சோழர் பரம்பரையில் ஒரு கிண்டல் சாதா..; ஜகமே தந்திரம் விமர்சனம் 2.25/5

சோழர் பரம்பரையில் ஒரு கிண்டல் சாதா..; ஜகமே தந்திரம் விமர்சனம் 2.25/5

கதைக்களம்..

மதுரையில் பரோட்டா கடை நடத்தி வருகிறார் சுருளி (எ) தனுஷ்.

பணம் கொடுத்தால் கொலையும் செய்வார். ஒருமுறை ஒரு கொலை செய்துவிட்டு தலை மறைவாக இருக்க வேண்டிய சூழ்நிலை ஏற்படுகிறது.

அப்போது தனுஷின் நண்பர் ஒருவர் லண்டனில் அடியாள் வேலை இருக்கிறது. இங்கிலாந்து தாதா பீட்டர் (ஜேம்ஸ் காஸ்மோ) க்கு ஆள் தேவைப்படுகிறது என்கிறார்.

அந்த நாட்டில் மற்றொரு தாதா ஜோஜு ஜார்ஜ் என்ற ஒரு இலங்கை தமிழனை எதிர்க்க ஆளில்லை.

அவனை தீர்த்து கட்டினால் லட்சணக்கணக்கில் பணம் கிடைப்பதாக நண்பர் கூற தனுஷும் லண்டன் செல்கிறார்.

அதன் பின்னர் என்ன ஆனது? லண்டனில் தாதாவாக மாறினாரா..? கொலை பழியில் இருந்து தப்பினாரா தனுஷ்? என்பதே மீதிக்கதை.

கேரக்டர்கள்…

பெரும்பாலான படங்களில் வேலையில்லாமல் சுற்றும் தனுஷ் இதில் பிசியாகவே இருக்கிறார். டான் கெட்டப்புக்காக முறுக்கு மீசை எல்லாம் வைத்திருக்கிறார்.

தன் கேரக்டர் ஆரம்ப காட்சியிலே (மதுரையில்) கொலை செய்ய ஒரு ரயிலையே நிறுத்துகிறார் தனுஷ்.

ஓடும் ரயிலில் ஏறி கொலை செய்யும் ஹீரோவை பார்த்திருப்போம். டிரெய்ன் டிரைவரும் டிரெயினை நிறுத்தி கொலை செய்ய சொல்வதும் எல்லாம் ரொம்ப ஓவர்.

தனுஷ் லண்டன் புறப்படுவதற்கு முன்னரே “சோழர் பரம்பரையில் ஒரு லண்டன் தாதா” என்கிறார். (ஒன்னும் சொல்றதுக்கில்ல)

லண்டன் சென்ற சில தினங்களிலேயே எதிரணியின் (ஜோஜு ஜார்ஜ் + கலையரசன்) தொழில் ரகசியங்களை புட்டு புட்டு வைக்கிறார்.

இலங்கைத் தமிழ்ப் பெண்ணாக வரும் நாயகி ஐஸ்வர்யா லட்சுமியுடன் ரொமான்ஸ் செய்ய முயற்சித்துள்ளார்.

எதிரிகளை துப்பாக்கிகளை எடுத்துக் கொண்டு சரமாரி சுடுகிறார் இந்த சுருளி. அசுரன் நடிகர் திரைக்கதையில் இன்னும் கவனம் செலுத்தியிருக்கலாம்.

நாயகி ஐஸ்வர்யா லட்சுமி தான் இலங்கையில் இருந்தபோதும் அகதிகளாக திரிந்த போதும் பட்ட கஷ்டங்களை சொல்லும்போது தமிழர்களின் கண்களில் கண்ணீர் நிச்சயம்.

படத்தில் கிட்டத்தட்ட 2 வில்லன்கள். ஹாலிவுட் நடிகர் ஜேம்ஸ் காஸ்மோ & மலையாள நடிகர் ஜோஜு ஜார்ஜ்.

இருவரும் தங்கள் நடிப்பில் சிறப்பு. அதிலும் ஜோஜு ஜார்ஜ் கேரக்டர் மனதில் நிற்கும்.

இவர்களுடன் கலையசரன், சவுந்தரராஜா, ஷரத் ரவி, வடிவுக்கரசி, கஜராஜ் (இயக்குனரின் தந்தை) ஆகியோரும் உள்ளனர். இவர்களின் பங்களிப்பு நன்று.

தொழில்நுட்ப கலைஞர்கள்…

“என்னை மட்டும் லவ் யூ பண்ணு புஜ்ஜி” பாடல் படத்தில் மிஸ்ஸிங்.. ரசிகர்களுக்கு வருத்தம்.

ரகிட ரகிட.. பாடல் மட்டும் தாளம் போட வைக்கிறது. தியேட்டர் ரிலீஸ் என்றால் ரசிகர்கள் ஆடியிருப்பார்கள்.

சந்தோஷ் நாராயணன் பின்னணி இசை பெரிதாக இல்லை. இவர் இசையமைத்த கபாலி & காலா பட லெவலுக்கு பின்னணி இசையில்லை.

ஒளிப்பதிவாளர் தன் பணிகளில் சிறப்பு. குறையில்லை.

கார்த்திக் சுப்பராஜ் இதற்கு முன்பு இயக்கிய பேட்ட பட சாயல் அதிகளவில் உள்ளது.

க்ளைமாக்ஸ் காட்சியில் பேட்ட நினைவில் வருகிறது. லுங்கி + ஸ்வட்டர் உடையில் தனுஷ் வரும்போது ரஜினியே நினைவுக்கு வருகிறார்.

ஹாலிவுட் நடிகர் வில்லன் ஜேம்ஸ் காஸ்மோ, படம் முழுக்க கெட்ட வார்த்தைகள் பேசிக்கொண்டு இருக்கிறார். FCUK … இதை சொல்லாமல் அவர் ஒரு டயலாக் கூட பேசவில்லை.

படத்தின் ஆரம்ப காட்சியில் வரும் டிரெய்ன் போல படத்தின் நீளம் ஓடிக்கொண்டே இருக்கிறது. எடிட்டர் தூங்கிட்டாரா?

தனுஷ் & ஐஸ்வர்யா சந்தித்து முத்தமிடும் காட்சியில் மரம் வானத்தை காட்டி பொறுமையாக கேமராவை கொண்டு செல்வது ஏனோ..? இதுபோல பல காட்சிகள் நீளம்.

எவராக இருந்தாலும் பிறப்பிடம் மற்றும் வாழ்விடம் மாறலாம். எனவே அவர்கள் வாழும் இடம் தான் அவர்களுடைய சொந்த மண், தாய் நாடு என்ற கருத்தை வலியுறுத்த முயற்சித்துள்ளார் கார்த்திக் சுப்புராஜ்.

எவ்வளவு காசு கொடுத்து பார்த்தாலும் தேடினாலும் இயக்குனர் கா.சு. வை காணவில்லை..

*ஆக மொத்தம்… சோழர் பரம்பரையில் ஒரு கிண்டல் சாதா.. ஜகமே தந்திரம் 2.25/5*

Dhanushs Jagame Thandhiram review rating

உரிமை மீட்ட உத்தமன்..; கர்ணன் விமர்சனம் – 4/5

உரிமை மீட்ட உத்தமன்..; கர்ணன் விமர்சனம் – 4/5

நடிகர்கள் : தனுஷ், ரஜீஷா விஜயன், லால், அழகம் பெருமாள், லட்சுமிப்ரியா சந்திரமெளலி, யோகி பாபு, நடராஜன் சுப்பிரமணியம், கெளரி கிஷன்

ஒளிப்பதிவு : தேனி ஈஸ்வர்

இயக்கம் : மாரி செல்வராஜ்

தயாரிப்பு : கலைப்புலி எஸ் தாணு

இசை : சந்தோஷ் நாராயணன்

முன்னோட்டம்

1990கள் இறுதியில் தமிழக அரசுப் பேருந்துகளுக்கு தலைவர்களின் பெயர்கள் வைக்கப்பட்டன.

அப்போது தென் மாவட்டங்களில் சில தலைவர்கள் பெயரை வைக்க எதிர்ப்பு உருவானது. ஆங்காங்கே கலவரங்களும் நடந்தன.

இதனால் சில ஊர்களில் பேருந்து வசதிகள் இல்லை. இந்த பின்னணியை வைத்து பொடியன்குளம் கிராமத்தை நம் கண்ணுக்கு விருந்தாக கொடுத்துள்ளனர்

கதைக்களம்..

கர்ணன் (தனுஷ்) கைது செய்து அடித்து துவைத்து ரத்த காயங்களுடன் அழைத்து செல்கின்றனர் போலீசார்.

அத்துடன் ப்ளாஷ்பேக் ஸ்டார்ட்…

பொடியன்குளம் கிராமத்திற்கு பேருந்து வசதியும் பேருந்து நிறுத்தமும் இல்லை.

எனவே அவ்வழி செல்லும் லாரி & இதர வாகனங்களை மக்கள் பயன்படுத்த ஒரு கட்டத்தில் தகராறு வரவே பேருந்து தாக்கப்படுகிறது.

அந்தப் பிரச்சனையைக் கிராம மக்கள் கர்ணன் துணையுடன் எப்படி எதிர்கொண்டனர் என்பதே படத்தின் மீதிக்கதை.

கேரக்டர்கள்…

கீழ் சாதி மக்களின் காவலனாக தனுஷ் வாழ்ந்திருக்கிறார். கெஞ்சி கொண்டிருந்தால் உரிமை கிடைக்காது. தைரியமாக எதையும் எதிர் கொண்டு போராடினால் மட்டுமே வெற்றி என்பதை தன் உடல்மொழியால் உணர்த்திருக்கிறார் தனுஷ்.

உரிமைக்காக போராடிய போராடும் ஒவ்வொரு இளைஞர்களின் உணர்வுகளை கண்முன் பிரதிபலிக்கிறார். இந்த கர்ணன் பல விருதுக்கு தகுதியானவன் தான்.

கர்ணனின் காதலி திரௌபதையாக மலையாள நடிகை ரஜிஷா விஜயன். தன் கேரக்டரில் சிறப்பு.

காவல்துறை அதிகாரியாக நட்ராஜ் (நட்டி), கர்ணனின் அக்காவாக லக்ஷ்மிப்ரியா சந்திரமௌலி, அரசியல்வாதியாக அழகம்பெருமாள் ஆகியோரும் கச்சிதம்.

இவர்களுடன் தாத்தா லால், யோகிபாபு, சண்முகராஜன், கௌரி கிஷன், ஜி.எம்.குமார், ‘பூ’ ராமு எனப் பலரும் சரியான பங்களிப்பை கொடுத்துள்ளனர்.

இவர்களுக்கு இணையாக ஸ்கோர் செய்திருக்கிறார்கள் அந்த கிராமத்து மனிதர்கள். அந்த ஊர் மக்களையே சிறப்பாக நடிக்க வைத்திருப்பதால் கதையோடு நம்மால் இணைந்து விடமுடிகிறது.

‘கோழிக் குஞ்சு’ பாட்டி, குதிரை சிறுவன், தனுஷுடன் நிற்கும் இளைஞர்கள், பஸ் மேல் கல் எறியும் அந்த பையன் என எல்லா கேரக்டர்களும் மனதை விட்டு நீங்காதவை.

தொழில்நுட்ப கலைஞர்கள்…

தேனி ஈஸ்வரின் ஒளிப்பதிவும் சந்தோஷ் நாராயணின் இசையும் படத்திற்கு மிகப்பெரிய பலம்.

‘கண்டா வரச்சொல்லுங்க’, ‘மஞ்சணத்திப் புராணம்’, ‘தட்டான் தட்டான்’ ஆகிய பாடல்களின் ஒளிப்பதிவில் இத்தனை அழகா? என வியக்கும் வண்ணம் உள்ளது.

இயக்கம் பற்றிய அலசல்…

தலையில்லா புத்தர் & ஓவியம், கழுதை – யானை – குதிரை என பல குறியீடுகளை அடிக்கடி காட்டுகிறார். அது போதும் போதும் என்றளவில் உள்ளது.

இறுதியில் வரும் கலவர காட்சியும் நீளமாக உள்ளது. படத்தின் பெரிய குறை நீளம்.

அந்த கிராமத்து மனிதர்களின் வாழ்க்கையை நீளமாகப் பதிவு செய்திருப்பதும் பெரும் குறை.

ஆனால் இரண்டாம் பாதியில் அதனை சரி செய்துவிட்டார்.

தனுஷின் நடிப்பு படத்தின் ஒரு பாதி பலம் என்றால் இயக்குனர் ஒளிப்பதிவாளர் இசையமைப்பாளர் படத்தின் மீதி பலம்.

வசனங்கள் நச்…

‘எப்படியாவது பொழச்சுக்கணும்னு நாம நினைக்கறதாலதான், அவன் ஏறி மிதிக்கிறான்”,

“அவன் பஸ்ச அடிச்சதுக்காக அடிக்கல, நிமிந்து பாத்ததுக்காக அடிச்சான்” ஆகிய வசனங்களில் மாரி செல்வராஜ் மாஸ் காட்டியிருக்கிறார் இயக்குநர்.

‘பரியேறும் பெருமாள்’ படத்தை போல சமூக பிரச்சனைகளை மையப்படுத்தி நல்ல திரைக்காவியத்தை கொடுத்துள்ளார் மாரி செல்வராஜ்.

ஆக… உரிமை மீட்ட உத்தமன் இந்த ‘கர்ணன்’

Karnan movie review and rating in tamil

வேகம் குறைவு.. பயணம் சிறப்பு..; கால் டாக்ஸி விமர்சனம்

வேகம் குறைவு.. பயணம் சிறப்பு..; கால் டாக்ஸி விமர்சனம்

நடிகர்கள் – சந்தோஷ் சரவணன், அஸ்வினி சந்திரசேகர், மொட்ட ராஜேந்திரன், கணேஷ்கர், ஆர்த்தி, மதன்பாப்

இசை – பாணர்

ஒளிப்பதிவு – எம்.ஏ.ராஜதுரை

இயக்குனர் – பா.பாண்டியன்

தயாரிப்பு – கே.டி. கம்பைன்ஸ் சார்பில் ஆர். கபிலா.

கதைக்களம்…

சிட்டியில் பல இடங்களில் கால் டாக்ஸி டிரைவர்கள் கொடூரமாக கொல்லப்படுகின்றனர். மேலும் அந்த கார்களும் திருடு போகிறது.

இதனால் சிட்டியே பரப்பரப்பாக இருக்கிறது.

ஹீரோ சந்தோஷ் சரவணனும் கால் டாக்ஸி டிரைவர் தான்.

ஒரு நாள் இவர் டூட்டி சவாரிக்கு தனது நண்பரான மற்றொரு டிரைவரை அனுப்பி வைக்கிறார்.

அந்தக் காரில் பயணிக்கும் கயவர்கள், டிரைவரைக் கொன்றுவிட்டு காரையும் கடத்திச் சென்று விடுகிறார்கள்.

கொலையாளிகளை கண்டு பிடிக்க டிரைவர்கள் சங்கத்தினர் காவல் துறையிடம் முறையிட்டும் ஒரு நடவடிக்கையும் இல்லை.

எனவே நாயகன் தானே களத்தில் இறங்கி கொலையாளியை கண்டுபிடிக்க முயல்கிறார்.

கொலையாளிகள் சிக்கினார்களா? அவர்கள் யார்.? கொலைக்கான காரணம் என்ன? என்பதே படத்தின் மீதிக்கதை.

கேரக்டர்கள்…

ஆக்சன் பரபரப்பு என நாயகன் சந்தோஷ் அசத்தல். காதல் காட்சிகளில் மெச்சூரிட்டி வேண்டும். கால் டாக்ஸி டிரைவர்களின் பரிதாப நிலையை எடுத்து சொல்லும்போது நம்மை கவர்கிறார்.

கதாநாயகி அஸ்வினி சந்திரசேகர் கொள்ளை அழகு. அவரது கண்களும் உதடுமே நிறைய பேசுகின்றன.

இவர் வக்கீலாக வருகிறார். இவரையும் விசாரணைக்கு பயன்படுத்தி இருந்தால் இன்னும் நிறைய காட்சிகள் இருந்திருக்கும்.

கடவுள் ராஜேந்திரன், கணேஷ்கர் இருவரும் இந்த டாக்ஸியை கலகலப்பாக்கி ஓட்டிவிட்டுள்ளனர்.

ஈ.ராமதாஸ், பசங்க சிவகுமார், சந்திரமவுலி, திலீபன் ஆகியோரும் தங்கள் கேரக்டர்களில் கச்சிதம்.

தொழில்நுட்ப கலைஞர்கள்…

படத்துக்கு பாடல் எழுதி இசையமைத்திருப்பவர் பாணர். பாடல்கள் ஓகே.

எம்.ஏ. ராஜதுரையின் ஒளிப்பதிவும், டேவிட் அஜய் செய்திருக்கும் படத்தொகுப்பும் படத்திற்கு பலம்.

உண்மை சம்பவங்களை அடிப்படையாக கொண்டு இப்படத்தை இயக்கியிருக்கிறார் பா.பாண்டியன்.

படத்தின் முன் பாதியைவிட பின் பாதி செம விறுவிறுப்பு.

டாக்ஸி டிரைவர்களுக்கும் அதில் பயணிப்பவர்களுக்கும் விழிப்புணர்வு தரும் பாடமாக கால் டாக்ஸி வந்துள்ளது.

ஆக… கால் டாக்ஸி… வேகம் குறைவு.. பயணம் சிறப்பு

Call Taxi movie review in Tamil

அதர்மத்தை சுளுக்கு எடுப்பான்..; சுல்தான் விமர்சனம்

அதர்மத்தை சுளுக்கு எடுப்பான்..; சுல்தான் விமர்சனம்

ரெமோ படத்திற்கு பிறகு அதாவது 5 ஆண்டுகளுக்கு பிறகு பாக்யராஜ் கண்ணன் இயக்கத்தில் கார்த்தி நடித்துள்ள படம் தான் ‘சுல்தான்’.

நடிகர்கள் : கார்த்தி, ராஷ்மிகா, நெப்போலியன், லால் யோகிபாபு, KGF கருடன் புகழ் ராமச்சந்திர ராஜு மற்றும் பலர்.
ஒளிப்பதிவு : சத்யன்
இசை : விவேக் – மெர்லின்
பிண்ணனி இசை : BGM கிங் யுவன்
இயக்கம் : பாக்யராஜ் கண்ணன்
தயாரிப்பு : ட்ரீம் வாரியர்ஸ்

கதைக்களம்…

கார்த்திக்கும் விவசாயத்துக்கும் அப்படியொரு கனெக்சனுக்கு எப்போதுமே உண்டு.. அதை மையப்படுத்தி கொஞ்சம் ரவுடியிசம் கலந்து கொடுத்துள்ளார் பாக்யராஜ் கண்ணன்.

கார்த்தி (சுல்தான்) அப்பா நெப்போலியன். இவர் ஒரு மாபெரும் ரௌடி கூட்டத்தின் தலைவர்.

அம்மாவை இழந்தவர் கார்த்தி. மும்பையில் ரோபோட்டிக்ஸ் என்ஜினியராக இருக்கிறார்.

ஒரு கட்டத்தில் போலீஸ் நடத்திய என்கவுன்டரில் நெப்போலியன் மரணிக்கிறார்.

ஒரு கிராமத்தினருக்கு அப்பா கொடுத்த வாக்கை காப்பாற்றவும் அந்த 100 ரவுடிகளின் கேங்கை காப்பாற்றவும் வருகிறார் கார்த்தி.

ஆனால் அடியாட்கள் போல பயன்படுத்தாமல் அவர்களை நல்வழிப்படுத்த நினைக்கிறார் கார்த்தி.

ஆனாலும் அவருக்கு கார்ப்பரேட் கம்பெனிகள் மூலம் விவசாய பிரச்சினை வருகிறது.

மோசமான ரவுடியிடம் (கே.ஜி.எஃப். படம் புகழ் ராம்) இருந்து தங்கள் நிலத்தை காக்குமாறு விவசாயிகள் சுல்தானிடம் கேட்கின்றனர்.

அதன் பின் கார்த்தி என்ன செய்தார்.? என்ன நடந்தது என்பதே மீதிக்கதை கதை.

கேரக்டர்கள்…

கமர்ஷியல் படங்களில் உள்ள மாஸ் ஹீரோக்கள் செய்யும் அனைத்தையும் செய்திருக்கிறார் கார்த்தி.. ஆக்சன் காட்சிகளில் அசத்தல்.

ருக்மணி (ராஷ்மிகா) இடையேயான காதல் காட்சிகள் சிறப்பு. ரஷ்மிகா காட்சிகள் ரசிகர்களை கவர்ந்தாலும் நிறைய காட்சிகள் இல்லை. ராஷ்மிகா ரசிகர்களுக்கு ஏமாற்றம்தான்.

யோகி பாபு, சென்ராயன் காமெடி ஆங்காங்கே நம்மை சிரிக்க வைக்கிறது.

நெப்போலியன் & லால், அபிராமி காட்சிகள் கச்சிதம். பொன்வண்ணன், ரமா, சிங்கம்புலி, மயில்சாமி, மாரிமுத்து ஆகியோரும் உண்டு.

தொழில்நுட்ப கலைஞர்கள்…

விவேக் மெர்வின் இசையில் பாடல்கள் ஓகே ரகம். யுவன்ஷங்கர் ராஜாவின் பின்னணி இசை படத்தின் பெரிய பலம். சுல்தானுக்கு சரியான பில்டப் கொடுத்து வெறியேத்துகிறார்.

ஒளிப்பதிவில் குறைவில்லை. எடிட்டர் தான் நம்மை சோதிக்கிறார்.

ரவுடியிசம், விவசாயம், ரொமான்ஸ் என அனைத்தும் கலந்து ஒரு பக்கா மசாலா படத்தை கொடுத்திருக்கிறார் டைரக்டர் பாக்யராஜ்.

முதல் பாதியும் இடைவேளையும் ரசிகர்களை வெகுவாக கவரும்.

இரண்டாம் பாதி படம் மிகவும் நீளம். அதை குறைத்திருக்கலாம்.

விவசாயம் என்ற வாழ்வாதாரத்தை இன்றைய இளைஞர்களும் புரியும்படி தந்துள்ளார்.

ஆக…. விவசாயத்தை அழிக்க வரும் கார்ப்பரேட்டுகளை நிச்சயம் சுளுக்கு எடுப்பான் சுல்தான்.

Karthi in Sulthan Movie review in Tamil

காடு இல்லேன்னா நாடு இல்ல..; காடன் விமர்சனம்

காடு இல்லேன்னா நாடு இல்ல..; காடன் விமர்சனம்

நடிகர்கள் – ராணா டகுபதி, விஷ்ணு விஷால், ஜோயா ஹுசைன்
இயக்கம் – பிரபு சாலமன்
இசை – ஷாந்தனு மொய்த்ரா
தயாரிப்பு – ஈராஸ் மோஷன் பிக்சர்ஸ்

கதைக்கரு…

அசாமின் மாநிலத்தில் நடந்த உண்மைச் சம்பவமே ‘காடன்’.

அங்கு பாரஸ்ட் மேன் ஆப் இந்தியா என்றழைக்கப்பட்ட ஜாதவ் பாயன்ங் என்பவர் சுமார் 1200 ஏக்கர் பரப்பளவிற்கு மரங்களை நட்டு பெரிய காட்டை உருவாக்கினார். அவரது வாழ்க்கையை மையமாக வைத்து இப்படம் உருவாக்கப்பட்டுள்ளது.

கதைக்களம்…

கோவை அருகே உள்ள காட்டுப் பகுதியில் லட்சம் மரங்களை நட்டு, அங்குள்ள யானைகள் உள்ளிட்ட மிருகங்களுக்கும் காவலனாக இருக்கிறார் காடன் (வீரபாரதி) ராணா டகுபதி.

அந்த இடத்தில் ஒரு ரிஷார்ட் டவுன்ஷிப்பை உருவாக்க முயற்சிக்கிறார் மத்திய அமைச்சர்.

எனவே அதை எதிர்த்து தடை வாங்குகிறார் காடன்.

இதனால் கோபம் அடையும் அமைச்சர் அவர் மீது வீண் பழி சுமத்தி சிறையில் அடைக்கிறார்.

அவர்கள் சிறையிலிருந்து வருவதற்குள் யானைகள் செல்லும் வழியை தடுத்து 60 கிலோ மீட்டருக்கு காம்பவுண்டு சுவரைக் கட்டி விடுகிறார்கள்.

ஜெயிலிருந்து காட்டுக்கு திரும்பும் காடன் மீண்டும் போராடுகிறார்.

அதன்பின் என்ன நடந்தது? என்பதுதான் படத்தின் மீதிக் கதை.

கேரக்டர்கள்…

காடன் கேரக்டரை உணர்ந்து
உடல் மொழியிலும் வெளிப்படுத்தியிருக்கிறார் ராணா.

தன்னுடைய வித்தியாசமான நடிப்பில் மிரள வைக்கிறார்.

கும்கி யானை பாகனாக விஷ்ணு விஷால். இவரின் கேரக்டர் கொஞ்ச நேரமே என்றாலும் அவருக்கும் நமக்கும் மறக்க முடியாத கேரக்டர்.

விஷ்ணு விஷால் இரண்டாம் பாதியிலும் வந்திருந்தால் நன்றாக இருந்திருக்கும்.

விஷ்ணு விஷால் மற்றும் ராணா டகுபதியை தவிர மற்ற நடிகர்கள் அனைவரும் வேறு மாநிலத்தை சேர்ந்தவர்கள்.

ஜோயா ஹுசைன் & ஸ்ரியா பில்காவ்ன்கர் என படத்தில் இரண்டு நாயகிகள் உள்ளனர். ஆனால் பெரிதாக கவரவில்லை.

தொழில்நுட்ப கலைஞர்கள்…

வனப்பகுதியின் அழகை அப்படியே தாரை வார்த்திருக்கிறார் ஒளிப்பதிவாளர் ஏ.ஆர்.அசோக்குமார்.

யானைகள் மற்றும் காடுகளின் அழகுகளை மிக நேர்த்தியாகவும் ஒளிப்பதிவு செய்துள்ளார்.

ரசூல் பூக்குட்டியின் சவுண்ட் ஒலிக்கலவையும் சிறப்பு.

கோவையில் நடக்கும் கதை போல காண்பிக்கப்படுகிறது. ஆனால்

கோவை மாவட்டம் என்கின்றனர். இருந்தாலும் படத்தில் வரும் சில காட்சிகள் வட இந்தியாவில் காட்சிகளை படமாக்கியது தெரிகிறது. போலீஸ் அதிகாரிகள் உடை கூட அப்படித்தான்.

காட்டின் நலன் குறித்த கதையை அழகாக சொல்லியிருக்கிறார் பிரபு சாலமன். கிளைமாக்ஸில் காட்டை அழித்தல் நமக்கேது வாழ்வு என அறிவுரை வழங்கியிருக்கிறார் இயக்குனர்.

ஆக… காடு இல்லேன்னா நாடு இல்ல..

எங்களின் செய்திகளை உடனுக்குடன் Telegram ஆப்பில் பெற https://t.me/s/filmistreet

Kaadan movie review and rating in Tamil

அன்பே இனிது…; அன்பிற்கினியாள் விமர்சனம் 3.25/5

அன்பே இனிது…; அன்பிற்கினியாள் விமர்சனம் 3.25/5

கதைக்களம்…

கோகுல் இயக்கத்தில் அருண் பாண்டியன், பிரவீன், கீர்த்தி பாண்டியன் உள்ளிட்டோர் நடித்துள்ளனர்.

‘ஹெலன்’ என்ற மலையாள படத்தை மகளுக்காக தமிழில் மறுஉருவாக்கம் செய்திருக்கிறார் அருண் பாண்டியன்.

*எல்ஐசி ஏஜன்ட் அருண் பாண்டியன். இவரின் மகள் கீர்த்தி பாண்டியன்.

வெளிநாட்டுக்கு சென்று நிறைய சம்பாதித்து அப்பாவின் கடனை அடைக்க நினைக்கிறார்.

கனடா வாய்ப்பு வரும் வரை (நர்சிங் படித்திருந்தாலும்) ஒரு மாலில் உள்ள ரெஸ்டாரென்டில் வேலை செய்கிறார்.

கனடாவுக்குச் செல்ல IELTS தேர்வும் எழுதி அதில் தேர்ச்சியும் பெறுகிறார்.

ஒருநாள் கீர்த்தி பிரவீன் என்பவரை காதலிக்கும் விஷயம் அருண் பாண்டியனுக்கு தெரிய வருகிறது.

இதனால், கீர்த்தியுடன் பேசாமல் இருக்கிறார் அருண் பாண்டியன்.

ஒரு கட்டத்தில் அவரது ரெஸ்டாரென்டில் உள்ள சிக்கன்களை வைக்கும் ப்ரீசர் ரூமுக்கு செல்ல மற்றொரு ஊழியர் இவர் உள்ளே இருப்பது தெரியாமல் ப்ரீசரை மூடி செல்கிறார்.

மகளைக் காணாமல் அப்பா மற்றும் கீர்த்தியின் காதலன் ஆகியோர் காவல் நிலையம் செல்கின்றனர்.

இறுதியில் கீர்த்தி கிடைத்தாரா? போலீஸ் என்ன செய்தனர்.? காதலை ஏற்றுக் கொண்டாரா அருண்பாண்டியன்? கனடாவிற்கு சென்று அப்பாவின் கடனை அடைத்தாரா? என்பதே படத்தின் மீதிக்கதை.

கலைஞர்கள்…

கிட்டத்தட்ட 18 வருடங்களுக்கு பிறகு சினிமாவில் தன் மகளுக்காக ரீ-என்ட்ரீ கொடுத்துள்ளார் அருண் பாண்டியன்.

இதுவரை ஆக்சன் பாத்திரங்களில் மட்டுமே இவரை பார்த்துள்ளோம்.

இதில் மகள் மீது அன்பை பொழியும் அப்பாவாக அருணாக வாழ்ந்துள்ளார்.

அவரது குரலில் அதே கம்பீரம் இப்போது உள்ளது. இவர் போலீஸ் ஸ்டேசனில் கெஞ்சினாலும் மிரட்டலாகவே உள்ளது.

கீர்த்தி பாண்டியன் இதற்கு முன் ‘தும்பா’ என்ற படத்தில் நடித்திருந்தார்.

அப்பாவிற்கு மிகையான நடிப்பை கொடுத்துள்ளார் கீர்த்தி பாண்டியன்.

குடும்ப கடனை அடைக்க முயலும் பொறுப்பான மகளாகவும், அப்பாவின் சிகரெட் பழக்கத்தை கண்டிக்கும் யதார்த்த பெண்ணாகவும் நம்மை கவர்கிறார்.

உறைய வைக்கும் குளிர் ப்ரீசர் காட்சியில் ரசிகர்களின் அனுதாபத்தை அள்ளிவிடுவார்.

கீர்த்தியின் காதலன் பிரவீன் புதுமுகம் என்றாலும் தேவையான நடிப்பை கொடுத்துள்ளார்.

உண்மையாக நேசித்த காதலியே முக்கியம் என்று வேலையை விட்டு விட்டு வரும் பிரவீன் நிச்சயம் காதலிக்கும் இளம் பெண்களை கவருவார்.

இயக்குநர் கோகுலும் இப்படத்தில் ஒரு முக்கிய கதாபாத்திரத்தில் நடித்திருக்கிறார்.

ஜெயராஜ் கோலிக்கோடு, அடிநாட் சசி, பூபதி ராஜா ஆகியோரும் தங்கள் பத்திரங்களை கச்சிதமாக செய்திருக்கிறார்கள்.

திமிர் பிடித்த சப் இன்ஸ்பெக்டர் ரவீந்திர விஜய் என்பவர் ரசிகர்களின் கவனம் ஈர்க்கிறார்.

தொழில்நுட்ப கலைஞர்கள்…

ப்ரீசர் அறைக்குள்தான் பாதி படம் என்பதால் அதை போரடிக்காமல் சரியாக செய்துள்ளனர்.

மகேஷ் முத்துசாமியின் ஒளிப்பதிவு காட்சிகளுடன் உறைய வைக்கிறது.

ஜாவித் ரியாஸின் இசை படத்திற்கு தேவையான அளவுக்கு விறுவிறுப்பு சேர்த்துள்ளது.

ரீமேக் என்றாலும் திரைக்கதை தமிழக ரசிகர்கள் ரசிக்கும் படி இயக்கியிருக்கிறார் இயக்குநர் கோகுல்.

இரண்டாம் பாதியில் சில காட்சிகள் நம்மை இருக்கை நுனியில் அமரவைக்கும்.

ஆக… அன்பிற்கினியாள்… அன்பே இனிது

Anbirkiniyal movie review and rating in Tamil

More Articles
Follows