KALVAN கள்வன் பட விமர்சனம்

‘வெப்பம் குளிர் மழை’ திரை விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘வெப்பம் குளிர் மழை’ திரை விமர்சனம்

ஸ்டோரி…

Dhirav & Ismath Banu.. திரவ் மற்றும் இஸ்மத் பானு இருவரும் கிராமத்து தம்பதியர்.. (பானுவின் மாமியார் ரமா.)

இவர்களுக்கு திருமணம் ஆகி 5 வருடங்கள் ஆகிவிட்டது.. குழந்தை இல்லை என்பதால் மலடி மலடி என்ன மாமியாரும் ஊர் மக்களும் அடிக்கடி ஏளனம் செய்கின்றனர்.

ஒரு கட்டத்தில் கருத்தரிப்பு மையத்திற்கு சென்று பரிசோதனை செய்தபோது கணவருக்கு குழந்தை பெற்றுக்கொள்ள தகுதி இல்லை என்பதை அறிகிறார்.. இந்த சூழ்நிலையில் பானு கணவருக்கு கூட தெரிவிக்காமல் கணவனின் கௌரவத்தை காக்க டெஸ்ட் டிட்யூப் மூலம் குழந்தை பெற்றுக் கொள்கிறார்.

அதன் பின்னர் குடும்பத்தில் என்னென்ன பிரச்சனைகள் வந்தது என்பதுதான் கதை.

கேரக்டர்ஸ்…

Dhirav,
Ismath Banu,
Rama,
MS Bhaskar
Master Karthikeyan,
Dev Habibullah,
Vijayalakshmi

நாயகன் திரவ் தான் இந்தப் படத்தின் தயாரிப்பாளர் எடிட்டர் பாடலாசிரியர் என முக்கியமான பொறுப்புகளை ஏற்று அதை அழகாகவே திறம்பட செய்திருக்கிறார்..

திருமணமாகி 5 வருடம் ஆகியும் குழந்தை இல்லாத காரணத்தினால் தனக்கு பிரச்சனையா? தன் மனைவிக்கு பிரச்சனையா? என்பதை அறியவும் முடியாமல் சொல்லவும் முடியாமல் அவர் படும் வேதனைகள் அழகாகவே காட்டியிருக்கிறார். அதிலும் கிராமத்து ஆண்களுக்கே உரித்தான கெத்து காட்டிக் கொண்டு உள்ளுக்குள் அழுவதும் ஒரு கட்டத்தில் மனைவி கர்ப்பமாக இருக்கிறாள் என்பதை தெரிந்து கொண்ட பின் அவர் மீசையை முறுக்கிக்கொண்டு சிரித்துக் கொண்டே அழும் அந்த காட்சி அவரின் சிறந்த நடிப்பை காட்டி இருக்கிறது

வெப்பம் குளி மழை என்ற மூன்று காலகட்டத்திற்கு ஏற்ப பெண்கள் படும் வேதனைகளை அழகாகவே தன்னுடைய உடல் மொழியில் காட்டியிருக்கிறார் இஸ்மத் பானு.

குழந்தை பெற்றுக்கொள்ள தனக்கு தகுதி இருந்தும் கணவனுக்கு இல்லை என்று தெரிந்தும் அது வெளியே சொல்லாமல் மலடி என்ற பெயரை வாங்கி கட்டிக் கொண்டு படும் வேதனைகளை கண்களில் கூட காட்டியிருக்கிறார். இவர் அசுரன் உள்ளிட்ட படங்களில் சின்ன சின்ன வேடங்களில் நடித்திருந்தாலும் இந்த படம் பானுவுக்கு பெரிய பெயரை தரும்.

நாயகன் கூடவே வரும் உறவினர் கருப்பு கிராமத்து வெள்ளந்தி மனிதராக வருகிறார். இவருக்கு கூடுதல் காட்சிகள் கொடுத்திருந்தால் வெளுத்துக் கட்டி இருப்பார்..

நடக்க முடியாமல் குச்சி வைத்துக் கொண்டு நடக்கும் ஒரு கிராமத்து பெரியவரை கண் முன் நிறுத்தி இருக்கிறார் எம் எஸ் பாஸ்கர் எம் எஸ் பாஸ்கர்..

நாயகனின் அம்மாவாக அடாவடி மாமியாராக பொட்டம்மா கேரக்டரை அடித்திருக்கிறார் ரமா.. கணவர் இறந்தாலும் நெத்தியில் வைக்கும் பொட்டை அழிக்க மாட்டேன் என அவர் கிராமத்து பெண்களின் வீரத்தை காட்டி இருக்கிறார்.

டெக்னீசியன்ஸ்…

Director: Pascal Vedamuthu
Production: Hashtag FDFS productions Dhirav
Music director: Shankar
Rangarajan
Editor: Dhirav
Cinematographer: Prithvi Rajendran
Sound designer: Anand, Dhirav, Arun
Stunts: Stunner sam
Art director: Balachander
Costume: Keerthana
Lyrics: Dhirav
D. I. – Srikkanth Raghu

நாயகன் திரவ் இந்த படத்தின் பாடல்கள் எழுதியிருக்கிறார்.. கிராமத்து மண் இசையை மனம் மாறாமல் கொடுத்து இருக்கிறார் இசையமைப்பாளர் சங்கர்..

பிரித்வி ராஜேந்திரன் ஒளிப்பதிவு பணிகளை மேற்கொண்டுள்ளார்.. கிராமத்து வீதிகள் கிராமத்து வீடுகள் என அனைத்தையும் யதார்த்தமாக காட்ட அதற்கு ஏற்ப கலை இயக்குனரும் ஒத்துழைத்து இருக்கிறார்.

பாஸ்கல் வேதமுத்து படத்தை இயக்கியிருக்கிறார்.. நகரத்தில் குழந்தை இல்லாத தம்பதிகள் சிகிச்சை மேற்கொள்வது வழக்கமான ஒன்றாகி விட்டது.. ஆனால் கிராமத்தில் உள்ளவர்கள் அக்கம் பக்கத்து வீட்டாருக்காக மறைத்து மறைத்து வாழ்வதை அருமையாக சித்தரித்து இருக்கிறார்.

குழந்தை தனக்கு பிறக்கவில்லை என்பதால் குழந்தையை கொல்ல நினைக்கும் தந்தையின் மனநிலை? இப்படி எல்லாம் இருக்குமா? என்பதுதான் கேள்வி.

கணவன் மனைவி உடலுறவு என்பது உடல் மட்டும் சார்ந்தது அல்ல.. இருவரும் உணர்வுபூர்வமாக மனதால் இணைந்தால் மட்டுமே குழந்தை பிறக்கும் என்பதையும் விழிப்புணர்வு காட்சியாக வைத்திருக்கிறார் இயக்குனர் பாஸ்கல் வேதமுத்து.

Veppam Kulir Mazhai movie review

‘இடி மின்னல் காதல்’ திரைவிமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இடி மின்னல் காதல் விமர்சனம் 3/5

பாவகி என்டர்டெயின்மென்ட்’ நிறுவனத்தின் சார்பில், ஜெயச்சந்தர் பின்னம்நேனி & பாலாஜி மாதவன் இணைந்து தயாரித்துள்ளனர்.

ஸ்டோரி…

நாயகன் சிபி & நாயகி பவ்யா இருவரும் ஒரு நாள் இரவில் ஜாலியாக காரில் சுற்றிக் கொண்டிருக்கும் போது திடீரென ஒருவர் மீது மோதி விடுகின்றனர்.. அவரோ இறந்து விடுகிறார்.

நீ இன்னும் சில தினங்களில் அமெரிக்கா செல்ல இருக்கிறார்.. இந்த விபத்து வழக்கானால் உன்னால் அமெரிக்க செல்ல முடியாது.. எனவே இங்கிருந்து தப்பி விடு என நாயகி கூறிவிட்டு ஏதும் நடக்காதது போல் போலீஸ்க்கு தகவல் தெரிவிக்கிறார். நாயகிக்கு உதவியாக நாயகனின் நண்பன் ஜெகனும் உதவி செய்கிறார்..

இதே நேரத்தில் தன் தந்தையை இரவு முழுவதும் காணவில்லை.. எங்கிருக்கிறார் அவருக்கு என்ன ஆனது? என்ன தவிக்கிறான் 15 வயது சிறுவன் ஆதித்யா இவனுக்கு ஆதரவாக அதே குடியிருப்பில் வசிக்கும் விபச்சாரி யாஸ்மின் பொன்னப்பா இருக்கிறார்.. சிறுவனின் தந்தையை காணவில்லை என காவல் நிலையத்தில் புகாரும் கொடுக்கிறார்.

இந்த சூழ்நிலையில் அந்த சிறுவனின் தந்தை வாங்கிய கடனுக்காக அவனை கடத்திக் கொண்டு சென்று விடுகிறார் வில்லன் வின்சென்ட் நகுல்.. (ஆனால் ஒரு இளவயது பெண்ணை கடத்துவது போல அமுல் பேபி என்று சொல்லி சொல்லி கடத்துவது நோக்கம் என்ன தான் புரியவில்லை.??)

அதன் பிறகு நடந்தது என்ன.? தந்தையை கொன்றது நாயகன் தான் என்பதை சிறுவன் அறிந்து கொண்டானா.? போலீஸ் விசாரணையில் என்ன தகவல் கிடைத்தது.? நாயகன் அமெரிக்கா சென்றாரா.? நாயகி என்ன செய்தார் என்பதெல்லாம் மீதிக்கதை.

கேரக்டர்ஸ்…

சிபி, பவ்யா த்ரிகா, ராதா ரவி, பாலாஜி சக்திவேல், ஜெய் ஆதித்யா, ஜெகன், வின்சென்ட் நகுல், மனோஜ் முல்லத், மோனா பெத்ரே, அனுஷா, ஸ்ரீ ராம், சோமு, சிவராஜ், ருத்ரு மற்றும் ஆரண்ய காண்டம் படத்தில் நடித்த யாஸ்மின் பொன்னப்பா மற்றும் பலர் நடித்துள்ளனர்.

நாயகன் சிபி.. பெண் ரசிகைகளை கவரும் வகையில் ஸ்மார்ட்டாக இருக்கிறார்.. அலட்டிக் கொள்ளாத நடிப்பில் அசால்டாக ரொமான்ஸ் & ஆக்ஷனும் செய்திருக்கிறார்.

கடந்தாண்டு வெளியான ‘ஜோ’ படத்தில் 2ம் நாயகி நடித்த பவ்யா இந்த படத்தில் பவ்யமாக தன் கேரக்டரை செய்திருக்கிறார்.

பாலியல் தொழிலாளியாக யாஷ்மின் பொன்னப்பா.. கூடுதல் கவர்ச்சியாக சூடு ஏற்றி இருக்கிறார்.. அந்தப் பூக்கடை பகுதியில் நிறைய விபச்சாரிகள் இருந்தாலும் இவரின் தோற்றம் அந்த ஏரியாவிற்கு கொஞ்சம் கூட ஒட்டவில்லை..

ஒன்லைன் காமெடியை கொஞ்சமாக செய்து இருக்கிறார் ஜெகன்.. நெட்பிலிக்ஸ்-ல் உங்கள் காதலை விற்று விட்டீர்களா? என விக்னேஷ் சிவன் நயன்தாரா தம்பதியையும் கிண்டல் அடித்திருக்கிறார்.

வில்லன் வேடத்தில் வின்சென்ட் நகுல்.. இவர் கயல் படத்தில் நடித்தவர்.. இவருக்கு கொடுத்த ஓவர் பில்டப் மியூசிக் அளவு கூட இவர் நடிக்கவில்லை..

கிறிஸ்தவ பாதிரியராக ராதாரவி, போலீஸ் கான்ஸ்டபிளாக பாலாஜி சக்திவேல் இருவரும் தங்கள் நடிப்பில் கச்சிதம்..

தந்தையை இழந்த சிறுவனாக ஆதித்யாவை பார்க்கும் போது பாவமாக இருக்கிறது.. L ஆனால் சில காட்சிகள் ஓவர் ஆக்டிங் தவிர்த்து இருக்கலாம்..

ஒரு காட்சியில் ராதாரவி நாயகனை சிறுவன் இருக்கும் இடத்திற்கு கொண்டு செல்கிறான்.. பார்த்த நொடியில் அவனுக்கு என்ன பிரச்சனை என கண்டுபிடித்து நாயகன் காப்பாற்றுவது நம்பும்படியாக இல்லை..

சிறுவன் ஆதித்யாவின் தந்தையாக மனோஜ் முல்லத்.. சேட்டு கேரக்டரில் செட்டாகி விட்டார்.. விபச்சாரிகளின் சகவாசத்தால் கிளைமாக்ஸில் இவருக்கு கொடுக்கப்பட்ட ட்விஸ்ட் எதிர்பாராத ஒன்று..

டெக்னீசியன்ஸ் …

சாம்.சி.எஸ் இசையில் பாடல்கள் சிறப்பு.. காதல் பாடல் ரசிக்க வைக்கிறது. பின்னணி இசையிலும் வழக்கம் போல ஸ்கோர் செய்து இருக்கிறார் சாம்.

ஜெயசந்தர் பின்னம்னேனியின் ஒளிப்பதிவு அருமை.. கலை இயக்குனரின் பணியும் பாராட்டத்தக்க வகையில் உள்ளது. ஹவுசிங் போர்டு காலனி பூக்கடை ஏரியா உள்ளிட்டவைகளை இரவிலும் அழகாக படம் பிடித்திருக்கிறார்.

இயக்குநர் பாலாஜி மாதவன்.. (இவர் இயக்குனர் பி வாசுவின் உறவினர்.) நடிகர் மாதவன் இயக்கி நடித்த ராக்கெட்ரி படத்தில் உதவி இயக்குனராக பணிபுரிந்தவர்..

யாரேனும் ஒருவர் மீது விபத்து ஏற்படுத்தி விட்டால் அதிலிருந்து தப்பிக்க செல்ல நினைக்கும் பலரின் மத்தியில் நாயகனின் நேர்மை பிடித்திருக்கிறது.. ஆனால் அதேக் கட்டத்தில் தன் காதலனுக்கு பிரச்சனை வந்து விடக்கூடாது என நினைக்கும் சுயநலவாதி நாயகி கேரக்டரையும் காட்டி இருப்பது காதலர்களின் கருத்து முரண்பாட்டையும் காட்டுகிறது..

நாயகன் என்ன வேலை பார்க்கிறார் அவர் எதற்காக வெளிநாடு செல்கிறார் என்பது புரியாமல் இருக்கும் கட்டத்தில் திடீரென இந்த சிறுவனை காப்பாற்ற வருவது ஏதோ திணிக்கப்பட்ட காட்சியாகவே தெரிகிறது..

வில்லனை இடியாகவும் நடந்த விபத்தை மின்னலாகவும் காதலை காதலாகவும் காட்டி இடி மின்னல் காதல் என தலைப்புக்கு விளக்கம் கொடுத்திருக்கிறார் இயக்குனர் பாலாஜி மாதவன்..

Idi Minnal Kadhal movie review

‘நேற்று இந்த நேரம்’ பட விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

‘நேற்று இந்த நேரம்’ பட விமர்சனம்

ஸ்டோரி…

நான்கு இளைஞர்கள் மூன்று இளம் பெண்கள்.. இவர்கள் ஏழு பேரும் ஊட்டிக்கு சுற்றுலா செல்கின்றனர்.. இவர்களில் ஒரு ஆணைத் தவிர மற்றவர்கள் காதலர்கள்.. அங்கே ஒரு காட்டு பங்களாவில் தங்கி உல்லாசமாக இருந்து குடித்துவிட்டு கூத்தடிக்கின்றனர்.

இதில் நாயகன் ஷாரிக்ஹாசன் ஒரு பிளேபாய்.. இந்த மூன்று தோழிகளிடமும் அவரது கைவரிசையை காட்டி இருக்கிறார்.

ஒன்றன்பின் ஒன்றாக கைவரிசை காட்டிய பின் நாயகியை காதலிக்கிறார்.. ஒரு கட்டத்தில் உன்னை திருமணம் செய்து கொள்ள எனக்கு விருப்பமில்லை.. வேணும் என்றால் லிவிங் டுதர் முறையில் வாழலாம் என்கிறார் ஷாரிக். இதனை மறுக்கிறார் நாயகி.

இந்த கேப்பில் சிங்கிளாக இருக்கும் மற்றொரு நண்பன் நாயகிக்கு ரூட்டு விடுகிறார்.. இதனால் நண்பர்களுக்கு பிரச்சனை ஏற்படுகிறது.. அடித்துக் கொள்(ல்)கின்றனர்..

இந்த சூழ்நிலையில் ஷாரிக் இரவில் காணாமல் போய்விடுகிறார்.. எனவே யார் என்ன செய்தனர்.? அவர் எங்கே சென்றார் என்ற பிரச்சனை வருகிறது.

இதனையடுத்து ஒரு நண்பன் போலீசுக்கு போன் செய்து விடுகிறார்.. போலீஸ் அந்த ஆறு பேரையும் விசாரிக்கின்றனர். அப்போது பல திருப்பங்கள் வருகிறது.

நண்பனுக்கு என்ன ஆச்சு.? அவர் நிஜமாக தொலைந்து விட்டாரா?அல்லது இறந்துவிட்டாரா? என்பதுதான் மீதிக்கதை.

கேரக்டர்ஸ்…

Shariq Hassan
Haritha
Monica Ramesh
Kavya Amira
Divakar Kumar
Nithin Aaditya
Anand
Aravind
Selva
Bala

நாயகன் ஷாரிக்ஹாசன்.. இவர் நட்சத்திரத் தம்பதிகள் உமா ரியாஸ் கானின் மகன் ஆவார்.. பிளேபாய் கேரக்டருக்கு பொருத்தமாக இருக்கிறார். உடல் மொழியிலும் கவருகிறார்.. நடனத்திலும் அசத்தியிருக்கிறார்..

ஹரிதா மோனிகா காவ்யா என மூன்று நாயகிகள்.. மூவரும் இளமை துள்ளலுடன் நம்மை ஈர்க்கின்றனர்..

ஷாரிக் முன்னாள் காதலியாக வரும் ஸ்ரேயா (மோனிகா) என்பவர் ஸ்கூல் யூனிஃபார்மில் நம்மை அதிகமாகவே கவருகிறார்.. அவரது வெட்கமும் அவரது கண்களும் அழகு.

நண்பர்களாக நடித்துள்ளவர்கள் தங்கள் பாத்திரத்தை அழகாகவே செய்திருக்கின்றனர். பள்ளிக் காட்சிகளிலும் அதன் பின்னர் கல்லூரி வாழ்க்கை முடித்த பின்னர் அவரது தோற்றங்களிலும் நல்ல மாற்றத்தை காண்பித்து இருக்கின்றனர்..

நண்பனை தொலைத்தவர்கள் எந்த பதற்றமும் இல்லாமல் இருப்பது ஏன்? என போலீஸ் சந்தேகிக்கும் போது நமக்கும் அந்த சந்தேகம் வருகிறது.?!

டெக்னீசியன்ஸ்…

Written & Directed by: Sai Roshan KR

Music: Kevin.N

Original Background Score: Kevin.N

DOP: Vishal.M

Editor: Govindh N

Singers: GV Prakash Kumar, Arivu, Aadithya RK, Ravi G, Paul B Sailus, Kevin.N, Reshma Shyam, Prithvee

Lyrics: Prabhakaran Amudhan, Paul B Sailus, Prithvee, Kevin.N, K.R. Naveen Kumar, Sai Roshan KR, Anand

PRO: Sathishwaran

Producer: K.R. Naveen Kumar

இதுபோன்ற ஊட்டி பிரதேசங்களை காட்டும் போது எத்தனையோ அழகான இடங்களை காட்டி கண்களுக்கு குளிர்ச்சி ஊட்டி இருக்கலாம்.. ஆனால் மாறாக போலீஸ் விசாரணை என்ற பெயரில் ஒரே அறையில் திரும்பத் திரும்ப ஒரே இடத்தை காட்டிக் கொண்டிருப்பதும்.. ஒரே காட்சிகளை விசாரணை என்ற பெயரில் திரும்ப வரும் போது நம்மால் பொறுமையாக இருக்க முடியவில்லை..

இந்தப் படத்தில் நடித்துள்ள போலீஸ் கூட திரும்பத் திரும்ப அதையே சொல்லாதீங்க போதும்பா உன் புராணம் என்று என்கிறார் நமக்கும் அப்படித்தான் தோன்றுகிறது.

ஒளிப்பதிவாளர் விஷால் கேமரா ஆங்கிள்களை பலவிதங்களில் காட்டி இருக்கலாம். ஒரே ஆங்கில் வைத்துவிட்டு எங்கே சென்றார்.. என்னவோ.?

கெவின் என்பவர் இசை அமைத்திருக்கிறார்.. பின்னணி இசையும் பாராட்டுக்குரியது.. ஜிவி பிரகாஷ் அறிவு ஆராத்யா ஆகியோர் பாடிய பாடல்கள் கவனம் பெறுகின்றன.

சாய் ரோஷன் இந்த படத்தை இயக்கியிருக்கிறார்.. போலீஸ் விசாரிக்கும் போது நேற்று இந்த நேரம் என்ன நடைபெற்றது என்பதுதான் படத்தின் மையக்கரு எனவே அதையே படத்தின் தலைப்பாக வைத்து படத்தை நகர்த்தி இருக்கிறார் முக்கியமாக சம்பவங்கள் நடைபெற்ற நேரம் தேதியை குறிப்பிடும்போது கவனம் பெறுகின்றது.

சுற்றுலா தளங்களில் சிசிடிவி கேமராக்கள் இல்லையா என்ற கேள்வி நிச்சயம் ரசிகர்களுக்கு எழும்.. அதை கூட ஒரு வசன காட்சியாக வைத்து போன.. வாரம் இங்கே ஷூட்டிங் நடைபெற்றது.. சீன் லீக் ஆக கூடாது என்பதற்காக சிசிடிவி கேமராக்களை நீக்கி விட்டோம்” என ஒரு செக்யூரிட்டி செல்வது போல காட்சி உள்ளது..

அதைக் கூட கவனித்த இயக்குனர் மற்ற காட்சிகளையும் கொஞ்சம் திறப்படம் கவனித்து இருந்தால் இன்னும் கூடுதல் பலம் பெற்று இருக்கும் ‘நேற்று இந்த நேரம்’..

நண்பர்கள் ஆட்டம் பாட்டம்.. போலீஸ் விசாரணை என விறுவிறுப்பாக கதையைக் கொண்டு சென்றிருந்தால் இன்னும் கூடுதல் கவனம் பெற்று இருக்கும்.

Netru Indha Neram movie review

‘பூமர் அங்கிள்’ பட விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

பூமர் அங்கிள் பட விமர்சனம்

ஸ்டோரி…

யோகிபாபு ஒரு ரஷ்ய நாட்டு பெண்ணை திருமணம் செய்து கொள்கிறார்.. சில நாட்களில் மனைவியை பிடிக்காத காரணத்தினால் விவகாரத்து வேண்டும் என்கிறார் யோகி பாபு.

இதனால் யோகி பாபுவின் பூர்வீக அரண்மனையில் சில நாட்கள் மனைவியுடன் தங்க வேண்டும் என நிபந்தனை விதிக்கப்படுகிறது. வேறு வழியின்றி அதற்காக ஒப்புக்கொள்கிறார் யோகி பாபு.

அதன்படி இருவரும் பூர்வீக அரண்மனையில் சென்று தங்குகின்றனர். இவர்களுடன் இரண்டு உதவியாளர்களும் வருகின்றனர்.. யோகி பாபு அங்கு வருவதை அறிந்த அவரது பழைய நண்பர்கள் சேசு தங்கராஜ் பாலா ஆகியோரும் வருகின்றனர்.

தங்களுக்குத் திருமணம் ஆகாததற்கு யோகிபாபு தான் காரணம்.. எனவே அவர் மட்டும் எப்படி சந்தோஷமாக இருக்கலாம் எனவே அவரது நிம்மதியை கெடுக்க வேண்டும் என திட்டம் போடுகின்றனர். இந்தக் கட்டத்தில் யோகி பாபு பழிவாங்க வேண்டும் என ரோபோ சங்கரும் வருகிறார்.

இந்த சூழ்நிலையில் திடீரென நடிகை ஓவியாவும் வருகிறார்.

அந்த அரண்மனையில் இவர்கள் சிக்கிக் கொள்கின்றனர். வெளியே வர முடியாமல் தவிக்கின்றனர்.. ஒரு கட்டத்தில் தான் யோகி பாபு மனைவியின் சதி திட்டம் தெரிய வருகிறது. அவர் ஒரு வெளிநாட்டு நிறுவனத்திற்காக பணிபுரிகிறார் எனவும் அவரின் சதி திட்டத்தில் தாங்கள் சிக்கிக் கொண்டோம் என்பதையும் இவர்கள் அறிகின்றனர்

அதன் பிறகு என்ன நடந்தது என்பதுதான் படத்தின் மீதிக்கதை. அவளது பின்னணி என்ன.? யோகி பாபு உடன் சென்ற இருவர்கள் யார்? என்பதுதான் மீதிக்கதை..

கேரக்டர்ஸ்…

Yogibabu – Nesam
Oviya. – Oviya
Bala. – Billa
Thangadurai- vallarasu
Shesu. – Dawood

கவுண்டமணி பாணியில் அடுத்தவர் உருவத்தை கேலி செய்வதை காமெடியாக நினைத்து பல படங்களை செய்து வருகிறார் யோகி பாபு.. இந்தப் படத்திலும் அது தொடர்கிறது..

வெள்ளக்காரிச்சி குள்ளச்சி குண்டச்சி என்பது போலவே பலரையும் ஒருமையில் அழைத்துப் பேசுகிறார்.. இவர் விவகாரத்தைக் கேட்கும் போது ஆலோசனை சொல்லும் பெண்மணியை கூட அகிலாண்டம் என அசால்டாக பேசுகிறார்..

நடிகை ஓவியாவின் கால்ஷீட் கிடைத்துவிட்டது என்பதற்காக காட்சிகள் வைத்தார்களா தெரியவில்லை..? ஒரு ஆட்டம் போட்டு பின்னர் கிளைமாக்ஸ் காட்சியில் சூப்பர் உமனாக வரூகிறார்..

சேசு, தங்கதுரை, பாலா ஆகியோர் படம் முழுவதும் வருகிறார்கள்.. கத்தி கத்தி கொண்டே இருக்கிறார்கள்.. அதிலும் சமீபத்தில் மறைந்த நடிகர் சேஷு இதில் ஓவராகவே கூச்சலிட்டு இருக்கிறார்.

நாம் ஹாலிவுட் பார்த்து ரசித்த சக்திமான்.. ஸ்பைடர் மேன் உள்ளிட்ட சூப்பர் ஹீரோக்களின் ஆடைகளில் தங்கராஜ் & பாலா வந்து கொஞ்சம் சிரிக்க வைக்க முயற்சித்துள்ளனர்.

இவர்களுடன் எம். எஸ் பாஸ்கர், ரோபோ சங்கர், சோனா & மதன்பாபு ஆகியாரும் உண்டு..

டெக்னீசியன்ஸ்…

Written by : Thillai

Directed by: Swadesh MS

DOP: Subash dhandabani

Editor: Elayaraja S

Music: Santhan & Dharma Prakash

Art Director: P A Anand

Stunts: Suresh

Costume designer: Rebecca Maria

PRO : A. John

Produced By: Anka மீடியா

திரைக்கதைக்காக ரொம்ப மெனக்கட்டு கதை எழுதி வசனங்கள் எழுதி என எந்த பெரிய சிரமமும் மேற்கொள்ளாமல் லாஜிக் பார்க்க கூட வேண்டாம் என முடிவெடுத்து இந்த படத்தை எடுத்திருக்கிறார் இயக்குனர் ஸ்வதேஷ்..

லாஜிக் பார்க்காதீங்க.. குழந்தைங்க கூட வாங்க… ஹாலிவுட் சூப்பர் ஹீரோக்களை நம்ம லோக்கல் காமெடியன்கள் மூலம் பார்த்து கண்டு ரசியுங்கள் என வசனங்களை எழுதி இருக்கிறார் தில்லை..

இவர்களின் எண்ணத்தைப் புரிந்து கொண்டு ஒளிப்பதிவாளரும் இசையமைப்பாளரும் துணைப் புரிந்திருக்கின்றனர். ஒளிப்பதிவை சுபாஷ் தண்டபாணி மேற்கொள்ள இசையை சாண்டன் மற்றும் தர்ம பிரகாஷ் இருவரும் இணைந்து செய்திருக்கின்றனர்..

குழந்தைகள் ரசிக்கும் வகையில் கொடுத்திருந்தாலும் கொஞ்சம் கிராபிக்சில் கவனம் செலுத்தி இருக்கலாம்.. நிறைய காட்சிகளை கிரீன் மேட்டில் கட்டிங் செய்த தோற்றம் தெரிகிறது.

Boomer Uncle movie review

The Goat Life ஆடு ஜீவிதம் விமர்சனம்.. பாலைவனப் பாவங்கள்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

The Goat Life ஆடு ஜீவிதம் விமர்சனம்.. பாலைவனப் பாவங்கள்

கேரளாவில் நடைபெற்ற ஒரு உண்மை சம்பவத்தை அடிப்படையாகக் கொண்ட நாவலை தழுவி இந்த படம் எடுக்கப்பட்டுள்ளது.. மார்ச் 29ஆம் தேதி தமிழ் மலையாளம் தெலுங்கு கன்னடம் ஹிந்தி மற்றும் ஆங்கில மொழிகளில் தி கோட் லைஃப் என்ற இந்த படம் வெளியாகிறது.

மலையாளத்தில் புகழ்பெற்ற இயக்குனர் பிளஸ்சி என்பவரால் இந்த படம் உருவாகியுள்ளது. பிரிதிவிராஜூக்காக 16 வருடங்கள் காத்திருந்து இந்த படத்தை இயக்கியிருக்கிறார்.. இதன் இடையில் பிரித்திவிராஜ் பல படங்களில் நடித்துவிட்டார். மேலும் அவரது தனிப்பட்ட வாழ்க்கையில் கல்யாணம் குடும்பம் குழந்தைகள் என ஆகிவிட்டது. மேலும் இயக்குனராகவும் மாறிவிட்டார்.

ஆனால் பிரித்திவிராஜ்விடம் 2008 ஆம் ஆண்டு இந்த கதையை சொல்ல ஆரம்பித்து 2018 இல் இதன் படப்பிடிப்பை தொடங்கியுள்ளார். அதன் பின்னர் கொரோனா காலத்தில் வெளிநாட்டு பாலைவனத்தில் இந்த படக்குழுவினர் மாட்டிக்கொண்டதும் அப்போதும் செய்தியாக வந்தது.

அதற்கு பின்னர் லாக்டவுன் முடிந்து இந்த படத்தை தொடங்கி முடித்து தற்போது திரைக்கு கொண்டு வந்துள்ளனர்.

இத்தனை கஷ்டங்களை அனுபவித்து உருவாக்கி இந்த ஆடு ஜீவிதம் படம் எப்படி இருக்கிறது என்பதை பார்ப்போம்.

பிரித்விராஜ் – அமலாபால் ஜோடியாக நடிக்க ஜிம்மி முக்கிய வேடத்தில் நடிக்க ஏ ஆர் ரகுமான் இசையமைத்துள்ளார்.

ஸ்டோரி…

கேரளாவில் நடைபெற்ற கதை என்றாலும் தமிழுக்காக கும்பகோணத்தில் காண்பிக்கப்பட்டுள்ளது.

நஜீப். (பிருத்விராஜ்) மற்றும் அமலாபால் இருவரும் தம்பதியினர்.. தன்னுடைய குடும்ப கஷ்டத்திற்காக வெளிநாடு செல்ல நினைக்கிறார் பிரித்திவிராஜ். அதற்காக வீடு நிலம் எல்லாம் விற்று தன் உறவினர் பையன் ஒருவனுடன் செல்கிறார்.

இவரின் விசா ஏற்பாடுகளை கவனித்த ஏஜென்ட் இவரை ஏமாற்றி ஒரு வழியாக அரபு நாட்டுக்கு அனுப்பி வைக்கிறார். அப்போது பிரித்விராஜும் உறவினர் பையனும் பிரிந்து விடுகின்றனர்.. இதை தெரியாமல் சென்று அரபு நாட்டில் உள்ள ஒரு பாலைவனத்தில் சிக்கி கொள்கிறார்.

அங்கு மொழி தெரியாமல் சரியான உணவு தண்ணீர் கிடைக்காமல் செம்மறி ஆடுகள் மற்றும் ஒட்டகங்களை மேய்த்து கிட்டத்தட்ட நான்கு ஆண்டுகளாக அடிமைத்தன வாழ்க்கை வாழ்ந்து வருகிறார்..

ஒரு கட்டத்தில் தன்னுடன் இந்தியாவில் இருந்து புறப்பட்ட உறவினர் பையனை சந்திக்கிறார். இவர்களுடன் ஒரு ஆப்பிரிக்க நண்பரும் இணைந்து கொள்கிறார்.

அடிமைத்தன வாழ்க்கையில் சிக்கிக்கொண்ட இவர்கள் மூவரும் அங்கிருந்து தப்பிக்க திட்டம் போடுகின்றனர்.

அவர்களின் திட்டம் நிறைவேறியதா? அவர்களுக்கு விடுதலை கிடைத்ததா? இந்தியா திரும்பி வந்தார்களா? அவர்களின் நிலை என்ன? அந்த அரேபியர்கள் இவர்களை என்ன செய்தனர்? என்பதுதான் படத்தின் மீதிக்கதை.

கேரக்டர்ஸ்…

Prithviraj Sukuamarn
Amala Paul
Jimmy Jean-Louis
K.R. Gokul
Talib al Balushi
RikA

பிரித்திவிராஜ் ஒரு நடிகராக நமக்குத் தெரியும்.. ஆனால் இதில் அந்த நடிகர் தொலைந்து இருக்கிறார்.. அவர் நஜீப் என்ற கேரக்டரில் வாழ்ந்து இருக்கிறார் என்றே சொல்லலாம்.. அந்த அளவிற்கு ஒரு அர்பணிப்பான நடிப்பை கொடுத்திருக்கிறார்.

செழிப்பான கேரளாவில் இளமையாக தோன்றும் பிரிதிவிராஜ் பாலைவனம் சென்றதும் கொஞ்சம் கொஞ்சமாக கறுத்துப் போவதும் தாடி வளர்ப்பதும் தலைமுடி வளர்வதும் என ஒவ்வொரு நேரத்திலும் ஒவ்வொரு முகத்தோற்ற அமைப்பில் தன்னை வருத்தி நடித்திருக்கிறார்..

தப்பித்துச் செல்ல நினைக்கும் போது தண்ணீரில் குளிப்பதும் நிர்வாணமாக நடந்து செல்லும் போதும் அடடா என்ன ஒரு அர்ப்பணிப்பான் நடிப்பு என வியக்க வைக்கிறார்.

இனி உங்களைக் காண முடியாது என தப்பித்துச் செல்ல நினைக்கும் போது அங்கு உள்ள ஆடுகள் மற்றும் ஒட்டகங்களிடம் அவர் பேசி செல்லும் போது அவரின் நல்ல உள்ளத்தை காட்டுகிறது… பிருத்விராஜ்க்கு கண்டிப்பாக பல விருதுகள் கிடைக்கும்..

ஆப்பிரிக்க நபராக நடித்திருக்கும் ஹாலிவுட் நடிகர் ஜிம்மியும் உணர்வுபூர்வமான நடிப்பை கொடுத்திருக்கிறார்.. தான் மட்டும் தப்பித்துச் செல்ல நினைக்காமல் நடக்க முடியாத இந்தியருக்கு அவர் உதவும் காட்சி வேற லெவல்.. இந்திய சிறுவனுக்காக அவர் உருகி உதவுவதும் நம்மை கண்கலங்க வைக்கும்..

அமலாபால் கொஞ்ச நேரம் மட்டுமே வருகிறார்.. இந்த சீன்கள் போதும் நான் ஸ்கோர் செய்து விடுவேன் என சேலஞ்சாக எடுத்து அதை நிறைவேற்றி இருக்கிறார்.

டெக்னீசியன்ஸ்…

Director – Blessy Ipe Thomas
Production -Visual Romance
Music – A.R. Rahman
Editor -Sreekar Prasad
Cinematography – Sunil KS
Audiography – Resul Pookuttty

இப்போது டெக்னாலஜி வளர்ந்து விட்ட காலத்தில் செல்போன் முதலிய தொலைத்தொடர்பு சாதனங்கள் இருக்கின்றன.. ஆனால் ஒரு காலத்தில் அவையெல்லாம் இல்லாத போது இந்த படம் எடுக்கப்பட்டுள்ளது.

வெளிநாட்டு பாலைவனத்தில் சிக்கிய இந்தியர்கள் என எளிமையாக இந்த கதையை நாம் ஒரு வரியில் சொல்லிவிட்டாலும் அதில் பட்ட கஷ்டங்களை உணர்வுபூர்வமாக காட்சிப்படுத்தி இருக்கிறார் இயக்குனர் பிளஸ்சி.

ஒளிப்பதிவாளர் சுனில் அவர்களின் கைவண்ணம் ஒவ்வொரு காட்சியிலும் தெரிகிறது.. முக்கியமாக ஃபிளாஷ்பேக் காட்சிகளில் அமலா பாலுக்கு பிரித்விராஜ் நீச்சல் கற்றுக் கொடுக்கும் அந்த ஒரு காட்சி கவிதை கவிதை கவிதை.. உதட்டில் முத்தமிட்டு உணர்வுபூர்வமான காதலை அழகாக காட்சிப்படுத்தியிருக்கிறார்..

மொழி தெரியாமல் பாலைவனத்தில் அவர் படும் கஷ்டங்கள் தன் நண்பனை நினைத்து உருகும் காட்சிகள் தன் குடும்பத்தை நினைத்து ஏங்கும் காட்சிகள் விடுதலை கிடைக்காதா என அழுகின்ற காட்சிகள் என ஒவ்வொன்றையும் உணர்ந்து நஜீப் என்ற கேரக்டரை நச்சென்று செய்திருக்கிறார்..

ஆனால் இந்தியாவில் வாழுகின்ற பெரும்பாலான முஸ்லிம்களுக்கு நிச்சயம் உருது அரபி ஹிந்தி ஓரளவிற்கு தெரிந்திருக்கும்.. ஆனால் அரபு நாட்டில் அவர்கள் பேசும் ஒரு சிறு வார்த்தை கூட தெரியாமல் நஜீப் முழிப்பது ஏன்? என்பது தான் புரியவில்லை..

பாலைவனத்தில் வீசும் புயல் காற்று அங்கு ஊர்ந்து செல்லும் ஆயிரம் பாம்புகள், முட்டி மோதும் செம்மறி ஆடுகள், தண்ணீர் இன்றி செத்து கிடக்கும் ஒட்டகங்கள், தண்ணீர் அருகில் ஓடும் பல்லிகள் என ஒவ்வொன்றையும் காட்சிப்படுத்தி இருக்கிறார் ஒளிப்பதிவாளர் சுனில்.

பாலைவனத்தில் வீசும் சூறாவளி காற்றுக்கு ஏற்ப சூறாவளி இசையை கொடுத்து இருக்கிறார் ஏ ஆர் ரகுமான்.. அவரது பின்னனி இசையும் பாடல்களும் கதை ஓட்டத்திற்கு உயிரைக் கொடுத்திருக்கிறது.

ஆஸ்கர் விருது வென்ற ரசூல் பூக்குட்டி இந்தப் படத்தில் சவுண்ட் இன்ஜினியராக பணிபுரிந்து இருக்கிறார்.. ஒவ்வொன்றையும் ரசித்து ஒலி குரலாக பதிவிட்டு இருக்கிறார்..

தங்களுக்கு விடியல் பிறக்காதா? விடிவு காலம் பிறக்காதா வெளிநாடு சென்று கை நிறைய சம்பாதித்து குழந்தைகளையும் மனைவி குடும்பத்தை காப்பாற்றலாம் என வெளிநாடு ஓடும் ஒவ்வொரு இந்தியனுக்கும் இந்த படம் சமர்ப்பணம் ஆகும்.

15 வருடங்கள் பட்ட கஷ்டத்திற்கு ஈடு இணையாக தன்னுடைய முழு உழைப்பை கொடுத்து படத்திற்கு உயிர் ஊட்டி இருக்கிறார் இயக்குனர் பிளஸ்சி.

Aadu Jeevitham The Goat Life review