By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
கிராபிக்ஸ் டிசைனராக இருந்து தற்போது பலருக்கு அறிமுகமான நடிகராக மாறியுள்ளவர் நடிகர் அர்ஜெய்.
நடிகர் விஷாலின் நட்பு இவருக்கு கிடைக்கவே அதனை பயன்படுத்தி தற்போது பல படங்களில் நடித்துள்ளார்.
‘நான் சிகப்பு மனிதன்’, ‘நாய்கள் ஜாக்கிரதை’, ‘தெறி’, ‘சண்டக்கோழி 2’ உள்ளிட்ட பலர் படங்களில் இவரின் கேரக்டர் பேசப்படும் வகையில் இருந்தன.
படங்களில் நடிக்க தொடங்கிய பின் சினிமாவுக்கு ஏற்றவாறு தன் உடலை சிக்ஸ் பேக் வைத்து அசத்தி வருகிறார்.
தான் உடலமைப்பை மாற்றி, நடிகராக ஆனதற்கு காரணம் ஹ்ருத்திக் ரோஷன் என்று ட்விட்டர் பதிவில் தெரிவித்துள்ளார் அர்ஜெய்.
அவர் தனது கடிதத்தில் குறிப்பிட்டு இருப்பதாவது:
“2006-ம் ஆண்டு, நான் டிஜிட்டல் ஊடகம் ஒன்றில் வேலை செய்து கொண்டிருந்தேன். அங்கு என் கனவான நடிப்பைப் பற்றி நான் மறந்து விட்டிருந்தேன்.
அந்த இடத்தில் என்னுடன் பல வட இந்தியர்கள் வேலை செய்து கொண்டிருந்தனர். ஒரு நாள் வேலை முடிந்து நான் வீட்டுக்குச் செல்லும்போது, இவ்வளவு சீக்கிரம் வீட்டுக்குச் சென்று என்ன செய்யப் போகிறாய் என்று சொல்லி, என்னை அவர்களுடன் படத்துக்கு வரச் சொன்னார்கள்.
அப்போதுதான் நான் ‘தூம் 2’ பார்த்தேன். படத்தின் நாயகன் ஹ்ரித்திக் ரோஷன். உடலைக் கட்டுக்கோப்பாக வைத்திருந்தார்.
அவரது நடிப்பையும், நடனத்தையும் விவரிக்க வார்த்தைகள் இல்லை.
ஏன் சென்னை வந்தாய், இப்போது என்ன செய்கிறாய் என்ற கேள்வி எழுந்தது.
அப்போதுதான் நான் ஜிம்முக்குச் செல்வது என்று முடிவெடுத்தேன். அந்த முடிவுக்கு முதல் காரணம் ஹ்ரித்திக் ரோஷன்.
அவர் தான் என் கிரேக்கக் கடவுள். எனது உந்துதல். திரைத்துறையில் நான் நடிகனாக நுழைய வேண்டும் என்று ஆர்வத்தைத் தூண்டியவர்.
இன்று நான் 15 படங்கள் வரை நடித்திருக்கிறேன். ஒருநாள் கண்டிப்பாக நான் எனது கிரேக்கக் கடவுளைச் சந்திப்பேன்”.
இவ்வாறு அர்ஜெய் தெரிவித்துள்ளார்.
Hrithik Roshan is my role model says Actor Arjai
