தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
அண்மையில் தமிழகத்தில் நடந்து முடிந்த உள்ளாட்சித் தேர்தல் முடிவுகளில் விஜய் மக்கள் இயக்கம் சார்பில் சுயேச்சையாக போட்டியிட்ட வேட்பாளர்கள் பலர் வெற்றி பெற்றனர்.
உள்ளாட்சித் தேர்தலில் 60க்கும் மேற்ப்பட்ட இடங்களில் வெற்றி பெற்றனர்.
இதனால் விஜய் ரசிகர்கள் உற்சாகத்தில் உள்ளனர்.
இந்நிலையில், ஒவ்வொரு பகுதியிலும் உள்ளூர் செல்வாக்கால் மட்டுமே அவர்கள் வெற்றி பெற்றதாகவும் நடிகர் விஜய்க்காக மக்கள் ஓட்டு போட்டார்கள் என நான் நினைக்கவில்லை என நாம் தமிழர் கட்சி தலைமை ஒருங்கிணைப்பாளர் சீமான் தெரிவித்திருந்தார்.
மேலும் அவர் கூறுகையில்..
அதிக இடங்களில் விஜய் மக்கள் இயக்கம் வென்றிருந்தால் வாழ்த்துகள். நாம் தமிழர் படுதோல்வியடையவில்லை.
சில இடங்களில் வெற்றி பெற்று இருக்கிறோம். ஒரே நாளில் ஒரு செடி பூத்துவிடாது. படிப்படியாகத்தான் ஒரு கட்சி வளரும்” என்று சீமான் தெரிவித்தார்.
சீமானின் இந்த பேச்சை கண்டித்து விஜய் ரசிகர்கள் போஸ்டர்கள் அடித்து ஒட்டியுள்ளனர்.
அந்த போஸ்டரில்..
“அரசியலின் செல்லாக்காசு ச்சீ சீமானே.. வன்மையாக கண்டிக்கிறோம்..
எல்லா தேர்தலிலும் அடி வாங்கும் உங்களுக்கு தளபதியை பற்றி கூற என்ன தகுதி இருக்கு? உடனடியாக மன்னிப்பு கேள்.. இது எச்சரிக்கை அல்ல கட்டளை..” இவ்வாறு சீமானை கடுமையாக சாடி போஸ்டர்கள் அடித்து பரபரப்பை ஏற்படுத்தி உள்ளனர்.
Actor Vijay fans warning Naam Tamilar Seeman