சிம்புக்கு 1.. சிவகார்த்திகேயனுக்கு 2.. நயன்தாராவுக்கு 2.. அதுல்யாவுக்கு 1.. ஆனால் விஜய்சேதுபதிக்கு மட்டும் 5..

ப்ளஸ் 2 பொதுத் தேர்வுகள் ரத்து..; அரசு அறிவிப்பால் மாணவர்கள் மகிழ்ச்சி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

மாணவர்களின் நலன் கருதி சிபிஎஸ்இ CBSE பிளஸ் 2 தேர்வு ரத்து செய்யப்படுவதாக நேற்று பாரத பிரதமர் மோடி அறிவித்தார்.

எனவே தமிழகத்திலும் +2 தேர்வுகள் ரத்து செய்யப்படுமா? என மாணவர்கள் எதிர்ப்பார்த்தனர்.

கல்வியாளர்களுடன் தமிழக அரசு ஆலோசனையில் உள்ளதால் இதுபற்றிய அறிவிப்பு எதுவும் வெளியாகவில்லை

இந்த நிலையில், குஜராத் மாநிலத்தில் பிளஸ் 2 தேர்வுகள் ரத்து செய்யப்படுவதாக அந்த மாநில கல்வித்துறை அமைச்சர் புபேந்திர சின் சுதாசமா அறிவித்துள்ளார்.

இவர்களை தொடர்ந்து மத்திய பிரதேச மாநிலத்திலும் பிளஸ் 2 தேர்வு ரத்து செய்யப்படுவதாக அம்மாநில முதல்வர் சிவராஜ் சிங் சவுகான் அறிவித்துள்ளார்.

இந்த அறிவிப்பால் அந்த மாநில மாணவ மாணவிகள் மகிழ்ச்சியில் உள்ளனர்.

தமிழக மாணவர்களே காத்திருங்கள்…

Gujarat government cancels 12th exams

நடிகரும் கல்வியாளருமான ஐசரி கணேஷ் முதல்வரின் நிவாரண நிதிக்கு ஒரு கோடியே ஒரு லட்சம் ரூபாய் உதவி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

தமிழகத்தில் கொரோனா வைரஸ் பாதிப்பு அதிகளவில் உள்ளது.

கொரோனா பரவலை தடுக்க போடப்பட்டுள்ள ஊரடங்கால் தொற்று பாதிப்பு குறைந்துள்ளது எனலாம்.

இதனிடையில் கொரோனா தடுப்பு பணிகளுக்காக மக்கள் நிவாரண நிதி அளிக்குமாறு முதல்வர் ஸ்டாலின் கேட்டுக் கொண்டார்.

அதன்படி சாமானியன் முதல் பிரபலங்கள் வரை பலரும் நிதி அளித்து வருகின்றனர். இதுவரை நிதி வசூல் 200 கோடி ரூபாயை தாண்டியுள்ளதாக கூறப்படுகிறது.

இந்த நிலையில் நடிகரும் தயாரிப்பாளரும் வேல்ஸ் கல்வி நிறுவனங்களின் தலைவருமான டாக்டர் ஐசரி கணேஷ் தமிழக முதல்வர் முக ஸ்டாலின் அவர்களை நேரில் சந்தித்து கொரோனா நிவாரணப் பணிகளுக்காக முதல்வரின் பொது நிவாரண நிதிக்கு ஒரு கோடியே ஒரு லட்சம் ரூபாய்க்கான காசோலையை வழங்கியுள்ளார்.

அப்போது அவருடன் அவருடைய மனைவி ஆர்த்தி மற்றும் மகள் ப்ரீத்தா ஆகியோர் உடனிருந்தனர்.

Producer Ishari Ganesh donates Rs 1 crore to corona relief fund

இசைக்கு இளைஞர்.. என் மனதுக்குக் கிளைஞர்..; இளையராஜாவுக்கு கமல் சித்ரா வாழ்த்து

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

இசையமைப்பாளர் இசைஞானி இளையராஜா இன்று தனது பிறந்தநாளை கொண்டாடி வருகிறார்.

2.6.1943 இல் பிறந்தவர். இவரது இயற்பெயர் டேனியல் ராசைய்யா (எ) ஞானதேசிகன். தேனி மாவட்டம் பண்ணப்புரத்தில் பிறந்தவர் இவர்.

1960களில் பல மேடை நாடகங்களுக்கு இசையமைத்து இருக்கிறார்.

தனது தம்பிகளுடன் இணைந்து பாவலர் பிரதர்ஸ் என இசை குழுவை ஏற்படுத்தி ஆயிரக்கணக்கான இசை கச்சேரிகளையும் நடத்தியுள்ளனர்.

இவரது 33 ஆவது வயதில் “அன்னக்கிளி” திரைப்படத்திற்கு இசையமைக்க ஒரு வாய்ப்பு கிடைத்தது.

பின்னர் இயக்குநர் பஞ்சுஅருணாச்சலம் இவரை இளையராஜா என்ற பெயருடன் அறிமுகப்படுத்தினார்.

மறைந்த முன்னாள் முதல்வர் மு.கருணாநிதி இவருக்கு “இசைஞானி“ என்ற பட்டத்தை வழங்கினார்.

இந்திய அரசின் தேசிய விருதினை 1985-சாகர சங்கமம் (தெலுங்கு), 1987- சிந்து பைரவி (தமிழ்), 1989- ருத்ர வீணை (தெலுங்கு), 2009- பழஸிராஜா (மலையாளம்), 2016- தாரை தப்பட்டை (தமிழ்) போன்ற படங்களுக்காக 5 முறை பெற்றுள்ளார்.

இசைஞானிக்கு அவரது ரசிகர்கள், இந்திய திரையுலகினர் பலரும் பிறந்தநாள் வாழ்த்து தெரிவித்து வருகின்றனர்.

பின்னணி பாடகி சித்ரா வாழ்த்து தெரிவித்துள்ளார்.

இளையராஜா இசையில் சித்ரா பாடிய பாடலை பாடி வாழ்த்து தெரிவித்துள்ளார். ( “கிழக்கு வாசல்” படத்திலிருந்து வந்ததே ஓ..குங்குமம்.. என்ற பாடலைப் பாடி வீடியோவாக ட்விட்டரில் வெளியிட்டுள்ளார்.)

நடிகர் கமல்ஹாசன் பிறந்தநாள் வாழ்த்து தெரிவித்துள்ளார்.

அவரின் ட்விட்டர் பதிவில்..

இசைக்கு இளைஞர் இளையராஜா.என் மனதுக்குக் கிளைஞர். உணர்வுகளில் உறவாய் இருப்பவர். சம்பவங்களை ஸ்வரங்களாய் மொழிபெயர்ப்பவர். பல கோடி மனங்களை கண்டக்ட் செய்யும் மேஸ்ட்ரோவிற்கு என் மனமார்ந்த பிறந்தநாள் வாழ்த்துக்கள்.

Kamal birthday wishes to Ilayaraja

JUST IN புதுவையில் 3 நியமன MLAக்கள் விவகாரம்..; மத்திய அரசு வாதம்..; ஐகோர்ட் அதிரடி தீர்ப்பு

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

புதுவை சட்டமன்ற தேர்தலில் 30 தொகுதிகளில் 10 தொகுதிகளை கைப்பற்றியது என்ஆர் காங்கிரஸ்.

இந்த கூட்டணியில் இருந்த பாரதிய ஜனதா 6 இடங்களில் வென்றது.

எனவே 10+6 எம்எல்ஏக்கள் 6 ஆதரவுடன் ஆட்சி அமைத்தது.

என்ஆர் காங்கிரஸ் தலைவர் ரங்கசாமி, முதல்வராக பொறுப்பேற்றுக் கொண்டார்.

அடுத்த நாள் மே 8ல் கொரோனாவால் பாதிக்கப்பட்ட ரங்கசாமி சிகிச்சைக்காக , சென்னை மருத்துவமனையில் அனுமதிக்கப்பட்டார்.

இந்த சூழ்நிலையில், புதுச்சேரி சட்டமன்றத்திற்கு கே.வெங்கடேசன், வி.பி.ராமலிங்கம், ஆர்.பி.அசோக் பாபு ஆகிய மூவரை எம்.எல்.ஏ.க்களாக நியமித்து மத்திய அரசு உத்தரவு பிறப்பித்தது.

இந்த உத்தரவுக்கு தடை விதிக்க கோரியும் இந்த உத்தரவை அரசியல் சாசனத்துக்கு விரோதமானது என அறிவிக்கக்கோரி புதுச்சேரி கரிக்கலம்பாக்கம் பஞ்சாயத்து முன்னாள் தலைவர் ஜெகநாதன் என்பவர் உயர் நீதிமன்றத்தில் பொதுநல வழக்கு தொடர்ந்தார்.

பொருளாதார வல்லுநர்கள், அறிவியலாளர்கள், சீர்திருத்தவாதிகளை நியமன எம்எல்ஏக்களாக நியமிக்க வேண்டும் என்றும், ஒரு குறிப்பிட்ட கட்சியை சேர்ந்தவர்களை நியமித்துள்ளது தவறானது என்றும் தன் மனுவில் தெரிவித்து இருந்தார்.

இந்த வழக்கு விசாரணையின் போது அனைத்து தரப்பு வாதங்களையும் கேட்டனர்.

அதன்படி இந்த வழக்கில் இன்று தீர்ப்பு வழங்கினர்..

இந்நிலையில், அப்போது, புதுச்சேரி சட்டமன்றத்திற்கு நியமன எம்எல்ஏக்களை மத்திய அரசு நியமித்தது செல்லும் என்று நீதிபதிகள் தீர்ப்பளித்தனர்.

அரசுப் பணியில் இருப்பவர்களை நியமன உறுப்பினர்களாக நியமிக்க மட்டுமே தடை என மத்திய அரசு வாதம் செய்தது குறிப்பிடத்தக்கது.

Madras high court judgement on Pondicherry nominated MLAs

பாலியல் தொல்லை எல்லா துறையிலும் இருக்கு… எனக்கும் நடந்தது.; வேதனையில் நடிகை சோனா

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கவர்ச்சி, காமெடி, குணசித்திரம் என கலந்து கட்டிய நடிப்பில் தமிழ் சினிமாவில் தனக்கென ஒரு இடத்தை தக்க வைத்திருப்பவர் நடிகை சோனா.

துணிவான பேச்சு, எதிலும் முன்னணியில் நிற்கும் தைரியம், சொந்த பிஸினஸ் என திகழ்பவர். காமெடி கதாப்பாத்திரங்களில் இருந்து மாறுபட்டு படங்களில் துணிவான பாத்திரங்களில் கலக்கி வருபவர் தற்போது Colours Tv க்காக “அபி டெய்லர்ஸ்” சீரியலில் முன்னணி பாத்திரத்தில் களமிறங்கியுள்ளார்.

இது குறித்து நடிகை சோனா கூறியதாவது…

சினிமா தான் எனக்கு அடையாளம் தந்தது. சினிமா தான் என் வாழ்க்கை. தொலைக்காட்சியில் இருந்து பல வருடங்களாகவே வாய்ப்புகள் வந்து கொண்டு தான் இருந்தது.

ஆனால் அதில் மனதிற்கு பிடித்த மாதிரியான பாத்திரம் அமையாததால், எதையும் ஒத்துக்கொள்ளவில்லை. ஆனால் “அபி டெய்லர்ஸ்” வாய்ப்பை மறுக்க முடியவில்லை.

இதில் நாயகன், நாயகி மற்றும் என்னுடைய பாத்திரத்தை வைத்து தான் மொத்த கதையும் நகர்கிறது. மிகவும் வித்தியாசமான பாத்திரம். மாறுபட்ட பாத்திரங்களில் நடிக்க வேண்டும் என்பது தான் என் ஆசை.

தமிழில் ஆரம்பத்தில் கவர்ச்சி கதாப்பத்திரங்களில் நடித்ததால் இப்போது வரையிலும் கவரர்ச்சி கதாப்பத்திரங்கள் தான் அதிகம் வருகிறது.

மலையாளத்தில் அப்படி இல்லை அங்கு வில்லி, குணசித்திரம், நகைச்சுவை என மாறுப்பட்ட பாத்திரங்கள் செய்து விட்டேன். அதே போல் தமிழிலும் செய்ய வேண்டுமென்பது தான் என் விருப்பம். இப்போது தான் கொஞ்சம் மாறுப்பட்ட கதாப்பாத்திரங்கள் வர துவங்கியுள்ளது.

“அபி டெய்லர்ஸ்” சீரியலை “வாலிப ராஜா” படத்தை இயக்கிய சாய் கோகுல் ராம்நாத் இயக்குகிறார்.

படத்தில் வேலை பார்த்த குழு தான் இந்த சீரியலிலும் வேலை செய்கிறார்கள். இது ஒரு சீரியல் போல இருக்காது படம் போல தான் இருக்கும்.

இந்த கதாப்பாத்திரம் செய்ய அதுவும் ஒரு முக்கிய காரணம். நிஜத்தில் நான் ரொம்பவும் எளிமையாக ஜாலியாக இருக்கும் ஆள், ஆனால் எனது கதாப்பத்திரம் மிகவும் அழுத்தமிக்க தைரியமான பிஸினஸ்
வுமன் பாத்திரம் என்னுடைய இயல்புக்கு நேரெதிரானது. என்னால் எல்லா வகை பாத்திரமும் செய்ய முடியும் என்பது இதன் மூலம் நிரூபணமாகும் என நம்புகிறேன்.

சீரியலுக்கு போய் விட்டேன் என்பார்கள் ஆனால் இதுவும் ஒரு நடிப்பிற்கான வாய்ப்பு தான். சினிமா தான் என் வாழ்க்கை இப்போதும் நிறைய சினிமா வாய்ப்புகள் வந்து கொண்டு தான் இருக்கிறது.

தமிழில் மூன்று படங்களிலும், மலையாளத்தில் மூன்று படங்களிலும் நடித்து கொண்டிருக்கிறேன். தொடர்ந்து சினிமாவில் இருப்பேன் அதில் எந்த மாற்றமுமில்லை.

மாறுபட்ட கதாப்பத்திரங்களுக்காக காத்திருக்கிறேன் என்றார்.

தற்போது மீண்டும் தலை தூக்கியிருக்கும் Metoo, பாலியல் குற்ற வழக்குகள் குறித்து கருத்து கேட்ட போது…

பாலியல் குற்றங்கள் எல்லா துறையிலும் இருக்கிறது. எல்லா இடங்களிலும் நடந்து கொண்டு தான் இருக்கிறது. இப்போது பாருங்கள் பள்ளியில் இருந்தும் இது போல் குற்றசாட்டுகள் வந்திருக்கிறது.

பாலியல் குற்றங்கள் எங்கு நடந்தாலும் அதற்கான முறையான விசாரணையும், தண்டனையும் அவசியம். திரைத்துறையை பொறுத்த வரை, தனித்து குற்றம் சொல்ல முடியாது சில வருடங்களுக்கு முன் எனக்கும் அது போல் நடந்தது.

அப்போதே அதை வெளிப்படையாக சொல்லி போராடினேன். நமக்கான உரிமைக்கு நாம் தான் போராட வேண்டும். அதற்காக அதை கடந்து செல்லாமல் மீண்டும் மீண்டும் சொல்லிக் கொண்டிருப்பது நல்லதல்ல.

உங்களுக்கு நடந்தால் அதை வெளிப்படுத்துங்கள் உங்கள் உரிமைக்கு குரல் கொடுங்கள் மக்களுக்கு தெரியும்.

எதுவும் நடக்கவில்லையெனில் அதை கடந்து செல்லுங்கள் வாழ்க்கை பெரியது. எனக்கு நடந்ததை கடந்து வந்து விட்டேன் அது தான் நல்லது என்றார்.

நேற்று எனது பிறந்த நாள். பிறந்த நாளுக்கு வாழ்த்து சொன்ன அனைவருக்கும் நன்றி.

Actress Sona on me too issue