தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
ஜெய் விஜயம் என்றால் வெற்றி என்று பொருள்படும்.. இந்த விளக்கத்துடன் இந்த விமர்சனத்தை தொடர்வோம்..
நடிகர் ஜெய் ஆகாஷ் இந்த ‘ஜெய் விஜயம்’ படத்தை தயாரித்து அவரை நாயகனாக நடித்திருக்கிறார்.
ஜெய் ஆகாஷ் பிலிம்ஸ் நிறுவனம் சார்பாக படத்தை தயாரித்திருக்கிறார்.
ஜெய்சதீஷன் நாகேஸ்வரன் இயக்கத்தில், ஜெய் ஆகாஷ், அக்ஷயா கந்தமுதன், ஏசிபி ராஜேந்திரன், மைக்கேல் அகஸ்டின், அட்சயா ரே ஆகியோர் நடிப்பில் வெளிவந்திருக்கும் படம் ஜெய் விஜயம்..
ஸ்டோரி…
ஒரு விபத்தில் சிக்கி கொள்கிறார் ஜெய் ஆகாஷ். பின்னர் Hallucination நோயால் பாதிக்கப்பட்டு நினைவாற்றலை இழக்கிறார்..
இதனையடுத்து அவரை அவரது மனைவி, நாயகனின் தங்கை & அப்பா ஆகியோர் பொறுப்பாக பார்த்துக் கொள்கிறார்கள்.. அவரது சிகிச்சைக்கு தேவையான மாத்திரைகளை நேரத்திற்கு கொடுத்து வருகின்றனர்.
ஆனால் அவருக்கு சந்தேகம் வரவே ஒரு நாள் மாத்திரைகளை விழுங்காமல் இருக்கிறார். அப்போதுதான் அவருக்கு அதிர்ச்சிகரமான சில சம்பவங்கள் நடக்கிறது.. அப்போது அவரை சுற்றி இருக்கும் உறவுகள் யாருமே அவரது உண்மையான உறவுகள் இல்லை என்பதை அறிகிறார்..
அப்படி என்றால் அந்த உறவினர் மூவர் யார் அவர்களின் நோக்கம் என்ன.? அவர்கள் நடிக்க வந்ததன் காரணம் என்ன? உண்மையில் ஜெய் ஆகாஷ் யார்? அவரது பின்னணி என்ன? என்பதுதான் படத்தின் மீதிக்கதை..
கேரக்டர்ஸ் & டெக்னீசியன்ஸ்..
கதையின் நாயகனாக ஜெய் ஆகாஷ்.. கிட்டத்தட்ட இரண்டு தோற்றங்களில் காணப்படுகிறார். ஆல் ஸ்மார்ட் ஆகவே இருக்கிறார் ஆக்ஷனில் அடி தூள் கிளப்பு இருக்கிறார்.. ஆனால் நடிப்பில் ஜஸ்ட் பாஸ் மார்க் மட்டுமே பெறுகிறார்..
பெரும்பாலும் படத்தின் காட்சிகள் புகை மண்டலத்துடன் படம் ஆக்கப்பட்டுள்ளது.. அதற்கு ஒரு ஆன்மா காரணம் என டைட்டில் கார்டில் சொல்லப்பட்டாலும் அது கொஞ்சம் நெருடலாகவே இருக்கிறது..
ஆஹா கல்யாணம் டிவி சீரியல் புகழ் அக்ஷயா கண்டமுத்தன் நாயகியாக நடித்துள்ளார். இவர்களுடன் சன் டி.வி. விஜய் டி வியில் பல முறை சேம்பியனாக கலக்கிய மைக்கேல் அகஸ்டின் முக்கிய கேரக்டரில் நடித்துள்ளார்.
நாயகி அழகு என்றாலும் நாடகத் தன்மையே அவரது நடிப்பில் எட்டிப் பார்க்கிறத.. ஒருவேளை சீரியல் என இதை நினைத்து விட்டாரோ.?
இயக்கம் : ஜெய்சதீஷன் நாகேஸ்வரன்
தயாரிப்பு : ஜெய் ஆகாஷ்
இசை : சதிஷ் குமார், சீனிவாச குமார்
ஒளிப்பதிவு : பால்பாண்டி
எடிட்டிர் : அழகன்மணிகண்டன்
மக்கள் தொடர்பு : வேலு
படத்தின் இசை கொடுமை என்றே சொல்லலாம்.. டமால் டுமீல் என இரைச்சலை கொடுத்து இருக்கிறது.
சினிமா துறையில் பல ஆண்டுகளாக நீடித்து இருக்கும் ஜெய் ஆகாஷ் இன்னும் சுவாரசியமாக படத்தை கொடுத்திருக்கலாம்.. ஆனால் கதை சொன்ன விதத்திலும் இயக்கிய விதத்திலும் பட்ஜெட்டிலும் தடுமாறி இருப்பது தெரிகிறது.
‘ஜெய் விஜயம்’ படத்தின் இசை வெளியீட்டு விழாவில் ஜெய் ஆகாஷ் பேசும்போது சொன்னவை தான் கீழ்காணும் வரிகள்…
ஒரு ஆங்கில படத்திலிருந்து ‘ஜெய் விஜயம்’ கதையை எடுத்தேன். அதற்காக நிறைய விலை கொடுத்துவிட்டேன். அது என்ன கதை என்பதை இப்போது சொல்ல மாட்டேன்.
படம் ரியாலிட்டியாக இருக்க வேண்டும் என்பதற்காக ஒரு மலையாள படம் எப்படி எடுப்பார்களோ அப்படி எடுத்திருக்கிறேன். கதைக்கு அடுத்தபடியாக அதிகம் செலவழித்தது இதில் வரும் ஒரு ஆத்மா காட்சிக்குதான். இந்த ஆத்மாவை ஒரு புகை வடிவில் காட்டியிருக் கிறோம். அந்த புகை குழந்தையை காப்பாற்ற ஹீரோவுக்கு புகை வழிகாட்டும்..” என்றார்.
Jai Akash starrer Jai Vijayam movie review