By தமிழ் சினிமா அப்டேட்ஸ் களை உடனுக்குடன் தெரிந்து கொள்ள 
Filmi Street App - ஐ டவுன்லோட் செய்யுங்கள்
“ஒரு நாள்’, “இருவர்’, “சொந்த பந்தம்’ உள்ளிட்ட பல குறும்படங்களை இயக்கியவர் ஜெ.எம். ராஜா. இவரின் குறும்படங்கள் இவருக்கு பல விருதுகளை பெற்று தந்துள்ளது.
இவர் திரைக்கதை மன்னன் பாக்யராஜிடம் உதவி இயக்குனராகவும் பணிபுரிந்துள்ளார்.
இந்த கொரோனா லாக்டவுனுக்கு பிறகு பிரபல நடிகரை வைத்து காமெடி படத்தை இயக்கவுள்ளாராம் ஜெ.எம். ராஜா.
இந்த நிலையில் தன் குருநாதர் பாக்யராஜ் பாணியில் பர்ஸ்ட் நைட்டை மையப்படுத்தி ஒரு குறும்படத்தை இயக்கியுள்ளார் ராஜா.
‘அல்வா’ என்று பெயரிடப்பட்டுள்ள இந்த குறும்படம் விரைவில் வெளியாகவுள்ளது.
இதில் கதையின் நாயகனாக பிரபல ஆர்ட் டைரக்டர் கிரண் நடித்துள்ளார். இவர் ஓரிரு படங்களில் வில்லனாகவும் நடித்துள்ளார்.
கதையின் நாயகியாக வெண்பா நடித்துள்ளார். குழந்தை நட்சத்திரமாக பல படங்களில் நடித்து தற்போது பள்ளி பருவத்திலே.. காதல் கசக்குதய்யா.. மாயநதி உள்ளிட்ட பல படங்களில் நாயகியாக நடித்துள்ளார்.
கிரண் மற்றும் வெண்பா ஜோடியுடன் டெல்லி கணேஷ் மற்றும் அவரது மகன் பாலா முக்கிய வேடங்களில் நடித்துள்ளனர்.
தினேஷ் தங்கராஜ் ஒளிப்பதிவு செய்ய, ரோகித் சோகன் பாபு இசையமைத்துள்ளார். பூதக்கண்ணாடி புரொடக்சன் நிறுவனம் தயாரித்துள்ளது.
35 வயதாகியும் திருமணம் ஆகாத கிரண் 22 வயதான வெண்பாவை திருமணம் செய்கிறாராம். அதன்பின்னர் அவர்களின் முதலிரவில் ஏற்படும் பிரச்சினைகளே படத்தின் கதையாம்.
அண்மையில் இதன் பர்ஸ்ட் லுக் வெளியானது. அதில் கிரண் சாமியார் வேடத்தில் இருக்க அவர் கையில் முருங்கைகாய் கட்டு உள்ளது.
அவரின் அருகே நித்தியானந்தா சிஷ்யைகள் போல அழகிய இளம் பெண்கள் அமர்ந்துள்ளனர். பர்ஸ்ட் லுக்கை பார்த்தாலே படத்தில் நிறைய சமாச்சாரங்கள் இருக்கும் என்பது தெரிகிறது.
ஆக.. இந்த ‘அல்வா’ திகட்டாத சுவை தரும் என நம்பலாம்.
Kiran and Venba join together for making Alwa
