பிச்சுவாகத்தி விமர்சனம்

பிச்சுவாகத்தி விமர்சனம்

நடிகர்கள் : இனிகோ பிரபாகர், செங்குட்டுவன், ஸ்ரீபிரியங்கா, அனிஷா, யோகிபாபு, ரமேஷ்திலக், பாலசரவணன், காளிவெங்கட், மொட்டை ராஜேந்திரன், ஆர்என்ஆர் மனோகர், சேரன்ராஜ் மற்றும் பலர்.
இயக்கம் : ஐயப்பன்
இசை : என்ஆர். ரகுநந்தன்
ஒளிப்பதிவு: K.G.வெங்கடேஷ்
எடிட்டர்: ராஜாசேதுபதி
பி.ஆர்.ஓ. : வின்சன்
தயாரிப்பு : மாதையன் ஸ்ரீஅண்ணாமலையார் மூவீஸ்

???????????????????????????????????????

கதைக்களம்…

தஞ்சாவூரில் ஜாலியாக சுற்றித்திரியும் நண்பர்கள் இனிகோ பிரபாகர், யோகிபாவு, ரமேஷ்திலக். இதில் இனிகோவின் காதலி ஸ்ரீபிரியங்கா. இவர்களின் கதை ஒருபக்கம்.

அடுத்த ஹீரோ செங்குட்டுவன், காதலி அனிஷா மற்றும் நண்பன் பாலசரவணன் மற்றொரு பக்கம்.

இனிகோ, யோகி, ரமேஷ்திலக் மூவரும் ஊர் ஆட்டை திருடிய குற்றத்திற்காக அபராதம் விதிக்கப்படுகின்றனர். மேலும் அருகிலுள்ள கும்பகோணம் காவல்நிலையத்திற்கு நேரில் சென்று ஒரு மாதம் கையெழுத்திட உத்தரவு பிறப்பிக்கிறது கோர்ட்.

அவர்கள் ஸ்டேஷனுக்கு செல்ல, அங்குள்ள இன்ஸ்பெக்டர் இவர்களை வைத்து பணம் சம்பாதிக்க திட்டமிடுகிறார். இல்லையென்றால் பணம் கேட்டு மிரட்டுகிறார்.

பணத்திற்காக அனிஷாவின் செயினை பறிக்க மேலும் ஒரு குற்றம் இவர்கள் மீது விழுகிறது.

இந்த குற்றத்தை பதிவு செய்யாமல் இருக்கவேண்டுமென்றால் வைரம் கடத்த பணிக்கப்படுகிறார்.

இதனால் குற்றம் மேல் குற்றம் செய்யும் இவர்கள், மிகப்பெயரி ஆளாகுகின்றனர்.

இதற்கு எல்லாம் காரணமான அனிஷாவை கொல்ல திட்டமிடுகின்றனர்.

இதனிடையில் ஸ்ரீபிரியங்காவுக்கு திருமண ஏற்பாடு நடக்கிறது.

எனவே, இவர்கள் என்ன செய்தார்கள்? ஊர் திரும்பினார்களா? குற்றமே இவர்களுக்கு வாழ்க்கையானதா? அனிஷா கொன்றார்களா? என இரண்டு கதைகளை இணைத்து பிச்சுவாகத்திக்கு பட்டை தீட்டியிருக்கிறார் ஐயப்பன்.

Pichuva Kathi yogibabu

கேரக்டர்கள்…

இதுநாள் வரை ஹீரோக்களின் நண்பராக வந்த இனிகோ பிரபாகர் இதில் தன் ஹீரோ கேரக்டரில் முத்திரை பதிக்கிறார்.

ஸ்ரீபிரியங்காவிடம் காதலை சொல்லுவதில் தொடங்கி, நண்பர்களிடம் ஜாலியாக திரிவதும், போலீசிடம் மாட்டி அவஸ்தைப்படுவதும் என அனைத்திலும் இனிமை சேர்கிறார் இனிகோ.

மற்றொரு நாயகன் செங்குட்டுவன் யதார்த்த நாயகனாக வருகிறார். க்ளைமாக்ஸில் இவரின் முடிவு எதிர்பாராத திருப்பம்.

ஸ்ரீபிரியங்கா துறுதுறுப்பு என்றால் அனிஷா அமைதி. இரு நாயகிகளும் தங்கள் கேரக்டர்களுக்கு அழுத்தம் கொண்டு நடிப்பில் தேர்ச்சில் பெறுகிறார்கள்.

சீரியஸ் படத்தில் யோகிபாபுவின் காமெடி படத்திற்கு பலம். அவர் கொடுக்கும் கவுண்டர் காமெடிகள் கச்சிதம்.

தமிழ்நாட்டுக்கே தலதான். திலோத்தமா எனத் தொடங்கி, அர்னால்ட் பைட் என பன்ச் பேசுவது,கிரிக்கெட் மேட்ச் சீன், சரக்கு சீன் என அப்ளாஸ்களை அள்ளுகிறார் யோகிபாபு.

இதில் சீரியஸ் ரோலில் ரமேஷ் திலக். கேரக்டரை உணர்ந்த நடிப்பு பளிச்சிடுகிறார்.

பாலசரவணன் மற்றும் கோலி சோடா சீதா ரொமான்ஸ் ரசிக்கும் ரகம்.

மன்னார் அண்ட் கம்பெனி காளிவெங்கட் கேரக்டர் எம்எல்எம் பெயரில் போலித்தனம் செய்பவர்களை போட்டுத் தாக்குகிறது.

மொட்டை ராஜேந்திரன், ஆர்என்ஆர் மனோகர், சேரன் ராஜ், கூல் சுரேஷ் ஆகியோர் நிறைவான நடிப்பை கொடுத்துள்ளனர்.

????????????????????????????????????????????????????????

தொழில்நுட்ப கலைஞர்கள்…

என் ஆர் ரகுநந்தன் இசையில் யுக பாரதி வரிகளில் பாடல்கள் அனைத்தும் அருமை.

யே சிறுக்கி, என்ன சொல்ல, மிருகம் மிருகம், அடியே அடியே என ஒவ்வொரு பாடலும் ஒவ்வொரு விதமாக ரகுநந்தன் இசையில் இனிமை சேர்கிறது.

பாடலும் பாடலை படமாக்கிய விதங்களும் அருமை.

க்ளைமாக்சில் அனிஷாவை பழிவாங்கும் வரும்போது எழும் பாடல் அருமை. ஆனால் அதை திடீரென கட்டாக்கி வேறு திசையில் மாற்றியது ஏனோ?

ஒளிப்பதிவாளர் கைவண்ணத்தில் பகல், இரவு காட்சிகளும் கிராமத்து அழகும் கூடுதல் பலம்.

இனிகோவின் காட்சிகள் விறுவிறுப்பாக செல்லும்போது, செங்குட்டுவின் காதல் காட்சிகளில் கத்திரி போட்டு இருக்கலாம் எடிட்டர் ராஜாசேதுபதி. படத்தின் விறுவிறுப்பதை அதை குறைக்கிறது.

??????????????????????????????????????????????????

இயக்கம் பற்றிய அலசல்…

தனிதனியாக இரண்டு ட்ராக்கை கொண்டு சென்று அதில் சின்ன டச் கொடுத்திருப்பது ரசிக்க வைக்கிறது.

எம்எல்எம் மார்கெட்டிங்டில் நடைபெறும் தில்லுமுல்லுகளை சொன்ன விசயத்தில் ஐயப்பன் அப்ளாஸ் வாங்குகிறார்.

விறுவிறுப்பான திரைக்கதையில் ரொமான்ஸை  குறைத்திருந்தால் கூடுதல் கவனம் பெறும் இந்த கத்தி.

பிச்சுவாகத்தி… வீச்சு கத்தி

பயமா இருக்கு விமர்சனம்

பயமா இருக்கு விமர்சனம்

நடிகர்கள் : சந்தோஷ், ஜீவா, பரணி, ஜெகன், மொட்டை ராஜேந்திரன், ரேஷ்மிமேனன், கோவை சரளா மற்றும் பலர்.
இயக்கம் : ஜவஹர்
இசை : சத்யா
ஒளிப்பதிவு: மகேந்திரன்
பி.ஆர்.ஓ. : யுவராஜ்
தயாரிப்பு : வசந்தம் பிலிம்ஸ்

??????????????????????????????????????????????????????????

கதைக்களம்…

சந்தோஷ், தன் மனைவி ரேஷ்மி மேனனின் அம்மாவை தேடி இலங்கை செல்கிறார்.

அங்கு அவரை தேடி கண்டுபிடிக்க முடியாத சூழ்நிலையில் இலங்கை ரானுவத்திடம் மாட்டிக் கொண்ட மொட்டை ராஜேந்திரன், ஜெகன், பரணி, ஜீவா ஆகியோரை காப்பாற்றுகிறார்.

பின்னர் தமிழகம் திரும்பும் இவர்கள் 4 பேரும் சந்தோஷ் வீட்டில் பக்கத்தில் தங்குகின்றனர்.

ஆனால் அங்கு பல அமானுஷ்ய விஷயங்கள் நடக்க, பேய் ஓட்டும் கோவை சரளாவை சந்திக்கின்றனர்.

உங்களுடன் ஒரு பேய் தங்கியிருக்கிறது என்று அவர் சொல்ல, யார் அந்த பேய்? என்பது புரியாமல் குழம்புதுவம் அதன் பின்னர் அங்கு நடக்கும் சம்பவங்களே படத்தின் கதை.

Bayama-Irukku poster

கேரக்டர்கள்….

சந்தோஷ் தன் காதல் மனைவிக்காக உருவகுவதும் நண்பர்களுக்கு உதவுவதிலும் பளிச்சிடுகிறார்.

படம் முழுவதும் அமைதியாகவே வந்து க்ளைமாக்சிஸ் கொஞ்சம் மிரட்டுகிறார் ரேஷ்மிமேனன்.

படத்தில் ஜீவா மற்றும் பரணிக்கு டயலாக்குகள் கம்மிதான்.

ஜெகன் மற்றும் ராஜேந்திரன் படத்தில் அதிக வசனங்கள் இருப்பதால் அவர்கள் தங்கள் பங்கை அதிமாக செய்துள்ளனர்.

அதிலும் பேய் படம் என்பதால் பேய்களுடன் பழகிய மொட்டை ராஜேந்திரன் அசத்தல்.

க்ளைமாக்ஸில் பேய் கண்காட்சியில் மாட்டிக் கொண்டு அவஸ்தை படும் காட்சிகள் ரசிக்க வைக்கிறது.

ரேஷ்மி மேனன் மிரட்டி இருக்கலாம். ஆனால் அவரது முகம் பேய்க்கு பொருந்தவில்லை.

10 பேய் படங்களில் பார்த்த அதே கோவைசரளாதான். ஆனால் இதில் பேய் ஓட்டுபவராக இருந்தாலும் அவரும் பயப்படுகிறார்.

????????????????????????????????????????????????????

தொழில்நுட்ப கலைஞர்கள்…

பேய் காட்சிகள் அதிகம் பயமுறுத்தவில்லை என்றாலும் ஆற்றுக்குள் இருக்கும் அந்த படகு வீடு படு அசத்தல்.

அதை பார்த்தாலே பயம் வரும் அளவுக்கு ஒளிப்பதிவாளர் ஸ்கோர் செய்கிறார் மகேந்திரன்.

பாடல்கள் அனைத்தும் பேய் பட பாணி என்பதால் அதன் போக்கிலேயே டெர்ர்ராக வைத்துள்ளார் இசையமைப்பாளர் சத்யா.

பேய் கண்காட்சியில் கலை இயக்குனரின் கைவண்ணம் நிஜமாலுமே பக்கா. பேய் போன்ற உருவங்களை அமைத்து கூடுதல் கவனம் பெறுகிறார்.

இதுபோன்ற கதைகள் பல வந்துவிட்டன. ஆனால் அதில் கொஞ்சம் புதுமை காட்டியிருந்தால் ரசிகர்கள் எதிர்பார்ப்பு பூர்த்தியாகி இருக்கும்.

கண்ணாடியில் பார்த்தால் பேய் தெரியும். அதுவே இதுவரை ஓகேவா எனத் தெரியாமல் இருக்கும்போது இரண்டு காலுக்கு அடியில் குனிந்து பார்த்தால் தெரியும் என்பதெல்லாம் ரொம்ப ஓவர்.

பேயாக இருந்தாலும் நான் குடும்பம் நடத்துகிறேன் என ஹீரோ சொல்வது எல்லாம் தாங்க முடியல.

பயமா இருக்கு… பயமா இருக்கு என சொல்ல வைத்திருக்கலாம்

Bayama Irukku movie review rating

கொஞ்சம் கொஞ்சம் விமர்சனம்

கொஞ்சம் கொஞ்சம் விமர்சனம்

நடிகர்கள் : கோகுல், நீனு, அப்புக்குட்டி, மன்சூர் அலிகான், ஜாங்கிரி மதுமிதா மற்றும் பலர்.
இயக்கம் : உதய்சங்கரன்
இசை : வல்லவன்
ஒளிப்பதிவு: பி.ஆர். நிக்கிகண்ணன்
பி.ஆர்.ஓ. : பெருதுளசிபழனிவேல் (சக்தி சரவணன்)
தயாரிப்பு : சிகே. பெட்டி, பிஆர். மோகன்

????????????????????????????????????????????????

கதைக்களம்…

கேரளாவில் அப்புக்குட்டி வைத்திருக்கும் காயிலான் இரும்புக் கடையில் வேலை பார்க்கிறார் தமிழரான கோகுல்.

அங்கே உள்ள கேரள பெண் குட்டிகளை பார்த்து காதல் வலையில் விழாமல் இருப்பாரா? அவருக்கு ஏற்ற ஜோடியை பார்த்ததும் காதல் கொள்கிறார். அவரும் காதலிக்கிறார்.

இவருக்காக வீட்டை விட்டு வெளியேறும் முடிவில் இருக்கிறார் நாயகி மீனு.

இந்நிலையில் தமிழகத்தில் உள்ள தன் சொந்த ஊருக்கு செல்கிறார்.

அப்போது செல்போன் சார்ஜ் விபத்தில் தன் பாசத்துக்குரிய அக்காவின் காது செவிடாகிறது.

மேலும் ஒரு விபத்தில் தன் அம்மாவை இழக்கிறார்.

அக்காவுக்கு ஆபரேசன், காதலி காணவில்லை என தேடி அலையும் கோகுல் என்ன செய்தார்? என்பதே இதன் மீதிக்கதை.

????????????????????????????????????????????????

கேரக்டர்கள்…

காயிலான் கடை வேலை பார்க்கும் பையனாக தன் கேரக்டரை உணர்ந்து நடித்திருக்கிறார் கோகுல்.

அக்கா மீது பாசம் காட்டுவதாகட்டும், காதலியை ரூட் விடுவதாகட்டும், வறுமையிலும் நேர்மையாக வாழ்வதாகட்டும் என அனைத்திலும் கோகுல் ஸ்கோர் செய்கிறார்.

காயிலான் கடையில் வேலை பார்த்தாலும், சின்ன சின்ன பொருட்களை கொண்டு புதிது புதிதாக அவர் கண்டு பிடிக்கும் பொருட்கள் அனைத்து இளைஞர்கள் பலருக்கும் விழிப்புணர்வை கொடுக்கும்.

உதாரணமாக எடை போடும் மெசின் எடையை பார்த்து சொல்லுதல்.

????????????????????????????????

நாயகனின் அக்கா, அம்மா, காதலி, நண்பர்கள் என அனைவரும் கச்சிதம். தங்கள் கேரக்டர்களால் படத்துக்கு பலம் சேர்த்துள்ளனர்.

கேரள பைங்கிளியாக வரும் நீனு நினைவில் நிற்கிறார்.

சின்ன சின்ன ரோல்களில் வரும் அப்புக்குட்டி இதில் நிறைய காட்சிகளில் வந்து நிறைவான இடத்தை பெறுகிறார்.

ஜாங்கிரி மதுமிதா, சன் டிவி தாப்பா ஆகியோரும் இவருக்கு ஜோடியாக வந்து லூட்டி அடிக்கிறார்கள்.

ஓரிரு காட்சியில் வரும் மன்சூர் அலிகான், நாயகனின் திறமையறிந்து உதவி செய்வது நெஞ்சை தொடுகிறது.
?????????????????????????????????????????????????????????

தொழில்நுட்ப கலைஞர்கள்….

பாதி படப்பிடிப்பை பொள்ளாச்சிலும் மற்றொரு பாதியை கேரளாவிலும் படம்பிடித்து நம்மை ரசிக்க வைக்கிறார் ஒளிப்பதிவாளர் பி.ஆர். நிக்கிகண்ணன். (இவர் கேவி. ஆனந்திடம் உதவியாளர்)

வல்லவன் இசையில் பாடல்களும் பாடல் வரிகளும் படத்திற்கு அழகை சேர்க்கின்றன.
க்ளைமாக்ஸில் வரும் மழைபாடல் அருமை.

விருந்தாளி படத்தை எடுத்த உதய் சங்கரன்தான் இப்படத்தை இயக்கியிருக்கிறார்.

சென்டிமெண்ட், நண்பர்கள், நல்லவர்கள், உழைப்பு, முன்னேற்றம் என அனைத்தையும் கொஞ்சம் கொஞ்சம் கலந்து விருந்து படைத்திருக்கிறார்.

திறமை எங்கு வேண்டுமானாலும் இருக்கும். அதை உதாசீனப்படுத்துபவர்கள் நிச்சயம் ஒருநாள் உணர்ந்து திருந்துவார்கள் என்ற கருத்தை ஆணித்தரமாக சொல்லியிருக்கிறார் இயக்குனர்.

சில ட்விஸ்ட்கள் வைத்து கொஞ்சம் விறுவிறுப்பை கூட்டியிருந்தால் அனைத்து தரப்பு மக்களை கவர்ந்திருப்பார்.

கொஞ்சம் கொஞ்சம்… அனைத்திலும் கொஞ்சம் கலந்த சுவை விருந்து

மகளிர் மட்டும் விமர்சனம்

மகளிர் மட்டும் விமர்சனம்

நடிகர்கள் : ஜோதிகா, ஊர்வசி, பானுப்ரியா, சரண்யா பொன்வண்ணன், நாசர், லிவிங்ஸ்டன், பவெல் நவகீதன், மாதவன், விதார்த், லுத்புதீன் மற்றும் பலர்.
இயக்கம் : பிரம்மா
இசை : ஜிப்ரான்
ஒளிப்பதிவு: மணிகண்டன்
பி.ஆர்.ஓ. : ஜான்சன்
தயாரிப்பு : 2டி என்டர்டெயின்மென்ட், க்ரிஸ் பிக்சர்ஸ் சூர்யா

கதைக்களம்…

இது முழுக்க முழுக்க பெண்களுக்கான எடுக்கப்பட்ட ஆண்கள் படம்.

கோமாதா- ஊர்வசி, ராணி அமிர்தகுமாரி – பானுப்ரியா, சுப்புலட்சுமி சரண்யா பொன்வண்ணன்… இவர்கள் பியூசி படிக்கும் காலத்திலேயே குறும்புக்கார தோழிகள்.

ஒரு சூழ்நிலையால் பிரியும் இவர்கள் பின்னர் திருமணத்தால் பிரிந்து எங்கெங்கோ சென்றுவிடுகின்றனர்.

இதில் ஊர்வசியின் மகன் மாதவன் காதலிக்கும் பெண் ஜோதிகா.

ஜோதிகா பெண்களை பற்றி குறும்படம் எடுக்கும்போது, தன் குடும்பத்திற்காக தன்னையே அர்ப்பணிக்கும் பெண்கள் பற்றி தெரிந்துக் கொள்கிறார்.

எனவே, தன் வருங்கால மாமியாரின் ஆசையான பள்ளித் தோழிகளை சேர்த்து வைக்க முற்படுகிறார்.

மேலும் அவர்கள் மட்டும் தனியாக சென்று சந்தோஷமாக இருக்க வேண்டும் என நினைக்கிறார்.

ஊர்வசி தன் பள்ளித் தோழிகளை பார்த்தாரா? சுற்றுலா சென்றார்களா? எல்லார் வீட்டில் அனுமதி கிடைத்ததா? என்பதே இப்படக்கதை.

கேரக்டர்கள்…

ஜோதிகா தன் இயல்பான நடிப்பால் ரசிகர்களை கவர்கிறார். தன் மாமியாரை தோழியாக பாவித்து அவருக்காக எல்லாம் செய்வது ரசிக்க வைக்கிறது.

ஆனால் அந்த பழைய துறுதுறு இப்போதைக்கு ஜோதிகாவிடம் இல்லை.

மாமியாரையும் அவரின் தோழிகளையும் பேர் சொல்லி அழைப்பது ரொம்ப ஓவர். அதுவும் ராணி என்ற இரண்டு எழுத்து பெயரை கூட ரா என்று அழைப்பது டூமச்.

ஊர்வசி, சரண்யா, பானுப்ரியா மூவரும் தங்கள் கேரக்டர்களில் பளிச்சிடுகிறார்கள். ஒவ்வொருவரும் தங்கள் குடும்ப சூழ்நிலையறிந்து அதற்கு ஏற்ப தங்களை மாற்றிக் கொள்ளும் பெண்களை பிரதிபலிக்கிறார்கள்.

பெண்கள் படம் என்பதால் நாசர், லிவிங்ஸ்டன், மாதவன், பவல், அம்புலி கோகுல் கேரக்டர்கள் வலுவில்லை. ஆனால் தம் வீட்டுப் பெண்களையே மதிக்காத சில கேரக்டர்கள் இவர்களால் வெளிச்சத்து வருகிறது.

விதார்த் மற்றும் லுத்புதீன் ஒரு காட்சியில் வந்து செல்கிறார்கள்.

பள்ளித் தோழிகளாக நடித்த அந்த 3 பெண்களும் நல்ல தேர்வு.

தொழில்நுட்ப கலைஞர்கள்…

ஜிப்ரானின் இசையில் பாடல்கள் நன்றாக உள்ளது. படத்தில் ட்விஸ்ட் காட்சிகள் ஏதாவது வைத்திருந்தால் பின்னணி இசையிலும் பின்னியிருப்பார் இவர்.

மணிகண்டனின் ஒளிப்பதிவு வட இந்தியா பகுதிகளை அழகாக காட்டியிருக்கிறது. சி.எஸ்.பிரேமின் படத்தொகுப்பில் இன்னும் சில காட்சிகளை கத்திரி போட்டியிருக்கலாம்.

இயக்கம் பற்றிய அலசல்…

ப்ளாஷ்பேக் காட்சிகள் நன்றாக உள்ளது. ஆனால் அதை இடை இடையில் சொருகாமல் ஒரே நேரத்தில் சொல்லியிருக்கலாம்.

இல்லத்தரசிகளாக வாழும் பெண்கள் வீட்டில் சும்மா இருப்பதில்லை. வெளியே செல்லும் ஆண்களை விட அதிகமான வேலைகளை ஓய்வின்றி வாழ்க்கை முழுவதும் செய்கிறார்கள் என்பதை ஆணித்தரமாக சொல்லியிருக்கிறார்.

அதற்காக இயக்குனரை வெகுவாக பாராட்டலாம்.

குற்றம் கடிதல் என்ற யதார்த்தமான படத்தை கொடுத்த பிரம்மா இதில் சற்று சறுக்கியிருக்கிறார்.

இதில் காட்சிகள் உயிரோட்டமாக இல்லை. சொல்லிவைத்தாற் போல் காட்சிகள் நகர்கின்றன.

மேலும் 50 வயதை கடந்த பெண்கள் எல்லாம் பேஸ்புக் பக்கத்தில் இருக்கிறார்களா என்ன? அதுவும் குடும்பமே கதி என இருக்கும் பானுப்ரியா பேஸ்புக் பக்கத்தில் இருப்பாரா? என்று எண்ணவும் தோன்றுகிறது.

சொல்ல வேண்டிய விஷயத்தை இன்னும் யதார்த்தம் மற்றும் ட்விஸ்ட் வைத்து சொல்லியிருந்தால் இளைஞர்களும் ரசித்திருப்பார்கள்.

மகளிர் மட்டும்.. பெண்களை மதிக்காத ஆண்கள் பார்க்கனும்

துப்பறிவாளன் விமர்சனம்

துப்பறிவாளன் விமர்சனம்

நடிகர்கள் : விஷால், பிரசன்னா, வினய், பாக்யராஜ், சிம்ரன், அனுஇமானுவேல், ஜான்விஜய், ஆண்ட்ரியா, தலைவாசல் விஜய், ரவிமரியா, அஜய்ரத்னம், ஜெயபிரகாஷ் மற்றும் பலர்.
இயக்கம் : மிஷ்கின்
இசை : அரோல் கரோலி
ஒளிப்பதிவு: கார்த்திக்
எடிட்டர்: அருண்குமரன்
கலை: அமரன்
பி.ஆர்.ஓ. : ஜான்சன்
தயாரிப்பு : விஷால் பிலிம் பேக்டரி
vishal cap

கதைக்களம்…

விஷால் ஒரு தனியார் துப்பறிவாளர். இவரின் உதவியாளர் நண்பர் பிரசன்னா.

காவல்துறையாலே கண்டுபிடிக்க முடியாத அனைத்தையும் அசால்ட்டாக கண்டுபிடிப்பார்.

ஒருமுறை ஒரு சிறுவன் தன் வீட்டு நாய் இறந்துவிட்டது, அதை ஒருவன் துப்பாக்கியால் சுட்டு கொன்றுவிட்டான். அதனை கண்டுபிடித்து தர கேட்கிறார்.

அந்த சிறுவனின் நல்ல உள்ளத்துக்கு உதவ நினைக்கும், விஷால் அந்த புராஜக்ட்டை கையில் எடுக்கிறார்.

இதனிடையில் சிம்ரனின் கணவர் மின்னல் தாக்கி இறக்கிறார்.

அந்த நாய் கொலையில் துப்பு துலக்கும்போது, அதனுள் இந்த கொலைக்கான சிறுதுரும்பு கிடைக்கிறது.

இந்த இரண்டுக்கும் என்ன கனெக்ஷன் என உள்ளே நுழையும் டிடெக்டிவ் விஷால், அதன் பின்னால் இருக்கும் ஒரு பெரிய நெட்வொர்க்கை கண்டுபிடிக்கிறார்.

இதை ட்விஸ்ட்டுகள் தன் பாணியில் நிதானமாக கையாண்டு, விருந்து படைத்திருக்கிறார் மிஷ்கின்.

vishal anu
கேரக்டர்கள்…

இது விஷால் படம் என்பதை விட மிஷ்கின் படம் என்றே சொல்லாம். அவன் இவன் படத்தில் பாலாவின் நடிகராக மாறிய விஷால், இதில் மிஷ்கினின் நாயகனாக மாறிவிட்டார்.

தொப்பி,கண்ணாடி ஆகியவற்றை மீறி, பேசும் பேச்சு, திடீரென ஓடும் ஓட்டம், நாயகியுடன் பேசும் தோரணை என விஷால் விளாசியிருக்கிறார்.

படத்தில் நாயகி கேரக்டர் தேவையில்லை என்றாலும் இவர் இறக்கும் தருவாயில் நம்மை கவர்கிறார் அனுஇமானுவேல்.

சீரியஸ் படத்தில் கொஞ்சம் கலகலப்பூட்டி நம்மை ரிலாக்ஸ் செய்ய வைக்கிறார் பிரசன்னா. க்ளைமாக்ஸில் தன் கேரக்டரை பிரகாசிக்க செய்கிறார் பிரசன்னா.

இதுவரை பார்க்காத வித்தியாசமான கேரக்டரில் வினய். விஷால் இவரை நெருங்க, நெருங்க ஒவ்வொரு தடயத்தை அழிப்பதில் அசத்துகிறார்.

க்ளைமாக்ஸில் விஷாலுடன் மோதும் காட்சியில் அப்ளாஸ் அள்ளுகிறார்.

அழகில் மட்டுமல்ல ஆக்சனிலும் அசத்துவேன் என அடம்பிடித்திருக்கிறார் ஆண்ட்ரியா.

thupparivalan prasanna

சபலகேஸ் ஜான்விஜய் ஆண்ட்ரியா மீது ஆசைப்பட்டு உயிர்விடும் காட்சி நச்.

இவர்களுடன் ரவிமரியா, தலைவாசல் விஜய், மோகமுள் அபிசேக் உள்ளிட்டோரும் கச்சிதம்.

சிம்ரன், ஜெயப்பிரகாஷ், அஜய்ரத்னம் கேரக்டர்கள் வலுவில்லை. ஆனால் படத்தின் கதையோட்டத்திற்கு தேவைப்பட்டுள்ளது எனலாம்.

பாக்யராஜ் எத்தனையோ படங்களில் நடித்திருக்கிறார். இயக்கியிருக்கிறார். அவரது சினிமா கேரியரில் இப்படி ஒரு கேரக்டரில் நடித்திருக்கமாட்டார். அவர் இறக்கும்போது தம் (படுத்த படுக்கையாக இருக்கும்) மனைவிக்கு யாருமில்லை என அவரையும் சேர்த்துக் கொல்வது செம டச்சிங்.

thupparivalan stills

தொழில்நுட்ப கலைஞர்கள்…

இயக்குனர் மிஷ்கின், நடிகர் விஷால், ஒளிப்பதிவாளர் கார்த்திக். இசையமைப்பாளர் அரோல்கரோலி இவர்கள் நால்வரையும் இப்படத்தின் பில்லர்கள் என்றே சொல்லலாம்.

சண்டைக் காட்சிகள் தெறி என்றால், எமோஷனல் காட்சிகளில் நம்மை உருகவைக்கிறார் இசையமைப்பாளர் அரோல் கரோலி.

கலை இயக்குனரும் எடிட்டரும் தன் பங்கை சிறப்பாக செய்துள்ளனர்.

இயக்கம் பற்றிய அலசல்…

மேக்கிங்கில் மிரட்டியிருக்கிறார் மிஷ்கின் என்று ஒரு வரியில் சொல்லிவிடலாம்.

ஒவ்வொரு டைரக்டருக்கும் ஒரு மேக்கிங் ஸ்டைல் இருக்கும். இது மிஷ்கின் ஸ்டைல் என ஒவ்வொரு ப்ரேமிலும் சொல்லியிருக்கிறார்.

படைப்பாளிகளுக்கு பெயர் சொல்லும் படங்கள் கொஞ்சமே இருக்கும். அதில் இந்த படம் நிச்சயம் இடம்பெறும்.

விஷாலிடம் ஒருவர் வருகிறார் என்றால், அவரின் பிரச்சினையை முன்கூட்டியே விஷாலே சொல்வது எல்லாம் ஓவர்.

பிரசன்னா காஸ்ட்டியூம் போல விஷால் காஷ்ட்யூமிலும் கவனம் செலுத்தியிருக்கலாம். பெரும்பாலும் விஷால் கண்ணாடி அணிந்திருப்பதால் கண் ரியாக்சன் தெரியவில்லை.

படத்தின் முதல்காட்சி முதல் க்ளைமாக்ஸ் வரை பார்த்தால் மட்டுமே படம் புரியும் என்பது எங்களது வேண்டுகோள்.

விஷாலிடம் வரும் சிறுவன் கொலைக்காரனிடம் அந்த நாயை எப்படி கொல்ல மனசு வந்துச்சி? என கேட்க நினைக்கிறார். ஆனால் க்ளைமாக்ஸில் வில்லனிடம் ஒரு கேள்வி மட்டுமே கேட்கிறார். இயக்குனர் கவனிக்கலையா?

துப்பறிவாளன்… மிரட்டல் டிடெக்டிவ்

நெருப்புடா விமர்சனம்

நெருப்புடா விமர்சனம்

நடிகர்கள் : விக்ரம்பிரபு, நிக்கிகல்ராணி, பொன்வண்ணன், மதுசூதனன் ராவ், மொட்டை ராஜேந்திரன், ஆடுகளம் நரேன், சங்கீதா, வருண், ராஜசிம்மன், ராஜ்குமார் மற்றும் பலர்.
இயக்கம் : அசோக்குமார்
இசை : ஷான்ரோல்டன்
ஒளிப்பதிவு: ஆர்டி. ராஜசேகர்
எடிட்டர்: தியாகு
கலை: பிரபாகரன்
பி.ஆர்.ஓ. : டைமண்ட் பாபு
தயாரிப்பு : விக்ரம்பிரபு, இசக்கிதுரை, அஜய்குமார்

கதைக்களம்…

போலீஸ் கேரக்டர்களை பல படங்களில் பார்த்திருக்கலாம். ஆனால் தீ அணைப்பு வீரர்களை மையமாக கொண்ட படங்களை விரல்விட்டு எண்ணி விடலாம்.

தீயை பார்த்தால் நாம் விலகி பயந்து ஓடுவோம். ஆனால் தீயணைப்பு வீரர்கள் மட்டுமே தீயை நோக்கி ஓடுவார்கள். அப்படி ஒரு கதைக்களத்தை எடுத்து அதை அனல் பறக்க சொல்லியிருக்கிறார்கள்.

தீயணைப்பு வீரராக வேண்டும் என சிறுவயது முதலே ஆசைக் கொண்டவர் விக்ரம்பிரபு. இவரைப்போல 4 நண்பர்கள் இருக்கிறார்கள்.

அதன்படி தாங்கள் வைத்திருக்கும் தீயணைப்பு வண்டியை வைத்துக் கொண்டு மக்களுக்கு உதவி செய்து வருகின்றனர்.

அரசாங்க வேலைகிடைத்துவிடும் என்ற நம்பிக்கையில் இருக்கின்றனர்.

இந்நிலையில் விக்ரம்பிரபுவின் நண்பர் தற்செயலாக ஒருவரை தள்ளிவிட அவர் மரணமடைகிறார்.

இதனால் அவர்கள் வாழ்க்கையில் எழும் பிரச்சினைகளை எப்படி கையாள்கிறார்கள்? என்பதே இந்த நெருப்புடா.

கேரக்டர்கள்…

வாகா, வீரசிவாஜி பட தோல்விகளால் துவண்டு போயிருந்த விக்ரம்பிரபுவுக்கு இந்த நெருப்புடா படம் புதிய தெம்பை கொடுக்கும்.

அவரின் உயரம், அவரின் பாடிலேங்ஜ்வுக்கு ஏற்ற கதைக்களத்தை செலக்ட் செய்து அதில் சிக்ஸர் அடிக்கிறார்.

நிக்கி கல்ராணிக்கு அவ்வளவு காட்சிகளில் இல்லையென்றாலும், கிடைக்கும் கேப்பில் அழகான நடிப்பை வெளிப்படுத்தியிருக்கிறார்.

விக்ரம்பிரபுவின் நண்பர்களாக வருபவர்கள் நல்ல தேர்வு.

மொட்டை ராஜேந்திரன் தன் காமெடி ரூட்டை மாற்ற வேண்டிய அவசியம் வந்துவிட்டது. அதுவும் முகத்தை அடிக்கடி க்ளோசப்பில் காட்டுவதை தவிர்த்தியிருக்கலாம்.

மிரட்டல் வில்லனாக மதுசூதனன் மகுடம் சூடுகிறார்.

க்ளைமாக்ஸில் எவரும் எதிர்பாராத சவாலான கேரக்டரில் வரும் சங்கீதா தன் முத்திரையை மீண்டும் பதித்திருக்கிறார்.

தொழில்நுட்ப கலைஞர்கள்…

ஷான் ரோல்டான் இசையில் ஆலங்கிளியே, அந்தப் பொண்னு பாடல்கள் ரசிக்க வைக்கிறது. ஆனால் ஆலங்கிளி பாடல் பாடிய பாடகருக்கு ஹைபீச் எடுக்கவில்லை. ரொம்ப கஷ்டப்பட்டு உயிரே என்ற வார்த்தைகளை பாடும்போது காட்டுகிறது.

ஆர்.டி.ராஜசேகரின் ஒளிப்பதிவு படத்திற்கு பலம் சேர்க்கிறது. தீயை அணைக்கும் காட்சிகளில் அந்த வீரர்கள் மீதான மதிப்பை கூட்டுகிறது.

கலை இயக்குனரின் கைவண்ணத்தில் காட்சிகள் அருமை. ஒரு குப்பம் பகுதியாக இருந்தாலும் அதை ரசிக்கும்படி தந்திருக்கிறார்.

இயக்குனர் அசோக்குமார் புதிய களத்தை தேர்ந்தெடுத்து அதில் விளையாடியிருக்கிறார். ட்விஸ்ட் மேல் ட்விஸ்ட் வைத்து அதை கையாண்ட விதமும் அருமை.

ஆனால் மதுசூதனன் இறக்கும் காட்சியில் அவரின் சட்டை முழுவதும் ரத்தக்கரை இருக்கிறது.
அதன்பின்னர் கயிற்றில் தொங்கும்போது ரத்தக் கரை கொஞ்சமே இருக்கிறது. அதையும் கவனித்திருக்கலாமே.

நெருப்புடா.. தியேட்டர நெருங்குடா

More Articles
Follows