By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
எஸ்.பி.ஜனநாதன் இயக்கத்தில் விஜய் சேதுபதி, ஸ்ருதி ஹாசன், கலையரசன், சாய் தன்ஷிகா உள்ளிட்டோர் நடித்துள்ள படம் ‘லாபம்’.
இயற்கை, ஈ, பேராண்மை ஆகிய படங்களை இயக்கியவர் எஸ்பி. ஜனநாதன். இவர் அண்மையில் காலமானார். எனவே மற்ற படக்குழுவினர் இணைந்து படத்தின் மீத பணிகளையும் போஸ்ட் புரொடக்சன் பணிகளை முடித்தனர்.
லாபம் படத்திற்கு இமான் இசையமைத்து வருகிறார்.
ஆறுமுகக்குமார் மற்றும் விஜய் சேதுபதி இருவரும் இணைந்து இந்தப் படத்தைத் தயாரித்துள்ளனர்.
தற்போது தியேட்டர்களும் திறப்பதற்கு அனுமதியளிக்கப்பட்டுள்ளதால் முடங்கியிருந்த படங்கள் அனைத்தும் ரிலீஸ் தேதியை அறிவித்து வருகின்ற நிலையில் செப்டம்பர் மாதம் 9ம் தேதி விநாயகர் சதுர்த்தியை (செப்டம்பர் 10) முன்னிட்டு லாபம் படம் திரையரங்குகளில் வெளியாகவுள்ளது.
இதற்கு அடுத்த நாள் செப்டம்பர் 10ம் தேதியில் ‘துக்ளக் தர்பார்’ படம் நேரடியாக சன் டிவியில் ரிலீசாகி ஒளிப்பரப்பாகவுள்ளது.
நானும் ரவுடி தான் படத்திற்கு பிறகு விஜய் சேதுபதியுடன் பார்த்திபன் இணைந்து நடித்துள்ள படம் ‘துக்ளக் தர்பார்’.
இந்த படத்தை டெல்லி பிரசாத் தீனதயாளன் என்பவர் இயக்கி இருக்கிறார்.
விஜய் சேதுபதி ஜோடியாக ராஷி கண்ணா, மஞ்சிமா மோகன் நடித்துள்ளனர்,
மனோஜ் பரமஹம்சா ஒளிப்பதிவு செய்துள்ளார். இசையமைப்பாளர் கோவிந்த் வசந்தா இசையமைத்துள்ளார்.
இந்த படத்தில் “அரசியல் கேடி, திராவிட கோனே, காமி காமி, அண்ணாத்த சேதி” என மொத்தம் 4 பாடல்கள் இடம் பெற்றுள்ளன.
இந்த பாடல்களை பாடலாசிரியர்கள் கார்த்திக் நேத்தா, கார்க்கி எழுதியுள்ளனர்.
இந்த துக்ளக் தர்பார் படத்தின் சேட்லைட் உரிமையை சன் டிவி கைப்பற்றியுள்ள நிலையில் செப்டம்பர் 10ம் தேதி ‘துக்ளக் தர்பார்’ படம் நேரடியாக சன் டிவியில் ரிலீசாகி ஒளிப்பரப்பாகவுள்ளது.
செப்டம்பர் 17 ஆம் தேதி விஜய் சேதுபதியின் மற்றொரு திரைப்படமான ‘அனபெல் சேதுபதி’ திரைப்படம் டிஸ்னி + ஹாட் ஸ்டார் ஓடிடியில் வெளியாகிறது.
விஜய் சேதுபதி, டாப்சி நடிப்பில் உருவாகி வரும் படம் ’அனபெல் சுப்ரமணியம்’. (படத்தின் பழைய தலைப்பு இது)
இப்படத்தை தீபக் சுந்தரராஜன் இயக்கியுள்ளார். இவர் பிரபல இயக்குனர் சுந்தரராஜனின் மகன் என்பது குறிப்பிடத்தக்கது.
தேசிய விருது பெற்ற ‘காக்கா முட்டை’ பட இயக்குனர் மணிகண்டன் இயக்கியிருக்கும் படம் ‘கடைசி விவசாயி’.
இதில் விஜய் சேதுபதி, யோகி பாபு நடித்துள்ளனர். விவசாயிகளின் பிரச்சனையை ஆத்மார்த்தமாக காட்சிப்படுத்தியிருக்கும் படம் இது.
இதனை சோனிலிவ் ஓடிடி தளத்தில் வெளியிட பேச்சுவார்த்தை நடத்தி வந்த நிலையில் இப்போது திரையரங்குகள் திறக்கப்பட்டதால் ‘கடைசி விவசாயி’ படமும் செப்டம்பர் இறுதியில் தியேட்டர்களில் வெளியாகும் என கூறப்படுகின்றது.
ஆக அடுத்த செப்டம்பர் மாதம் மட்டும் விஜய்சேதுபதி நடித்த 4 படங்கள் ரிலீசாகவிருப்பது கோலிவுட்டையே வியக்க வைத்துள்ளது எனலாம்.
Makkal Selvan Vijay Sethupathi’s 4 films to release in this month
