Feminist விமர்சனம்..; யார வேணாலும் வச்சிக்கட்டும்.. ஆனால்..

Feminist விமர்சனம்..; யார வேணாலும் வச்சிக்கட்டும்.. ஆனால்..

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

Feminist விமர்சனம்..; யார வேணாலும் வச்சிக்கட்டும்.. ஆனால்..

ஸ்டோரி…

ஒரு இளம் பெண்ணியவாதி கவிதைகள் எழுதுவதிலும் பேச்சிலும் சிறந்தவர்.. இவர் பல கவிதைகளையும் கதைகளையும் சமூகவலையில் பதிவிட்டு வருகிறார். இதனால் பலரும் ஈர்க்கப்படுகின்றனர்.

இந்த நிலையில் அவளின் கவிதைகளால் ஈர்க்கப்படும் நாயகன் அவளைப் பின் தொடர்கிறார். ஒரு கட்டத்தில் இருவரும் நிகழ்ச்சியில் ஒன்றில் சந்திக்கின்றனர். இதனால் அவர்களின் நட்பு மேலும் வலுவடைகிறது.

ஒரு கட்டத்தில் கொரோனா லாக்டவுன் போடப்படுகிறது. அந்தப் பெண் ஊருக்கு செல்ல முடியாத நிலை ஏற்படுகிறது. இருவரும் ஒரே வீட்டில் தங்க நேரிடுகிறது.

ஒரு பெண் கவிஞருக்கும் கவிதை ரசிகனுக்கும் இடையில் நெருக்கம் ஏற்பட்டு இருவரும் உடலுறவு கொள்கின்றனர்.. நாம் திருமணம் செய்து கொள்ளாமல் இணைந்து வாழலாம் என முடிவெடுக்கின்றனர்..

இப்படியாக சில தினங்கள் செல்லும் நிலையில் திடீரென கருத்து வேறுபாடு ஏற்படுகிறது.

நீ ஒரு ஃபெமினிஸ்ட் உனக்கு பல பேருடன் நெருக்கம் இருக்கிறது என்றெல்லாம் தவறாக பேசி விடுகிறார் நாயகன்.. இதனையடுத்து இருவரும் சண்டை போட்டு பிரிகின்றனர்.

அதன் பின்னர் என்ன நடந்தது.?ஃபெமினிஸ்ட் என்பவள் இப்படி தானா?என்ற கேள்விகளுக்கு விடையளிக்கிறது மீதிக்கதை.

கேரக்டர்ஸ் & டெக்னீசியன்ஸ்…

MadhuAzhagan & Angelin Flora

மது அழகன் மற்றும் ஏஞ்சலினா இருவருமே நிஜ காதலர்களைப் போல எதார்த்தமான நடிப்பை கொடுத்திருக்கின்றனர்.. அதிலும் ஏஞ்சலின் கண்கள் கிக் ஏற்றும் கண்கள்..

காதலர்களுக்குள் ஏற்படும் ஊடல் கூடல் மோதல் என அனைத்தையும் சிறப்பாக வெளிப்படுத்தி இருக்கின்றனர்.

இரண்டு கேரக்டர்களை மட்டுமே வைத்து ஒரு இதமான காதல் கதையை சொல்ல முடியும் என நிரூபித்திருக்கிறார் இயக்குனர் கேபிள் சங்கர்.

அதே சமயத்தில் பெண்ணியவாதி என்பதை ஒரு ஆண்மகன் எப்படி புரிந்து வைத்திருக்கிறான் என்பதையும் ஒரு பெண்ணியவாதி என்ற அடையாளப்படுத்தப்பட்ட ஒரு பெண் தன்னைப் பற்றி என்ன நினைக்கிறார் என்பதையும் அழகாகவும் உணர்வுப்பூர்வமாக உணர்ச்சிகரமாகவும் வெளிப்படுத்தி இருக்கிறார்..

Director : Cable Sankar
Music : Shamanth Nag
Camera : Murali Shridhar
Editor : Abishek கிரீம்

ஒரு குறும்படத்திற்கு தேவையான ஒளிப்பதிவும் படத்தொகுப்பம் இசையும் சரியாக கையாளப்பட்டிருக்கிறது..

இறுதியாக யார் யாரை வேண்டுமானாலும் வைத்துக் கொள்ளட்டும்.. ஆனால் சந்தோஷமாக வைத்துக் கொள்ளட்டும் என்று திரைக்கதை அமைத்திருக்கிறார் இயக்குனர் கேபிள் சங்கர்..

ஆக இந்த ஃபெமினிஸ்ட்… 2K கிட்ஸ் லவ்

Feminist short film review

தலைமைச் செயலகம் வெப்சீரிஸ் விமர்சனம்

தலைமைச் செயலகம் வெப்சீரிஸ் விமர்சனம்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தலைமை செயலகம் வெப்சீரிஸ் விமர்சனம்

தேசிய விருது பெற்ற இயக்குநர் வசந்தபாலன் இயக்கத்தில் இந்த தலைமை செயலகம் வலைத்தொடர் சுமார் 8 பகுதிகளாக கொண்டு வெளிவரவுள்ளது.

2024 மே 17 ஆம் தேதி அன்று ZEE5 இணையத்தில் வெளியானது..

ஸ்டோரி…

மேற்கு வங்கத்தில் ஒரு இளம் பெண் சித்திரவதை செய்யப்படுகிறார்.. இந்த சம்பவத்திற்கு காரணமான பலரையும் வெட்டி சாய்கிறார் அந்த பெண்..

இதன் பிறகு 15 வருடங்களுக்குப் பிறகு கதை நகர்கிறது.. இங்கு தமிழக முதல்வராக கிஷோர் இருக்கிறார். ஊழல் குற்றச்சாட்டுகளில் இவர் சிக்கியதால் இவரது பதவி பறிபோகும் நிலை ஏற்படுகிறது.. இதனால் தன் பதவியில் யாரை அமர்த்தலாம்? யார் விசுவாசி என்ற சிந்தனையில் இருக்கிறார் கிஷோர்..

இந்த சூழ்நிலையில் மேற்கு வங்கத்தில் நடைபெற்ற அந்த கொலை சம்பவத்தில் வெட்டி சாய்த்த பின் என்ன ஆனார் அந்த பெண் என்ற விசாரணையை தொடங்குகிறது சிபிஐ..

இந்த இரண்டு கதைகளையும் இணைக்கும் விதமாக திரைக்கதை அமைத்து மீதி கதையை சொல்லி இருக்கிறார் இயக்குனர் வசந்தபாலன்..

கேரக்டர்ஸ்…

கிஷோர், ஷ்ரேயா ரெட்டி, பரத், ரம்யா நம்பீசன், ஆதித்யா மேனன், கனி குஸ்ருதி, நிரூப் நந்தகுமார், தர்ஷா குப்தா, சாரா பிளாக், சித்தார்த் விபின், ஒ ஜி மகேந்திரன், சந்தான பாரதி, கவிதா பாரதி, மற்றும் பலர்.

கிஷோரின் மகளாக ரம்யா நம்பீசன் நடித்துள்ளார். பரத் மற்றும் தர்ஷா குப்தா இருவரும் போலீஸ் அதிகாரிகளாக நடித்துள்ளனர்..

கனி குஸ்ருதி, நிரூப் நந்தகுமார், தர்ஷா குப்தா, சாரா, சித்தார்த் விபின், ஒ ஜி மகேந்திரன், சந்தான பாரதி, கவிதா பாரதி உள்ளிட்டோர் வாழ்ந்திருக்கிறார்கள்.

முதல்வர் கதாபாத்திரத்திற்கு பொருத்தமாக தன் கேரக்டரை உயர்த்தும் அளவிற்கு கெத்து காட்டி மிரட்டி இருக்கிறார் கிஷோர்..

டெக்னீசியன்ஸ்…

எழுத்து & இயக்கம் :- ஜி.வசந்தபாலன்.

ஒளிப்பதிவாளர் :- வைட் ஆங்கிள் ரவிசங்கர்.

படத்தொகுப்பாளர் :- ரவிக்குமார்.

இசையமைப்பாளர் :- ஜிப்ரான், சைமன் கே கிங்.

ஒளிப்பதிவாளர் வொய்டு ஆங்கிள் ரவிஷங்கரின் ஒளிப்பதிவு மிகப்பெரிய பலம்.

இசையமைப்பாளர் ஜிப்ரானின் பின்னணி இசை அருமை.. வலைதொடர் கதை ஓட்டத்திற்கு பொருத்தமாக பயணிக்கிறது..

ஜெயமோகனின் வசனங்கள் வெப்சீரிஸுக்கு பலமாக உள்ளது.

தமிழக மற்றும் ஆந்திர அரசியல் இரண்டையும் இணைத்து புதுவிதமான கதையை சொல்ல முயன்றிருக்கிறார் இயக்குனர் வசந்த பாலன்..

வெப் சீரிஸ் என்பதால் நீளத்தை நீட்டிக் கொண்டிருக்கிறார் இயக்குனர் & எடிட்டர்.. 8 எபிசோடு பதிலாக 6 எபிசொட்டில் முடித்து இருக்கலாம்..

தயாரிப்பு நிறுவனம் :- ராடான் மீடியா பிரைவேட் லிமிடெட்.

தயாரிப்பாளர்கள் :- சரத்குமார், ராதிகா சரத்குமார்.

Thalaimai Seyalagam web series review

எலக்சன் விமர்சனம் 3.5/5.. குட் செலக்சன்

எலக்சன் விமர்சனம் 3.5/5.. குட் செலக்சன்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

எலக்சன் விமர்சனம் 3.5/5.. குட் செலக்சன்

ஸ்டோரி…

தமிழகத்தில் உள்ள பிரபல கட்சிக்கு உண்மையான தொண்டனாக 40 வருடங்களுக்கு மேலாக உழைத்து வருகிறார் ஜார்ஜ் மரியான்.. இவரது மகன் விஜயகுமார்.. ஆனால் இவருக்கு துளியும் அரசியல் ஆர்வம் கிடையாது.

இப்படியான சூழ்நிலையில் கட்சிக்கு உண்மையான உழைத்த தனது தந்தையை அவமானப்படுத்தி விடுகிறது கட்சி தலைமை.. இதனைப் பார்க்கும் மகன் விஜயகுமார் தன் தந்தையின் செல்வாக்கை தலைமைக்கு உணர வைக்க தேர்தல் அரசியல் களத்தில் இறங்குகிறார்.

அதன் பிறகு என்ன நடந்தது கட்சியை எதிர்த்துப் போட்டியிட்டு வென்றாரா.? ஜெயித்தது கட்சித் தலைவனா? கட்சித் தொண்டனா? என்பதுதான் படத்தின் கதை.

கேரக்டர்ஸ்…

விஜய்குமார், ப்ரீத்தி அஸ்ரானி, ரிச்சா ஜோஷி, ஜார்ஜ் மரியான், பவல் நவகீதன், திலீபன், அருள் & பலர்..

உறியடி விஜயகுமார் முழுக்க முழுக்க அரசியல் களத்தை தேர்ந்தெடுத்திருக்கிறார்.. இது போன்ற அரசியல் படங்களில் ஹீரோ ஜெயித்து விடுவார்.. ஆனால் இதில் தோல்வி கண்டு எதார்த்தமான நடிப்பை கொடுத்திருக்கிறார்.

அரசியலால் எல்லாத்தையும் இழந்து நிற்கிறேன் என்று அவர் பேசும்போது விஜயகுமார் உணர்ச்சி மிகுந்த நடிப்பை கொடுத்திருக்கிறார்.. ஆனால் இது போன்ற வலுவான கேரக்டருக்கு அவர் இன்னும் மெச்சூரிட்டியான நடிப்பை கொடுத்து இருக்க வேண்டும்

‘அயோத்தி’ பட நாயகி ப்ரீத்தி அஸ்ரானி இதில் அரசியலும் இல்லறமும் கலந்த குடும்ப பெண்ணாக வாழ்ந்திருக்கிறார்

பெண்களுக்கு தாலி போல் அரசியல் கட்சி தொண்டனுக்கு கரைவெட்டி தான் அடையாளம் என்னும் கதாபாத்திரத்தில் ஜார்ஜ் மரியான் தன் கேரக்டரை அருமையாக சித்தரித்து இருக்கிறார்.

இஸ்லாமியராக பாய் கேரக்டரில் வரும் அருள் நம்மை கவர்கிறார்.. அச்சு அசல் இஸ்லாமியரை போல நடித்திருக்கிறார்.. இவரின் கூடவே வரும் உயரமான லீ கார்த்தியும் கவனிக்கத்தக்க நடிப்பை கொடுத்திருக்கிறார்.

பாவல் நவகீதன் மற்றும் திலீப் இருவரும் கதையின் நாயகர்களாக வருகின்றனர் அரசியல் களத்திலும் ஆளுமையிலும் ஜெய்கின்றனர்.

திருநங்கையாக நடித்தவர், சேவியர், அம்பேத், மூர்த்தி உள்ளிட்ட நடிகர்கள் நல்ல நடிப்பைக் கொடுத்திருக்கின்றனர்..

டெக்ணீசியன்ஸ்…

இயக்கம்: தமிழ்

இசை: கோவிந்த் வசந்தா

தயாரிப்பு: ரீல் குட் பிலிம்ஸ்

ஒளிப்பதிவு: மகேந்திரன் ஜெயராஜூ

படத்தொகுப்பு: சி எஸ் பிரேம்குமார்

பொதுத் தேர்தலுக்கும் உள்ளாட்சித் தேர்தலுக்கும் இடையே உள்ள வித்தியாசத்தை அழகாக காட்சிப்படுத்தி இருக்கிறார் இயக்குனர் தமிழ்.

தனது வாக்கை பணத்திற்காக விற்க்கும் மக்கள் எப்படி விஸ்வாசமாக இருக்கிறார்கள் என்பதையும் காட்சிப்படுத்தி இருக்கிறார்.

96 பட புகழ் கோவிந்த் வசந்தா காதல் களத்திற்கும் அரசியல் கழகத்திற்கும் ஏற்ற இசையை கொடுத்து இருக்கிறார்..

ஆரவாரம் ஆர்ப்பாட்டம் இல்லாமல் எதார்த்தமான அரசியல் களத்தை கண்முன் கொண்டு வந்திருக்கிறார் இயக்குனர் தமிழ். அதற்கான நடிகர்கள் அவர் தேர்ந்தெடுத்திருப்பது பாராட்டுக்குரியது

ஆக இந்த எலக்சன்.. குட் செலக்சன்

Election movie review

——

கன்னி பட விமர்சனம் 3.25/5.. இவள் ஒரு கன்னிவெடி

கன்னி பட விமர்சனம் 3.25/5.. இவள் ஒரு கன்னிவெடி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கன்னி பட விமர்சனம் 3/5.. இவள் ஒரு கன்னிவெடி

அஸ்வினி சந்திரசேகர், மணிமாறன், தாரா க்ரிஷ், ராம் பரதன் நடிக்க உருவாகியிருக்கும் படம் ‘கன்னி’.

ஒளிப்பதிவு – ராஜ்குமார்
இசை – செபாஸ்டியன் சதீஷ்.

சன் லைஃப் கிரியேஷன்ஸ் சார்பில் எம் செல்வராஜ் தயாரித்திருக்கிறார்.

ஸ்டோரி…

கிருஷ்ணகிரி மாவட்டம் மலைகிராம கதையை மையப்படுத்தி படத்தையே கொடுத்து இருக்கிறார் இயக்குனர் மாயோன் சிவா..

உலக பணக்காரர்களில் ஒருவர் இந்த கிராமத்திற்கு வருகிறார்.. அப்போது எதிர்பாராத விதமாக அவருக்கு உடல்நிலை குறைவு ஏற்படுகிறது.

இதனையடுத்து அந்த கிராமத்து மருத்துவச்சி செம்பா அவருக்கு தெய்வீக முறைப்படி சித்த மருத்துவ சிகிச்சை அளிக்கின்றார். இதனை அறியும் பல டாக்டர்கள் அதிர்ச்சியாகின்றனர்.

எந்த ஆங்கில மருத்துவத்திலும் சாதிக்க முடியாததை இந்த சித்த மருத்துவம் செய்திருக்கிறது என்பதால் வியக்கின்றனர்.

இதனையடுத்து அந்த மருத்துவ முறையை அறிந்து கொள்ளவும் அந்த சித்த மருத்துவ ஃபார்முலாவை அபகரிக்கவும் திட்டமிடுகின்றனர்.

இந்த மெடிக்கல் மாஃபியாவிடம் இருந்து தன்னையும் தன் குடும்பத்தையும் காக்க செம்பி நாயகி அஸ்வினி போராடுகிறார்.

அதன் பிறகு என்ன நடந்தது.? சித்த மருத்துவ ஓலைச்சுவடியில் என்ன இருக்கிறது.? என்பதுதான் இந்த ‘கன்னி’ படத்தின் கதை.

கேரக்டர்ஸ்…

மகள் செம்பியாக அஸ்வினி சந்திரசேகர்,
மாதம்மா வேல்முருகன் செங்கா, அவருடைய மகன் வேடனாக மணிமாறன் ராமசாமி, மருமகள் நீலிமாவாக தாரா க்ரிஷ், மச்சனாக ராம் பரதன், மாயம்மாவாக சரிகா செல்வராஜ் ஆகியோர் நடித்துள்ளனர்..

அழகு அஸ்வினி இந்த படத்தில் ஆக்சனிலும் அசத்தியிருக்கிறார். வில்லன் கும்பலிடம் இருந்து தன்னையும் தன் குடும்பத்தையும் காப்பாற்ற அவர் போராடும் போராட்டங்கள் கல்நெஞ்சையும் கரைக்கும்.

இவரின் அம்மா அண்ணா அண்ணி அனைவரும் படத்தின் கதை ஓட்டத்திற்கும் கேரக்டருக்கும் ஏற்ப பயணித்திருப்பது சிறப்பு..

டெக்ணீசியன்ஸ்…

தெய்வீக சிந்தனை மருத்துவ ஓலைச்சுவடி என சித்த மருத்துவத்திற்கு பெருமை சேர்க்கும் வகையில் இந்த படத்தை கொடுத்திருக்கிறார் மாயோன் சிவா..

இதுபோன்று குறைந்த பட்ஜெட் படங்கள் சில சமயங்கள் கவனம் பெறுவதில்லை.. ஆனால் இந்த படத்தில் இசையிலும் சரி ஒளிப்பதிவிலும் சரி படத்தை உருவாக்கி விதத்திலும் சரி படக்குழுவினர் ஜெயித்திருக்கின்றனர்.

செபாஸ்டியன் சதீஷின் பாடல்களும் பின்னணி இசையும் படத்திற்கு பலம்..

ராஜ்குமார் பெரியசாமியின் ஒளிப்பதிவில், மலை கிராம பகுதி மக்கள் அங்கு வசிக்கும் வீடுகள் அனைத்தும் ரசிக்க வைக்கிறது..

எந்தவித நோயானாலும் தீர்த்துவிடும் மருத்துவ குணங்களை அந்த மக்கள் அறிந்திருக்கின்றனர்.. அப்படியான சூழ்நிலையில் அங்கு ஒருவர் மட்டும் பைத்தியமாக திரிந்து கொண்டிருப்பதும் அவரை படம் முழுவதும் காட்டிக் கொண்டிருப்பது ஏனோ? அவரை குணப்படுத்தி இருக்கலாமே இயக்குனர்.?!

பெரும்பாலும் அந்த கிராமத்து மனிதர்கள் கருப்பாகவும் இருக்கின்றனர்.. ஆனால் அஸ்வினி மட்டும் கிராம மக்களிடம் ஒட்டாத ஒரு முகமாகவே தெரிகிறது.. ஒப்பனையில் கூடுதல் கவனம் செலுத்தி அஸ்வினியை கருப்பாக காட்டி இருக்கலாம்.

அந்த மலைவாழ் மக்களின் கிராமத்து பாஷைகளை அப்படியே உச்சரிக்கும் வகையில் கொடுத்திருப்பது சிறப்பு.

ஆக இந்த கன்னி.. இவள் ஒரு கன்னிவெடி

Ashwinis Kanni movie review

இங்க நான்தான் கிங்கு பட விமர்சனம் – 4/5.. கலக்கல் கிங்கு

இங்க நான்தான் கிங்கு பட விமர்சனம் – 4/5.. கலக்கல் கிங்கு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இங்க நான்தான் கிங்கு பட விமர்சனம்.. 4/5.. கலக்கல் கிங்கு

ஸ்டோரி…

34 வயதாகியும் பெண் கிடைக்காத விரக்தியில் இருக்கிறார் 90ஸ் கிட்ஸ் சந்தானம்.. வரன்கள் பார்க்கும் மேட்ரிமோனி அலுவலகத்தில் சேர்ந்தால் அங்கு நிறைய வரன்கள் வரும் என எண்ணி அங்கே வரும் பெண்களுக்கு வலையும் வீசி பார்க்கிறார்..

சரி வீடு இருந்தால் பெண் கிடைத்துவிடும் என்ற நம்பிக்கையில் 25 லட்சம் கடன் வாங்கி சென்னையில் ஒரு அப்பார்ட்மெண்ட் வீடு வாங்கி விடுகிறார்.. ஆனாலும் பெண் கிடைக்காமல் அலைகிறார்.

எந்த வரனும் செட் ஆகாத நிலையில் புரோக்கர் மனோபாலாவின் ஆலோசனைப்படி ஜமீன் குடும்பத்து பெண்ணை (பிரியா லயா) பார்க்க செல்கிறார்.

பெண்ணைப் பார்த்த நிமிடத்தில் பிடித்து விட்டது என்ற சந்தானம் சொல்லும் வேளையில் அடுத்த நிமிடமே திருமணத்தை முடித்து வைக்கின்றார் நாயகியின் தந்தை ஜமீன் தம்பி ராமையா.

திருமணம் முடிந்த அரை மணி நேரத்தில் தான் தம்பி ராமையாவுக்கு 10 கோடிக்கு மேல் கடன் இருப்பதை அறிகிறார்..

அதன் பிறகு என்ன செய்தார் சந்தானம்..

அதிலும் 10 கோடி கடனை ஹீரோ எப்படி அடைக்கப் போகிறார் என்று விமர்சகர்கள் சொல்வதைப் போல சொல்லி அதையும் கலாய்த்து இருக்கிறார் சந்தானம்..??!!

கேரக்டர்ஸ்…

SANTHANAM – VETRIVEL
PRIYALAYA – THENMOZHI
THAMBI RAMAIYA – VIJAYAKUMAR (JAMEEN)
BALA SARAVANAN – BALA (CHINNA JAMEEN)
VIVEK PRASANNA – AMALRAJ
MUNISHKANTH – BODY BALRAM
SWAMINATHAN – SWAMI
MAARAN – ROLEX
SESU –

இந்தக் கதை நிச்சயம் வெற்றி யாகும் என்ற நம்பிக்கையில் தன் கேரக்டர் பெயருக்கு கூட வெற்றி என வைத்து விட்டார் சந்தானம் & டைரக்டர்.. மாயோனை என்ற பாடலில் ரொமான்ஸிலும் அசத்தியிருக்கிறார்.

தனக்கு சாதகமான கூட்டணி அமைத்து எல்லாருக்கும் சம பங்கை கொடுத்து ஒட்டுமொத்த கூட்டணியை வெற்றியாக்கிவிட்டார் சந்தானம்.

நாயகி பிரியா லையா சிறந்த நடிப்பை கொடுத்திருக்கிறார்.. சந்தானத்திடம் உண்மையை சொல்ல வரும் காட்சிகளிலும் உண்மையை உடைக்கும் காட்சிகளிலும் நல்லதொரு நடிப்பை கொடுத்திருக்கிறார்.

அதுபோல விவேக் பிரசன்னாவை கொன்ற பின்னர் இவர் செய்யும் அலப்பறை ரசிக்க வைக்கிறது.

ஒரு பாட்டியிடம் நீ ஜூனியர் ஆர்டிஸ்ட் நினைச்சேன்.. கேரக்டர் ஆர்டிஸ்டா என்ற கலாய்க்கும் போது சிரிக்காமல் இருக்க முடியாது..

நிஜ வாழ்க்கையில் தம்பி ராமையா மற்றும் அர்ஜுன் சம்பந்தி இருவரையும் கலாய்த்து இருக்கிறார் சந்தானம்..

சத்யராஜ் & கவுண்டமணியின் மாமா மாப்பிள்ளை காமெடி கூட்டணி போல சந்தானம் &:தம்பி ராமையா கூட்டணி செம ஒர்க் காமெடி கெமிஸ்ட்ரி.

மச்சான் ஆக வரும் பால சரவணன் தன் பங்குக்கு செம ஆக்ட்டிங்.. வெளுத்து கட்டி இருக்கிறார்..

முனிஷ்காந்த் – கூல் சுரேஷ் கூட்டணி காமெடி ரசிக்க வைக்கிறது.. வண்டி ஹாரன் அடிக்கும் காட்சி சிரிப்புக்கு கேரண்டி..

சந்தானம் வண்டியை முனிஷ்காந்து சேசிங் செய்யும் போது பாலசரவணனிடம் போன் போட்டு ரூட்டை கேட்பது வேற லெவல் காமெடி..

மனோபாலா மறக்க முடியாதவர்.. சந்தானத்தை ஜமீன் குடும்பத்தாரிடம் மாட்டிவிட்டு அவர் செல்லும் போது கூட்டத்தில் இருந்து திரும்புக்காட்சி விக்ரம் ஸ்டைல்..

கால் கேர்ள்ஸ் ஆக வரும் இரண்டு பெண்களும் கவர்ச்சியிலும் கவர்ந்து விடுகின்றனர்…

இதில் விவேக் பிரசன்னாவுக்கு இரட்டை வேடம்.. இந்த முகர கட்டைக்கு டபுள் கேரக்டர் கொடுத்து இப்படி வச்சு செஞ்சுட்டாங்களே என்று அவரையும் கலாய்க்கிறார் சந்தானம்..

டெக்னீசியன்ஸ் …

DIRECTOR – ANAND NARAYAN
CAMERAMAN – OM NARAYAN
MUSIC DIRECTOR – D. IMMAN
EDITOR – M. THIYAGARAJAN
WRITER – EZHICHUR ARAVINDAN
ART DIRECTOR – SAKTHEE VENKATRAJ.M
CHOREOGRAPHER – BABA BHASKAR, KALYAN
FIGHT MASTER – MIRACHLE MICHAEL
LYRIC WRITER – VIGNESH SHIVAN, MUTHAMIL
PRODUCER – G.N ANBUCHEZHIAN
PRODUCED BY – SUSHMITA ANBUCHEZHIAN

முதன்முறையாக சந்தானம் படத்திற்கு டி இமான் இசையமைத்திருக்கிறார்.. பாடல்கள் அனைத்தும் ஆட்டம் போட வைக்கிறது.. ‘மாலு மாலு…. குலுக்க குலுக்கு… மாயோணே.. ஆகிய பாடல்கள் சூப்பர்.

எழுத்தாளர் எழுச்சூர் அரவிந்தனின் வசனத்தை பாராட்டியாகவே வேண்டும்.. படத்தை 100% கலகலப்பாக கொண்டு சென்று நம்மை ஒவ்வொரு நிமிடமும் சிரிக்க வைத்து ரசிக்க வைக்கிறார்.

விஷால் & சிம்பு ஆகிய சிங்கிள்ஸ் நடிகர்கள்.. நயன்தாராவின் (நெட்ப்ளீக்ஸ் டீல்) திருமணம் என அனைத்தையும் கலாய்த்து வசனங்கள் வைத்திருப்பது வேற லெவல்..

பஸ் ஸ்டாண்டில் நின்னா வர பஸ்ல நாம ஏறனும்.. பஸ் ஸ்டாண்டுக்கு போனா நமக்கு புடிச்ச பஸ் தேடி ஏறலாம் என்ற ஒரு வசனத்தை வைத்து சந்தானம் மேட்ரிமோனி அலுவலகத்தில் இணைய வைத்திருப்பது ரசிப்புக்குரிய வசனம்.

ஒளிப்பதிவாளரும் எடிட்டரும் தங்கள் பணிகளில் நேர்த்தி..

ஆனந்த் நாராயன் படத்தை இயக்கியிருக்கிறார்.. 90ஸ் ஹிட்ஸ் களின் கல்யாணம் ஆகாத காலகட்டம் கடன் வாங்கி அடக்க முடியாத சூழ்நிலை என எதார்த்த ஒரு கதையை எடுத்து அதை ரசிகர்களுடன் கனெக்ட் செய்யும் விதத்தில் சந்தானத்தை தேர்ந்தெடுத்து இருப்பது பாராட்டுக்குரியது..

சந்தானத்துடன் தம்பி ராமையா, கூல் சுரேஷ், முனீஸ்காந்த் சேசு மாறன் உள்ளிட்ட கலைஞர்களை சேர்த்திருப்பது காமெடி கூட்டணியை பலமாக்கி இருக்கிறது..

ஆக இங்க நான் தான் கிங்கு.. கலக்கல் கிங்கு

Inga Naanthan Kingu movie review

FIRST ON NET படிக்காத பக்கங்கள் பட விமர்சனம் 3.25/5.. பயனுள்ள பக்கங்கள்

FIRST ON NET படிக்காத பக்கங்கள் பட விமர்சனம் 3.25/5.. பயனுள்ள பக்கங்கள்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

FIRST ON NET படிக்காத பக்கங்கள் பட விமர்சனம் 3.25/5.. பயனுள்ள பக்கங்கள்

செல்வம் மாதப்பன் இயக்கத்தில் யாஷிகா ஆனந்த் கதையின் நாயகியாக கவர்ச்சியாக நடித்துள்ள படம் ‘படிக்காத பக்கங்கள்’.

இதில் பிரஜின், ஜார்ஜ் மரியன், ஆதங்க பாலாஜி, லொள்ளு சபா மனோகர் உள்ளிட்டோரும் நடித்துள்ளனர்.

பெரிய விபத்திற்குப் பிறகு கதையின் நாயகியாக யாஷிகா ஆனந்த் நடித்திருக்கும் படம் ‘படிக்காத பக்கங்கள்’ இதில் நடிகையாக ஸ்ரீஜா என்ற பெயர் நடித்திருக்கிறார்.

ஸ்டோரி…

சேலத்தில் ஏற்காடுக்கு ஷூட்டிங் வருகிறார் நடிகை யாஷிகா ஆனந்த்.. அப்போது ஒரு ஹோட்டலில் தங்கியிருக்கிறார். அவரைப் பேட்டி எடுக்க லோக்கல் சேனல் ரிப்போர்ட்டர் என்ற பெயரில் அப்பாயிண்ட்மெண்ட் வாங்கிவிட்டு அந்த ஹோட்டலுக்கு வருகிறார் ரிப்போர்ட்டர் (சைக்கோ வில்லன்) முத்துக்குமார்.

நடிகையைபேட்டி எடுத்துக் கொண்டிருக்கும்போத.. உங்களின் இந்த வளர்ச்சிக்கு முக்கிய காரணம் யாருடன் படுத்தீர்கள்? எவ்வளவு கோடி உங்களிடம் இருக்கிறது? என்றெல்லாம் கேள்வி கேட்கிறார்.

இதனால் கடுப்பான யாஷிகா அவரை செருப்பால் அடித்து கேமராவை உடைத்து விடுகிறார்.. இதனால் கடுப்பாகும் அந்த ரிப்போர்ட்டர் கேமரா ஸ்டாண்ட் எடுத்து அவரது தலையில் அடித்து யாஷிகாவை நாற்காலியில் கட்டிப்போட்டு துன்புறுத்துகிறார்.

உன்னுடன் நான் படுக்க வேண்டும்.. உன்னுடைய தீவிர ரசிகன் நான்” என்று மிரட்டுகிறார்.

என்னை கொன்று விடாதே.. நான் உன்னுடன் படுக்கிறேன் என சம்மதிக்கிறார் யாஷிகா. இருவரும் காம லீலையில் ஈடுபடும்போது திடீரென ரிப்போர்ட்டரை அடித்து உதைத்து நாற்காலியில் கட்டி போட்டு விடுகிறார் யாஷிகா.

நான் சாதாரண ஆள் இல்லை.. என்னிடம் பெரிய நெட்வொர்க் இருக்கிறது.. உன்னை போன்ற நடிகைகளை பெரிய விஐபிகளுக்கு விருந்தாக்கி பணம் பார்க்கும் கும்பல் நான்.. நான் செல்லவில்லை என்றால் உன்னை கொன்று விடுவார்கள் என மிரட்டுகிறார் அந்த ரிப்போர்ட்டர்.

நீ இங்கு வரவில்லை.. உன்ன வர வைக்க ஸ்கெட்ச் போட்டதே நான் தான் என்கிறார் யாஷிகா.. அப்படி என்றால் உண்மையில் யாஷிகா யார்? அவரது பின்னணி என்ன அந்த ரிப்போர்ட்டர் உண்மையில் யார்? என்பதுதான் படத்தின் மீதிக்கதை.

கேரக்டர்ஸ்…

இந்த படிக்காத பக்கங்களை பார்க்கத்தக்க வகையிலும் ரசிக்கத் தக்க வகையிலும் கவர்ச்சியாகவும் அழகாகவும் கொடுத்திருக்கிறார் நடிகை யாஷிகா ஆனந்த்.. அலட்டிக் கொள்ளாத நடிப்பில் அசத்தியிருக்கிறார்.. முக்கியமாக கவர்ச்சி தூக்கலாகவே இருக்கிறது.. கோடையிலும் சூடேற்றும் இவரது அழகு..

இரண்டு மணி நேர படத்தில் ஒன்றரை மணி நேரத்திற்கு பிறகு தான் வருகிறார் நாயகன் பிரஜின். இவரது கேரக்டர் படத்திற்கு திருப்புமுனை..

நாட்டில் ஒரு குற்றம் நடக்கும்போது அதன் பின்னணி என்ன? என்ற படிக்காத பக்கங்களை படிக்க வேண்டும் என்ற வசனங்களை சொல்லி ட்விஸ்ட் கொடுத்திருக்கிறார் பிரஜின்..

சைக்கோ வில்லன் முத்துக்குமார் மிரட்டி இருக்கிறார்.. இவரது தலைமுடி இவருக்கு செட்டாகவில்லை.. கொஞ்சம் கவனித்து இருக்கலாம்..

அதுபோல ஆதங்க பாலாஜி மற்றும் தன்ஷிகா உள்ளிட்டோரும் சிறப்பான நடிப்பை கொடுத்திருக்கின்றனர்.

டெக்னீசியன்ஸ்…

பாடல்களை கவிப்பேரரசு வைரமுத்து எழுதியிருக்கிறார். இசையமைப்பாளர் ஜெஸ்ஸி கிப்ட் இசையமைத்துள்ளார்… பின்னணி இசை கதைக்கு ஏற்றவாறு பயணிக்கிறது.. பாடலும் வரிகளும் ரசிக்கும் ரகமே..

இப்படத்திற்கு டாலி ஒளிப்பதிவு செய்ய, மூர்த்தி மற்றும் சரண் ஷண்முகம் எடிட்டிங் செய்துள்ளனர்.

பெரும்பாலும் சமீபத்திய படங்களில் நீளம் பெரும் குறையாக இருக்கிறது.. ஆனால் இந்த படிக்காத பக்கங்களை இரண்டு மணி நேரத்திற்குள் கொடுத்திருப்பது சிறப்பு.

இந்த படத்தை எஸ் மூவி பார்க் & பவுர்ணமி பிக்சர்ஸ் நிறுவனங்கள் இணைந்து தயாரித்துள்ளன..

நாளிதழ்களில் குற்ற செய்திகளை படிக்கும் போது பெரிய எழுத்துக்களில் முக்கியத்துவம் கொடுக்கப்பட்டிருக்கும்.. ஆனால் அதன் பின்னர் நடந்தது என்ன என்ற செய்திகளுக்கு பெரிய முக்கியத்துவம் இருக்காது.. அதுபோல அதன் பின்னணியில் இருக்கும் மர்மம் செய்திகளுக்கு முக்கியத்துவம் இருக்காது இவைதான் அந்த படிக்காத பக்கங்கள்..

இப்படித்தான் நாட்டில் எந்த ஒரு நிகழ்வுக்கு முக்கியமான நிகழ்வுக்கு படிக்காத பக்கங்கள் நிறைய இருக்கிறது.. நாம் அறிந்திட வேண்டிய பக்கங்கள் நிறைய இருக்கிறது.. அந்த படிக்காத பக்கங்களை நாம் அறிந்து கொள்ள வேண்டும் என்ற விழிப்புணர்வு ஏற்படுத்த இந்த படத்தை இயக்கியிருக்கிறார் செல்வம் மாதப்பன்.

ஆக இந்த படிக்காத பக்கங்கள்.. பயனுள்ள பக்கங்கள்..

Padikaadha Pakkangal movie review

More Articles
Follows