தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
சிவகார்த்திகேயன் நடிப்பில் மடோன் அஸ்வின் இயக்கியுள்ள படம் ‘மாவீரன்’.
இந்த படம் தமிழ், தெலுங்கு ஆகிய 2 மொழிகளில் தயாராகி வருகிறது. எனவே தெலுங்கில் ‘மாவீருடு’ என்று பெயரிட்டுள்ளனர்.
அதிதி ஷங்கர் நாயகியாக நடிக்க இஙர்களுடன் சரிதா, சுனில், இயக்குனர் மிஷ்கின், யோகி பாபு உள்ளிட்டோர் நடிக்கின்றனர். இந்த படம் வருகிற ஆகஸ்ட் மாதம் 11-ம் தேதி திரையரங்குகளில் வெளியாகும் என ஏற்கெனவே அறிவிக்கப்பட்டது.
ஆனால் தற்போது ‘மாவீரன்’ படம் ஜூலை 14-ம் தேதி வெளியாகும் என புதிய தகவலை வீடியோவுடன் படக்குழு வெளியிட்டு உள்ளது.
இதற்குக் காரணம் ரஜினியின் ‘ஜெயிலர்’ படம் தான். ரஜினி நடித்து வரும் ‘ஜெயிலர்’ படம் ஆகஸ்ட் 10ஆம் தேதி வெளியாகும் என அறிவிக்கப்பட்டது.
இதற்கு அடுத்த நாள் ‘மாவீரன்’ படம் வந்தால் ரஜினியுடன் மோதுவதாக இருக்கும் என சிவகார்த்திகேயன் தரப்பில் நினைக்கப்பட்டதால் இந்த புதிய ரிலீஸ் தேதியை அறிவித்துள்ளதாக சொல்லப்படுகிறது.
சிவகார்த்திகேயன் ஒரு தீவிர ரஜினி ரசிகர் என்பது அனைவருக்கும் தெரிந்த ஒன்றுதான். மேலும் அவரது படங்களில் நிறைய ரஜினி ரெபரன்ஸ் காட்சிகள் இருக்கும்.
தங்களுடைய ஆரம்ப காலகட்டங்களில் அஜித் & விஜய் நடித்து வரும் போது தங்களை ஒரு ரஜினி ரசிகராகவே அடையாளப்படுத்திக் கொண்டனர்.
அவர்களது படங்களில் நிறைய ரஜினி காட்சிகள் இருக்கும். வான்மதி படத்தில் தன்னை ரஜினி ரசிகராகவே காட்டி இருப்பார் அஜித்.
பிள்ளையார்பட்டி ஹீரோ நீதான்ப்பா.. நீ மனசு வச்ச நானும் ஹீரோன்தாப்பா” என ரஜினி பட போஸ்டரை பார்த்து பாடுவதாக காட்சிகள் இருக்கும்.
அதுபோல விஜய்யின் பல படங்கள் ரஜினி ரெஃபரன்ஸ் காட்சிகள் இருக்கும். இவன் பார்த்த சின்ன ரஜினிடா என்ற பாடல் வரிகள் கூட இருந்தன.
இந்த நிலையில் தான் ரஜினியின் ‘சந்திரமுகி’ திரைப்படம் திரைக்கு வந்த அதே நாளில் தன்னுடைய ‘சச்சின்’ படத்தை ரிலீஸ் செய்து மோதினார் விஜய்.
அதுபோல ரஜினியின் ‘பேட்ட’ படம் வெளியான நாளில் தன்னுடைய ‘விஸ்வாசம்’ படத்தை ரிலீஸ் செய்து மோத செய்தார் அஜித்.
தங்களை ரஜினி ரசிகராக அடையாளம் காட்டிக் கொண்ட விஜய் அஜித் மத்தியில் சிவகார்த்திகேயன் தன் தலைவர் ரஜினியுடனான மோதலை தவிர்த்தது ரசிகர்களிடையே பாராட்டைப் பெற்று வருகிறது.
Sivakarthikeyan to avoid clash with Rajinikanth