23 மணி 23 நிமிடங்களில் உருவான பிதா விமர்சனம்..

TEENZ டீன்ஸ் விமர்சனம்.. TEENAGE THINGS

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

TEENZ டீன்ஸ் விமர்சனம்.. TEENAGE THINGS

வித்தியாசமான படைப்பு என்றால் பார்த்திபனுக்கு தமிழ் சினிமாவில் தனியாக ஓர் இடம் எப்போதும் உண்டு.. அவரது புதிய பாதை தொடங்கி இன்று வரை டீன்ஸ் படத்திலும் அவரது தனித்துவ இயக்கம் தெரிகிறது..

ஸ்டோரி…

சென்னை சிட்டியில் ஒரு காம்பவுண்டுக்குள் இருக்கும் குடியிருப்பில் வசிக்கும் 15 வயதுக்கு உட்பட்ட சிறுவர் சிறுமியர்கள் அடிக்கடி சந்திப்பது வழக்கம்.. இவர்கள் 13 பேரும் ஒரே வகுப்பில் படிப்பதால் இவர்களுக்குள் நெருக்கம் அதிகம்..

நம் பெற்றோர்கள் நம்மை இன்னும் சின்ன குழந்தைகளாகவே பாவிக்கிறார்கள்.. நாம் வளர்ந்து விட்டோம்.. நமக்கு சுதந்திர வேண்டும் என ஒரு திட்டம் போடுகின்றனர்.

அதன்படி இதில் உள்ள ஒரு தோழியின் கிராமத்து வீட்டிற்கு சென்று அங்கு உள்ள ஒரு பேய் கிணறை பார்க்க வேண்டும் என திட்டமிட்டு பயணிக்கின்றனர்.

இவர்கள் செல்லும் வழியில் போராட்டம் நடப்பதால் காட்டு வழியாக செல்கின்றனர்.. அப்போது இவர்களில் ஒவ்வொருவராக காணாமல் போகின்றனர்.

இதனால் என்ன செய்வது? எவரின் உதவியை நாடுவது என தெரியாமல் தவிக்கின்றனர்.. அதன் பிறகு என்ன நடந்தது? காணாமல் போனவர்களை கடத்தியவர்கள் யார்? என்ன சம்பந்தம்.? இதில் பார்த்திபனின் பங்கு என்ன? என்பதுதான் படத்தின் மீதிக்கதை..

கேரக்டர்ஸ்…

– Parthiban as Janarthanan
– Yogi Babu as Thanigachalam
– Deepesshwaran G as Adhityan
– Frankinsten as Afil
– K.S. Deepan as Ayyankali
– Vishrutha Shiv as Apoorva
– L.A. Rishi Rathnavel as Dhilan
– Sylvensten as Nafil
– Asmitha Mahadevan as Nainika
– D. Amruutha as Nakshatra
– Udaipriyan. K as Nishanth
– B. Kritika as Sara
– D. John Bosco as Sarvesh
– Roshan as Shaun
– Prashitha Nazir as Teena

இதில் 8 சிறுவர்கள் 5 சிறுமியர் என இவர்கள் 13 பேரும் கொடுத்த பாத்திரத்தை நிறைவாக செய்திருக்கின்றனர்.. எங்கும் மிகை இல்லாத நடிப்பையும் கொடுத்திருக்கின்றனர்.. ஆனால் இதில் இருவருக்கு மட்டும் காதல் என்ற விஷயம் தேவையில்லாதது.. காதலை வைத்து கதை ஓட்டத்தில் சுவாரஸ்ய ஏற்ப்படுத்த முயன்று அதில் இயக்குனர் பார்த்திபனுக்கு தோல்வி.

பார்த்திபனே ஒரு ஸ்டார் வேல்யூ நிறைந்த நடிகர் தான் இதில் காமெடி என்ற பெயரில் யோகி பாபுவை வைத்து நம்மை நோகடித்து விட்டார்..

பார்த்திபன் ஒரு விஞ்ஞானியாக வருகிறார்.. ஆனால் அது எந்தவித தாக்கத்தையும் ஏற்படுத்தவில்லை என்பதை நிதர்சனமான உண்மை..

டெக்னீசியன்ஸ்…

Conceived & Crafted: Parthiban
MUSIC DIRECTOR: D. IMMAN
CINEMATOGRAPHY: GAVEMIC ARY
Action – Stunt Silva / Mukesh
Publicity Designer – Kannadasan DKD
Creative Producers : Keerthana Parthiepan Akkineni
Producers : Caldwell Velnambi, Dr. Bala Swaminathan, Dr. Pinchi Srinivasan, Ranjith Dhandapani And Radhakrishnan Parthiban.
PRO: Nikil முருகன்

இமான் இசையில் பாடல்கள் அனைத்தும் அருமை.. இயேசுவே பேசுவே என்ற பாடல் அழகு சேர்க்கிறது.. ஆனால் படத்தில் இடம்பெற்ற பாடலை விட எல் ராமச்சந்திரன் படத்தொகுப்பில் பிரிகிடா நடித்த இயேசுவே பேசுவே சாங் மேக்கிங் வீடியோ சிறப்பு..

பின்னணி இசையும் கவனிக்க வைக்கிறது. சுவாரசியமாக செல்லும் திரைக்கதையில் திடீரென அடுத்தடுத்து 3 பாடல்கள் வருவது தேவையில்லை..

படம் தொடங்கும்போது ஒவ்வொரு கேரக்டரையும் அவர்கள் பெயர் சேர்த்து வரும் பாடல் அழகு.. அது போல் படம் முடிந்த பிறகு வரும் Bibili Bibili பாடலும் ஆட்டம் போட வைக்கிறது..

GAVEMIC ARY ஒளிப்பதிவில் அந்தப் பேய் கிணறு.. கிளாஸ் ரூம் உள்ளிட்ட அனைத்தும் கொள்ளை அழகு.. அதுபோல ஏலியன் காட்சிகளும் அழகு..

இடைவேளை முன்பு வரை ஜாலியாகவும் விறுவிறுப்பாகவும் செல்லும் திரைக்கதை இடைவேளைக்குப் பிறகு சறுக்கலை சந்திக்கிறது.. விஞ்ஞானியாக வரும் பார்த்திபன் கிராமத்து வாசியாக வரும் யோகி பாபு உள்ளிட்டோர் காட்சிகளில் எந்த முக்கியத்துவம் இல்லை.. ஏலியன் காட்சிகள் நல்லதொரு கற்பனை என்றாலும் அதற்கான அழுத்தம் இல்லை..

சமீபகாலமாக ஒத்த செருப்பு, இரவின் நிழல் உள்ளிட்ட வித்தியாசமான படைப்புகளை கொடுத்த பார்த்திபன் இந்த டீன்ஸ் படத்தை முழுக்க முழுக்க குழந்தைகளுக்காகவே எடுத்திருக்கிறார்.. எனவே குழந்தைகள் இந்த படத்தின் நிச்சயம் ரசிப்பார்கள்.. அவர்களது பார்வையில் இருந்து இந்த படத்தை பார்த்திபன் படமாக்கி இருப்பது சிறப்பு.. முக்கியமாக டீன் ஏஜ் பிள்ளைகள் பெற்றோர்களை எப்படி பார்க்கிறார்கள் ஆசிரியர்களை எப்படி பார்க்கிறார்கள் இந்த சமூகத்தை எப்படி பார்க்கிறார்கள் என்பதை வித்தியாசமான கண்ணோட்டத்தில் பார்த்திபன் படைத்திருக்கிறார்.

ஆக டீன்ஸ்.. Teenage Things..

Teenz movie review

இந்தியன் 2 விமர்சனம்.; எதுவும் மாறல.. எவனும் திருந்தல

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இந்தியன் 2 விமர்சனம்.; எதுவும் மாறல.. எவனும் திருந்தல

ஸ்டோரி…

சித்தார்த், பிரியா பவானிசங்கர், ஜெகன் மற்றும் ரிஷி ஆகிய நால்வரும் பார்க்கிங் டாக்ஸ் என்ற பெயரில் யூடியூப் நடத்தி வருகின்றனர்.. இதன் மூலம் சமூகத்தில் நடக்கும் குற்றங்களை மக்களுக்கு சொல்கின்றனர்..

இவர்களின் மூலம் குற்றங்கள் அரசுக்கு தெரியவந்து காவல் துறை மூலம் நடவடிக்கை எடுக்கப்படுகிறது.. ஆனாலும் குற்றவாளிகள் ஒரு சில தினங்களில் ஜாமீனில் வெளியே வருகின்றனர்..

இதுபோல குற்றவாளிகளை தண்டிக்க முடியாதா என இவர்கள் ஏங்கி காத்திருக்க வேறு வழியின்றி இந்தியன் தாத்தாவை அழைக்கின்றனர்.. இவர்களின் சமூக வலைத்தள குரல்களைக் கேட்கும் இந்தியன் தாத்தா வருகிறார்.

அதன் பிறகு நடப்பது எல்லாம் படத்தின் மீதிக்கதை.. ஆனாலும் ஒரு நிலையில் கோ பேக் இந்தியன் என கமலுக்கு எதிராக ஊரே திரள்கிறது.. அப்படி என்னதான் நடந்தது? என்பது மீதிக்கதை.

கேரக்டர்ஸ்…

70 வயதை நெருங்கும் கமல் இன்னும் நாம் வியக்கும் அளவுக்கு ரிஸ்க் எடுத்துக் கொண்டே இருப்பார் என்பதை இந்த படத்தின் மூலம் நிரூபித்திருக்கிறார்..

இந்தியன் முதல் பாகத்தில் ஒரே மாதிரியான கெட்டப்பில் படம் முழுவதும் வருவார்.. ஆனால் இந்த மொபைல் உலகத்தில் யாராவது வீடியோ எடுத்து தன்னை அடையாளப்படுத்தி விடுவார்கள் என்பதற்காக பல வித கெட்டப்புகளில் வந்து அசர வைக்கும் நடிப்பை கொடுத்திருக்கிறார்…

தடிமனான மேக்கப் ஐ தாண்டியும் அவரது நடிப்பு வெளிப்படுகிறது.. முக்கியமாக உதடு நாக்கு மூலம் கூட உணர்ச்சிகளை வெளிப்படுத்தி நடித்திருக்கிறார்.. லஞ்ச அதிகாரிகளை களை எடுக்கும் சகலகலா வல்லவனாக கமல்..

சித்தார்த், ரகுல் ப்ரீத்தி சிங், பாபி சிம்ஹா பிரியா பவானி சங்கர், ஜெகன், ரிஷி உள்ளிட்டோர் இருந்தாலும் கதை ஓட்டத்திற்கு உதவி இருக்கின்றனர்.

சமுத்திரக்கனி, விவேக், நெடுமுடி வேணு, டெல்லி கணேஷ், ரேணுகா, மனோபாலா, எஸ்.ஜே.சூர்யா, தம்பி ராமையா, காளிதாஸ் ஜெயராம், இமான் அண்ணாச்சி, வினோத் சாகர், மாரிமுத்து ஆகியோரும் உண்டு என சொல்லிக் கொள்ளலாம்..

வில்லன்களில் குல்ஷன் குரோவரும், ஜாகிர் ஹுசைனும் மிரட்டல்.. இந்தியன் 3 படத்தில் தான் காஜல் அகர்வால் காட்சிகள் இருக்கும்.. எஸ் ஜே சூர்யா காட்சிகள் வலு வில்லை.. அதுபோல பாபி சிக்ஹாவும் படத்தில் எந்த தாக்கத்தை ஏற்படுத்தவில்லை..

டெக்னீசியன்ஸ்…

ஷங்கர் படங்கள் என்றாலே பிரம்மாண்டத்திற்கு பஞ்சம் இருக்காது.. இந்தியன் 2 படத்தில் அது அதிகம்.. முக்கியமாக இந்தியா முழுவதும் மட்டுமல்லாமல் பல வெளிநாடுகளுக்கும் சென்று படமாக்கி இருக்கிறார்..

காலண்டர் பாடலில் ஒளிப்பதிவின் அழகியலும் அழகிகளின் ஆட்டமும் வானத்தில் ஆடுவது போன்ற செட்டப்பும் பிரம்மாண்டத்தின் உச்சம்..

இசையைப் பொருத்தவரை இந்தியன் முதல் பாக அளவிற்கு இல்லை என்றாலும் இன்றைய நவீன ட்ரெண்டுக்கு ஏற்ப துள்ளலான இசையை கொடுத்திருக்கிறார் அனிருத்.. கம் பேக் இந்தியன் என்ற பாடலும் தாத்தா வராரு கதற விட போறாரு என்ற பாடலும் ஆட்டம் போட வைக்கிறது.. ஒளிப்பதிவாளர் ரவிவர்மன் கேமரா கண்களில் காட்சிகள் அழகோ அழகு..

ஆக்ஷன் காட்சிகளை அன்பறிவு, அனல் அரசு, பீட்டர் ஹெய்ன், ஸ்டண்ட் சில்வா உள்ளிட்ட பல பைட் மாஸ்டர்கள் செய்திருக்கின்றனர்.. ஒவ்வொன்றும் அனல் தெறிக்கும் ரகம்..

ஸ்ரீகர் பிரசாத் எடிட்டிங் செய்திருக்கிறார்.. மூன்று மணி நேர படத்தை கொஞ்சம் ட்ரிம் செய்திருந்தால் இன்னும் விறுவிறுப்பும் சுவாரசியமும் கூடியிருக்கும்..

முத்துராஜ் கலைவண்ணம் படத்தின் பிரம்மாண்டத்திற்கு ஹைலைட்.. வில்லன் ஜாகிர் ஹுசைனின் தங்க மாளிகை கலை வண்ணத்தில் ஜொலிக்கிறது..

வசனகர்த்தா சுஜாதா தற்போது இல்லை.. அந்த கூட்டணியை ரொம்பவே மிஸ் செய்கிறோம் என்பது வசனங்களில் தெரிகிறது.

ஷங்கரின் பிரம்மாண்டத்திற்கு நாங்கள் இருக்கிறோம் என்பது போல லைக்கா கை கொடுத்திருக்கிறது.. ஃபாரின் சீன்கள் முதல் பல சீன்களை வியந்து பார்க்க வைக்கிறது..

ஊழல் என்பது அரசு அதிகாரிகளிடமும் அரசியல்வாதிகளும் மட்டுமில்லை.. அவர்களும் மக்களே.. நம் குடும்பத்திலும் இருக்கிறது… நம் வீட்டில் இருக்கும் லஞ்சப் பேர்வழிகளை களை எடுத்தால் மட்டுமே வீடும் நலம் பெறும் நாடும் வளம் பெறும் என்பதை உணர்த்தும் விதமாக திரைக்கதை அமைத்த ஷங்கரை வெகுவாக பாராட்டலாம்..

நாட்டில் யாரோ ஒருவர் தற்கொலை செய்து கொண்டார் என்பதற்காக கம்பேக் இந்தியன் என்று அழைக்கும் சித்தார்த் தன் அம்மா தற்கொலை செய்து கொண்டார் என்பதற்காக கோ பேக் இந்தியன் என்று சொல்வது எந்த விதத்திலும் நியாயம் அல்ல.. அவர் சொன்னால் அனைவரும் செய்வார்களா? பாதிக்கப்பட்டவர்களுக்கு இந்தியன் தாத்தா பலம் புரியாதா? என்ற கேள்விகள் எழுகிறது..

கமல் என்ற மிகப்பெரிய நட்சத்திர படத்தில் ரஜினி டயலாக் காட்சிகளை வைத்திருப்பது வேற லெவல்.. அதுபோல ஷங்கர் இயக்கிய சிவாஜி படத்தில் கமலைப் புகழ்ந்து ரஜினி பேசியிருப்பார் என்பது தங்களுக்கு நினைவிருக்கலாம்..

ஆக இந்தியன் 2.. Come Back Indian

Indian2 movie review

நானும் ஒரு அழகி… மலர்ந்த பெண்மை

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

நானும் ஒரு அழகி… மலர்ந்த பெண்மை

ஸ்டோரி…

நாயகி மேக்னா.. இவர் வயதில் உள்ள பெண்கள் எல்லாம் கல்யாணம் ஆகி குழந்தை குட்டி என பெற்று விட்டாலும் இன்றும் கல்லூரியில் படித்துக் கொண்டிருக்கிறார்.. அப்படியான மகளை நன்றாக படித்து வைக்க வேண்டும் என அம்மா ஆசைப்படுகிறார்.. இதற்காக தன் அண்ணன் மகன் டியூஷனில் சேர சொல்கிறார்.. வேறு வழியின்றி நாயகி மேக்னா அருண் நடத்தும் டியூஷனில் சேர்கிறார்..

இருவருக்கும் திருமணம் செய்து கொள்ளும் உறவு முறை என்றாலும் சில தயக்கங்களால் தங்கள் காதலை வெளிப்படுத்தாமல் வாழ்க்கையை நகர்த்திக் கொண்டிருக்கின்றனர்.. இந்த சூழ்நிலையில் நாயகன் அருண் வெளியூர் செல்கிறார்..

அந்த நேரத்தில் திடீரென ஒரு ஐடி மாப்பிள்ளைக்கு தன் மகளை திருமணம் செய்து வைக்கிறார் அம்மா.. தன் காதலை மறக்கவும் முடியாமல் ஐடி மாப்பிள்ளை உடன் சந்தோஷமாக வாழவும் முடியாமல் தவிக்கிறார் நாயகி.

இப்படியான சூழ்நிலையில் திருமணம் ஆகி 5 வருடம் ஆனபோதிலும் குழந்தை இல்லை என்பதால் மலடி என்ற அவமானத்துடன் வாழ்கிறார்..

தன் கணவனால் தனக்கு குழந்தை கொடுக்க முடியாது என்பதை அறிகிறார். தான் மலடி இல்லை என்பதை ஊருக்கு நிரூபித்து காட்ட நினைக்கிறார்.. அதன்பிறகு என்ன நடந்தது? என்பதெல்லாம் படத்தின் மீதிக்கதை.

கேரக்டர்ஸ்…

கிருஷ்ணம்மாள் என்ற கேரக்டரில் நாயகி மேக்னா.. இவர் டிவி சீரியல் நடிகை என்பதால் ஒவ்வொரு ரியாக்ஷனும் தாமதமாகவே வருகிறது.

மலடி இல்லை என்பது நிரூபிப்பதற்காக இவர் சில முயற்சிகளை மேற்கொண்டாலும் அந்த காட்சிகளில் வலுவில்லை.. மேலும் படத்தில் நடித்த அனைத்து கேரக்டர்களும் ஏதோ பேருக்கு டயலாக் பேசி நடித்திருப்பதாகவே தெரிகிறது.. நிறைய காட்சிகளில் உதட்டு அசைவம் வசனங்களும் ஒட்டவில்லை..

கதைக்கு ஏற்ப காட்சிக்கு ஏற்ப உணர்வுபூர்வமாக வசனங்களை ஏற்றி இறக்கி பேச வேண்டும்.. ஆனால் ஏதோ மனப்பாடம் செய்துவிட்டு அனைவரும் மைக் முன்னாடி பேசியதாக தெரிகிறது..

நாயகனாக அருண்.. எதற்காக தன் மாமன் மகளுடன் பேச மறுக்கிறார் என்பதற்கான ஒரு காரணம் கூட இல்லை..

நாயகியின் கணவராக ராஜதுரை.. இவர் ஐடி துறையில் பணியாற்றினாலும், வேஷ்டி, முறுக்கு மீசை என்று திருநெல்வேலி மாப்பிள்ளைக்கு கெத்து காட்டி இருக்கிறார்.

சிவசக்தி, சுபராமன், ஸ்டெல்லா ஆகியோரும் உண்டு.. கதையை ஓட்ட நடிக்க முயற்சித்து இருக்கின்றனர்..

டெக்னீசியன்ஸ்…

ஒளிப்பதிவாளர் மகிபாலன்

கதை, திரைக்கதை, வசனம், பாடல்கள் எழுதி இயக்கி தயாரித்திருப்பதுடன் இசையும் அமைத்திருக்கிறார் பொழிக்கரையான்.க.

தாழ்த்தப்பட்ட மக்களின் நலனுக்காகத் தன் வாழ்க்கையை அர்ப்பணித்தவர் கிருஷ்ணம்மாள்.. அவரின் பெயரை நாயகி கேரக்டருக்கு வைத்து வலு சேர்க்க முயற்சித்திருக்கிறார்.. ஆனால் கிளைமாக்ஸ் காட்சியில் எந்த ஒரு தாக்கமும் ஏற்படவில்லை..

Naanum oru Azhagi movie review

எமகாதகன் விமர்சனம்… பாஞ்சாயி சாபம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

எமகாதகன் விமர்சனம்… பாஞ்சாயி சாபம்

ஸ்டோரி…

தமிழகத்தில் ஒரு கிராமம்.. இந்த கிராமத்தில் உள்ள தம்பதியருகளுக்கு பிறக்கும் முதல் ஆண் மகனுக்கு திருமணம் நடக்கக்கூடாது.. அப்படி நடந்தால் அவன் இறந்து விடுவான் என்பது அந்த ஊரின் ஒரு சாபக்கேடு.. அதன்படி சில சம்பவங்களும் அப்படியே நடைபெறுகிறது.

இதனால் பாஞ்சாயி சாபத்திற்கு ஆளாக கூடாது என திருமணமாகாத ஆண்கள் பலர் அந்த ஊரில் வசிக்கின்றனர்.. ஆனால் ஒரு சிலரோ இந்த ஊரில் வசிக்கக் கூடாது என ஊர் விட்டு ஊர் சென்று விடுகின்றனர்.. இதனால் அவர்கள் நிலமும் பறிபோகிறது..

பாஞ்சாயின் சாபத்தில் இருந்து தப்பிக்க அவரை கடவுளாகவும் மக்கள் வழிபடுகின்றனர்.

இந்த சூழ்நிலையில் ஒரு குடும்பத்தின் மூத்த மகன் நாயகன் கார்த்திக் ஸ்ரீராம், தான் காதலித்த நாயகி ராஸ்மிதா ஹிவாரியை ஊர் எதிர்ப்பை மீறி திருமணம் செய்கிறார்..

திருமணமாகி சில தினங்கள் மட்டுமே ஆன நிலையில் நாயகன் திடீரென மர்மமான முறையில் மரணம் அடைகிறார்.. இது இயற்கை மரணம் அல்ல கொலை என சந்தேகிக்கிறார் நாயகி.. இதனையடுத்து களத்தில் இறங்கி கொலைகளுக்கு உண்மையான காரணத்தை கண்டுபிடிக்க முயல்கிறார்.. அடுத்தது என்ன நடந்தது என்பதெல்லாம் ‘எமகாதகன்’ படத்தின் கதை..

கேரக்டர்ஸ்…

நாயகனாக கார்த்திக் ஸ்ரீராம், நாயகியாக ராஸ்மிதா ஹிவாரி, பூசாரியாக தசரதன், நாயகனின் நண்பராக மனோஜ் ஆகியோர் முதன்மை பாத்திரத்தில் சிறப்பான நடிப்பை கொடுத்திருக்கின்றனர்.. நாயகி ராஷ்மிதாவும் பூசாரி தசரதனும் மற்றவர்களை விட அதிகமாகவே ஸ்கோர் செய்திருக்கின்றனர்..

பாஸ்கர் என்ற பாத்திரத்தில் நடித்தவர் போற போக்கில் காமெடி வசனங்களை போட்டு கதைக்கு கலகலப்பு சேர்த்து இருக்கிறார்.

டெக்னீசியன்ஸ்…

விக்னேஷ் ராஜா இசையில், ஹரிஹரசுப்ரமணியன் மற்றும் விஜே விஜய் ஆகியோரது வரிகளில் பாடல்கள் ரசிக்க வைக்கிறது.. நாயகனை இழந்தபின் நாயகி பாடும் பாடல் நிச்சயம் முணுமுணுக்க வைக்கும்.

பாஞ்சாயி காட்சிகள் மற்றும் வசனங்கள் தனி கவனம் பெறும்.

ஒளிப்பதிவாளர் எல்.டி-யின் ஒளிப்பதிவு கிராமத்தை அழகுற செய்து இருக்கிறது.. படத்தொகுப்பாளர் ராம்நாத்.. இடைவேளைக்கு முன்பு வரை படம் நீளமாக தெரிந்தாலும் இடைவேளை முடிந்து ஒரு மணி நேரத்திற்குள் படத்தை முடித்திருப்பது சிறப்பு..

கிராமத்து மண்வாசனையுடன் சஸ்பென்ஸ் திரில்லர் படத்தை கொடுத்ததில் இயக்குநர் கிஷன் ராஜ் பாஸ் மார்க் பெற்றிருக்கிறார்.. நவீன யுகமாக ஆன்மீக மாறிவிட்டாலும் இன்றும் குலதெய்வங்களை வழிபடும் கிராமத்தினர் உள்ள அந்த பின்னணி கதையை வைத்து படத்தை அவர் நகர்த்தி இருப்பது சிறப்பு..

Emakathagan movie review

ககனாச்சாரி’ (மலையாளம்) பட விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘ககனாச்சாரி’ (மலையாளம்) பட விமர்சனம்

ஸ்டோரி…

தமிழ் சினிமாவில் சமீபகாலமாக பல டைம் டிராவல் படங்களை பார்த்திருக்கிறோம்.. அல்லது ரெட்ரோ டைப் பட பாணியில் பல படங்கள் வருவதை பார்த்திருக்கிறோம்.. சுப்ரமணியபுரம் தொடங்கி ஜிகர்தண்டா டபுள் எக்ஸ் வரை பல படங்கள் அந்த வரிசையில் சேரும்..

ஆனால் தமிழ் சினிமாவிற்கு நேர் எதிராக ஒரு வித்தியாசமான கற்பனையை இந்த படத்தின் இயக்குனர் அருண் சந்து கொடுத்திருக்கிறார்.. அதாவது 2040 ஆண்டுகளுக்கு இந்த படத்தின் கதை பயணிக்கிறது..

இன்று பிளாஸ்டிக் கழிவுகளால் பல ஆபத்துகளை நம் சந்தித்துக் கொண்டிருக்கிறோம்.. இப்படியே காலம் சென்று கொண்டிருந்தால் ஒரு கட்டத்தில் பெட்ரோல் உள்ளிட்ட எந்த அத்தியாவசிய பொருள்களும் நமக்கு கிட்டாது.. அப்படியான ஒரு சூழ்நிலையில்
அந்த காலக்கட்டத்தில் பூமியில் உள்ள எரிபொருள் எல்லாம் தீர்ந்துவிட்ட நிலையில் பெட்ரோல் டீசல் வாகனங்களுக்கு அரசால் தடை செய்யப்படுகிறது. இதுபோன்ற சூழ்நிலையில் மக்களை அரசாங்கம் ஒவ்வொருவராக கண்காணிக்கிறது.

ஒரு குடியிருப்பில் முன்னாள் ராணுவ வீரர் விக்டர் வாசுதேவன் (கே.பி.கணேஷ்குமார்) & ஆலனும் (கோகுல் சுரேஷ்), அஜுவும் (வைபவ் வர்கீஸ்) வசிக்கிறார்கள்.. இவர்கள் மூவருமே திருமணம் ஆகாதவர்கள்.

இந்த சூழ்நிலையில் ஏலியன்கள் பற்றி ஆவணப் படம் தயாரிக்க வரும் நபர்கள் இவர்களிடம் பேட்டி எடுக்க வருகின்றனர்.

அப்போது நடக்கும் சுவாரசியமான சம்பவங்களை வைத்து படத்தை இயக்கி கதை சொல்லி இருக்கிறார் அருண் சந்து.

கேரக்டர்ஸ்…

Aju Varghese, Anarkali Marikar, Gokul Suresh, Ganesh Kumar

கோகுல் சுரேஷ், அஜு வர்கீஸ், கணேஷ் குமார்.. இவர்கள் மூவரை சுற்றி படத்தின் கதை நகர்கிறது.. தாங்கள் சந்தித்த சுவாரசியமான சம்பவங்களை இவர்கள் நகைச்சுவையோடு பகிர்ந்து இருக்கின்றனர்.. ஆனால் இந்த படத்தை மலையாளத்தில் கொண்டாடினாலும் தமிழுக்கு ஏற்றவாறு டப்பிங் செய்து டயலாக்குகளை மாற்றி இருக்கலாம்.. ஆனால் முழுக்க முழுக்க மலையாளத்தில் ஆங்கில சப்டைட்டலுடன் படம் பயணிக்கிறது.. எனவே தமிழர்களுக்கு இந்த படம் புரிய தாமதமாகலாம்..

ஏலியனாக நடித்திருக்கும் அனார்கலி மரிகார் மௌன மொழி பேசி பார்வையிலேயே உணர்வுகளை கொண்டு நடிப்புக்கு பலம் சேர்த்திருக்கிறார்.. இறுதியாக அவரது குரல் திடீரென வரும்போது நிச்சயம் உங்களால் சிரிக்காமல் இருக்க முடியாது..

250 வயதாகும் அந்த ஏலியன் எப்படி 25 வயது இளமையாக இருக்கிறார்..?

ஏலியன் மீது கோகுல் சுரேஷுக்கு காதல் மலர்கிறது.. இவருக்காக எழுதப்பட்ட வசனங்கள் காமெடி கலந்து ரசிக்க வைக்கிறது.. ( இந்த கோகுல் சுரேஷ் மலையாள நடிகர் கேரளாவின் முதல் பிஜேபி எம்பி சுரேஷ் கோபியின் மகன் ஆவார் என்பது கூடுதல் தகவல்.)

டெக்னீசியன்ஸ்….

Directed By : Arun Chandu

Music By : Sankar Sharma

Produced By : Ajith Vinayaka Films

ஒளிப்பதிவாளர் சுர்ஜித் எஸ்.பய் கதைக்கான புதிய களத்தை ஒரே அறையில் படமாக்கி இருப்பது அயற்சியை தருகிறது… ஆவணப்படம் பார்க்கும் ஓர் உணர்வை மட்டுமே கொடுக்கிறது..

சங்கர் சர்மாவின் இசையும் படத்தொகுப்பாளர் சீஜே அச்சு மற்றும் கலை இயக்குநர் எம்.பாவா ஆகியோரது பணிகள் பாராட்டுக்குரியது.

‘சாஜன் பேக்கரி’, ‘சாயன்ன வார்த் தைகள்’ ஆகிய பட புகழ் அருண் சந்துவின் மூன்றாவது படம் இது..

ககனாச்சாரி… விண்வெளிக்கு பயணம் மேற்கொள்ளும் ஒருவன் என்பதுதான் இந்த பொருள்.. அப்படியான ஒரு சர்வதேச கதையை கமர்சியல் கலந்து அனைத்து தரப்பு மக்களுக்கும் சென்றடையும் வகையில் கொடுத்திருக்கலாம்.

ஏலியன் உலகத்திற்கும் மனித இனத்திற்கும் உள்ள தொடர்பு என பல்வேறு விசயங்கள் பற்றி பேசி இருக்கிறார்..

எத்தனையோ மலையாள படங்களை தமிழ் ரசிகர்கள் ரசித்திருக்கிறார்கள்.. அந்த வரிசையில் இந்த படம் இடம் பெறுவது கொஞ்சம் சந்தேகமே.. மலையாள பட பாணியில் அவர்களுக்கான ஸ்டைலில் படமாக்கி இருப்பது வருத்தமே..

இன்றைய நவீன உலகத்தில் எந்த ஜீவராசிகளையும் பொருட்படுத்தாமல் மனித இனத்தை கூட மதிக்காமல் சுயநலயவாதியாக வாழ்ந்து கொண்டிருக்கும் ஒவ்வொரு மனிதனுக்கும் இந்த படம் சமர்ப்பிக்கலாம்.

இன்றைய சூழ்நிலையில் நாம் அன்றாடம் உபயோகப்படுத்தும் தண்ணீர் முதல் எரிபொருள் வரை எந்த ஒன்றையும் தேவை அறிந்து பயன்படுத்தி மிச்சப்படுத்தினால் மட்டுமே நாளைய தலைமுறை எந்த அச்சமும் இன்றி வாழ முடியும் என்ற எச்சரிக்கையும் இந்த படத்தில் பதிவு செய்திருக்கிறார் இயக்குனர் அருண் சந்து.

Gaganachari Malayalam movie review