By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
நடிகர் விஜய்க்கு தமிழக முழுவதும் லட்சக்கணக்கான ரசிகர்கள் உள்ளனர்.
‘விஜய் மக்கள் இயக்கம்’ என்ற பெயரில் நற்பணி மன்றங்களையும் நடத்தி வருகிறார் விஜய்.
இந்த இயக்கத்தின் நிர்வாகிகள் ஆலோசனை கூட்டத்தை அவ்வப்போது நடத்தி வருவது விஜய்யின் வழக்கம்.
நேற்று நவம்பர் 20ல் இயக்கத்தின் வளர்ச்சிப் பணிகள் குறித்து ஆலோசனை செய்ய சென்னை ECR பனையூரில் உள்ள விஜய் மக்கள் இயக்க தலைமை அலுவலகத்தில் ஆலோசனை கூட்டம் நடைபெற்றது.
தேர்தலில் வெற்றி பெற்ற நிர்வாகிகளுடன் தனித்தனியாக படம் எடுத்துக் கொண்டார் நடிகர் விஜய். மேலும் கூட்டத்தில் பங்கேற்ற அனைவருக்கும் பிரியாணி வழங்கப்பட்டது.
இந்த நிலையில் இசையமைப்பாளர் பரத்வாஜ் மருமகன் கார்த்திக் வெங்கட்ராமன் கனடா நாட்டின் விஜய் மக்கள் இயக்க தலைவராக உள்ளார். இவர் கனடாவில் வாழும் தமிழர்.
விஜய் தனது மன்ற நிர்வாகிகளை சந்திக்கும் நிகழ்வுக்கு, கனடாவில் இருந்து நேரில் வந்து, விஜய்யை சந்தித்து தனது ஆதரவையும், மகிழ்ச்சியையும் தெரிவித்துக் கொண்டார்.
அஜித் நடித்த ‘காதல் மன்னன்’, ‘திருப்பதி’, கமல் நடித்த ‘வசூல்ராஜா எம்பிபிஎஸ்’, சேரன் நடித்த ‘ஆட்டோகிராப்’, ‘பாண்டவர் பூமி’, விக்ரம் நடித்த ‘ஜெமினி’, மாதவன் நடித்த ‘ஜேஜே’ உள்ளிட்ட பல வெற்றி படங்களுக்கு இசையமைத்தவர் தான் பரத்வாஜ்.
பெரும்பாலும் சரண் இயக்கிய படங்களில் பரத்வாஜ் தான் ஆஸ்தான இசையமைப்பாளர் ஆவார்.
இவரின் மருமகன் தான் தற்போது விஜய் மக்கள் இயக்க (கனடாவில்) தலைவராக உள்ளார் என்பது குறிப்பிடத்தக்கது.
