By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
ஒன்லைன்…
சிறை கைதிகள் பாதாள குகை அமைத்து தப்பிக்கும் கதை தான் இதன் ஒன்லைன்
நடன இயக்குனர் பிருந்தா மாஸ்டர் இயக்கத்தில் உருவாகி இருக்கும் 2வது திரைப்படம் ‘தக்ஸ்’.
இப்படத்தை எச்.ஆர்.பிக்சர்ஸ் சார்பில் ரியா சிபு தயாரித்துள்ளார். இதில் ஹிருது ஹரூன், சிம்ஹா, ஆர்.கே.சுரேஷ், முனிஸ்காந்த் உள்ளிட்ட பலர் நடித்துள்ளனர்.
கதைக்களம்…
ஒரு சிறையில் அடைக்கப்பட்ட கைதிகள் ஜெயிலில் இருந்து தப்பிக்கும் கதை தான் இந்த தக்ஸ்.
ஆர் கே சுரேஷ் போலீஸ் அதிகாரி.. நாயகன் ஹிருது மற்றும் பாபி சிம்ஹா உள்ளிட்டவர்கள் சிறை கைதிகள்..
ஒரு கட்டத்தில் சிறையில் இருந்து தப்பிக்க இவர்கள் போடும் திட்டம் தான் இந்தப் படத்தின் கதைக்களம்.
கேரக்டர்கள்…
பொதுவாகவே குற்றவாளிகள் சிறையில் இருந்தால் அவர்கள் தப்பிச் செல்லக்கூடாது என்ற எண்ணமே மேலோங்கும்.. ஆனால் இதில் குற்றவாளிகள் தப்பிக்க வேண்டும் என்ற எண்ணமே மேலோங்குகிறது.. அதற்கு காரணம் அந்த படத்தின் நாயகன் மேற்கொள்ளும் முயற்சிகள் தான்.
முதல் படத்தில் இப்படி ஒரு நடிப்பா? என்றளவிற்கு சிறப்பான நடிப்பை கொடுத்துள்ளார் நாயகன் ஹிருது. இவர் தயாரிப்பாளர் சிபு தமின்ஷின் மகன் என்பது கூடுதல்.
எதையும் அசால்டாக செய்து ரசிகர்களை அசர வைத்துள்ளார். சிவாஜி அறிமுகமான படம் பராசக்தி.. கார்த்தி அறிமுகமான படம் பருத்திவீரன்.. தங்கள் முதல் படத்திலேயே இருவரும் தங்கள் நடிப்பு முத்திரையை பதித்திருந்தனர்.. அது போல தான் தக்ஸ் படத்தில் தன் முத்திரையை பதித்துள்ளார் ஹிருது ஹரூன்.
இதுவரை ஏற்காத கைதி கேரக்டரில் முனீஸ் காந்த் .. அவரும் கொஞ்சம் சிரிக்க வைத்து நம்மை ரசிக்க வைத்துள்ளார்..
மிரட்டலான போலீஸ் அதிகாரி வேடத்தில் ஆர் கே சுரேஷ்.. சிறை கைதியாக பாபி சிம்ஹா. இருவரும் தங்கள் கேரக்டர்களில் கச்சிதம்.
படத்தின் நாயகி மற்றும் இதர கைதிகள் என அனைவரும் ஒவ்வொரு பரிமாணத்தை காட்டியுள்ளனர்.. ஜெயில் வாழ்க்கை இப்படித்தான் இருக்குமோ என்று நாம் எண்ணும் அளவிற்கு ஜெயிலுக்குள் நம்மை அழைத்துச் சென்றுள்ளார் இயக்குனர்..
டெக்னீஷியன்கள்…
முதல் படத்தில் நாயகன் ரொமான்ஸ் செய்து.. டூயட் பாடி.. நாலு ஆக்ஷன் செய்து இப்படி தான் காட்சிகள் அமைக்கப்படும். ஆனால் இதில் பிருந்தா நாயகனின் மேல் முழு நம்பிக்கை வைத்து தக்ஸ் படத்தை தரமாக கொடுத்துள்ளார்.
சாம்.சி.எஸ் இசையமைக்க ஒளிப்பதிவை பிரியேஷ் குருசாமி மேற்கொண்டுள்ளார்.
படத்தின் பின்னணி இசை தெறிக்க விட்டுள்ளது எனலாம் அப்படி ஒரு மிரட்டலான இசையை கொடுத்துள்ளார் சாம் சி எஸ். படத்தின் ஒளிப்பதிவும் பாராட்டுக்குரிய வகையில் உள்ளது.
முக்கியமாக நாயகன் நாயகி குளிக்கும் ஒரு டூயட் காட்சி ரசிக்கப்படும் வகையில் உள்ளது. கேரளாவின் அழகையும் சிறை கைதிகளின் சிக்கல்களையும் காட்சிப்படுத்தியுள்ளார் ஒளிப்பதிவாளர்.
ஒரு சின்ன கதைக்களம் என்றாலும் அதனை தன்னுடைய மேக்கிங் என்ற கை வண்ணத்தால் அருமையான பதிவாக கொடுத்துள்ளார் இயக்குனர் பிருந்தா.
ஆக இந்த தக்ஸ்.. தரம்
Thugs movie review and rating in tamil
