பார்க் விமர்சனம் 2.5/5.. பேய் காதலர்கள்

மின்மினி பட விமர்சனம் 3/5.. இதயத் துடிப்பு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

மின்மினி பட விமர்சனம் 3/5.. இதயத் துடிப்பு

ஸ்டோரி….

பிரவீன் கிஷோர் மற்றும் கௌரவ் காளை ஆகிய இருவரும் ஒரே பள்ளியில் ஒரே வகுப்பில் படிக்கும் மாணவர்கள்.. பள்ளியில் முதல் மாணவனாக இருந்தாலும் மற்ற மாணவர்களை கிண்டல் செய்யும் சேட்டை சுபாவம் உள்ளவர் கௌரவ்..

அந்தப் பள்ளியில் புதிதாக சேர்ந்த பிரவீனை அடிக்கடி வம்புக்கு இழுக்கிறார்.. இவர்கள் அதே பள்ளி விடுதியில் தங்கி படிக்கின்றனர்..

ஒருநாள் மாணவர்கள் சுற்றுலா சென்று கொண்டிருக்கும்போது திடீரென விபத்து நடக்கிறது.. அப்போது பிரவீனை தன் உயிரைக் கொடுத்து காப்பாற்றுகிறார் கவுரவ்.. அப்போது நன்றி கூட சொல்ல முடியாமல் தவிக்கிறார் பிரவீன்..

தன் உயிரை காப்பாற்றி மரணம் அடைந்த கௌரவின் ஆசையை நிறைவேற்ற முயல்கிறான்.. அவனின் ஆசைப்படி ஒருநாள் இமயமலை சிகரத்திற்கு தனி ஆளாக பைக்கில் பயணம் செய்ய வேண்டும் என முடிவெடுக்கிறார்..

இது ஒரு புறம் இருக்க மற்றொரு புறம்.. விபத்தில் மூளைச்சாவு அடைந்த கௌவ்வின் இதயம் எஸ்தருக்கு பொருத்தப்படுகிறது.. எனவே எஸ்தருக்கும் ஒரு ஆசை வருகிறது..

கௌரவ் படித்த பள்ளிக்கூடத்தில் படித்து அவனின் நிறைவேறாத ஆசையை தானும் நிறைவேற்ற வேண்டும் என எண்ணுகிறார்.. அப்போதுதான் பிரவீன் எண்ணம் இவருக்கு தெரிய வருகிறது.. அதன் பிறகு என்ன நடந்தது என்பதுதான் மீதிக்கதை.

கேரக்டர்ஸ்….

த்ருஷ்யம் படத்தில் மோகன்லாலின் 2வது மகளாகவும் பாபநாசம் படத்தில் கமலின் இரண்டாவது மகளாகவும் நடித்த எஸ்தர் அணில் கதையின் நாயகியாக நடித்துள்ளார்..

எஸ்தர் அணில், பிரவீன் கிஷோர் மற்றும் கவுரவ் காளை ஆகிய மூவரின் நடிப்பும் சூப்பர்… பள்ளியில் சின்ன சண்டை அவர்களுக்குள் உள்ள நட்பு மோதல் என அனைத்தையும் உணர்வுகளில் காட்டி நல்லதொரு நடிப்பை கொடுத்திருக்கின்றனர்..

பாரி முகிலன் கேரக்டரில் நடித்த கௌரவ் சூப்பர்.. இவர் மூளைச்சாவு அடைந்து ஆறு பேருக்கு வாழ்வு கொடுப்பது ஒரு விழிப்புணர்வு ஏற்படுத்தும் கேரக்டர் ஆகும்..

சபரியாக நடித்திருக்கும் பிரவீன் சாந்தமான மாணவனாக வருகிறார்.. இமயமலையில் பைக் பயணம் செய்யும் மனிதநேய நபராகவும் ஜொலிக்கிறார்.. ஆனால் நிறைய காட்சிகளில் இவரது முகபாவனையில் போதுமான மெச்சூரிட்டி இல்லை..

பள்ளியில் சின்ன பெண்ணாக எஸ்தர் இமயமலையில் பயணிக்கும் மோட்டார் ரைடராக பயணிப்பது வேற லெவல்.. நம் வீட்டுப் பெண்கள் ஸ்கூட்டியை ஓட்டவே கஷ்டப்படும் போது ஒரு பெரிய புல்லட்டை இமயமலையில் ஓட்டியிருப்பது ஆச்சரியமான ஒன்றாகும்..

டெக்னீசியன்ஸ்…

படத்தின் மிகப்பெரிய பலமே ஒளிப்பதிவு தான்.. மனோஜ் பரமஹம்சா கேரியரில் ஒளிப்பதிவில் இந்த படம் அவருக்கு மிகப்பெரிய பாராட்டுக்களை பெற்று தரும்..

நிலச்சரிவு முதல் அங்குள்ள மக்களின் வாழ்வியலை அழகாக கண்முன் படம் பிடித்திருக்கிறார்.. அதுபோல இமயமலைக்கு செல்ல வேண்டும் என ஒரு தூண்டுதலையும் தன்னுடைய ஒளிப்பதிவில் ஏற்படுத்தி இருக்கிறார்.

இடைவேளைக்கு முன்பு வரை பள்ளி கதை இரண்டாம் பாதியில் இமயமலையில் பைக் பயணம் என இரண்டு அனுபவங்களை கொடுத்திருக்கிறார் இயக்குனர்.. ஒரு பள்ளி என்றால் குறைந்தபட்சம் 100 மாணவர்களை காட்ட வேண்டும். ஆனால் 20 மாணவர்களை மட்டுமே காட்டி படத்தை முடித்திருக்கிறார் இயக்குனர் அது ஏன்?

எட்டு வருடம் காத்திருந்தவர் இரண்டு நபர்களை மட்டுமே நடிக்க வைத்து இரண்டாம் பாதி முழுவதையும் ஓட்டி இருக்கிறார் அது ஏனோ?

15 வயது சிறுவர் சிறுமியரை நடிக்க வைத்து அவர்கள் வளரும் வரை 8 ஆண்டுகள் காத்திருந்து அவர்களை மீண்டும் அதே கேரக்டரில் நடிக்க வைத்து ஒரு வித்தியாசமான படைப்பை கொடுத்திருக்கிறார் ஹலிதா ஷமீம்.

பூவரசன் பீபீ, சில்லு கருப்பட்டி, ஏலே போன்ற படங்களை இயக்கியவர் இவர்..

பள்ளிப்பருவத்தில் நட்பு வளர்ந்த பின் அதே பள்ளி நினைவுகளுடன் காதல் என ஒரு கவித்துவமான படைப்பை கொடுக்க முயற்சித்து இருக்கிறார் இயக்குனர்..

இந்தப் பெண் இயக்குனருக்கு பக்க பலமாக இருந்து ஒரு பெண்ணாக அவரின் உணர்வுகளைப் புரிந்து இசை பணியை நேர்த்தியாக செய்து இருக்கிறார் ஏ.ஆர்.ரகுமானின் மகள் கதீஜா ரகுமான்.. பாடல்கள் கவனம் பெறுகின்றன.. பின்னணி இசையில் ரகுமான் போல அல்லாமல் இளையராஜா போல மெல்லிய இசையை கொடுத்திருப்பது சிறப்பு..

8 years wait Minmini review

மழை பிடிக்காத மனிதன் விமர்சனம்.. 3.5/5.. கவிதை கலந்த ஆக்சன்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

மழை பிடிக்காத மனிதன் விமர்சனம்.. 3.5/5.. கவிதை கலந்த ஆக்சன்

ஸ்டோரி…

ஒரு அடாத மழையினால் தன் காதல் மனைவி இழக்கிறார் விஜய் ஆண்டனி.. அன்று முதல் மழையை வெறுக்க தொடங்கி விடுகிறார்.. அதுதான் மழை பிடிக்காத மனிதன்.

விரக்தியில் இருக்கும் விஜய் ஆண்டனியை மாற்றத்திற்காக அந்தமான் கொண்டு செல்கிறார் அவரது நண்பர் சரத்குமார்.. அதேசமயம் நடந்த சம்பவத்தில் விஜய் ஆண்டனி இறந்து விட்டார் என பொய் தகவல் பரப்பி நம்ப வைக்கிறார்.. அப்படி அவர் சொல்ல என்ன காரணம் என்பது கிளைமாக்ஸ் இல் தெரியும்.

அந்தமானுக்கு சென்ற விஜய் ஆண்டனி அங்கு ஒரு பிரச்சனையில் தன் நண்பனுக்காகவும் தன் காதலிக்காகவும் களம் இறங்குகிறார்.. அடுத்தது நடந்தது என்பதே மீதிக்கதை..

கேரக்டர்ஸ்…

நாய் மீது பாசம்.. காதலி மீது நேசம் என ஸ்கோர் செய்திருக்கிறார் விஜய் ஆண்டனி.. அவரது ஹேர் ஸ்டைல் ரசிக்க வைக்கிறது.

ரோமியோ படத்தில் ரொமான்டிக் ஹீரோவாக மாறிய விஜய் ஆண்டனி தற்போது மீண்டும் சீரியஸ் கேரக்டராக செய்ய ஆரம்பித்துவிட்டாரா? ஆனால் இந்த படத்தின் கேரக்டருக்கு அது ஒத்துப் போவதால் நாம் ஏற்றுக் கொள்ளலாம்.

மேகா ஆகாஷ் & அவரின் சிஸ்டர் கேரக்டர் கச்சிதம்..

மேகா ஆகாஷ், முரளி ஷர்மா மற்றும் இயக்குனர் ரமணாவின் நடிப்பு கவனிக்க வைக்கிறது.. விஜய் ஆண்டனி சீரியல் டைப் எனவே நீங்களும் சீரியஸாக டைப் ஆகிருங்கள் என மேகா ஆகாஷ் இருக்கு அட்வைஸ் சொன்னாரா விஜய் மில்டன் தெரியவில்லை.. நிறுத்தி நிதானமாகவே எல்லா சீன்களிலும் பேசுகிறார்

வில்லனாக வரும் ‘டாலி’ தனஞ்சய்வின் கேரக்டர் மிரட்டல்… இவருக்கான பில்டப்பும் இவருக்கான பின்னணி இசையும் கவனிக்க வைக்கிறது.. நீ டாலி ஆள்னு சொல்லிட்ட.. ஆனா உன்ன போலீஸ அடிச்சுட்டா அப்புறம் எனக்கு எப்படிடா மரியாதை..? இப்ப நீ போலீஸ் அடிடா என மிரட்டும் காட்சி தெறி லெவல்..

விஜய் ஆண்டனி நண்பனாக வரும் இளம் ஹீரோ பிரித்வி துறுதுறு.. சில இடங்களில் ஓவர் ஆக்டிங்கை குறைத்து இருக்கலாம்..

சரத்குமார், சத்யராஜ், சரண்யா பொன்வண்ணன் உள்ளிட்டோரின் கேரக்டர்கள் வீணடிக்கப்பட்டு இருக்கிறது.. இறுதியாக கேப்டன் விஜயகாந்த்துக்கு அஞ்சலி செலுத்தும் விதமாக படத்தை முடித்து இருப்பது கேப்டன் ரசிகர்களை மகிழ்விக்கும்..

டெக்னீசியன்ஸ்…

படத்தில் நிறைய இடங்களில் தீராமழை.. தீயவன் என வகை வகையாகப் பிரித்து காட்சிகளை விளக்கி இருப்பது செம.. காட்சிகளை கவிதை நயமாக படமாக்கி விருந்து படைத்திருக்கிறார் ஒளிப்பதிவாளர் விஜய் மில்டன். இவரே படத்தின் இயக்குனர் என்பதால் காட்சிகளை ரசிக்கத்தக்க வகையில் தந்திருப்பது கூடுதல் பிளஸ் பாயிண்ட்..

இசையமைப்பாளர் ராயின் இசையமைப்பில் ‘தீரா மழை’ , இசையமைப்பாளர் ஹரி டபுசியா இசையமைத்த ‘தேடியே போறேன்’ ஆகிய பாடல்கள் கவனம் பெறுகின்றன. விஜய் ஆண்டனி பாடிய பாடல் ரசிக்க வைக்கிறது..

ஆக்சன் காட்சிகளில் அனல் தெறிக்கிறது.. சரண்யா நடத்தும் உணவகத்தில் நடக்கும் அந்த சண்டை காட்சி வேற லெவல் ரகம்..

பெரும்பாலான காட்சிகளை அந்தமானில் படமாக்கி இருக்கின்றனர்.. அடடா அந்தமான் இவ்ளோ அழகா? ஒரு ட்ரிப் போயிட்டு வரலாம் என ஏங்க வைக்கிறது..

மழையில் நனையும் நாய்க்குட்டி முதல் கவிதையாய் பேசும் நாயகி மேகா ஆகாஷ் வரை அனைத்தும் அழகு..

கெட்டவனை அழிப்பதை விட கெட்டதை அழித்தால் நலம் பெறலாம் என்ற நல்ல நோக்கத்துடன் படத்தை முடித்து இருப்பது சிறப்பு.. வில்லனுக்கு விஜய் ஆண்டனி சொல்லும் அட்வைஸ் நாயகனின் பெருந்தன்மையை காட்டும் விதம்..

கூடுதல் தகவல்…

படத்தின் ஆரம்பத்தில் வரும் ஒரு நிமிடக் காட்சி தனக்கே தெரியாமல் சேர்க்கப்பட்டுள்ளதாகவும், படத்தின் நாயகன் யார்? அவன் ரவுடியா? போலீஸா? அவனுடன் வரும் சரத்குமார் யார்? அவனுக்கு ஏன் மழை பிடிக்காது என ட்விஸ்ட்டுகளை வைத்து படம் பண்ணியிருந்தேன்.

ஆனால், ஆரம்பத்தில் வரும் ஒரு நிமிடக் காட்சியி நாயகன் யார் என்பதை ரிவீல் செய்து விட்டால் அதன் பின்னர், படத்தை எப்படி பார்க்க முடியும்” எனக் குமுறியுள்ளார் படத்தின் இயக்குனர் விஜய் மில்டன்.

ஒரு படம் சென்சார் செய்யப்பட்ட பின் அதற்கான காட்சிகளை நீக்கவோ சேர்க்க யாருக்கும் உரிமை இல்லாதபோது அதனை செய்தது யார் என்பதுதான் புரியாத புதிராக உள்ளது..??!!

Mazhai Pidikadha Manidhan movie review

நண்பன் ஒருவன் வந்த பிறகு பட விமர்சனம் 3.5/5.. நண்பன்னா நன்மையே

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நண்பன் ஒருவன் வந்த பிறகு பட விமர்சனம் 3.5/5.. நண்பன்னா நன்மையே

ஸ்டோரி…

தன் சிறு வயது முதலே ஆனந்தம் காலனி என்ற ஒரு காலனியில் வளர்ந்து வருகிறாr நாயகன் ஆனந்த்.. அந்தக் காலணியில் உள்ள நண்பர்களும் இவர் வகுப்பிலேயே படிப்பதால் இவர்களுக்குள் நெருக்கம் அதிகமாகிறது.

மேலும் கல்லூரியில் அனைவரும் ஒன்றாக ஒரே வகுப்பில் படிக்கின்றனர்.. இதனால் இவர்களின் நட்பில் கூடுதல் நெருக்கம்..

இவர்கள் காலனியில் இவர்கள் வகுப்பிலேயே இணைகிறார் நாயகி பவானி ஸ்ரீ.. நாயகனுக்கும் நாயகிக்கும் காதல் மலர்கிறது..

கல்லூரி முடித்த பின் இவர்கள் வேலை தேடும் சமயத்தில் நாம் அனைவரும் இணைந்து ஈவன்ட் மேனேஜ்மென்ட் செய்தால் நல்ல லாபம் பார்க்கலாம் என திட்டமிடுகின்றனர்.. அதன்படி NOVP (நண்பன் ஒருவன் வந்த பிறகு) என்ற பெயரில் ஒரு நிறுவனத்தையும் ஆரம்பிக்கின்றனர்.

இந்த சூழ்நிலையில் போதிய வருமானம் இல்லாததால் ஒவ்வொருவரும் வேறு வேலை தேடலாம் என குடும்ப சூழ்நிலை காரணமாக முடிவெடுக்கின்றனர்.

இந்தக் கட்டத்தில் நாயகனின் காதலி பவானியும் வீட்டில் வரன் பார்க்கிறார்கள் என்ன செய்வது என்று குழம்பி நிற்கிறார்.

நண்பர்களும் காதலியும் பிரிந்து போன சோகத்தில் இருக்கும் நாயகன் ஆனந்த் என்ன செய்தார்? நண்பர்கள் ஒன்றிணைந்தியார்களா? காதலியை கரம்பிடித்தாரா? என்பதெல்லாம் மீதிக்கதை.

கேரக்டர்ஸ்…

இயக்குனர் அனந்த் ராம் இயக்கத்தில் பவானி ஸ்ரீ, இர்பான், வெங்கட் பிரபு, KPY பாலா, இளங்கோ குமரவேல், ஆர்.ஜே. அனந்தி, ஆர்.ஜே. விஜய், ஐஸ்வர்யா, மதன் கௌரி, உள்ளிட்டோர் நடித்துள்ளனர்..

முதல் படத்திலேயே கதையின் நாயகனாகவும் இயக்குனராகவும் அவதாரம் எடுத்திருக்கிறார் அனந்த் ராம்.

இவரே நாயகன் இவரே இயக்குனர் என்பதால் தனக்கான முக்கியத்துவத்தை ஒவ்வொரு காட்சியிலும் ஏற்படுத்தி காட்சிகள் அமைத்திருக்கிறார்.. அழுகின்ற காட்சிகளில் கூடுதல் மெனக்கெட்டு நடித்திருக்கலாம்.. அதுபோல ரொமான்ஸ் போதவில்லை..

விடுதலை படத்தில் சூரிக்கு ஜோடியாக நடித்த பவானி ஸ்ரீ தான் இப்பட நாயகி.. இவரது அறிமுக காட்சியில் தாஜ்மஹால் உள்ளே இருந்து வருவது போல காட்சி அழகு.. அதுபோல மாடர்ன் உடையிலும் சேலையிலும் கவர்கிறார்.

இந்த படத்தை நடிகை ஐஸ்வர்யா தயாரித்து மாயா என்ற ஆசிரியராகவும் நடித்திருக்கிறார்..

மாயா டீச்சராக வரும் ஐஸ்வர்யா அழகிலும் நடிப்பிலும் கவருகிறார்.. இவருக்கும் ஒரு ஜோடி வைத்திருக்கலாம்.. இது போல ஒரு ஆசிரியை இருந்தால் எந்த மாணவனும் கிளாசுக்கு ஆப்சென்ட் ஆக மாட்டார்கள்..

தனக்குத் தெரிந்த மக்களுக்குத் தெரிந்த youtube பிரபலங்கள் பலரை நடிக்க வைத்திருக்கிறார் டைரக்டர்.. youtube தகுதி மட்டும் இருந்தால் போதுமா என்ன.?

அஜித் ரசிகராக வரும் அழகர் வினோத் கெத்து.. இவரது முடிவும் உருக வைக்கிறது

டெக்னீசியன்ஸ் …

தமிழ் செல்வனின் ஒளிப்பதிவு, ஃபென்னி ஆலிவரின் எடிட்டிங் ஆகியவை நம்மை கதையுடன் ஒன்ற வைக்கிறது..

நண்பர்கள் இணைந்தாலே ஆனந்தத்திற்கு அளவே இருக்காது.. அதுபோல காட்சிகளில் விறுவிறுப்பும் நிறைந்திருக்கிறது.. அதற்கு ஏற்ப இசையை கொடுத்து இருக்கிறார்
ஏ.ஹெச்.ஹாசிப்.. இவரின் இசையில் தனுஷ், ஜி.வி.பிரகாஷ் ஆகியோர் பாடியுள்ளனர்.

வாழ்க்கையில் எந்த உயரத்திற்கு சென்றாலும் நண்பர்கள் ஈகோ இல்லாமல் பழகினால் மட்டுமே நட்பு நீடிக்கும் இல்லையேல் பிரேக் அப் தான்.. அது காதல் ஆனாலும் நட்பு ஆனாலும் இந்த நிலைதான்..

நாம் செய்ய நினைத்ததை விடாமல் செய்தால் மட்டுமே விஸ்வரூப வெற்றி பெற முடியும்.. அதுவும் நண்பர்களுடன் இணைந்து போராடினால் எளிதாகும் என்கிறார் இயக்குனர் அனந்த் ராம்..

வேலை காரணமாக குடும்ப சூழ்நிலை காரணமாக நண்பர்களை பிரிந்த ஒவ்வொருவருக்கும் இந்த படம் கனெக்ட் ஆகும்.. ஒரு படம் நம் வாழ்வியலுடன் கனெக்ட்டாகி விட்டால் அந்த படம் வெற்றி தான்..

இந்தப் படத்தை பல பாகங்களாக ரகுமான் வரிகளில் பாடல்களை பயன்படுத்தி இருப்பது இயக்குனரின் சாங் டச்..

அந்த வகையில் நண்பன் ஒருவன் வந்த பிறகு.. வெற்றி வரிசையில் சேரும்..!

Nanban Oruvan Vandha Piragu movie review

பேச்சி விமர்சனம் 3.5/5… பகலில் ஒரு பேயாட்டம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

பேச்சி விமர்சனம் 3.5/5… பகலில் ஒரு பேயாட்டம்

ஸ்டோரி…

நாயகன் தேவ்.. நாயகி காயத்ரி..

கொல்லிமலை பகுதியில் டிரக்கிங் செல்ல ஆசைப்படுகின்றனர் இரண்டு காதல் ஜோடிகள்.. ஒரு காதல் ஜோடி தேவ் மற்றும் காயத்ரி.. இவர்களுடன் ப்ரீத்தி ஜனா மகேஷ் உள்ளிட்டோரும் இணைந்து கொள்கின்றனர்… ஆபத்தான காட்டுப் பகுதி என்பதால் இவர்களுக்கு வழி துணையாக டூரிஸ்ட் கைட் பால சரவணன் இணைகிறார்..

அடர்ந்த காட்டுப் பகுதியில் சென்று கொண்டிருக்கும்போது *இது தடை செய்யப்பட்ட பகுதி* என்ற அறிவிப்பு பலகையை காண்கின்றனர். எனவே இவர்களுக்கு அங்கு என்னதான் இருக்கிறது? என்று பார்க்க வேண்டும் என ஆசைப்படுகின்றனர். இதற்கு தடை சொல்கிறார் பாலசரவணன்.

அது ஆபத்து நிறைந்த பகுதி.. அங்கு சென்றால் உயிருக்கு உத்திரவாதம் இல்லை என எச்சரிக்கிறார்.. ஆனாலும் அவரின் பேச்சை மீறி அங்கு உள்ளே செல்கின்றனர்.. அதன் பிறகு என்ன நடந்தது? என்பதுதான் படத்தின் மீதிக்கதை.

கேரக்டர்ஸ்…

Gayathrie (lead)
Bala Saravanan (lead)
Dev (lead)
Preethi Nedumaaran
Jana
Seeniammaal (Pechi Patti)
Mageshwaran k (Photographer role)
Natturaja
Shanthimani (Gayathiri Patti)

காயத்ரி, ப்ரீத்தி நெடுமாறன், தேவ் ராம்நாத், ஜனா, மகேஷ் ஆகிய ஐந்து பேரும்தான் டிரெக்கிங் செல்லும் நண்பர்கள்.. இவர்களுடன் இணைந்து கொள்ளும் டூரிஸ்ட் கைட் பாலசரவணன்.

பல படங்களில் காமெடி செய்து கொண்டிருந்த பாலசரவணன் விலங்கு வெப் தொடரில் அருமையான கேரக்டரை எடுத்து இருந்தார்.. அதுபோல இந்த படத்திலும் பயணிகளை எச்சரிக்கும் டூரிஸ்ட் கைடாக தன் மாரி கேரக்டரை சிறப்பாக செய்து இருக்கிறார்.

பாலா சொல்வதை கேட்காமல் தடை செய்யப்பட்ட பகுதியில் நண்பர்கள் நுழையும் போது.. நமக்கே அட அவர் சொல்றதை கேளுங்கப்பா என்ற எண்ணம் வருகிறது.. இவரது கேரக்டர் முடிவு எதிர்பாராத ஒன்று.

பாலா காட்டுக்குள் செல்லும் போது இவரது மகள் இவரிடம் கொஞ்சும் அந்த ஒரு நிமிட காட்சிகூட நம் மனதில் நிற்கும்..

காயத்ரி டிரெக்கிங் செல்லும் பெண்ணாக மாடர்ன் உடையில் நடித்திருக்கிறார். இவரது கேரக்டர் ட்விஸ்ட் எதிர்பாராத ஒன்று..

கதையின் நாயகனாக தேவ் ஸ்மார்ட் ஹீரோ… ப்ரீத்தி நெடுமாறன் மற்றொரு நாயகியாக வருகிறார் இவரது வாய்ஸ் கூடுதல் பலம்.

பேச்சி பாட்டியாக வருபவரும் மிரட்டல்.. அவருக்கு கொடூரமான மேக்கப் போட்டவரை பாராட்ட வேண்டும்..

டெக்னீசியன்ஸ்…

Director – Ramachandran B
DOP – Parthiban
Editor – Ignatious Aswin
Art Director – Kumar Gangappan
Costume Designer – Preethi Nedumaran
Music Director – Rajesh Murugesan

Veyilon Entertainment – Gokul benoy

Verus Productions –
Shaik Mujeeb
Rajarajan
Sanjay Shankar
Dhanishtan Fernando

ஒரே நாளில் நடக்கும் கதை என்பதை மனதில் வைத்து எங்கும் போர் அடிக்காமல் கதையை நகர்த்தி இருப்பது இயக்குனரின் திரைக்கதை ஆளுமையை காட்டுகிறது.. முக்கியமாக இதுபோல அரண்மனை காடு பங்களா என பேய் படங்களை காட்டும் போது இரவு நேரத்தை தேர்ந்தெடுக்காமல் பகலிலேயே பயமுறுத்தி இருப்பது பாராட்டுக்குரியது

பேய் பழிவாங்கல் கதை என்று சொல்லாமல் நரபலி கதையை திகிலாக கொடுத்திருப்பது சிறப்பு.. அதுவும் பிளாஷ்பேக் காட்சிகளுக்கு கூட பெரிய நேரத்தை எடுக்காமல் படத்தை ஷார்ப்பாக முடித்து இருப்பது சிறப்பு.

ஆறு கேரக்டர்கள் மட்டுமே வைத்து படத்தை நகர்த்தி இருக்கிறார் இயக்குனர்

பேச்சி வீடு.. பாதாள சுரங்கம்.. பேச்சுத் தலை முடி முக அலங்காரம் என்ன மிரட்டலான ஒளிப்பதிவை கொடுத்திருக்கிறார் பார்த்திபன்..

கலை இயக்குநர் குமார் ஞானப்பன் பணியை பாராட்ட வேண்டும்.. பேச்சியின் கொடூரமான முகம்.. 60 வருடங்களுக்கு முன்பு வாழ்ந்த மனிதர்களின் உடை வீடு என அனைத்தையும் அதற்கு ஏற்ப வடிவமைத்து இருக்கிறார்

ராஜேஷ் முருகேசனின் இசை படத்துக்கு பலம்.. ஒவ்வொரு நண்பர்களாக காணாமல் போகும் போது வரும் இசை பயமுறுத்தும் ராகம்.. இக்னேசியஸ் அஸ்வினின் படத்தொகுப்பும் சிறப்பு..

இயக்குனர் ராமச்சந்திரன்.. படம் தொடங்கிய சில நிமிடங்களிலேயே காட்டுக்குள் ட்ரெக்கிங் செல்வது என அழகாக கொண்டு செல்கிறார்.. காதல் நட்பு என்றெல்லாம் நீட்டாமல் இருப்பது சிறப்பு..

முக்கியமாக காயத்ரியின் கேரக்டர் எதிர்பாராத ஒன்று.. நரபலி எண்ணிக்கை இனி பேச்சி இரண்டாம் பாகத்தில் தொடரும் என நம்பலாம்..

Horror movie Pechi review

BOAT போட் விமர்சனம் 3.5/5.. படகில் வந்த பாசம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

BOAT போட் விமர்சனம் 3.5/5.. படகில் வந்த பாசம்

ஸ்டோரி…

1943 ஆண்டு.. இந்தியா சுதந்திரம் அடைவதற்கு முன்பு இரண்டாம் உலகப் போர் நடைபெற்றுக் கொண்டிருந்த காலகட்டம் அது. அப்போது சென்னை மீது ஜப்பான் குண்டு போட திட்டமிட்டு இருந்தது.

இந்த சூழ்நிலையில் அங்கு சென்னையில் வசித்துக் கொண்டிருந்த யோகி பாபு அவரது அம்மா லீலா இருவரும் குண்டு வீச்சிலிருந்து தப்பிப்பதற்காக அவர்களின் சொந்த படகில் நடுக்கடலுக்கு பயணம் செல்கின்றனர்.

அப்போது எதிர்பாராத விதமாக முதியவரான ஐயர் நாராயணனும் (சின்னி ஜெயந்த்), அவரது மகள் லட்சுமியும் (கௌரி ஜி கிஷன்), கர்ப்பிணியான விஜயாவும் (மதுமிதா) அவரது மகன் மகேஷும் (அக்‌ஷத்), நூலகரான முத்தையாவும் (எம்.எஸ்.பாஸ்கர்), எழுத்தாளரான ராஜாவும் (ஷா ரா), வியாபாரியான சேட்டும் (சாம்ஸ்) ஆகியோரும் யோகி பாபு படகில் ஏறி கொள்கின்றனர்..

இந்தப் படகில் 7 நபருக்கு மேல் செல்ல முடியாது என யோகி பாபு எச்சரித்துக் கொண்டிருக்கின்றனர்.. எனவே யாராவது இருவர் படகிலிருந்து இறங்கியாக வேண்டும்.. அப்போதுதான் அனைவரும் உயிர் பிழைக்க முடியும்.. இல்லையென்றால் படகு மூழ்கிவிடும் என எச்சரிக்கிறார் யோகி பாபு

இந்நிலையில் வேறொரு படகில் பயணம் செய்து கொண்டிருந்த ஆங்கிலேயன் (அவரின் படகு விபத்துக்குள்ளானதில்) ஜெஸ்ஸி இவர்களை மிரட்டி படகில் ஏறி கொள்கிறான்…

அப்போது ஆங்கிலேயன் ஜெஸ்ஸிக்கு ஒரு தகவல் வருகிறது.. நீங்கள் பயணம் செய்யும் படகில் ஒரு தீவிரவாதியும் இருக்கிறான்.. அவனால் ஆபத்து என்ற தகவல் வருகிறது.

யோகி பாபு படகில் ஏறிய அந்த தீவிரவாதி யார்? படகில் இருந்தவர்களை அவன் என்ன செய்தான்? படகு பாரம் தாங்காமல் படகிலிருந்து இறக்கப்பட்ட இருவர் யார் என்பதெல்லாம் மீதிக்கதை.

கேரக்டர்ஸ்…

Yogi babu as Kumaran
Gouri G Kishan as Lakshmi
M.S.baskar as Muthaiya
Chinni jeyandh as Narayanan
Madhumitha as Vijaya
Sha Ra as Raja
Jessi as Irwin Domas
Kullapuli Leela as Muthumari
Akshath as mahesh

1943 ஆம் ஆண்டுகளில் சென்னை வாழ் மக்கள் அணிந்திருந்த உடை அலங்காரத்தை அப்படியே கலை இயக்குனர் வைத்திருப்பது பாராட்டுக்குரியது.

அதேசமயம் யோகி பாபு மட்டும் அடிக்கடி உடைகளை மாற்றிக் கொண்டே இருப்பது ஏனோ? மாற்றியது இரண்டு உடை தான்.. தண்ணீரில் குதிப்பதற்கு முன்.. குதித்த பின் என அடிக்கடி மாற்றுவது ஏன்.?

படகோட்டியாக யோகி பாபு.. கண்கலங்கவும் சிரிக்கவும் வைக்கிறார்.. மீனவர்களுக்காக குரல் கொடுக்கும் வசனங்களை பேசி இருப்பது சிறப்பு.

இவரின் அம்மாவாக கொளப்புள்ளி லீலாவும் சிறந்த நடிப்பை கொடுத்திருக்கிறார்..

சின்னி ஜெயந்த், எம் எஸ் பாஸ்கர், கௌரி, சாம்ஸ், சாரா, மதுமிதா, லெஸ்ஸி ஆகிய கதாபாத்திரங்கள் படத்திற்கு பலம்.. ஒரே படகில் அமர்ந்து கொண்டு அதற்கு ஏற்ப உடல் மொழியை கொடுத்திருப்பதும் சிறப்பு.

முக்கியமாக யோகி பாபுவை கௌரி ஓரக்கண்ணால் சைட் அடிப்பதும் பின்னர் எல்லாரையும் மயக்கம் போட வைத்துவிட்டு இவர்கள் இருவரும் கடல் அலையில் காதல் மொழி பேசுவது ரசிக்க வைக்கிறது..

டெக்னீசியன்ஸ்…

Production Company – Maali and Maanvi Movie Makers & Chimbudeven Entertainment
Producer – Prabha Premkumar
Co-Producer – C.Kalaivani
Writer & Director – Chimbudeven
Music – Ghibran
DOP – Madhesh manickam
Production Design – T.Santhanam
Editor – Dinesh Ponraj
Art director – S.Ayyappan
Executive Producer – Vel.Karuppasamy
Make up – Pattanam Rasheed
Costumer – Sai – Shiva
Colorist – G.Balaji
Vfx –DTM Lavan Kusan
Stunts- Sakthi Saravanan
Sound Design & Mixing – S.Alagiakoothan – Suren.G
Publicity Designer – Bharanidharan Natarajan
Co Directors – Vel.Karuppasamy – Bala Pandian – Yatra Srinivassan
Associate Director – Demurra
Assistant Directors – Naveen, Pa.Krish, Nishanth, Gangadharan, Siddharth
Production Executive – S.Krishnaraj
PRO – Nikil Murukan

ஒரு படகில் 9 பேர் பயணம் அத்துடன் ஒரு எலி என அனைத்தையும் அழகாக படம் எடுத்து சுவாரசியம் குறையாமல் படமாக்கி இருக்கிறார் ஒளிப்பதிவாளர் மாதேஷ் மாணிக்கம்.. பறவைகள் பறக்கும் காட்சி திருக்கை மீன்கள் நீந்தும் காட்சி.. திமிங்கலம் திமிரும் காட்சி என அனைத்தும் அழகு.. பல இடங்களில் கிராபிக்ஸ் பயன்படுத்தப்பட்டிருந்தாலும் அவை படத்துடன் ஒன்றி இருப்பது சிறப்பு.

படத்தொகுப்பாளர் தினேஷ் பொன்ராஜ் தன் பணியில் நேர்த்தி.. படத்தின் வசனங்கள் ஆங்காங்கே கவனம் பெறுகிறது..

முக்கியமாக 1943 ஆம் ஆண்டில் மதவெறி ஜாதி அப்போது பேசப்பட்ட அரசியல் ஆங்கிலேயர் இந்தியர்களுக்கான போராட்டம் என அனைத்தையும் சொல்லி இருப்பது ரசிக்க வைக்கிறது..

ஜிப்ரான் இசையில் ‘சோக்கா நானும் நிக்கிறேன்’ பாடல் கொஞ்சம் ரசிக்க வைக்கிறது அதிலும் கானா பாடலுடன் கர்நாடிக் இசையை கலந்திருப்பது சிறப்பு.. ஆனால் 1943 ஆம் ஆண்டு கானா பாடல் இருந்ததா என்பது கேள்விக்குறிதான்.??.

பெரும்பாலும் ரயிலில் முழு படம் பஸ்ஸில் முழு படம் என பார்த்திருப்போம்.. முழுக்க முழுக்க கடலில் அதுவும் ஒரு படகில் படம் பிடித்திருப்பதுக்காகவே இயக்குனர் சிம்புதேவனை பாராட்டலாம்.. அதுவும் அவரரே படத்தின் தயாரிப்பாளர் ஆவார்.

தீவிரவாதி யார்? என்ற தேடுதலிலே இடைவேளை வரை படம் தொடர்கிறது. படகில் இருந்து யார் இறங்குவார்கள் என்ற கேள்வியில் பாடம் நீளும்போது இறுதியாக கிளைமாக்ஸ் இல் செண்டிமெண்ட் ட்விஸ்ட் கொடுத்திருப்பது..

Chimbudevans Boat movie review