நான் ரெடி பாடலும்… பேட் ஹாஷ் என்ற பாடலும் ரசிகர்களை தாளம் போட்டு ஆட்டம் போட வைக்கும்..

மனோஜ் பரமஹம்சாவின் ஒளிப்பதிவு கண்களுக்கு விருந்தளிக்கிறது.. ஹிமாச்சல் பிரதேஷ் காட்சிகள் முதல் தமிழக காட்சிகள் என அனைத்தும் ரசிக்கும் படி உள்ளது்.

இயக்குனர் லோகேஷ் கனகராஜ் தன்னுடைய வழக்கமான பாணியில் லியோவை கடத்தி (!!!???) புரியுதா?இருக்க்கிறார்.

அவரது படங்களில் எப்போதுமே போதைப்பொருள் வியாபாரம் காட்டப்படும். லியோ படமும் அதற்கு விதிவிலக்கு அல்ல.

தெறி படத்தில் பேக்கரி வைத்த விஜய் இந்த படத்தில் காபி ஷாப் வைத்துள்ளார். இவர் தான் லியோவா ? பார்த்திபனா? என திரைக்கதை அமைக்கப்பட்டு இருந்தாலும் ஒரு வகையில் அவரே தான் இவர் என்பது போலவே யூகிக்க முடிகிறது.

ஆனாலும் படத்தின் மேக்கிங்கில் மாஸ் காட்டி இருக்கிறார் லோகேஷ். முதல் பாமியில் இருந்த விறுவிறுப்பு இரண்டாம் பாதியில் ஆக்சன் ஆக காட்டப்பட்டாலும் நீளத்தை குறைத்து இருக்கலாம் எடிட்டர்.

படம் ஆரம்பித்து முதல் பத்து நிமிடங்களை தவற விடாதீர்கள் என லோகேஷ் தெரிவித்திருந்தார். அது மிகவும் பெரும் எதிர்பார்ப்பு ஏற்படுத்தி விட்டது. ஆனால் அதில் பெரிய சுவாரஸ்யம் இல்லை என்பது தான் வருத்தம்.

ஆக ‘லியோ’ அன்லிமிடெட் ஆக்சன் ட்ரீட்

Leo movie review and rating in tamil

திரையின் மறுபக்கம் விமர்சனம்..; சினிமான்னா சும்மால்ல

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கதைக்களம்…

சினிமாவில் உப்புமா கம்பெனி என்பதை கேள்விப்பட்டிருப்போம்.. இதில் உப்புமா இயக்குநரை நம்பி ஏமாந்து போன தயாரிப்பாளரின் பாவப்பட்ட நிலைதான் திரையின் மறுபக்கம்.

ரஜினிகாந்தை பார்த்து போட்டோ எடுக்க வேண்டும் என சென்னை வரும் தயாரிப்பாளரை.. நீங்கள் ஒரு படத்தை தயாரித்தால் அதை நான் இயக்குகிறேன்.

அந்தப் படத்தின் வெற்றி விழாவில் சூப்பர் ஸ்டார் அருகே உங்களை உட்கார வைக்கிறேன் என்கிறார் இயக்குனர். அதை நம்பி படமும் எடுக்கிறார் இந்த விவசாய தயாரிப்பாளர்.

ஆனால் படம் முடிந்து வியாபாரம் செய்ய முடியாமல் கடன் மேல் கடன் வாங்கி வீட்டை விட்டு நிலத்தை விற்று மனைவியின் தாலியை விற்று தற்கொலை செய்து கொள்ளும் ஒரு தயாரிப்பாளரின் கண்ணீர் கதை இது.

திரைக்கும் முன்னால் உருவான படத்தை நாம் பார்த்து இருக்கிறோம்.. திரைக்குப் பின்னால் நடப்பவற்றை நம் கண் முன் நிறுத்தி இருக்கிறார் இப்பட இயக்குநர்.

கேரக்டர்கள்…

சத்யமூர்த்தியாக நடித்தவர் தயாரிப்பாளரின் இன்னல்களை கண்முன்னே கண்ணீரோடு நிறுத்தியிருக்கிறார். பரிதாப கேரக்டரில் முகமது கெளஷ்.

இயக்குனர் போர்வையில் சுற்றித் திரியும் செந்தில்.. இவருக்கு காமெடி கை வந்த கலை. அலட்டலின்றி நடித்திருக்கிறார் நடராஜன் மணிகண்டன். ஆங்காங்கே காமெடி சாரல்களை தெறிக்கவிட்டுள்ளார்.

ஆனாலும் வாய்ப்பு தேடி தவறான வழியில் செல்லவிருந்த ஒரு பெண்ணை நேர்வழிப்படுத்தும் காட்சி ரசிக்க வைக்கிறது.

இளமை துள்ளும் நாயகி ஹேமா ஜெனிலியா.. கொஞ்சம் ரசிக்க வைத்து சூடேற்றுகிறார்.

கந்துவட்டி பைனான்சியராக அன்பரசன். அதேசமயம் இவரது பெயர் நிஜ சினிமா பைனான்சியரை நினைவுபடுத்துகிறது.. அதற்காக தான் அப்படி ஒரு பெயரை வைத்தாரோ என்னவோ..??

இயக்குநர் நிதின் சாம்சன் படத்துக்குள் உருவாகும் படத்திலும் நாயகன்.

வாழ்க்கையில் 64 கலைகள் இருக்கலாம். சினிமாவில் உள்ள 44 கிராப்டுகளை ஒரே ஆளாக நின்று செய்து காட்டி இந்த படத்தை கொடுத்துள்ளார் நிதின் சாம்சன்.

படம் முடிந்து எண்டு கார்டு போடும்போது லைட் மேன் சப்ளையர் டிரைவர் டீபாய் லைட் மேன் என அனைத்திலும் இவரது பெயரே ஓடிக்கொண்டே இருக்கிறது.

டெக்னீசியன்கள்…

அனில் நலன் சக்ரவர்த்தி, ரித்திக் மாதவன் இசையில் ‘ஏமாந்து போடா முட்டாளே’… ‘ஒருமுறை பார்த்தால் உயிர் போகும்’,… ‘ஆசையிலும் பேராசை’ ஆகிய பாடல்கள் உள்ளன இதில் முட்டாளே பாடல் நிச்சயம் ஒரு விழிப்புணர்வு பாடலாக அமைந்துள்ளது

ஒரு சினிமா உருவான பிறகு அதனை விற்க வியாபாரம் செய்ய ஒரு தயாரிப்பாளர் படும் வேதனைகளை இன்ச் பை இன்ச் ஆக காட்டி இருக்கிறார் இயக்குநர்.

அதே சமயம் படம் எடுக்கும் போது என்னென்ன பிரச்சனைகள் இருக்கும் என்பதையே சில காட்சிகளாக வைத்திருக்கலாம்.. முக்கியமாக ஒரு படப்பிடிப்பு நடைபெறும் போது அந்தப் பகுதியில் சூட்டிங் வைக்க காவல்துறையிடம் அனுமதி வாங்கி இருந்தாலும் ரவுண்ட்ஸ் வரும் போலீஸ் மாமூல் கேட்கும் காட்சிகளையும் வைத்திருக்கலாம்… அப்பொழுதுதான் ஒரு படம் எடுப்பது எத்தனை வலி மிகுந்தது என்பது மக்களுக்கும் தெரிய வந்திருக்கும்.

ஒரு படம் தயாரிக்க வருபவர்கள் இந்த படத்தை பார்த்து திரையின் மறுபக்கத்தை தெரிந்து கொண்டு படம் எடுக்கலாம். அத்தனை நுட்பமான காட்சிகளை வைத்திருக்கிறார் இயக்குனர்.

முக்கியமாக திருமணம் செய்து கொள்ளாத இயக்குனர் வெற்றியை கொடுத்தால் மட்டுமே அவருக்கு பெண் கிடைக்கும் என்பதையும் காட்டியிருக்கிறார்.

அதே சமயம் சினிமாவில் ஹீரோயினாக வளர வேண்டும் என ஆசைப்படும் நாயகிக்கு அவரது வீட்டிலும் மாப்பிள்ளை தேடும் படலம் என குடும்ப சூழ்நிலையும் ஒரு போன் காட்சியில் காட்டி இருக்கிறார்.

இவை எல்லாம் மீறி படுக்கையை பகிர நினைக்கும் நாயகிகள் என்பதை காட்டி அதனை மீறி விருதை வெல்லும் காட்சியை வைத்திருப்பது சிறப்பு.

இவையெல்லாம் ஒரு புறம் இருக்க.. சென்சாரில் யூ சர்டிபிகேட் கிடைக்க பணம்… படத்தை வெளிநாட்டில் விற்க பணம்.. படத்தை விற்று தருகிறேன் என போலி ஆட்களை வைத்து போடும் நாடகம்.. என புரோக்கர்களின் அட்டூழியத்தையும் அக்குவேறாக காட்டி இருக்கிறார் இயக்குனர்.

இத்துடன் ஆங்கில படக் கதைகளை சுட்டு படம் எடுப்பதும்.. இயக்குனர் சங்கத்தில் கதாசிரியர்களின் பிரச்சனை.. என அனைத்தையும் காட்சிகளாக கொடுத்து விழிப்புணர்வை ஏற்படுத்தியிருக்கிறார்.

Thiraiyin Marupakkam movie review and rating in tamil

சமாரா விமர்சனம்.. VIRUS vs BIO WAR

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

மலையாளம் உருவான ‘சமாரா’ படம் தற்போது தமிழில் வெளியாகியுள்ளது. பரத் மற்றும் ரஹ்மான் நடித்துள்ளனர்.

ஒட்டு மொத்த படத்தையும் காஷ்மீரில் படம் பிடித்துள்ளார் இயக்குநர் சார்லஸ் ஜோசப்.

கதைக்களம்…

முன்னாள் இராணுவ அதிகாரி பினோஜ் வில்யா தீவிரவாதிகளுடன் போரிடும்போது விஷ வைரஸ் நோயால் பாதிக்கப்படுகிறார்.

ஆனாலும் உயிருக்கு ஆபத்து இல்லாத நிலையில் தனிமையில் வசிக்கிறார். காரணம் இவரின் கோர முகத்தை பார்த்து மனைவி மகளுடன் பிரிந்து செல்கிறார்.

பருவ வயதை அடைந்த மகள் காதலில் விழுகிறார். இந்த நிலையில் உடல் தேவைக்காக ஒரு விபச்சாரி பெண்ணை அழைத்து தன்னுடன் வைத்துக் கொள்கிறார் பினோஜ்.

இப்படியான சூழ்நிலையில் ஒரு நாள் இவரின் மகள் சஞ்சனா பனிமலையில் இயற்கை காட்சிகளை படமாக்கி கொண்டிருக்கும்போது திடீரென கால் தடுமாறி விழுகிறார். அப்போது ஏற்கனவே பனிமலையில் இரு உடல்கள் சடலங்கள் கிடைக்கிறது. அந்த சடலத்துடன் சஞ்சனாவின் முகம் ஒட்டும்போது சடலத்தில் உள்ள வைரஸ் இவர் மீது தொற்றிக் கொள்கிறது.

இந்த சூழ்நிலையில் காவல்துறை அதிகாரி ரகுமான் விசாரிக்க வருகிறார். அதன் பிறகு என்ன நடந்தது? இந்தியாவில் வைரஸ் எப்படி வந்தது? ஏற்கனவே பாதிக்கப்பட்ட தந்தைக்கும் வைரசுக்கும் ஏதேனும் சம்பந்தம் உள்ளதா? இதனை முறியடிக்க சமாரா எப்படி வந்தது? என்பதுதான் படத்தின் மீதிக்கதை.

கேரக்டர்கள்…

படத்தில் வித்தியாசமான டாக்டர் கேரக்டரில் வருகிறார் பரத். இவரது கேரக்டர் திடீரென வந்து திடீரென காணாமல் போகிறது. ஆனால் அதை காட்சிகளில் முக்கியத்துவம் கொடுத்து இயக்குனர் சரி செய்திருக்கலாம்.

நேர்மையான கம்பீரத்துடன் போலீஸ் கேரக்டரில் ரகளை செய்கிறார் ரகுமான். இவரது அறிமுகம் அசத்தல். முழுக்க முழுக்க பனிமலைகளில் காட்சிகளை படமாக்கியுள்ளதால் அதற்கு ஏற்ப ஆடைகளை வடிவமைத்துள்ளார் காஸ்டியூமர்.

கோர முக கேரக்டரில் பினோஜ். ஒரு நடிகனை ரசிகர்களிடம் அடையாளப்படுத்துவது முகம் தான். அதனை இப்படி காட்டுவதற்கு அந்த நடிகருக்கு வந்த தைரியத்தை நிச்சயம் பாராட்ட வேண்டும்.

இவரின் மகளாக நடித்துள்ள சஞ்சனா கொள்ளை அழகு. உதட்டழகிலும் கண்ணழகிலும் அந்த காஷ்மீர் குளிரிலும் நம்மை சூடேற்றுவார் போல.

இவர்களுடன் ராகுல் மாதவ், கோவிந்த் கிருஷ்ணா, டினிஜ் வில்லியா, வீர் ஆர்யன், மீர் சர்வார், தினேஷ் லம்பா, சோனாலி சுதன், நீட் சௌத்ரி, ஷபரீஷ் வர்மா, விவியா சாந்த் உள்ளிட்டோரும் உண்டு.

டெக்னீசியன்கள்…

எம்.கே.சுபாகரன் மற்றும் அனுஜ் வர்கீஸ் வில்லியதத் தயாரித்துள்ளனர்.

சினு சித்தார்த்த் ஒளிப்பதிவு செய்ய அயூப் கான் படத்தொகுப்பு செய்துள்ளார்.

தீபக் வாரியர் இசையமைக்க, கோபி சுந்தரின் பின்னணி இசையமைத்துள்ளார்.

காஷ்மீர் அழகை பார்க்க காஷ்மீருக்கு செல்ல வேண்டாம் இந்த படத்தை பார்த்தால் போதும் என சமாரா ஒளிப்பதிவாளர் சவால் விடுத்துள்ளார்.

அதுபோல் திரில்லர் காட்சிகளுக்கு ஏற்ப போலீஸ் விசாரணைக்கு ஏற்ப பின்னிசையை கொடுத்திருக்கிறார் கோபி சுந்தர்.

1961 ஆண்டில் ஜெர்மனியில் நடைபெற்ற ஒரு நடனத்தில் வைரஸ் தொற்று பின்னர் எப்படி ஊடுருவியது என்பதை காட்சிப்படுத்தி இருக்கிறார் இயக்குனர்.

ஆனால் அதை சொன்ன விதத்தில் குழப்பமான கேரக்டர்களை வைத்துவிட்டார்.

வைரசை முறியடிக்கும் BIO WAR சமாரா என வித்தியாசமான கதைக்களத்தை எடுத்திருக்கிறார் இயக்குனர் சார்லஸ் ஜோசப்.

ஆக சமாரா… வித்தியாசமான முயற்சி

Samara movie review and rating in tamil

ஃ அக்கு விமர்சனம்… கர்மா இயக்குநர்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கதைக்களம்…

ஒரு பிரபல இயக்குனரின் உதவி இயக்குனர்கள் ஒவ்வொருவராக கொல்லப்படுகின்றனர். இவர்களெல்லாம் கொல்லப்படும் நேரத்தில் சரியாக கொல்லப்படும் முறையை வரைந்து கொடுக்கிறார் கிறுக்கு ஓவியர்.

இந்த ஓவியருக்கும் கொலையாளிக்கும் என்ன தொடர்பு? கொல்லப்பட்ட உதவி இயக்குனர்கள் எல்லாம் நாயகன் ப்ரஜனின் நண்பர்கள். எனவே காவல் துறைக்கு பிரஜின் மீது சந்தேகம் வருகிறது.

இறுதியில் என்ன ஆனது? இயக்குனர் உதவி இயக்குனர்களை கொல்ல என்ன காரணம்? பிரஜின் நிரபராதி என்றால் குற்றவாளி யார்? ஓவியர் முன்பே கணிப்பது எப்படி.? என்பதுதான் படத்தின் மீதிக்கதை.

கேரக்டர்கள்…

கதையின் நாயகனாக பிரஜின். செய்யாத குற்றத்தில் இருந்து தப்பமுடியாமல்.. பயந்து ஓடுவது பதட்டம் நவரசம் காட்ட முயற்சித்துள்ளார். இவரின் நண்பர்கள் நட்புக்கும் கதைக்கும் கை கொடுத்துள்ளனர்.

கலக்கப்போவது நிகழ்ச்சி சரத் ஏதோ வந்து செல்கிறார். அவருக்கு நகைச்சுவை கொடுத்து படத்திற்கு கலகலப்பு ஊட்டி இருக்கலாம்.

நாயகியாக காயத்ரி ரெமோ சினிமாவில் வாய்ப்பு தேடும் அப்பாவி இளம் பெண் எப்படியெல்லாம் வஞ்சிக்கப்படுகிறார் என்பதை தன் நடிப்பில் உணர்த்திருக்கிறார்.

சினிமாவில் ஆளுமை கொண்ட இயக்குனர்கள் நடிகைகளை / பெண்களை ஆள நினைப்பதை காட்சிகளில் கொடுத்து இருக்கிறார் இயக்குனர் ஸ்டாலின். இவரே இயக்குனர் கேரக்டரில் நடித்திருப்பதால் அந்த உணர்வை சரியாக பிரதிபலிக்கிறார்.

மனநல நிபுணராக ராமநாதன், கிறுக்கு ஓவியராக வடக்குவாசல் ரமேஷ் உள்ளிட்டோர் கச்சிதம். போலீஸ் இன்ஸ்பெக்டர் வெங்கடேஷ் சில காட்சிகள் ஓகே என்றாலும் பதட்டப்படும் காட்சிகளில் ஓவர் ஆக்டிங்.

டெக்னீசியன்கள்…

கதைக்கு ஏற்ற பின்னணி இசையை தந்திருக்கிறார் சதீஷ் செல்வம். தேவசூர்யா ஒளிப்பதிவில் இன்னும் கூடுதல் கவனத்தை செலுத்தி இருக்கலாம். இரவு நேரக் காட்சிகளில் பெரிதாக மெனக்கெடல் இல்லை என்பது தெரிகிறது.

படத்தை இயக்கிய வெ.ஸ்டாலின் படத்தில் இயக்குனராக முக்கிய பாத்திரத்தில் நடித்திருக்கிறார். வாய்ப்பு தேடும் பெண்கள் இப்படி தான் சினிமாவில் நடத்தப்படுகிறார்களா என்பதை இயக்குனர் தான் விளக்க வேண்டும்.

அம்பிகாபதி மூவி மேக்கர்ஸ் நிறுவனம் ‘ஃ’ திரைப்படத்தை தயாரித்துள்ளது.

கர்மா ஒருபோதும் மன்னிக்காது என்ற கருத்தை சொல்ல முயற்சித்துள்ளார் இயக்குனர். ஆனால் கருத்தை மட்டும் வைத்துக் கொண்டு கதையை கோட்டை விட்டுள்ளார்.

Akku movie review and rating in tamil