தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
நடிகர்கள் விஷ்ணு, வர்ஷா, ஜெயப்பிரகாஷ், அருள்தாஸ், ராம்ஸ், பக்ஸ் மற்றும் பலர்.
இயக்குனர் சுரேஷ் குமார் எஸ் டி
இசை ரகுநந்தன் என் ஆர்
ஓளிப்பதிவு பி & ஜி
கதைக்களம்…
ஹீரோ விஷ்ணுவுக்கு மட்டும் காதல் செட்டாமல் இருக்கிறது. இதனால் காதலிக்கும் அவரது நண்பர்கள் இவரை அடிக்கடி கலாய்க்கின்றனர்.
இதனால் சேலன்ஞ்ச் செய்து ஒரு சூப்பர் பிகரை காதலிக்க புறப்படுகிறார்.
அப்போதுதான் நாயகி வர்ஷாவை சந்திக்கிறார். அவரை காதலிக்க ஆரம்பிக்கிறார்.
இந்நிலையில் இவரது முன்னாள் தோழியும் இவரது வாழ்க்கையில் குறிக்கிடுக்கிறார்.
இவர் செய்த சேலன்சில் வெற்றிப் பெற்றாரா? என்பதே ‘இவன் யாரென்று தெரிகிறதா’ படத்தின் கதை.
கேரக்டர்கள்…
விஷ்ணு மற்றும் வர்ஷா இருவரும் யதார்த்த காதலர்களாக வருகிறார்கள். இன்றைய காதலர்களை அடிக்கடி நினைவுப்படுத்துகின்றனர்.
போலீஸ் உடையிலும் வர்ஷா சற்று கவர்ச்சியாகவே தெரிகிறார்.
இஷாரா இதில் 2வது நாயகியாக வருகிறார். தனக்கான வேலையை கரெக்ட்டாக செய்திருக்கிறார்.
வழக்கமான காதல் கதையாக தொடங்கும் இப்படம் திடீரென இரண்டாம் பாதியில் காமெடி களமாக மாறி ரசிகர்களை சீட் நுனியில் உட்கார வைக்கிறது.
மும்பை பாய்ஸ்களாக வரும் அருள்தாஸ், பக்ஸ், ராம்ஸ் கூட்டணியின் காமெடி சரவெடிதான்.
மிரட்டல் வில்லன்களாகவே இதுவரை நாம் பார்த்திருக்கிறோம். ஆனால் இதில் முற்றிலும் செம காமெடி.
எதுன்னாலும் ஆர்டர் பண்ணி சாப்பிடுன்னு சொன்னா ஸ்ரீலங்காவில் இருந்து மீன் ஆர்டர் பண்ணி சாப்பிட்டுறான் பாஸ்.
குளிரா இருக்குதுன்னு நெருப்பு கோழியை ஆர்டர் பண்ணி சாப்பிடுறான் பாஸ் என்று சொல்லும் காட்சிகளில் நிச்சயம் உங்களால் சிரிக்காமல் இருக்க முடியாது.
அதிலும் ஜெயப்பிரகாஷ்க்கு போன் போட்டு, இவர்கள் மொக்கை மேல் மொக்கை வாங்கும் காட்சிகள் அக்மார்க் காமெடி.
அதுபோல் இவர்களின் பாடலும் நல்ல குத்து ரகம். அதிலும் ராம்ஸ் சேவிங் செய்துவிட்ட பின் யாரென்றே தெரியவில்லை.
அப்பா கேரக்டரில் வரும் ஜெயப்பிரகாஷ், ஹீரோ நண்பர்கள் அர்ஜுன், ராஜ்குமார் ஆகியோர் நல்ல தேர்வு.
யுகபாரதி வரிகளில் என்.ஆர்.ரகுநந்தன் இசையில் பாடல்கள் கேட்கலாம்.
முதல்பாதியை நாடகத்தனம் இல்லாமல் கொண்டு சென்றிருந்தால் இவன் நிச்சயம் அதிகம் ரசிக்கப்பட்டு இருப்பான்.
‘இவன் யாரென்று தெரிகிறதா’ இவனை தெரிந்துக் கொள்ள ஒருமுறை பார்க்கலாம்