தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
லோகேஷ் கனகராஜ் இயக்கத்தில் விஜய் நடிப்பில் அனிருத் இசையில் உருவாகியுள்ள திரைப்படம் ‘லியோ’.
இந்தப் படத்தை செவன் ஸ்க்ரீன் ஸ்டூடியோ தயாரிக்கிறது. வரும் அக்டோபர் 19-ம் தேதி திரையரங்குகளில் இப்படம் வெளியாக உள்ளது.
இந்தப் படத்தின் டிரைலர் அக்டோபர் 5 தேதி மாலை 6.30 மணிக்கு வெளியானது.
இந்த ட்ரெய்லரை தியேட்டரில் பார்க்க ரசிகர்களுக்கு இலவசமாக அனுமதி அளித்திருந்தது சென்னை ரோகினி தியேட்டர் நிர்வாகம்.
எனவே கட்டுக்கடங்காத கூட்டம் தியேட்டரில் அலை மோதியது. தியேட்டரில் லியோ ட்ரெய்லர் திரையிடப்பட்ட போது ரசிகர்கள் ஆரவாரம் செய்து துள்ளி குதித்தனர்.
3 நிமிடங்களில் ட்ரெய்லர் வெளியீடு முடிந்தது. அதன் பிறகு தான் தியேட்டர் நிலைமையை காண முடிந்தது.
ரசிகர்கள் ஆரவாரம் போட்டு ஓடிக் குதித்து தள்ளுமுள்ளு ஏற்பட்டதில் தியேட்டர் சீட்டுகள் அடித்து நொறுக்கப்பட்டுள்ளன.
இது தொடர்பான வீடியோக்களும் புகைப்படங்களும் தற்போது இணையத்தில் வைரலாகி வருகிறது.
சில தினங்களுக்கு முன்பு ரஜினி ‘ஜெயிலர்’ படத்தின் 50-வது நாள் கொண்டாட்டங்கள் இதே ரோகினி தியேட்டரில் அனுமதி அளிக்கப்பட்டு இருந்தது. அப்போது கூட இது போன்ற எந்தவிதமான பிரச்சனை எழவில்லை என்பது குறிப்பிடத்தக்கது.
விஜய் படத்தின் டிரைலர் அல்லது ஏதாவது விழா நடைபெறும் போது இதுபோன்ற சம்பவங்கள் தொடர்ந்து நடைபெற்று வருவது இங்கே கவனிக்கத்தக்கது.
Leo Trailer screening at Rohini Vijay fans destroyed seats