தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
லோகேஷ் கனகராஜ் இயக்கத்தில் விஜய் நடிப்பில் அனிருத் இசையில் உருவாகியுள்ள திரைப்படம் ‘லியோ’.
இதில் த்ரிஷா, சஞ்சய் தத், அர்ஜூன், பிரியா ஆனந்த், மிஷ்கின், கவுதம் மேனன், மன்சூர் அலிகான் ஆகியோர் நடித்துள்ளனர்.
இந்தப் படத்தை செவன் ஸ்க்ரீன் ஸ்டூடியோ தயாரிக்க நாளை அக்டோபர் 19-ம் தேதி திரையரங்குகளில் உலகமெங்கும் வெளியாக உள்ளது.
தமிழகத்தை பொறுத்தவரை 9:00 மணிக்கு தான் முதல் காட்சி தொடங்கும் என தமிழக அரசு தரப்பில் தெரிவிக்கப்பட்டுள்ளது.
இந்த நிலையில் இலங்கையில் ‘லியோ’ படத்தை திரையிட வேண்டாம் என இலங்கை தமிழ் எம்பிக்கள் விஜய்க்கு கடிதம் எழுதியுள்ளனர்.
அதில்…
இலங்கையில் முல்லைதீவு மாவட்ட நீதிபதி சரவணன் ராஜா ஸ்ரீலங்கா அரசு கொடுத்த அச்சுறுத்தல்களால் பதவி விலகி சென்றுள்ளார். இதற்கு நீதி கேட்டு போராட்டம் நடத்த உள்ளோம்.
எனவே உங்கள் படம் வெளியானால் இந்த போராட்டத்தில் பின்னடைவு ஏற்படும். எனவே அக்டோபர் 20 தேதி வரை தங்கள் படத்தை இலங்கையில் திரையிட வேண்டாம் என கேட்டுக்கொள்கிறோம்” என அந்த கடிதத்தில் இலங்கை தமிழ் எம்பிக்கள் குறிப்பிட்டுள்ளனர்.
Dont release Leo movie in Srilanks Tamil MPs letter to Vijay