வெற்றி – ஷிவானி இணைந்த ‘இரவு’ விடியலுக்கு (ரிலீசுக்கு) ரெடியானது

அதர்வா – தன்யாவின் ‘ட்ரிக்கர்’ கூட்டணியில் இயக்குனர் பி.எஸ்.மித்ரன்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘டார்லிங்’, ‘கூர்கா’ படங்களை இயக்கியவர் சாம் ஆண்டன்.

இவரது இயக்கத்தில் அதர்வா நடித்த படம் ‘ட்ரிக்கர்’.

இதில் ரகசிய உளவாளியாக அதர்வா நடிக்க அவருக்கு அப்பாவாக அருண் பாண்டியன் நடித்துள்ளார்.

இவர்களுடன் தான்யா ரவிச்சந்திரன், முனிஷ் காந்த உள்ளிட்டோரும் நடித்துள்ளனர்.

ஜிப்ரான் இசையமைத்துள்ளார்.

பிரதீக் சக்ரவர்த்தி மற்றும் ஸ்ருதி நல்லப்பாவின் பிரமோத் பிக்சர்ஸ் இணைந்து தயாரித்துள்ளனர்.

குழந்தைக் கடத்தலை மையமாக வைத்து எடுக்கப்பட்டுள்ள இப்பட ட்ரெய்லர் தற்போது வெளியாகியுள்ளது.

திலிப் சுப்புராயன் சண்டைக் காட்சிகளும், ‘ட்ரிக்கர் ட்ரிக்கர்’ பாடலும் கவனம் ஈர்க்கிறது.

இப்படத்திற்கு ‘இரும்புத்திரை’, ‘ஹீரோ’ படங்களை இயக்கிய பி.எஸ்.மித்ரன் வசனம் எழுதியுள்ளார்.

‘நெருப்பு மட்டும் தான் வேற ஒண்ண அழிச்சிட்டுதான் வாழும்’ என்ற வசனம் அனலாக இருக்கிறது.

ட்ரைலர் லிங்க் இதோ…

‘வாடிவாசல்’ & ‘பொன்னியின் செல்வன்’ நாவலை தொடர்ந்து ஷங்கர் – சூர்யா நாவல் கூட்டணி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

எம்ஜிஆர் கமல்ஹாசன் ரஜினிகாந்த் ஆகியோர் முயற்சி செய்தும் ‘பொன்னியின் செல்வன்’ நாவலை திரைப்படமாக்க முடியவில்லை என்பது நாம் அறிந்த செய்திதான்.

தற்போது பொன்னியின் செல்வன் நாவலை பிரம்மாண்டமாக திரைப்படமாகியுள்ளார் மணிரத்னம்.

இந்த திரைப்படம் இந்த மாதம் செப்டம்பர் 30ல் வெளியாகிறது.

இந்த நிலையில் இதே போன்று மற்றொரு நாவலை படமாக்க உள்ளார் இயக்குனர் ஷங்கர்.

இதில் சூர்யா நாயகனாக நடிக்க உள்ளதாக சொல்லப்படுகிறது.

எழுத்தாளர் சு.வெங்கடேசன் எழுதிய ‘வேள்பாரி’ நாவலை படமாக்க திட்டமிட்டுள்ளாராம்.

மதுரையில் நடைபெற்ற ‘விருமன்’ பட விழாவில் எழுத்தாளர் சு.வெங்கடேசனுடன் ஒரு சுவாரஸ்ய பயணம் ஆரம்பித்து விட்டதாக பேசி இருந்தார். எனவே அந்த பயணம் இதுதான் என்பதாக கூறப்படுகிறது.

கூடுதல் தகவல்..

இந்த நாவலை படமாக்கும் முயற்சியில் தனுஷ் – வெற்றிமாறன் ஈடுபட்டதாக முன்னதாக கூறப்பட்டது.

தற்போது வெற்றி மாறன் இயக்கி வரும் வாடிவாசல் படத்தில் சூர்யா நடித்து வருகிறார். இதுவும் சி.சு.செல்லப்பா எழுதிய வாடிவாசல் நாவலை தழுவி எடுக்கப்பட்டு வருவது நாம் அறிந்த ஒன்றுதான்.

சிவாவுடன் சூர்யா இணையும் படமும் 3டி-யில் சரித்திரப் படமாக உருவாகி வருவது இங்கே கவனிக்கத்தக்கது.

பாடலாசிரியர் கபிலன் மகள் தற்கொலை.; நடந்தது என்ன.? முதல்வர் ஆறுதல்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

பாடலாசிரியரான கபிலன் அரும்பாக்கம் எம்.எம்.டி.ஏ காலனியில் உள்ள திருப்பூர் குமரன் தெருவில் குடும்பத்துடன் வசித்து வருகிறார்.

இவரது மூத்த மகள் தூரிகை (28) MBA படிப்பு முடித்துவிட்டு ஆங்கிலப் பத்திரிக்கை ஒன்றில் பணியாற்றி வந்தார்.

இவர் மேலும், பியூட்டீஷியன், பேஷன் டிசைனிங் உள்ளிட்ட துறைகளிலும் ஆர்வம் காட்டி வந்தார்.

பேஷன் ஷோக்களிலும் பங்கு பெற்றுள்ளார்.

கடந்த 2020 ஆம் ஆண்டு பெண்களுக்கான மேகசின் ஒன்றையும் இவர் தொடங்கி நடத்தி வந்தார்.

பாடலாசிரியர் கபிலன் மகள் தூரிகை தற்கொலை செய்துள்ளார்.

தூரிகை கபிலன் தனது அறையில் உள்ள ஃபேனில் தூக்கிட்டு தற்கொலை செய்து கொண்டுள்ளார்.

கடந்த சில நாட்களாக அவர் வீட்டிலேயே இருந்ததாகவும், மன அழுத்தத்தில் இருந்து வந்ததாகவும் கூறப்படுகிறது.

தூரிகையின் போனை பறிமுதல் செய்துள்ள அரும்பாக்கம் போலீசார் விசாரணை மேற்கொண்டு வருகின்றனர்.

இதுதொடர்பாக அரும்பாக்கம் போலீசார் விசாரணை நடத்தி வருகின்றனர்.

மேலும் தமிழக முதல்வர் மு க ஸ்டாலின் அவர்கள் கவிஞர் கபிலனிடம் இது குறித்து விசாரித்தார். அவருக்கு ஆறுதல் கூறினார்.

கவிஞர் கபிலன் அவர்களுடைய மகள் செல்வி தூரிகை நேற்று மரணித்தார்.

நல்லடக்கம் இன்று மாலை 3 மணியிலிருந்து 4மணிக்குள் நடைபெற்றது.

கீழுள்ள முகவரியில் தூரிகையின் உடல் அஞ்சலிக்காக வைக்கப்பட்டது.

H-92,M M D A Colony
Arumbakkam,Chennai-106.
Near Vallavan Hotel Back Side,

EXCLUSIVE ‘ஹரா’ படத்தில் ரஜினி – விஜய் படங்களில் நடித்த பாலிவுட் நடிகர்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘தாதா 87’ & ‘பவுடர்’ பட இயக்குனர் விஜய் ஸ்ரீஜி.

‘பவுடர்’ படம் விரைவில் திரைக்கு வர உள்ளது.

இவரது இயக்கத்தில் தற்போது உருவாகியுள்ள திரைப்படம் ‘ஹரா’.

இந்த படத்தில் மோகன் மற்றும் குஷ்பு ஜோடியாக நடித்து வருகின்றனர்.

இவர்களுடன் மொட்ட ராஜேந்திரன், யோகி பாபு, சிங்கம்புலி உள்ளிட்ட பலர் முக்கிய வேடங்களில் நடித்து வருகின்றனர்.

இந்த படத்தின் முதற்கட்ட படப்பிடிப்பு கோவை மற்றும் ஊட்டியில் நடைபெற்றது.

இந்த நிலையில் இந்த படத்தில் முக்கிய வேடத்தில் ஹிந்தி நடிகர் ஜாக்கி ஷெரப் இணைய உள்ளதாக கூறப்படுகிறது.

இதற்கான பேச்சுவார்த்தையை இயக்குனர் விஜய்ஸ்ரீ தொடங்கி விட்டதாகவும் தகவல் வந்துள்ளன.

எனவே விரைவில் இது பற்றிய அறிவிப்பை எதிர்பார்க்கலாம்.

ஜாக்கி ஷராப் ஏற்கனவே ‘கோச்சடையான்’ ‘பிகில்’ ‘ஆரண்ய காண்டம்’, ‘மாயவன்’ உள்ளிட்ட தமிழ் படங்களில் நடித்திருக்கிறார் என்பது குறிப்பிடத்தக்கது.

பாரதிராஜா டிஸ்சார்ஜ்.; வீட்டில் சந்தித்து நலம் விசாரித்த முதல்வர் முக. ஸ்டாலின்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இயக்குனர் பாரதிராஜா-விற்கு உடல்நிலை குறைவு காரணமாக அவருக்கு தீவிர சிகிச்சை அளிக்கப்பட்டது.

இதனையடுத்து ஓர் அறிக்கை வெளியிட்டார் பாரதிராஜா.

அப்போது…

வணக்கம். நான் உங்கள் பாசத்திற்குரிய பாரதிராஜா பேசுகிறேன். உடல்நலக் குறைவு காரணமாக சமீபத்தில் மருத்துவமனையில் அனுமதிக்கப்பட்ட நான் மருத்துவர்கள் மற்றும் மருத்துவப் பணியாளர்களின் சிறப்பான சிகிச்சை மற்றும் கனிவான கவனிப்பின் காரணமாக நலம் பெற்று வருகிறேன்.

மருத்துவமனையில் பார்வையாளர்களுக்கு அனுமதி இல்லை என்பதால் என்னை நேரில் காண வர வேண்டாம் என்று என் மேல் அன்பு கொண்ட அனைவரையும் பணிவோடு கேட்டுக்கொள்கிறேன்.

விரைவில் பூரண நலம் பெற்று உங்கள் அனைவரையும் நேரில் சந்திக்கிறேன்.

எனத் தெரிவித்து இருந்தார் பாரதிராஜா.

இந்த நிலையில் சென்னை நீலாங்கரையில் உள்ள பாரதிராஜாவின் இல்லத்திற்கு நேரில் சென்ற முதலமைச்சர் அவரது உடல் நலம் குறித்து விசாரித்தார்.

அண்மையில் அவர் மருத்துவமனையில் சிகிச்சை பெற்று இருந்தபோது தொலைபேசியில் நலம் விசாரித்து இருந்தார்.