காதலிக்க ஆசை தான்..; நானும் சிங்கிள் தான் விமர்சனம்

எங்கெங்கும் காதல்…; ‘கேர் ஆஃப் காதல்’ விமர்சனம்

2018ம் ஆண்டில் வெளியான C/O காஞ்சரபலம் தெலுங்கு படத்தின் ரீமேக் தான் இந்த C/O காதல்.

காதலர்கள் ரசிக்கும்படி கவிதையாக கொடுத்துள்ளனர்.

நான்கு காதல் கதைகளை ஒரு புள்ளியில் இணைத்துள்ளனர்.

பள்ளி காதல், கல்லூரி காதல், 30 வயது காதல் ஜோடி, 45 வயதுகளில் ஒரு ஜோடி காதல் கதை என படத்தை பிரிக்கலாம்.

50 வயதாகியும் திருமணம் செய்யாதவர் தீபன். இவர் ஒரு அரசு அலுவலகத்தில் பியூனாக பணிபுரிகிறார்.

(இந்த தீபன் யார் தெரியுமா.? முதல் மரியாதை படத்தில் அந்த நிலாவத்தான் நான் கையில பிடிச்சேன் என்ற பாடலுக்கு வருவாரே அவர் தான்…)

இவரது ஆபிஸ்க்கு அதிகாரியாக வருகிறார் மலையாளி பெண் சோனியாகிரி.

விதவையான சோனியாகிரிக்கு 20 வயதில் ஒரு மகள் இருக்கிறார்.

ஒரு கட்டத்தில் இருவருக்குள்ளும் மெல்ல மெல்ல ஈர்ப்பு ஏற்படுகிறது.

அடுத்த காதல்…: மதுக் கடையில் வேலை செய்யும் தாடிக்கு (வெற்றி) அங்கு வரும் சலீமாவின் (மும்தாஜ்) மீது (முகத்தை கூட பார்க்காமல்) காதல் ஏற்படுகிறது.

அதாவது நாயகிக்கு சரக்கு பாட்டில் கொடுக்கும்போதெல்லாம் அவளது கண்களால் மட்டுமே ஈர்க்கப்படுகிறார் வெற்றி. நாயகியிடம் தன் காதலை வெளிப்படுத்துகிறார்.

அதன் பின் நடக்கும் சம்பவமே இந்த காதல்..

பள்ளிக்கூடத்தில் படிக்கும் நிரேஸ் என்ற மாணவனுக்கு சக மாணவி ஸ்வேதா மீது காதல்.

ஒரு கட்டத்தில் இருவரையும் (ஸ்வேதாவின் அப்பா) பிரித்து டெல்லிக்கு அனுப்பி விடுகிறார்.

கார்த்திக் ரத்னமும் அயிராவும் பாம்பும் கீரியும் போல.. பின்னர் காதலராகி விடுகிறார்கள். இவர்கள் வேறு வேறு மதம் சார்ந்தவர்கள்.

இவர்களின் காதலுக்கு மதமே தடையாகிறது.

தொழில்நுட்ப கலைஞர்கள்…

இசையமைப்பாளர் ஸ்வீகர் அகஸ்தி தன் இசையை தென்றலாக கொடுத்துள்ளார்.
நான்கு காதல் கதையையும் ஒரே பாடலில் இணைத்தது ரசிக்க வைத்தது.

குணசேகரனின் ஒளிப்பதிவு காதலையும் காதல் கலைஞர்களையும் ரசிக்க வைத்திருக்கிறது.

நான்கு முனைக் காதலையும் நச் என கொடுத்து திரைக்கதை அமைத்து இயக்கியுள்ளார் ஹேமாம்பர் ஜஸ்தி.

எவருடைய மனமும் நோகாமல் அழகான காதலர் தின விருந்து படைத்திருக்கிறார் இயக்குனர்.

ஆக ‘கேர் ஆஃப் காதல்’… என்றென்றும் எங்கெங்கும் காதல்

Care of Kadhal review rating

கெமிஸ்ட்ரி காதலும் கேடான நட்பும்..; குட்டி ஸ்டோரி விமர்சனம்

4 குறும்படங்களை இணைத்து அதை பெரிய படமாக தொகுத்து ‘குட்டி ஸ்டோரி’ என்ற படத்தை தயாரித்திருக்கிறார் தயாரிப்பாளர் ஐசரி கணேஷ்.

எதிர்பாரா முத்தம்:

ஒரு ஆணும், பெண்ணும் நண்பர்களாக மட்டுமே இருக்க முடியுமா?. இது தான் எதிர்பாரா முத்தம் பட அவுட் லைன்.

கெளதம் மேனன் நாயகனாக நடித்து அவரே இயக்கியும் இருக்கிறார்.

கெளதம் மேனன் மற்றும் அமலா பால் இருவரும் கல்லூரியில் நண்பர்கள்.

ஒரு பிரச்சனையால் பிரியும் இவர்கள் சுமார் 20 வருடங்களுக்குப் பிறகு சந்திக்கின்றனர்.

திருமணமாகி, வெளிநாட்டில் செட்டிலான மிர்ணாளினி (அமலா) ஆதியை (கௌதம்) சந்தித்தால் என்ன நடக்கும்? என்பதே மீதிக்கதை.

இந்த கதை ஓட்டத்தை எளிமையாக சொன்னாலும் பொறுமையை சோதிக்கின்றனர்.

அவனும் நானும்:

இயக்கம் : விஜய்

கல்லூரியில் படிக்கும் ப்ரீத்தி (மேகா ஆகாஷ்), தனது காதலன் விக்ரமிடம் (அமிதாஷ் பிரதான்) உறவு வைத்து கர்ப்பமடைகிறார்.

ஒரு கட்டத்தில், காதலன் விபத்தில் இறந்து விட, அதன்பிறகு மேகா ஆகாஷ் எடுத்த முடிவுகளே படத்தின் மீதிக் கதை..

க்ளைமாக்ஸ் காட்சிகளும் யாரும் யூகிக்க முடியா வண்ணம் எடுத்துள்ளனர்.

வித்தியாசமான கதைக்களம் கொடுத்த இயக்குனர் விஜய்க்கு பாராட்டுகள்.

லோகம்:

இயக்கம்: வெங்கட் பிரபு ..

கம்ப்யூட்டரில் ஆன்லைன் கேம் விளையாடும் இளைஞன் வருண்.

ஆன்லைனில் விளையாட்டில் மறுபக்கம் ஒரு பெண்ணின் நட்பு கிடைக்கிறது.

அந்த பெண்ணை வருண் காதலிக்க ஆரம்பித்து விடுகிறார்.

ஒரு கட்டத்தில் விளையாட்டில் அவள் அவுட்டாகி விட, பெண்ணின் தொடர்பு இல்லாமல் போகிறது. இழக்கிறார் வருண்.

யார் அந்த பெண்.? மீண்டும் தொடர்பு உருவானதா? என்பதே படத்தின் மீதிக் கதை.

இந்த ஆந்தாலஜியில் லோகம் எபிசோட்தான் தான் ரசிகர்களை அவ்வளவாக கவரவில்லை.்

வித்தியாசமான கதைக்காக இதை பார்க்கலாம்.

ஆடல் பாடல்

இயக்கம்: நலன் குமாரசாமி

விஜய் சேதுபதி மற்றும் அதிதி பாலன் இருவரும் தம்பதிகள். இவர்களுக்கு 4 வயதில் ஒரு பெண் குழந்தை.

விஜய் சேதுபதிக்கு தனது செல்போனில் ஒரு பெண் தொடர்பு கிடைக்கிது. இறுதியில் தான் அந்த பெண் தன் மனைவி அதிதி பாலன் என தெரிந்து கொள்கிறார்.

விஜய் சேதுபதி மன்னிப்பு கேட்க அதிதி பாலனும் ஒரு தவறு செய்து விட்டதாக கூற இருவருக்குள்ளும் பிரச்சினை வெடிக்கிறது.

பின், இருவரும் இணைந்தார்களா.? என்பதே மீதிக் கதை.

விஜய் சேதுபதி தனது கேரக்டரை சிறப்பாக செய்து முடித்திருக்கிறார்.

விஜய் சேதுபதிக்கும் அதிதி பாலனுக்கும் இடையேயான கெமிஸ்ட்ரி சரியாக சில இடங்களில் வொர்க் ஆகவில்லை.

ஆனால் இருவருக்கும் நல்ல கேரக்டர். எனவே நடிப்பிலும் குறையில்லை.

ஆக கெமிஸ்ட்ரி காதலும் கேடான நட்பும்..; குட்டி ஸ்டோரி விமர்சனம்

Kutty story Review Rating

பெண்கள் பாதுகாப்பு…; ஆட்கள் தேவை விமர்சனம்

ME TOO மீ டூ… இதை 80% பெண்கள் சொல்லி வருகின்றனர். அந்தளவு பெண்கள் பாதுகாப்பின்மையால் தவிக்கின்றனர்.

பெண்களுக்கு எதிரான பாலியல் குற்றங்கள் தொடர்ந்து நடைபெற்று வருகிறது.

கதைக்களம்…

ஒரு பெண்ணை ஒரு கும்பல் கடத்தி அவளுக்கு போதை ஏற்றி அவளை சீரழிக்கின்றனர்.

இந்த கும்பல் தலைவன் ஈசனுக்கு பக்க பலமாக இருக்கிறார் அரசியல்வாதி மைம் கோபி.

ஹீரோ சக்தி சிவன் & ஹீரோயின் சந்திரலேகா இருவரும் காதலிக்கின்றனர். அவர்கள் விரைவில் பெற்றோர் சம்மதத்துடன் திருமணம் செய்ய காத்திருக்கும் நிலையில் சந்திரலேகாவை அதே கும்பல் கடத்தி விடுகிறது.

ஹீரோ சக்தி சிவன் தன் தேடுதல் வேண்டிய துவங்குகிறார். தன் காதலியை மீட்டாரா? என்பது படத்தின் மீதிக் கதை.

கேரக்டர்கள்…

இயக்குனர் & நாயகன் இருவரும் ஒருவரே. எனவே கேட்கவே வேண்டாம்.. தனக்காக நிறைய காட்சிகளை வைத்துள்ளார். சில காட்களில் பாராட்டும்படியான முயற்சிகளை மேற்கொண்டுள்ளார்.

நாயகி சந்திரலேகா மிகையில்லாத நடிப்பு. காதலிலும் சரி கடத்தலிலும் சரி அந்த காட்சிகள் இவருக்கு கை கொடுத்துள்ளன.

வில்லன் ஈசன் மற்றும் அரசியல்வாதி தம் கோபி இருவரும் கச்சிதம். வில்லத்தனத்தில் குறையில்லை்.

மற்றொரு வில்லன் ஆமோஸ் ஜாக் என்பவரும் நம் கவனத்தை ஈர்க்கிறார்.. இனி இவருக்கான வாய்ப்புகள் பெருகும்

தொழில்நுட்ப கலைஞர்கள்…

கார்த்திக் ராஜாவின் இசையை நம்பினாலும் நமக்கு ஏமாற்றமே. ஒரு முறை கேட்கும் ரக பாடல்கள்..

சுரேஷ்குமாரின் ஒளிப்பதிவு ஓகே ரகம்.

கையில் எடுத்த கதையை இன்னமும் சுவாரஸ்யமாக சொல்லும் விதத்தில் தடுமாறிவிட்டார். காமெடி கலந்து சொல்லியிருந்தால் கூட எடுப்பட்டிருக்கும்.

மற்றபடி… பெண்களை அவர்கள் அனுமதியில்லாமல் தொடுவது குற்றம். அதற்கு கடுமையான தண்டனை வேண்டும் என்பதை வலியுறுத்தியுள்ளார் டைரக்டர் சக்தி சிவன். எனவே அவரை வெகுவாக பாராட்டலாம்.

ஆக… ஆட்கள் தேவை – பெண்கள் பாதுகாப்பு

Aatkal Thevai movie review and rating

JD vs KD டபுள் மாஸ்..; மாஸ்டர் விமர்சனம்

நடிகர்கள் – விஜய், விஜய் சேதுபதி, மாளவிகா மோகனன், சாந்தனு, கௌரி, அர்ஜுன் தாஸ், மகேந்திரன், தீனா, ஆண்ட்ரியா, விஜே ரம்யா, ஸ்ரீமன் மற்றும் பலர்.

இயக்கம் – லோகேஷ் கனகராஜ்

இசை – அனிருத்

ஒளிப்பதிவு – சத்யன் சூரியன்

கதைக்களம்

போதை பழக்கத்துக்கு அடிமையானவர் பேராசிரியர் JD விஜய்…

பவானியாக வரும் விஜய்சேதுபதியோ ஒரு பக்கா KD.

இவர்கள் இருவரின் மோதல் தான் மாஸ்டர்.

கேரக்டர்கள்..

ஜே.டி. எனும் வாத்தியாக மாஸ் காட்டியிருக்கிறார் தளபதி விஜய்.

விஜய்யின் இன்ட்ரோ வேற லேவல்.. வெய்ட் பண்ண வச்சி வச்சி வெறி ஏத்தீட்டாங்க…

குட்டி ஸ்டோரி டான்ஸ் முதல் வாத்தி கம்மிங் வரை அசத்தல்.. ஸ்டைலிஷ் புரோபசர்..

பவானியாக விஜய்சேதுபதி. வில்லனாக மிரட்டல். விஜய்க்கு இணையாக விஜய்சேதுபதிக்கும் அனல் பறக்கும் காட்சிகள்.. பின்னணி இசையும் தெறி.

அர்ஜுன் தாஸ் கேரக்டரும் அசத்தல்.

மாளவிகா முதல் மகேந்திரன், சாந்தனு, கவுரி, தீனா, ஆண்ட்ரியா, ஸ்ரீமன், விஜே ரம்யா உள்ளிட்டோர் கச்சிதம். கதைக்கு பக்கபலமாக உள்ளனர்.

தொழில்நுட்ப கலைஞர்கள்…

அனிருத் இசையில் பாடல்கள் இளைஞர்களின் பேவரைட்.

மாஸான பின்னணி இசையும் படத்தை அடுத்த கட்டத்திற்கு கொண்டு செல்ல உதவுகிறது.

சத்யன் சூரியனின் ஒளிப்பதிவில், ஒவ்வொரு காட்சியும் கண்களுக்கு விருந்து. படத்தை ஒன்ற வைக்கிறது.

மெட்ரோ பைஃட் சீன் முதல்… விஜய் & விஜய் சேதுபதி மோதும் காட்சிகள் ரசிகர்களை சீட் நுனிக்கு கொண்டு செல்லும்.

ரசிகர்களுக்கு எது புடிக்குமோ அதை படமாக்கி சுவையான பொங்கல் விருந்தளித்துள்ளார் டைரக்டர்.

வழக்கமான தன் பாணியில் மாஸான படம் கொடுத்துள்ளார் லோகேஷ்.

படம் முழுவதும் ஆக்சனே இருந்தால் பேமிஃலி ஆடியன்ஸை முழுவதும் கவராது.

கிட்டத்தட்ட படம் 3 மணி நேரம். நீளத்தை குறைத்திருக்கலாம்.. இன்டர்வெல் வரை கூட உட்கார முடியல.. பொறுமையை சோதிக்கிறது.

மாநகரம் & கைதி படத்தை அடுத்து ஹாட்ரிக் அடிப்பார் லோகேஷ் என நினைத்தோம்.. ஆனால் அதை ஜஸ்ட் மிஸ் செய்துள்ளார்.

ஆக மாஸ்டர்… JD vs KD டபுள் மாஸ்

Vijay Master Review Rating

filmistreet Review

காவலர்களை கவனி… காவல்துறை உங்கள் நண்பன் விமர்சனம் 3.5/5

நடிகர்கள்: சுரேஷ் ரவி, ரவீனா ரவி, மைம் கோபி, ஆர்ஜே முன்னா, சூப்பர்குட் சுப்ரமணி,
இயக்குனர்: ஆர்டிஎம்

கதைக்களம்..

நாயகன் சுரேஷ் ரவி.. நாயகி ரவீனா.. உணவை டோர் டெலிவரி செய்யும் வேலை பார்க்கிறார் சுரேஷ் ரவி.

இவர் காதலிக்கும் பெண் ரவீனாவை பெற்றோர் எதிர்ப்பு மீறி திருமணம் செய்கிறார். ரவீனாவும் வேலைக்கு செல்கிறார்.

ஒரு நாள் ரவீனா பணிமுடிந்து வரும்போது, வழிப்பறி கொள்ளையர்கள் அவரின் நகைகளை பறித்து விடுகின்றனர்.

இதனையடுத்து கணவரும் சம்பவ இடத்திற்கு வர. அங்கிருந்து கிளம்பும் போது வாகன சோதனையில் போலீசிடம் சிக்குகின்றனர்.

ஏற்கெனவே மன உளைச்சலில் இருக்கும் நாயகன் போலீஸ் இன்ஸ்பெக்டர் மைம் கோபியிடம் தவறாக பேசுகிறார்.

இதனால் கோபம் அடைந்த போலீஸ் அவரை காவல் நிலையம் அழைத்துச் செல்கின்றனர்.

அதன்பிறகு என்ன நடக்கும் என்பதை நீங்கள் யூசிக்க முடியும். ஆனால் அவற்றை காட்சிகளாக பார்க்க வேண்டும் என்றால் நீங்கள் இந்த படத்த நிச்சயம் பார்க்க வேண்டும்.

கேரக்டர்கள்…

நாயகன் சுரேஷ் ரவிக்கு இப்படம் தான் முதல்படம். டிவி நிகழ்ச்சிகளில் விஜே’வாக இவரை நீங்கள் பார்த்திருக்கலாம்.

நான் என்ன சார் தப்பு பண்ணினேன்? என்று அப்பாவியாகக் கேட்கிறார். அப்போதே நம் அனுதாபம் அவருடன் ஒட்டிக் கொள்கிறது.

அவர் வாங்கும் ஒவ்வொரு அடியும் நமக்கு வலிக்கிறது. சில காட்சிகளை முக பாவனைகளை போதவில்லை என்றே தோன்றுகிறது.
இவர் அடிக்கடி போலீஸ் ஸ்டேசன் போகும்போதேல்லாம் நம் மனம் பதைக்கும்.

நடுத்தர குடும்பத்து பெண்ணாக பின்னி எடுத்துள்ளார் பிரவீணா. இவர் தான் பல நடிகைகளுக்கு டப்பிங் வாய்ஸ் கொடுத்து வருகிறார்.

தன்னால் கணவனுக்குப் பிரச்னை என நினைப்பதும் ‘பாப்பா போயிடுச்சு’ என அழும்போது நம்மையும் அழ வைக்கிறார்.

எல்லாம் போலீஸ் ஸ்டேசனிலும் நிச்சயம் ஒரு நேர்மையான நல்ல போலீஸ் இருப்பார். அப்படியொரு போலீஸ் சூப்பட் குட் சுப்ரமணி. தனக்கும் அதிகாரம் இருந்தாலும் தன் இயலாமையை அப்பட்டமாக நடிப்பில் வெளிப்படுத்தியிருக்கிறார்.

படத்தின் ஹீரோ வில்லன் எல்லாம்’மைம் கோபி’தான். தன் கேரக்டரை உணர்ந்து அதற்கு தன் உயிரை கொடுத்து நடித்துள்ளார்.

சே… இப்படியொரு போலீசா? இல்ல இல்ல பொறுக்கி என நீங்களை ‘மைம் கோபி’யை பார்த்து திட்டூவீர்கள். அப்படியொரு மிரட்டலான நடிப்பு.

காவல்துறையினரை பகைத்தால் நாம் உயிரோடு வாழவே முடியாது என்பதாக இயக்குனர் காட்டியிருக்கிறார். விசாரணை படத்தின் 2ஆம் பாகம் என்று கூட இந்த படத்தைச் சொல்லலாம்.

படம் எடுக்கப்பட்ட விதத்திற்காகவே இயக்குனர் ‘ஆர் டி எம்’க்கு வாழ்த்துகள்.

கே எஸ் விஷ்ணுஸ்ரீ’யின் ஒளிப்பதிவில் காதல் காட்சிகள் கண்களுக்கு இனிப்பு.. காவல்துறை காட்சிகள் கண்களுக்கு காரம்.

ஆதித்யா மற்றும் சூர்யாவின் இசையில் பாடலும் பின்னனி இசையும் ரசிக்கலாம்.

நல்ல படத்தை எவர் எடுத்தாலும் ஒரு சில பிரபலங்களே அவர்களுக்கு ஆதரவு கரம் கொடுத்து அந்த படைப்பை பிரபலமாக்குகிறார்கள்.

இந்த படைப்புக்கு இயக்குனர் வெற்றிமாறன் & BOFTA தனஞ்செயன் தோள் கொடுத்து வெளியீட்டுக்கு உதவியுள்ளனர். அவர்களுக்கும் வாழ்த்துக்கள்…

ஆக.. அப்பாவி மனிதனை அதிகார வர்க்கம் மிரட்டும்.. ஆகவே காவலர்களை கவனிக்கவும்..

Kavalthurai Ungal Nanban review rating