ஹாட் ஸ்பாட் விமர்சனம் 4/5.. செம ஹாட்..

REBEL ரெபெல் விமர்சனம்… காலேஜ் பாலிடிக்ஸ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

REBEL ரெபெல் விமர்சனம்… காலேஜ் பாலிடிக்ஸ்

1956 ஆம் ஆண்டு கேரளா மற்றும் தமிழக எல்லைகள் பிரிக்கப்பட்டது.. அப்போது கன்னியாகுமரி தமிழகத்திற்கும் மூணாறு கேரளா பகுதிக்கும் சென்றது.. ஆனாலும் மூணாறில் வாழ்ந்த தமிழர்கள் கேரளாவை விட்டு செல்ல மனம் இல்லாமல் அங்கேயே இப்பொழுதும் தங்கி வசித்து வருகின்றனர். இதனை வைத்து இந்த படத்தை ஆரம்பித்திருக்கிறார் அறிமுக இயக்குனர் நிகேஷ்.

மூணாறில் வாழ்ந்த தமிழர்கள் தங்களின் கல்லூரி மேற்படிப்புக்காக பாலக்காடு சென்ற போது 1980 – 83 ஆண்டுகளில் நடைபெற்ற கல்லூரி அரசியல் சம்பவத்தை படமாக்கி இருக்கிறார் இயக்குனர்.

ஸ்டோரி…

கேரளா மாநிலம் மூணாறு பகுதியில் வசித்து வருகின்றனர் ஜி வி பிரகாஷ் மற்றும் அவரது நண்பர் ஆதித்யா பாஸ்கர்.

பாலக்காடு பகுதியில் உள்ள ஒரு கல்லூரியில் இவர்கள் படிக்க தேர்வாகின்றனர்.

அங்கு தன்னுடன் பிஏ ஹிஸ்டரி படிக்கும் மமிதாபைஜும் மீது காதல் கொள்கிறார் ஜிவி பிரகாஷ்.. இதனிடையில் மலையாளிகளின் ராகிங் பிரச்சனைகளுக்கு ஜிவி பிரகாஷ் மற்றும் நண்பர்கள் உள்ளாகுகின்றனர்.

இந்த மோதலால் ஒரு கட்டத்தில் ஆதித்யா பாஸ்கரை கொன்று விடுகிறார் வில்லன் வெங்கி..

இந்நிலையில் கல்லூரி தேர்தல் வருகிறது. வில்லன் வெங்கி தலைமையில் ஒரு அணியும் நாயகி மமீதா பைஜூ தலைமையில் ஒரு அணியும் என இரு மலையாள மாணவர்களும் போட்டி போடுகின்றனர்.

இவர்களை எதிர்த்து களம் காண்கிறார் நாயகன் ஜிவி பிரகாஷ். தமிழக மாணவர் அணி சார்பாக அந்தோணியை களம் இறக்குகிறார் ஜிவி பிரகாஷ்.

மலையாளிகள் மத்தியில் தமிழக மாணவர்கள் வென்றார்களா என்பது தான் மீதிக்கதை.

கேரக்டர்ஸ்…

இந்த படத்தில் ஜி.வி. பிரகாஷ் நாயகனாக நடிக்க மமிதா பைஜு, வெங்கிடேஷ் வி.பி, கருணாஸ், சுப்ரமணிய சிவா, ஷாலு ரஹீம், ஆதித்யா பாஸ்கர், ‘கல்லூரி’ வினோத், ஆதிரா, ‘மேற்குத் தொடர்ச்சி மலை’ ஆண்டனி உள்ளிட்டோர் நடித்துள்ளனர்.

இளம் வயதில் விளையாட்டு ஆர்வத்தில் இருக்கும் ஜீவி பிரகாஷ் தன் பெற்றோர்கள் படும் வேதனையை அறிந்து கல்லூரியில் சேர்வது என அழகாக தனது உணர்வுகளை வெளிப்படுத்தி இருக்கிறார்.. ஒரு கட்டத்தில் தன் நண்பனை இழந்த பின்னர் இனியும் பொறுக்க முடியாது என வெகுண்டு எழும்போது நட்பை போற்றும் வகையில் நடிப்பை கொடுத்திருக்கிறார்.

நாயகனுக்கு ஈடாக ஒரு படி மேலே வில்லத்தனமான நடிப்பை கொடுத்திருக்கிறார் மலையாள நடிகர் வெங்கி. இவரின் கண்கள் பிரித்திவிராஜ் அடிக்கடி நினைவுபடுத்துகிறது. இனி இவரை தமிழ் படங்களில் வில்லனாகவும் நாயகனாகவும் பார்க்க வாய்ப்பு இருக்கிறது.

சமீபத்தில் வந்து தமிழகத்தை கலக்கி கொண்டிருக்கும் பிரேமலு படத்தில் ரீனா கேரக்டரில் நடித்த மமீதா பைஜூ இந்த ரெபல் படத்தின் மூலம் தமிழ் சினிமாவில் நாயகியாக அறிமுகமாகியிருக்கிறார்.

அழகான கண்கள் உதடுகள் என இவரை அதிகமாகவே ரசித்து காட்சிகளை வைத்திருக்கிறார் ஒளிப்பதிவாளர். பரதநாட்டியத்திலும் புரட்சி போராட்டத்திலும் என இரு மாறுபட்ட நடிப்பை கொடுத்திருக்கிறார் மமீதா.

ஆதித்யா பாஸ்கரின் எமோஷன் காட்சிகள் நம்மை அறியாமல் கண் கலங்க வைக்கும். அவரது நடிப்பும் கவனிக்க வைக்கிறது.

கல்லூரி வினோத் மற்றும் மேற்கு தொடர்ச்சி மலை ஆண்டனி ஆகியோரின் கேரக்டர்கள் பெரிதும் உதவி இருக்கின்றன.

கருணாஸ், சுப்ரமணிய சிவா, ஷாலு ரஹீம், ஆதிரா ஆகியோரது கேரக்டர்கள் கவனம் பெறுகின்றன.

டெக்ணீசியன்ஸ்…

ஸ்டுடியோ கிரீன் சார்பில் கே.இ.ஞானவேல் ராஜா தயாரித்துள்ள இந்த படத்துக்கு ஜி.வி.பிரகாஷ் இசையமைத்துள்ளார். மேலும் சித்து என்பவரும் இவருடன் இணைந்து இசைப் பணிகளை மேற்கொண்டுள்ளார். .

அருண் ராதாகிருஷ்ணன் ஒளிப்பதிவு செய்துள்ளார்.. ஜிவி பிரகாஷின் பெற்றோர்கள் சுப்பிரமணிய சிவா ஆதிரா ஆகியோர் தேயிலை தோட்டத்தில் படும் வேதனைகளையும் அங்கு வாழும் தமிழர்களின் உழைப்பையும் அழகாகவே படம் பிடித்திருக்கிறார்.

இதன் பின்னர் பாலக்காடு பகுதியில் பயணிக்கிறது இவரின் கேமரா அங்கு கல்லூரியில் நடக்கும் கலாட்டாக்கள் காதல் நட்பு என அனைத்தையும் உணர்வு பூர்வமாக கொடுத்திருக்கிறார்.

பின்னணி இசை + பாடல்களில் ஜிவி பிரகாஷின் ஒத்துழைப்பு நன்றாகவே தெரிகிறது.. அவரும் இரண்டு பாடல்களுக்கு தன் இசை கரங்களை கொடுத்திருக்கிறார். அதற்கு ஏற்ப சித்துவும் அழகாகவே இசைப் பணிகளை கோர்த்து இருக்கிறார்.

மலையாளமும் தமிழும் கலந்த பாடலும் புரட்சிகரமான பாடலும் ரசிக்கவும் தாளம் போடவும் வைக்கிறது.

இடைவேளைக்கு முன்பு விறுவிறுப்பாக சென்ற திரைக்கதை பின்னர் தடுமாறி இருப்பது தெரிகிறது. முதல் பாதியில் நட்பு காதல் என்ற கலகலப்பாக சென்ற படம் பின்னர் கலவரமாக மாறி படம் முழுவதும் தெறீக்கிறது.. வன்முறை வன்முறை மாணவர்கள் மத்தியில் இத்தனை கலவரம் தேவையா? எனக் கேட்கத் தோன்றுகிறது.

மூணாறில் தமிழர்கள் வாழ்வதாக காட்சிகள் காட்டப்பட்டு இருந்தாலும் அவர்களின் தமிழ் உச்சரிப்பு தமிழ்நாட்டைப் போலவே உள்ளது.. கொஞ்சம் கூட மலையாளம் கலக்காமல் எப்படி?

கம்யூனிசம் தமிழர்களின் உரிமைப் போராட்டம் என முதல் படத்திலேயே கம்யூனிசம் பேசி கவர்ந்திருக்கிறார் இயக்குனர் நிகேஷ்.

கல்லூரி கலவரம் என நாம் பார்த்து பழக்கப்பட்ட ஒன்றாக இருந்தாலும் கேரளாவுக்கும் தமிழகத்திற்கும் இடையே உள்ள அரசியலையும் இதில் கலந்து இருக்கிறார்.. முக்கியமாக 1980 ஆண்டுகளில் திமுக அதிமுக தமிழகத்தில் முக்கிய கட்சியாக இருந்தது. அதை ஜிவி பிரகாஷின் தமிழக அணிக்கு கருப்பு சிவப்பு வண்ணத்தை கொடுத்து அந்த கொடியில் கொஞ்சம் வெள்ளையும் கலந்து கொடுத்திருக்கிறார் இயக்குனர்.

இத்தனை வன்முறைகள் முடிந்து அடடா அடுத்து என்ன நடக்கும் என்று நாம் எதிர்பார்க்கையில் திடீரென கல்லூரி தேர்தல் ரத்து செய்யப்பட்டது என முடித்திருப்பது நமக்கு அதிர்ச்சியை கொடுக்கிறது. கிளைமாக்ஸ் இன்னும் சுவாரசியத்தை கொட்டி இருக்கலாம் இயக்குனர்.

ஆக ரெபெல்… காலேஜ் பாலிடிக்ஸ்

Rebel movie review

பிரேமலு Premalu விமர்சனம்.. 4.25/5 பிரேமிக்க செய்யும்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

பிரேமலு Premalu விமர்சனம்.. 4.25/5 பிரேமிக்க செய்யும்

ஸ்டோரி…

ஒரு சிம்பிளான கதையை சிரிக்க சிரிக்க ரசிக்க ரசிக்க கொடுத்திருக்கின்றனர்..

காலேஜ் முடித்துவிட்டு வேலையில்லாமல் தவிக்கும் நாயகன் சச்சின்.. காதல் தோல்வியால் விரக்தியில் இருக்கிறார்.. ஒரு கட்டத்தில் தன் நண்பன் அமலுடன் சேர்ந்து ஹைதராபாத்திற்கு GATE கோச்சிங் சென்டர்ருக்கு செல்கிறார்.

அங்கே ஒரு திருமண விருந்தில் மாப்பிள்ளை தோழனாக செல்கிறார்.. அந்த சமயத்தில் நாயகி ரீனா பெண் தோழியாக வருகிறாள்… கண்டதும் நாயகியை விரும்ப தொடங்குகிறார் நாயகன்.

ஆனால் நாயகிக்கோ இவர் மீது துளியும் காதல் இல்லை.. இதனை அடுத்து நடக்கும் சுவாரசிய நிகழ்வுகள் தான் இந்த பிரேமலு..

கேரக்டர்ஸ்…

Naslen
Mamitha Baiju
Althaf Salim
Shyam Mohan M
Akhila Bhargavan
Meenakshi Raveendran
Sangeeth Prathap
Shameer Khan

ஹீரோ நஸ்லென் & ஹீரோயின் மமிதா பைஜு.. இருவருமே எங்குமே சினிமா தளம் இல்லாமல் ஒரு யதார்த்த நண்பர்களாகவும் காதலர்களாகவும் அருமையான நடிப்பை வெளிப்படுத்தி இந்த பிரேம் முழு படத்தை தாங்கி நிறுத்த வைத்துள்ளனர்.

மனம் உருகி தன்னை வருத்தி காதலிக்க செய்வது என்று இல்லாமல் 2k கிட்ஸ்க்கு பிடித்த போல எதார்த்தமான காதலை இன்றைய இளைஞர்கள் விரும்பும் வகையில் கொடுத்திருக்கிறார் இயக்குனர்.

ரீனா கேரக்டரில் அப்படி ஒரு நடிப்பை கொடுத்திருக்கிறார் மமீதா பைஜூ.. தியேட்டரை விட்டு வெளியே வந்தாலும் ரீனா கேரக்டரும் அவரது செய்கைகளும் நிச்சயம் ரீங்காரம் இட்டுக் கொண்டே இருக்கும்.

சச்சினாக நடித்திருக்கும் நஸ்லன் நச் சென்ற நடிப்பை கொடுத்திருக்கிறார்.. தண்ணி போட்டு கலாட்டா செய்வது.. எந்த வேலைக்கு செல்வது என தெரியாமல் குழம்புவது.. காதலிக்கிறாளா இல்லையா தெரியாமல் ஓடுவது நண்பனிடம் புலம்பி தவிப்பது என டீன் ஏஜ் பையனை நினைவுபடுத்துகிறார்..

ஐடி பெஸ்ட்டி ஆதி.. கார்த்திகா.. நாயகனின் நண்பன் அமல் டேவிஸ் என அனைவரும் நாம் எங்கோ சந்தித்த நமது நண்பர்களை நிச்சயம் நினைவுபடுத்துவார்கள்.. அனைவரும் ரசிக்க தக்க நடிப்பை கொடுத்திருப்பது கூடுதல் சிறப்பு

டெக்னீசியன்ஸ்…

Director: Girish A D
Producers: Fahadh Faasil, Dileesh Pothan, Syam Pushkaran
Written by: Girish A D, Kiran Josey
Music: Vishnu Vijay
Cinematography: Ajmal Sabu
Editor: Akash Joseph Varghese
Production Design: Vinod Raveendran
Lyricist: Suhail Koya
Sound Design: Sankaran A S, K C Sidharthan
Sound Mix: Vishnu Sujathan
VFX: Egg White VFX
Stills: Jan Joseph George
Publicity Designs: Yellow Tooths
Executive Producers: Benny Kattappana, Jos Vijay
Production Controller: Richard
Production House: Bhavana Studios
Distribution: Red Giant Movies
PRO – Sathish (AIM)

கிரிஷ் ஏடி இயக்கியிருக்கிறார்.. மலையாள படமாக இருந்தாலும் ஹைதராபாத்திற்கு சென்ற பின்னர் லூ ஏற்க வேண்டும் தானே.. எனவே லூ சேர்த்து லூட்டி அடித்து இருக்கிறார்கள்..

தமிழில் டப்பிங் செய்யப்பட்ட வசனங்கள் சிரிக்கவும் வைக்கிறது ரசிக்கவும் வைக்கிறது.. நாயகன் காதலை சொன்ன பிறகு நாயகி மறுக்கிறாள்.

நீங்கள் வழக்கமாக சொல்லும்.. என்னை விட நல்ல பெண் ஒருத்தி உனக்கு கிடைப்பாள் என்று நாயகியிடம் சொல்ல வேண்டியது தானே என்கிறார் நாயகன்..

அதற்கு நாயகியோ.. “அந்த டயலாக் என்னிடம் இல்லை ஏனென்றால் நான் தான் ரொம்ப நல்ல பெண்” என்கிறார்..

Music: Vishnu Vijay
Cinematography: Ajmal Sabu
Editor: Akash Joseph Varghese

படத்தின் ஒளிப்பதிவு.. பின்னணி இசை கோர்ப்பு எடிட்டிங் என அனைத்தும் எங்கும் குறை சொல்ல முடியாதபடி அமைந்திருப்பது பாராட்டுக்குரியது.. சாதாரணமாக காட்டப்படும் கேமரா ஆங்கிள்கள் கூட ரசிக்க வைக்கிறது..

ஐடியில் பணிபுரியும் இளைஞர்கள்.. வேலை தேடும் இளைஞர்கள்.. காதலியின் அம்மாவை கவர திட்டம் போடும் இளைஞர்கள்.. மருமகனை / மருமகளை தேடும் பெற்றோர்கள்.. காதலுக்காக ஏங்கும் இளைஞர்கள்.. நண்பனை கலாய்க்கும் நண்பர்கள்.. திருமணத்திற்கு தயாராகும் பெண்கள்.. என அனைத்து தரப்பு இளைஞர்களையும் கவரும் வகையில் இந்த படைப்பை கொடுத்திருக்கிறார் இயக்குனர் கிரிஷ் ஏடி..

ஆக.. பிரேமலு… பிரேமிக்க செய்யும்

Premalu movie review

காடுவெட்டி திரை விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

காடுவெட்டி திரை விமர்சனம்

ஸ்டோரி…

நகரத்தில் நடக்கும் காதலுக்கும் கிராமத்தில் நடக்கும் காதலுக்கும் என்ன வித்தியாசம்..

நகரத்தில் வாழும் காதல் ஜோடிக்கு பெரும்பாலும் பிரச்சனைகள் இல்லை.. அப்படியே இருந்தாலும் அவர்களுக்கு பொருளாதாரம் மற்றும் படிப்பறிவு இவை இரண்டும் தான் பெற்றோர்களால் கருதப்படும்.

ஆனால் அதே காதல் ஜோடி ஒருவேளை கிராமத்தில் வசித்து வந்தால் அவர்களுக்கு என்ன மாதிரியான பிரச்சனைகள் சமூகத்தில் ஏற்படும் என்பதுதான் இந்த படத்தின் கதை.

இத்துடன் நடுநாட்டான் ஆர் கே சுரேஷ் செய்யும் சமூக சேவைகள்.. கிராமத்து மக்களுக்கு அவர் உறுதுணையாக நிற்கும் ஊர் தலைவன்.. ஒரு கட்சித் தலைவனின் படைத் தளபதி என்ற கமர்சியல் கலந்து இந்த காடுவெட்டியை தந்திருக்கிறார் இயக்குனர் சோலை ஆறுமுகம்.

கேரக்டர்ஸ்…

ஆர். கே. சுரேஷ் – குரு
சங்கீர்த்தனா – தாட்சாயினி
விஷ்மியா – ஆர். கே. சுரேஷ் மனைவி
சுப்ரமணியசிவா – ராஜமாணிக்கம்
அகிலன்.
ஆடுகளம் முருகதாஸ்
ஆதிரா
சுப்ரமணியன்

பல படங்களில் நாயகனாகவும் வில்லனாகவும் மிரட்டிய ஆர் கே சுரேஷ் இதில் கதையின் நாயகனாக மிரட்டி இருக்கிறார்.. முறுக்கு மீசை கம்பீரத் தோற்றம் குரு கேரக்டருக்கு கெத்து காட்டி இருக்கிறார் ஆர் கே சுரேஷ்..

ஒரு சில காட்சிகளில் கதை ஓட்டத்திற்கு வசனங்கள் உதவினாலும் கதைக்கு மீறிய வசனங்கள் கட்சி சார்பாகவே திணிக்கப்பட்டுள்ளதாக தெரிகிறது..

ஆர் கே சுரேஷின் மனைவியாக நாயகியாக விஷ்மியா.. கொடுத்த பாத்திரத்தை நிறைவாக செய்து இருக்கிறார்.

காதலியாக சங்கீர்த்தனா.. கிராமத்திலும் நகரத்திலும் இவரது கேரக்டர் பலிச்சிடுகிறது..எமோஷன் காட்சிகளில் சிறப்பான நடிப்பை வெளிப்படுத்தி இருக்கிறார்..

சுப்ரமணிய சிவா.. மற்ற நடிகர்களை காட்டிலும் இவரது தோற்றத்திலே மாறுபட்ட நடிப்பை கொடுத்திருக்கிறார்.. சிட்டி டாடி கிராமத்து அப்பா என இரு தோற்றங்களிலும் அடையாளம் தெரியாத அளவிற்கு மிகை இல்லாத நடிப்பை கொடுத்திருக்கிறார்.

அகிலன்,ஆடுகளம் முருகதாஸ், ஆதிரா &
சுப்ரமணியன் ஆகியோரது கேரக்டர்கள் கவனம் பெறுகின்றது..

டெக்னீசியன்ஸ்…

இசை – ஸ்ரீகாந்த் தேவா
பாடல்கள் இசை – வணக்கம் தமிழா சாதிக்.
ஒளிப்பதிவு – M. புகழேந்தி
பாடல்கள் – மணிகண்டன் ப்ரியா, பா. இனியவன், ராஜமாணிக்கம், இன்ப கலீல்.
கலை இயக்கம் – வீரசமர்
எடிட்டிங் – ஜான் ஆப்ரகாம்
ஸ்டண்ட் – கனல் கண்ணன்
நடனம் – தினேஷ்.
தயாரிப்பு மேற்பார்வை – மாரியப்பன் கணபதி.
மக்கள் தொடர்பு – மணவை புவன்
தயாரிப்பு – மஞ்சள் ஸ்கிரீன்ஸ்

கதை, திரைக்கதை, வசனம் எழுதி இயக்கியுள்ளார் – சோலை ஆறுமுகம்.

சிட்டி காதலை விட கிராமத்து காதல் ரசிக்கவும் வைக்கிறது.. சிட்டி காதலில் சினிமாத்தனமும் கிராமத்து காதலில் யதார்த்தமும் நிறைந்திருக்கிறது..

சாதிக் இசையமைப்பாளராக அறிமுகம்.. பாடல்களும் பாடல் வரிகளும் ரசிக்க வைக்கிறது…சாமி பாடல் ஒரு சாதி பிரிவினரின் தேசிய பாடலாக மாறும்.

ஸ்ரீகாந்த் தேவாவின் பின்னணி இசை மிரட்டல்.. சில இடங்களில் ஓவர் பில்டப் ஆகவும் அமைந்துவிட்டது.

சிட்டி சப்ஜெக்ட் கிராமத்து மண்வாசனை என இரண்டுக்கும் ஏற்ப அருமையாக படம் பிடித்துள்ளார் ஒளிப்பதிவாளர் புகழேந்தி..

தயாரிப்பு : மஞ்சள் ஸ்கிரீன்ஸ் சார்பில் த.சுபாஷ் சந்திரபோஸ், கே.மகேந்திரன், என்.மகேந்திரன், சி.பரமசிவம் ஜி.ராமு, சோலை ஆறுமுகம் ஆகியோர் தயாரித்துள்ளனர்.

காடுவெட்டி படத்தின் டைட்டில் கார்டு வரும்போது பல எச்சரிக்கை வசனங்கள் இடம்பெறுகிறது.. கதை கதாபாத்திரங்கள் கற்பனை.. யாரையும் குறிப்பிடுவனல்ல என சொல்லப்பட்டாலும் முக்கியமாக பாட்டாளி மக்கள் கட்சி ராமதாஸ் விடுதலைச் சிறுத்தைகள் கட்சி திருமாவளவன் ஆகிய கட்சித் தலைவர்கள் நினைவுபடுத்துவதாக உள்ளது

முக்கியமாக காடுவெட்டி கதாபாத்திரம் குருவை நினைவுபடுத்தும் கேரக்டராகவே அமைந்திருக்கிறது..

முக்கியமாக படத்தில் ஏகப்பட்ட வசனங்கள் கட் செய்யப்பட்ட மியூட் செய்யப்பட்டுள்ளது.. வசனங்கள் நிச்சயம் சர்ச்சையை ஏற்படுத்தும் என சென்சாரில் கட் செய்யப்பட்டுள்ளது.

நாடகக் காதலை வளர்க்கும் ஒரு கட்சி பிரிவினரையும் சாடியிருக்கிறார் காடுவெட்டி..

ஆக காடுவெட்டி.. சாதி கட்சி பிரச்சாரம்..

Kaaduvetti movie review

Amigo Garage அமீகோ கேரேஜ் விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

Amigo Garage அமீகோ கேரேஜ் விமர்சனம்

ஸ்டோரி…

ஒரு நடுத்தர குடும்பத்தைச் சேர்ந்த ஒரு இளைஞன் எப்படி கேங்ஸ்டர் ஆக ஒரு மாறுகிறான்..

சுருக்கமாக சொல்லப்போனால் தனுஷ் நடித்த பொல்லாதவன் & கார்த்தி நடித்த நான் மகான் அல்ல என்ற படங்கள் பாணியில் வந்த படம்தான் ‘அமிகோ கேரேஜ்’.

அமிகோ என்றால் ஸ்பானிஷ் மொழியில் நண்பர்கள் என்று அர்த்தம்.

பள்ளி வாழ்க்கையை ஜாலியாக என்ஜாய் செய்யும் மகேந்திரன் டியூஷன் டீச்சர் மகளை காதலிக்கிறார். அந்தப் பெண் இவளை விட மூத்தவர் என்பதால் அந்த லவ் பிரேக் அப் ஆகிறது..

ஒரு கட்டத்தில் கல்லூரி படிப்பு முடித்த பின் வேலைக்கு செல்கிறார் அங்கு நாயகி ஆதிரா ராஜுடன் காதல் ஏற்படுகிறது.

இந்த சூழ்நிலையில் அமீகோ கேரேஜ் நடத்தும் வி எம் சுந்தர் உடன் இவருக்கு நெருக்கம் ஏற்படுகிறது. அப்போது வேறு ஒரு கேங்ஸ்டர் உடன் இவருக்கு மோதல் ஏற்படுகிறது..

இதனால் வழக்கம் போல காதலுக்கும் இடைஞ்சல் வருகிறது.. இதன் பிறகு நாயகன் மஹேந்திரன் என்ன செய்தார்.?என்பதுதான் படத்தின் மீதிக்கதை.

கேரக்டர்ஸ்…

‘Master’ Mahendran as Rudhra
GM Sundar as Anand
Athira as Tamil
Deepa Balu as Ramya
Dasarathi as Guru
Muralidharan Chandran as Muthu
Sirikko Udhaya
Madan Gopal
Sakthi Gopal
Murali Kamal

குழந்தை நட்சத்திரமாக நடித்து மாஸ்டர் மகேந்திரன் என்ற பெயர் பெற்றவர் நாயகன்.. மாஸ்டர் படத்தில் மாஸ்காட்டி இருந்தார்.. ருத்ரா என்ற கேரக்டரில் இந்த படத்தில் மகேந்திரன்.. ஆக்சன் காட்சிகளில் அதிரடி காட்டி இருக்கிறார்.

பள்ளி மாணவன் வேடத்தில் பெருந்தாடியுடன் வருகிறார்.. அரும்பு மீசை முளைக்கு காலத்தில் அடர்த்தியான தாடி ஏன்.? இதைக் கூடவா ஒரு நடிகருக்கு சொல்ல வேண்டும்..?

இரண்டு நாயகிகள் இருந்தும் மகேந்திரனிடம் ரொமான்ஸ் இல்லை.. தந்தையிடம் சென்டிமெண்டாக பேசும் காட்சியில் எமோஷனல் ரியாக்ஷன் இல்லை..

பத்து நிமிடங்கள் வந்து செல்லும் நாயகியாக தீபா பாலு.. அழகாக வருகிறார்.. ஒரு பாடலுக்கு மட்டும் ரசித்து விட்டு செல்கிறார்..

மெயின் நாயகியாக ஆதிரா ராஜ்.. கண்ணழகிலும் கூந்தல் அழகிலும் நம்மை வசீகரித்து விடுகிறார் இந்த மலையாள நடிகை ஆதிரா.. கொஞ்சம் கதைக்கும் கொஞ்சம் டூயட்க்கும் இவர் உதவி இருக்கிறார்.

அமீகோ கேரேஜ் ஓனராக ஜி எம் சுந்தர்.. கொடுத்த பாத்திரத்தில் கச்சிதம்..

தசரதி மற்றும் முரளிதரன் இருவரும் மிரட்டல் வில்லன்ஸ்.. இவர்களின் லுக்கே கெத்து தான்..

இவர்களுடன் சிரிக்கோ உதயா, சுப்ரமணியம், மதன் கோபால், சக்தி கோபால் உள்ளிட்டோரும் உண்டு.

டெக்னீசியன்ஸ்…

Produced By – MURALI SRINIVASAN (PEOPLE PRODUCTION HOUSE)
Co-Produced By RAMACHANDRAN PERUMAL, PRIYA KATHIRAVAN, ASWIN KUMAR VG.
Director: PRASANTH NAGARAJAN
Editor: RUBEN – CS PREMKUMAR
Dop: VIJAYAKUMAR SOLAIMUTHU
Music: BALAMURALI BALU
Art: SRIMAN BALAJI
Stunt: DON ASHOK
Lyrics: Ku. KARTHIK
PRO: SATHISH (AIM)

An Action-Reaction Jenish Release

படத்தின் திரைக்கதையிலும் கேரக்டர்கள் தேர்விலும் பல சிக்கல்கள் இருந்தாலும் இந்த படத்தை தாங்கி நிறுத்தி இருப்பது ஒளிப்பதிவும் பாடல்களும் இசையும் தான்.

ஒளிப்பதிவாளர் விஜயகுமார் சோலைமுத்து.. கேரேஜின் காட்சிகள் கண்களுக்கு விருந்து..

பாலமுரளி பாலுவின் இசையில் பாடல்கள் சூப்பர்.. தேவா பாடிய பிரண்ட்ஷிப் சாங் இனி பல நண்பர்களின் காலர் டியூனாக மாறினாலும் ஆச்சரியம் இல்லை. ஜிவி பிரகாஷ் பாடிய காரிருள் பாடல் ரசிக்க வைக்கிறது..

பாடல்கள் எழுதிய கு கார்த்திக்கின் வரிகளுக்கு கை கொடுத்து பாராட்டலாம்..

கலை இயக்குனர் ஸ்ரீமன் பாலாஜி கலைப்பணிகளை கவனித்திருக்கிறார்.

பிரசாந்த் நாகராஜன் என்ற அறிமுக இயக்குனர் இந்த படத்தை இயக்கியிருக்கிறார். நடிகர்கள் தேர்விலும் கவனம் செலுத்தி இருக்கலாம்..

நாயகனுக்கும் வில்லனுக்கும் ஏற்படும் மோதல்கள் கொஞ்சம் கூட பிரச்சினையாக தெரியவில்லை.. ஒரு வில்லன் நாயகனை பழி வாங்கவோ அல்லது நாயகன் வில்லனை பழிவாங்கவோ போதுமான காரணங்கள் இல்லை..

நார்மலான இளைஞன் கேங்ஸ்டர் ஆக மாறும் கதையை இன்னும் குடும்ப செண்டிமெண்ட் உடன் சொல்லி இருந்தால் இந்த கதை எமோஷனலாக ரசிகர்களுடன் கனெக்ட் ஆகி இருக்கும்..

Amigo Garage movie review

GAAMI காமி விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

GAAMI காமி விமர்சனம்

Gaami என்றால் Seeker என்று பொருள்.. இந்த இயக்குனரின் தேடல் என்ன.? இந்தத் திரை கதாபாத்திரங்களின் தேடல் என்ன என்பதுதான் காமி.

வித்யாதர் காகிதா இயக்கத்தில் தெலுங்கு நடிகர் விஸ்வக் சென் நடிப்பில் உருவான அட்வென்சர் த்ரில்லர் தான் இந்த `காமி’ (Gaami).

ஸ்டோரி…

ஷங்கர் (விஸ்வக் சென்) அகோரியாக வாழ்ந்து வருகிறார்.. இவருக்கு மிகவும் அரிதான ஹாபிடோபியா எனும் மனித தொடுகை ஒவ்வாமை பாதிப்பு இருக்கிறது.

அதாவது மனிதர்களைத் தொட்டாலே இவருக்கு ஆகாது.. இவரது நோயைக் குணமாக்க ‘மாலிபத்ரா’ என்ற வித்தியாசமான ஒளிரும் காளான்கள் தேவைப்படுகிறது.. அது இமயமலை பிரதேசத்தில் துரோனகிரி எனும் பகுதியில் 36 ஆண்டுகளுக்கு ஒருமுறை பூக்கும் என்பதை அறிந்து அங்கே பயணிக்கிறார்.

அந்த ஒளிரும் காளானை கண்டறிந்து கைப்பற்றினால் பிரச்சனைக்கு தீர்வு கிடைக்கும் என்கிறார்கள்.. இவருடன் பெண் மருத்துவர் ஒருவரும் அங்கு செல்கின்றனர்.

இந்தக் கதை ஒருபுறம் இருக்க மற்றொரு இரண்டு கிளை கதைகள் உள்ளன..

ஒரு கிராமத்தில் தேவதாசியாக வாழ்கிறார் அபிநயா. இவருக்கு ஒரு அழகு மகள்.. அந்த கிராமத்தின் நடைமுறைப்படி (??!!) அபிநயாவின் மகளும் தேவதாசியாக தொழிலுக்கு வரவேண்டும் என்கின்றனர். ஆனால் தன் மகளைக் காப்பாற்ற போராடுகிறார் அபிநயா.. மகளை தப்பிக்க வைக்க சில முயற்சிகளை மேற்கொள்கிறார்..

அடுத்த கதையில்…

சிடி 333 எனப் பெயர் சூட்டப்பட்ட ஒரு இளைஞன் சிறையில் அடைக்கப்படுகிறான்.. சட்ட விரோத மூளை அறுவை ஆய்வுக் கூடத்தில் எலிபோல் அடைத்து வைக்க துன்புறுத்தப்படுகிறான்.

எனவே அங்கிருந்து தப்பிக்க ‘Shawshank Redemption’ பாணியில் பல முயற்சி எடுக்கிறான்.

இந்த இரு சிறார்களுக்கும் சங்கருக்கும் என்ன தொடர்பு? என்பதை ‘நான் லீனியர்’ வழியே சொல்லுகிறது இந்த படம்.

கேரக்டர்ஸ்…

விஸ்வக் சென், சாந்தினி சௌத்ரி, அபிநயா, ஹரிகா பெட்டா, மொஹமத் சமத், தயானந்த் ரெட்டி மற்றும் பலர்.

நடிகர் விஸ்வக் சென்.. இவரது கேரக்டர் வலுவாக அமைக்கப்பட்டிருக்கிறது.. அதற்கு ஏற்ப பனிமலையில் இவர் படும் சிரமம் நம்மை ஆச்சரியப்படுத்துகிறது.

இமயமலை செல்லும் சாந்தினி செளத்ரி கேரக்டர் ரசிக்க வைத்தாலும் சில லாஜிக் மீறல்கள் உள்ளது.. பணிப்படர்ந்த அந்தப் பகுதியில் இவர் அசால்டாக கையுறை அணியாமல் செல்வதை நம்ப முடியவில்லை.. ஒரு காட்சியில் பனிமலையில் கயிறு அறுந்து இவர் விழும்போதும் முகத்தில் கீறலில்லை தலைமுடியில் ஒரு துளி கூட பனியில்லை..

அபிநயாவின் கேரக்டர் கண்கலங்க வைக்கும்.. வேண்டாத வெறுப்பாக தேவதாசி தொழில் ஈடுபட்டு தன் மகள் இதில் சிக்கிய விடக்கூடாது என்பதற்காக அவர் படும் அவஸ்தைகளையும் உணர்வுபூர்வமாக வெளிப்படுத்தி இருக்கிறார்.

உமா என்ற சிறுமியின் மருத்துவ குறைபாடு.. அது என்னவென்று தெரியாமல் நம் குழம்பி இருக்கும் வேளையில் திரைக்கதை திருப்புமுனை கொடுத்து சிறுமி கேரக்டரை இளைஞனோடு இணைத்திருக்கிறார் இயக்குனர்.. இதன் மூலமாக நாயகன் கேரக்டரிலும் நமக்கான தீர்வு கிடைக்கிறது..

CT -333 என்ற கேரக்டரில் நடித்த மொஹமத் சமத் மனதில் பதிகிறார்.. ஒரு சிறை கைதியின் அடைபட்ட உணர்வுகளை அழகாக வெளிப்படுத்தி இருக்கிறார்..

டெச்னீசியன்ஸ்…

இசையமைப்பாளர் – நரேஷ் குமரன்

பாடல்கள் – ஸ்வீகர் அகஸ்தி

ஒளிப்பதிவாளர் – விஸ்வந்த் ரெட்டி செல்லுமலா

இயக்குனர் – வித்யாதர் காகிதா

தயாரிப்பு – கார்த்திக் கல்ட் கிரியேஷன்ஸ்

முதலில் மெதுவாக நகரும் திரைக்கதை ஷங்கருடன் ஜான்வி இணைந்த பின்னர் தான் படத்தின் கதை என்ன என்பதை மெல்ல மெல்லமாக நம்மால் உணர முடிகிறது..

பணிப்படர்ந்த இமயமலை.. இருள் சூழ்ந்த சிறைச்சாலை… தேவதாசி வாடும் கிராமம் என மூன்று கதைகளத்தையும் தன்னுடைய கேமராவில் அழகாக படம் பிடித்திருக்கிறார் ஒளிப்பதிவாளர் விஸ்வந்த் ரெட்டி செல்லுமலா.

சொல்லப்போனால் இமயமலைக்கு நம்மை அழைத்துச் சென்ற அனுபவத்தை தந்திருக்கிறார் இவர்.

இசையமைப்பாளரின் நரேஷ் குமரனின் பின்னணி இசை நம்மை ஈர்க்கச் செய்கிறது.. ஒரு இதமான அனுபவத்தை தந்திருக்கிறது . ஸ்வீகர் அகஸ்தியின் பாடல்கள் சிறப்பு..

ஓர் ஆய்வுக்கூடத்தில் நடக்கும் ஆராய்ச்சியில் என்ன மாதிரியான ஆராய்ச்சி இதனால் என்ன பலன் என்பதற்கான விளக்கத்தை இன்னும் விரிவாக கொடுத்திருக்கலாம்..

மூன்று கதைகளை இணைக்க வேண்டும் என்பதற்காக படாத பாடு பணியை செய்து இருக்கிறார் எடிட்டர்.. ஆனால் இது நம்மையும் சோதிக்கிறது.. ஒரு திரைக்கதை வேகமாக பயணிக்கிறது.. மற்றொரு திரைக்கதையோ அழுத்தமான உணர்வுடன் பயணிக்கிறது இரண்டையும் இணைக்கும் போது அதற்கான கால அவகாசம் இல்லை என்பதால் நம்மோடு ஒன்ற மறுக்கிறது..

இந்த மூவரின் தேடல் தான் என்ன என்பது அறிய நாம் குழம்பி கொண்டு இருக்கும் வேலையில் அதற்கான விளக்கத்தை கிளைமாக்ஸில் கொடுத்திருக்கிறார் இயக்குனர்..

ஓர் அறிமுக இயக்குனர் இப்படியான வித்தியாசமான முயற்சி எடுத்துள்ளதை பாராட்டலாம்.. ஆனால் அதே சமயம் விறுவிறுப்பாக கொடுத்து இருந்தால் இந்த காமியுடன் இணைந்து பயணித்திருக்கலாம்.

Gaami movie review