தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
கேப்டன் விஜயகாந்தை போல முக சாயல் உடையவர் நடிகர் சரவணன்.
1990களில் இவர் நிறைய படங்களில் ஹீரோவாக நடித்து வந்தார்.
நித்தியானந்தா புகழ் ரஞ்சிதாவும் இவருடன் நாயகியாக நடித்துள்ளார்.
பருத்தி வீரன் படத்தில் கார்த்தியுடன் சித்தப்பா கேரக்டரில் நடித்து சித்தப்பு என்று ரசிகர்களால் அன்புடன் அழைக்கப்படுகிறார்.
அண்மையில் பிக்பாஸ் நிகழ்ச்சியில் கலந்துக் கொண்டிருந்தார்.
1990 களில் வெளியான ‘நல்லதே’ நடக்கும் எனும் படத்தில் இவர் ஹீரோவாக நடித்த போது அப்பட டைட்டில் கார்டில் இளையதளபதி சரவணன் எனும் பட்டப்பெயர் இடம் பெற்றிருந்தது.
இது குறித்து சித்தப்பு சரவணன் தற்போது ஒரு பிரபல பத்திரிக்கைக்கு தெரிவித்துள்ளார்.
அதில்… சேலத்தில் நடந்த ஒரு சினிமா பாராட்டு விழாவில் இவர் கலந்துக் கொண்டாராம்.
அப்போதைய சேலம் திமுக பிரமுகர் ஒருவர், சினிமாவில் தளபதியாக கலக்கிக் கொண்டிருக்கும் சரவணனுக்கு இளைய தளபதி என்று கொடுக்கலாம் என பட்டப் பெயர் சூட்டினாராம்.
இதன் பின்னர் தான் ‘இளையதளபதி சரவணன்’ எனும் பெயர் இடம் பெற்றிருந்தது.
அதன் பிறகு சரவணனுக்கு பெரிதாக படம் வாய்ப்புகள் இல்லை.
அப்போதுதான் விஜய் நடிக்கும் ஒரு படத்தில் இளைய தளபதி என அவருக்கு பட்டம் கொடுத்திருந்தார் அவரின் தந்தை எஸ் ஏ சந்திரசேகர்.
இதனை பார்த்த சரவணன் நேரிடையாக எஸ்ஏசி.யை சந்தித்து, எப்படி என்னுடைய டைட்டிலை பயன்படுத்தலாம் என கேட்டாராம்.?
அதற்கு உங்களுக்கு பட வாய்ப்பு வரும்போது நீங்கள் பயன்படுத்திக் கொள்ளுங்கள் எனக் கூலாக கூறி விட்டாராம் எஸ்ஏசி.
ஆனால் அதன் பின்னர் சரவணனுக்கு பட வாய்ப்புகள் கிடைக்கவில்லையாம். இதனால் இளைய தளபதி பட்டத்தை சரவணன் பயன்படுத்த முடியவில்லை என தெரிவித்துள்ளார்.