By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
ஒரு படத்திற்கு நாயகன் நாயகி எவ்வளவு முக்கியமோ அதேபோல குணச்சித்திர நடிகர்களும் மிகவும் முக்கியமானவர்கள்.
அவர்கள்தான் கதையின் உயிரோட்டத்திற்கு பக்கபலமாக இருப்பார்கள். அப்படி ஒருவர் தான் நடிகர் போஸ் வெங்கட்.
‘மெட்டி ஒலி’ சீரியல் மூலம் மக்களிடையே மிகவும் பிரபலமான இவர் பல திரைப்படங்களில் முக்கிய வேடங்களில் நடித்துள்ளார்.
சிவாஜி, கவண், அயோத்தி உள்ளிட்ட படங்களில் இவரது கேரக்டர் பெரிய அளவில் பேசப்பட்டது.
மேலும் 2020 ஆம் ஆண்டு வெளியான ‘கன்னிமாடம்’ என்ற திரைப்படத்தையும் இவர் இயக்கியுள்ளார்.
தமிழ் மட்டுமல்லாது மற்ற மாநில மொழி படங்கள் இவர் நடித்து வருகிறார்.
இந்த நிலையில் போஸ் வெங்கட்டின் அக்கா வளர்மதி என்பவர் நேற்று ஜூன் 23ஆம் தேதி திடீர் மாரடைப்பால் காலமானார்.
இறுதிச் சடங்கில் பங்கேற்பதற்காக போஸ் வெங்கட்டின் அண்ணன் ரங்கநாதன் அறந்தாங்கியில் இருந்து சென்னை வந்துள்ளார்.
சகோதரி உடலைக் கண்டு கதறி அழுதபோது திடீரென அவருக்கும. மாரடைப்பு ஏற்பட்டு அவரும் அந்த இடத்திலேயே உயிரிழந்தார்.
ஒரே நாளில் தன்னுடைய அக்கா மற்றும் அண்ணன் இருவரையும் போஸ் வெங்கட் இழந்துள்ளார்.
இந்த சம்பவம் திரையுலகினர் மத்தியில் பெரும் அதிர்ச்சியையும் சோகத்தையும் ஏற்படுத்தியுள்ளது.
போஸ் வெங்கட்டின் அண்ணன் ரங்கநாதன் உடல் அறந்தாங்கி எடுத்துச் செல்லப்பட்டு அங்கு இறுதிச்சடங்கு நடைபெறும் என தகவல்கள் வந்துள்ளன.
ஒரே நாளில் அண்ணன் மற்றும் அக்காவை இழந்த போஸ் வெங்கட்டிற்கு தனது இரங்கலை தெரிவித்துள்ளார் தமிழக முதல்வர் மு க ஸ்டாலின்.
கூடுதல் தகவல்…
தமிழக முதல்வர் மு க ஸ்டாலின் வாழ்க்கையை திரைப்படமாக எடுக்க முயற்சித்து வருகிறார் போஸ் வெங்கட்.
மேலும் வெங்கட், திமுக தலைமைக் கழக பேச்சாளராகவும் இருக்கிறார்.
திமுக பொதுக் கூட்டங்களிலும் போஸ் வெங்கட் உரையாற்றியிருக்கிறார்.
கடந்த சட்டமன்றத் தேர்தலின்போது அறந்தாங்கி சட்டசபை தொகுதியில் திமுக சார்பில் போட்டியிட போஸ் வெங்கட் விருப்ப மனு அளித்திருந்தார் என்பது குறிப்பிடத்தக்கது.
Bose venkat lost his sister and brother in same day
