தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
மலையாள சினிமாவில் இருந்து வந்து தமிழ் சினிமாவை கலக்கிய நடிகைகள் வரிசையில் ஒருவர் அமலாபால்.
இவர் கடந்த ஆகஸ்ட் மாதம் மெர்சிடஸ் எஸ் என்ற விலை உயர்ந்த சொகுசுக் காரை புதுச்சேரியில் வாங்கியியுள்ளார்.
ரூ. 1 கோடியே 15 லட்சம் மதிப்புள்ள இந்தக் காரை வாங்குவதற்கு புதுச்சேரியில் உள்ள திலாஸ்பேட்டை, தெரேசா நகரில் வசிப்பதாக தன் முகவரியையும் தந்துள்ளார் அமலாபால்.
காரணம் இதே காரை அவரின் சொந்த மாநிலமான கேரளாவில் வாங்கினால் சுமார் 20 லட்சம் வரை அரசுக்கு வரி செலுத்த வேண்டும்.
ஆனால், புதுச்சேரி யுனியன் பிரதேசம் மாநிலம் என்பதால் இங்கு பொருட்களுக்கான வரி குறையும்.
புதுச்சேரியில் இந்த காருக்கான வரித்தொகையான 1 லட்சத்து 15 ஆயிரம் மட்டும் செலுத்தியிருக்கிறார்.
இதன்மூலம் கேரள அரசுக்கு வர வேண்டிய வரியை ஏய்ப்பு செய்ததாக நடிகை அமலாபால்மீது கேரள போலீஸ் வழக்குப் பதிவு செய்துள்ளனர்.
இந்த விவகாரம் தற்போது புதுச்சேரி அரசியலில் பரபரப்பை கிளப்பியுள்ளது.
நடிகை அமலாபால் மீது வழக்குப் பதிவு செய்து விசாரணை செய்ய வேண்டும் என்று புதுச்சேரி துணைநிலை ஆளுநர் கிரண்பேடி அதிரடியாக உத்தரவிட்டுள்ளார்.
இதுகுறித்து இன்று புதுவை முதல்வர் நாராயணசாமி கூறுகையில் நடிகை கார் வாங்கியத்தில் எந்த விதி மீறலும் நடைபெறவில்லை என தெரிவித்துள்ளார்.
மேலும் இதுகுறித்து பேசிய புதுச்சேரி போக்குவரத்துத் துறை அமைச்சர் ஷாஜஹான் கூறுகையில்… ‘நடிகை அமலாபால் வீட்டு முகவரி கொடுத்து, பிரமாணப் பத்திரத்தையும், புதுச்சேரி முகவரியில் எல்.ஐ.சி. பாலிசி பத்திரத்தையும் தாக்கல் செய்துள்ளார்.
எந்த மாநிலத்திலும் எந்த விதமான வாகனங்களைத் தற்காலிகமாகப் பதிவு செய்துகொண்டு, ஓராண்டுக்குள் தங்களது சொந்த மாநிலத்தில் நிரந்தரமாகப் பதிவு செய்து கொள்ளலாம்.
மேலும் அவர் அந்த காரை வாங்கி பதிவு செய்து 4 மாதங்கள் மட்டுமே ஆகிறது‘ என விளக்கமளித்துள்ளார்.