விஜய்யை அவர் இவர் என அழைக்கமுடியாது..; ரசிகர்களை டென்ஷனாக்கிய வனிதா

விஜய்யை அவர் இவர் என அழைக்கமுடியாது..; ரசிகர்களை டென்ஷனாக்கிய வனிதா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நடிகை வனிதா விஜயகுமார்… இந்த பேர கேட்டாலே ச்சும்மா அதிருதுல்ல என்ற ரஜினி வசனத்திற்கு ஏற்ப சோஷியல் மீடியாக்களை அதிர வைத்து வருபவர் இவர்.

இவர் கலந்துக் கொள்ளும் நிகழ்ச்சிகளில் ஏதாவது பேசி சர்ச்சையை ஏற்படுத்திவிடுவார்.

சில மாதங்களுக்கு முன் 3வது திருமணம் செய்து பின்னர் சில நாட்களிலேயே பீட்டர் பாலை வெறுப்பதாக கூறி பரபரப்பை ஏற்படுத்தினார்.

தற்போது பிக்பாஸ் அல்டிமேட் நிகழ்ச்சியில் கலந்துக் கொள்ள இருக்கிறார்.

மற்றொரு புறம் பவர் ஸ்டார் சீனிவாசன் ஜோடியாக ஒரு படத்தில் நடித்து வருகிறார் வனிதா. இவையில்லாமல் சில படங்களிலும் கமிட்டாகி உள்ளார்.

இந்த நிலையில் நடிகர் விஜய் குறித்து ஒரு பேட்டியில் அவர் தெரிவித்துள்ளார்.

அதில்… ‘விஜய்யுடன் நான் நடித்தபோது அவரிடம் எப்படி பேசி பழகினேனோ அப்படிதான் இன்றைக்கும் பேசுவேன். நான் திமிராக ஏதோ மரியாதை குறைவாக பேசுவதாக பலருக்கு தோன்றலாம். விஜய்யை அவர் இவர் என திடீரென மரியாதையாக மாற்ற முடியாது.” என பேசியுள்ளார் வனிதா.

‘சந்திரலேகா’ என்ற படத்தில் விஜய்க்கு ஜோடியாக வனிதா நடித்திருந்தார் என்பது குறிப்பிடத்தக்கது.

Vanitha Vijayakumar talks about Thalapathy Vijay

கமல் சிவகார்த்திகேயன் இணையும் படத்தில் இசையமைப்பாளர் அவரா.?

கமல் சிவகார்த்திகேயன் இணையும் படத்தில் இசையமைப்பாளர் அவரா.?

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ஒரு சில ஹீரோக்களே தங்கள் படங்களில் வரும் பாடல்களுக்கு முக்கியவத்துவம் கொடுக்கின்றனர்.

அந்த பாடல் ஹிட்டாக அவர்கள் பலவிதமான புரோமோசன்களில் ஈடுபடுவதும் வழக்கம்.

அதில் சிவகார்த்திகேயனும் ஒருவர். இவர் படத்தின் பாடல்கள் பெரும்பாலும் ஹிட்டடித்து விடும். அதற்கேற்ப இவரது படங்களுக்கு இமான் அல்லது அனிருத் இசையமைப்பார். இதுவே தொடர்கதையாக இருக்கிறது.

தற்போது நடித்து வரும் அயலான் படத்திற்கு ஏஆர். ரஹ்மான் இசையமைத்து வருகிறார். இது இவர்களின் முதல் கூட்டணியாகும்.

இந்த நிலையில் கமல்ஹாசன் தயாரிப்பில் சிவகார்த்திகேயன் நடிக்கவுள்ள புதிய படத்திற்கு ஹாரிஸ் ஜெயராஜ் இசையமைக்கலாம் என தகவல்கள் வந்துள்ளது.

அப்படி அமைந்தால் சிவகார்த்திகேயன் ஹாரிஸ் ஜெயராஜ் கூட்டணியின் முதல்படமாக இது அமையும். ஏற்கெனவே கமல் நடித்த வேட்டையாடு விளையாடு படத்திற்கு ஹாரிஸ் இசையமைத்துள்ளார் என்பது குறிப்பிடத்தக்கது.

இந்த படத்தை ரங்கூன் பட இயக்குனர் ராஜ்குமார் பெரியசாமி என்பவர் இயக்குகிறார்.

Harris Jayaraj to compose music for SK next film?

ஒரே நேரத்தில் விஜய்-அஜித்துடன் நடிக்கும் பிரகாஷ் ராஜ்

ஒரே நேரத்தில் விஜய்-அஜித்துடன் நடிக்கும் பிரகாஷ் ராஜ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தமிழ் சினிமாவில் ஹீரோ ஹீரோயின்களை தாண்டி சில நடிகர்கள் தங்கள் திறமையால் ரசிகர்களை கவர்ந்து விடுவதுண்டு.

இதில் முக்கியமாவனர் நடிகர் பிரகாஷ்ராஜ்.

அண்மையில் வெளியான ஜெய்பீம் படத்தில் போலீசாகவும் அண்ணாத்த படத்தில் கிராமத்து வில்லனாகவும் நடித்திருந்தார்.

இந்த நிலையில் தற்போது ஒரே நேரத்தில் விஜய் மற்றும் அஜித் படங்களில் நடிக்கவிருக்கிறாராம்.

அஜித்தின் 61வது படத்தை வினோத் இயக்க போனிகபூர் தயாரிக்க உள்ளார். இதில் முக்கிய வேடத்தில் நடிக்கவுள்ளார்.

மேலும் தில் ராஜூ தயாரிப்பில் தெலுங்கு இயக்குனர் வம்சி இயக்கவுள்ள விஜய் 66 படத்திலும் முக்கிய வேடத்தில் நடிக்கிறாராம் பிரகாஷ்ராஜ்.

விஜய் மற்றும் அஜித்தின் படங்கள் பிப்ரவரி இறுதியில் அல்லது மார்ச்சில் தொடங்கவுள்ளது.

ஏற்கெனவே விஜய் & அஜித் படங்களில் பிரகாஷ்ராஜ் நடித்திருக்கிறார் என்பது குறிப்பிடத்தக்கது.

Prakash Raj joins Vijay and Ajith films for his next

கமல் படத்தை மீண்டும் பாலிவுட்டில் ரீமேக் செய்யும் ஷாரூக்கான்

கமல் படத்தை மீண்டும் பாலிவுட்டில் ரீமேக் செய்யும் ஷாரூக்கான்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

வித்தியாசமான படங்களை இந்திய சினிமாவுக்கு தந்தவர் கமல்ஹாசன்.

இவர் இயக்கத்தில் வெளியான சில படங்கள் மிகவும் வித்தியாசமானவை என்றால் அது மிகையல்ல.

கடந்த 2000 ஆண்டில் கமல்ஹாசன் இயக்கி நடித்து சர்ச்சையான படம் ‘ஹேராம்’. மகாத்மா காந்தி வாழ்க்கையை மையப்படுத்தி இந்த படத்தை இயக்கி நடித்திருந்தார் கமல்ஹாசன்.

பாலிவுட் நடிகர் ஷாருக்கானும் முக்கிய வேடத்தில் கமலுடன் நடித்திருந்தார்.

மேலும் ராணி முகர்ஜி, வசுந்தரா தாஸ், அதுல் குல்கர்னி உள்ளிட்டோரும் நடித்திருந்தனர். அப்போதே இந்த படம் ஹிந்தியிலும் வெளியானது.

இந்த நிலையில் தற்போது 21 வருடங்களுக்கு பிறகு அப்படத்தை ஹிந்தியில் ரீமேக் செய்து நடிக்கவிருக்கிறாராம் ஷாருக்கான்.

இப்பட ஹிந்தி ரீமேக் உரிமையை ஷாருக்கான் பெற்றுள்ளதாக சொல்லப்படுகிறது. எனவே விரைவில் இது தொடர்பான செய்தியை அதிகாரப்பூர்வமாக எதிர்பார்க்கலாம்.

Shah Rukh Khan wants to remake Kamal Haasan’s hit movie

சூர்யாவின் படங்களை இயக்க காத்திருக்கும் சூப்பர் ஹிட் டைரக்டர்கள்

சூர்யாவின் படங்களை இயக்க காத்திருக்கும் சூப்பர் ஹிட் டைரக்டர்கள்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

சூர்யா தயாரித்து நடித்த ’சூரரைப்போற்று’ மற்றும் ’ஜெய்பீம்’ ஆகிய இரண்டு படங்களும் ஓடிடி தளங்களில் வெளியாகி சூப்பர் ஹிட்டானது.

இந்த படங்கள் ஓடிடியில் வெளியானதால் தியேட்டர்கள் உரிமையாளர்களிடம் இருந்து பலத்த எதிர்ப்புகள் வந்தன.

விரைவில் சூர்யாவின் அடுத்த படமான ’எதற்கும் துணிந்தவன்’ படத்தை திரைக்கு கொண்டு வரவுள்ளது சன் பிக்சர்ஸ். இது பிப்ரவரியில் வெளியாகிறது.

இந்த நிலையில் சூர்யாவின் அடுத்த பட இயக்குனர் யார்? யாருடைய படத்தில் நடிக்க போகிறார்? என்ற கேள்விகள் ரசிகர்கள் மத்தியில் எழுந்துள்ளது.

ஏற்கெனவே வெற்றிமாறன் இயக்கத்தில் வாடிவாசல் மற்றும் பாலா இயக்கத்தில் ஒரு படத்தில் நடிக்க ஒப்புக் கொண்டுள்ளார் சூர்யா.

இதில் வெற்றிமாறன் படம் முதலில் ஆரம்பிக்கும் என தெரிகிறது.

இந்த இரண்டு படங்களை முடித்துவிட்டு சிவா இயக்கத்தில் ஒரு படமும், சுதா கொங்காரா இயக்கத்தில் ஒரு படத்திலும் சூர்யா நடிக்கவிருக்கிறாராம்.

Kollywood top director wants to work with Suriya

உலகளவில் டாப் 10 வரிசையில் ஒரே இந்தியப்படம் ‘ஷ்யாம் சிங்கா ராய்’

உலகளவில் டாப் 10 வரிசையில் ஒரே இந்தியப்படம் ‘ஷ்யாம் சிங்கா ராய்’

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கொரோனா ஊரடங்கு காலத்தில் ஓடிடி தளங்களின் ஆதிக்கம் விஸ்வரூபம் எடுத்துள்ளது.

ஒரு சில தயாரிப்பாளர்கள் தியேட்டர்கள் திறக்கட்டும் என காத்திருந்தாலும் சில தயாரிப்பாளர்கள் ஓடிடி தளங்களில் படத்தை வெளியிட்டு வருகின்றனர்.

நடிகர் சூர்யா தயாரித்த 4-5 படங்களை ஓடிடியில்தான் வெளியிட்டார். வருகிற பிப்ரவரி 10ல் விக்ரம் நடித்துள்ள மகான் படம் அமேசானில் ரிலீசாகவுள்ளது.

அண்ணாத்த, புஷ்பா, மாநாடு உள்ளிட்ட படங்கள் தியேட்டர்களில் வெளியாகி வசூல் வேட்டையாடினாலும் பின்னர் ஓடிடி தளங்களில் வெளியாகியும் நல்ல வரவேற்பை பெற்று வருகிறது.

இதனிடையில் கடந்தாண்டு கிறிஸ்துமஸ் பண்டிகைக்கு ‘ஷ்யாம் சிங்கா ராய்’ என்ற தெலுங்கு படம் திரையரங்குகளில் வெளியாகி சூப்பர் ஹிட்டானது.

ராகுல் சங்க்ரித்யன் இயக்கியுள்ள இந்த படத்தில் நானி, சாய் பல்லவி, கீர்த்தி ஷெட்டி, மடோனா செபாஸ்டியன், முரளி ஷர்மா உள்ளிட்டோர் நடித்துள்ளனர்.

நிஹாரிகா என்டர்டெய்ன்மென்ட் தயாரித்துள்ள இப்படத்தின் ஒளிப்பதிவாளராக சானு ஜான் வர்கீஸ், இசையமைப்பாளராக மிக்கி ஜே.மேயர் பணிபுரிந்துள்ளனர்.

இந்த படம் தியேட்டர்களில் வெளியாகி 1 மாதத்திற்கு பிறகு 2022 ஜனவரி 21ல் நெட்பிஃளிக்ஸ் ஓடிடி தளத்தில் வெளியானது.

முன்பு பெற்ற வரவேற்பை விட தற்போது குடும்பங்கள் மத்தியில் நல்ல வரவேற்பு கிடைத்துள்ளது.

இது மற்ற மொழிகளிலும் வெளியாகியுள்ளதால் இந்த படத்தில் இடம்பெற்றுள்ள சமூக கருத்துள்ள வசனங்கள் வைரலாகி வருகின்றன.

இந்த நிலையில், நெட்பிஃளிக்ஸ் வெளியிட்டுள்ள உலகளவில் டாப் 10 படங்களின் பட்டியலில் ‘ஷ்யாம் சிங்கா ராய்’ 3ம் இடத்தை பிடித்துள்ளது.

இந்தப் பட்டியலில் இடம்பெற்ற ஒரே இந்தியப் படம் ‘ஷ்யாம் சிங்கா ராய்’ என்பது குறிப்பிடத்தக்கது.

இதில் ‘ஹவ் ஐ ஃபெல் இன் லவ் வித் எ கேங்ஸ்டர்’ (போலந்து நாட்டு மொழி) என்ற படம் முதலிடத்தில் உள்ளது. இந்த பட்டியலில் ஆங்கில படங்கள் எதுவும் இடம் பெறவில்லை என்பது கவனிக்கத்தக்கது.

Nani’s Shyam Singha Roy Third Most-Watched Film On Netflix

More Articles
Follows