தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
சென்னை திரைப்பட கல்லூரியில் படித்து தங்க பதக்கம் வென்ற மாணவர் ஷமன் மித்ரு.
இவர் தமிழ், தெலுங்கு , கன்னட படங்களுக்கு ஒளிப்பதிவு செய்து வந்துள்ளார்.
பல படங்களில் ஒளிப்பதிவாளராக பணியாற்றி வந்தாலும் தன்னை முழுமையாக அடையாளப்படுத்தி கொள்ள ‘தொரட்டி’ படத்தை தயாரித்து கதாநாயகனாக நடித்து வெற்றி பெற்றவர்.
2019ஆம் ஆண்டு வெளியான படம் தான் ‘தொரட்டி’.
மாரிமுத்து இயக்கிய இப்படத்தில் ஷமன் மித்ரு, சத்யகலா உள்ளிட்டோர் நடிக்க. வேத் சங்கர் இசையமைத்து இருந்தார்.
இந்த நிலையில் ஷமன்மித்ரு இன்று காலை 6 மணிக்கு இயற்கை எய்தினார்.
கொரோனா தொற்று காரணமாக கடந்த ஒரு மாத காலமாக மருத்துவமனையில் தீவிர சிகிச்சை பெற்று வந்தவர் இன்று குரோம்பேட்டை நிலா மருத்துவமனையில் சிகிச்சை பலன் இன்றி காலமானார். இவருக்கு தற்போது வயது 42.
தனது அடுத்த படத்திற்கான வேலைகளை துவங்கிய நேரத்தில் மரணமடைந்தது அவரது உறவினர்களையும் நண்பர்களையும் சோகத்தில் ஆழ்த்தியுள்ளது.
ஷமன் மித்ருவின் மறைவுக்கு திரையுலகினர் பலரும் இரங்கல் தெரிவித்து வருகின்றனர்.
அவருக்கு சகுந்தலா என்ற மனைவியும் , மோக்ஷா என்று 5 வயதில் பெண் குழந்தையும் உள்ளனர். இவர்களின சொந்த ஊர் காரைக்குடி, சிங்கம்புணரி.
சென்னை முகவரி.
Santha’s, No 15, Sri Ram Nagar, 3rd Cross street, Peerkankaranai, New Perungalathur, Chennai – 600063.
Thorati Hero Producer Shaman Mithru passed away due to Covid.