தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
நடிகை கீர்த்தி சுரேஷின் குடும்பம் ஒரு நட்சத்திர குடும்பம்.
இவரது பாட்டி ‘தாதா 87’ படத்தில் சாருஹாசனுக்கு ஜோடியாக நடித்திருந்தார்.
கீர்த்தியின் அம்மா மேனகா 1980களில் வெளியான நெற்றிக்கண் படத்தில் ரஜினிக்கு ஜோடியாக நடித்திருந்தார்.
கீர்த்தியின் அப்பா சுரேஷ் மலையாள சினிமாவில் ஒரு பிரபல தயாரிப்பாளர்.
இந்த நிலையில் சுரேஷின் தயாரிப்பு நிறுவனமான கலாமந்திர் நிறுவனம் தயாரிக்கும் புதிய படத்தில் கீர்த்தி சுரேஷ் நடிக்கவுள்ளார்.
இந்த படத்திற்கு ‘வாஷி’ என டைட்டில் வைத்துள்ளனர். மலையாளத்தில் வாஷி என்றால் பிடிவாதம் என்ற பொருளும் உண்டு.
இந்த படத்தை கீர்த்தியின் அக்கா ரேவதி தயாரிக்கிறார்.
இது அவர்களின் தயாரிப்பில் உருவாகும் 34வது படைப்பாகும். இதற்கு முன்பே இவர்கள் தயாரிப்பில் உருவான படங்களில் குழந்தை நட்சத்திரமாக 3 படங்களில் நடித்திருக்கிறாராம் கீர்த்தி.
தற்போதுதான் முதன்முறையாக இவர்கள் குடும்ப தயாரிப்பில் ஹீரோயினாக நடிக்கிறார். இந்த படத்தில் நாயகனாக டோவினோ தாமஸ் நடிக்கிறார். இவர் மாரி 2 படத்தில் தனுஷ்க்கு வில்லனாக நடித்திருந்தார்.
பிரபல சினிமா போட்டோகிராபர் கோபாலகிருஷ்ணனின் மகன் விஷ்ணு என்பவர் இந்த படத்தை இயக்க வருகிற 17ம் தேதி ‘வாஷி’ சூட்டிங் தொடங்கவுள்ளது.
Keerthy Suresh and Tovino thomas joins for Vashi