தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
Sri Siddeshwara Enterprises & Invenio Origin இணைந்து வழங்கும், R .சந்துரு தயாரித்து, இயக்க, கன்னட திரையுலகின் முன்னணி நட்சத்திரங்கள் உபேந்திரா, கிச்சா சுதீப், ஸ்ரேயா சரண் இணைந்து நடிக்கும் பான் இந்தியப் பிரமாண்ட திரைப்படம் “கப்ஜா”.
உலகம் முழுவதும் மார்ச் 17 வெளியாகும் இப்படத்தின் முன் வெளியீட்டு நிகழ்வு சென்னையில் நடைபெற்றது. படக்குழுவினர் பத்திரிக்கை ஊடக நண்பர்களை சந்தித்து உரையாடினர்.
“கப்ஜா” படத்தை தமிழகமெங்கும் பிரபல தயாரிப்பு நிறுவனமான லைகா புரொடக்ஷன்ஸ் பிரம்மாண்டமாக வெளியிடுகிறது
நடிகை ஸ்ரேயா சரண் கூறியதாவது….
” சென்னை எப்பொழுதும் எனக்கு ஸ்பெஷலாக தான் இருக்கும். இந்த கப்ஜா என்ற எனது மனதிற்கு நெருக்கமான ஒரு படத்துடன் நான் இப்போது மீண்டும் வந்திருக்கிறேன்.
இந்த படத்திற்கு என்னைத் தேர்ந்தெடுத்த இயக்குநர் சந்துரு அவர்களுக்கு நன்றி. உபேந்திரா சார் போன்ற ஒரு அற்புதமான நடிகருடன் திரையைப் பகிர்ந்து கொண்டது மகிழ்ச்சி. மார்ச் 17 அன்று படம் வெளியாக இருக்கிறது. உங்களுடைய ஆதரவு இந்த படத்திற்குத் தேவை. படம் பார்த்துவிட்டு உங்கள் கருத்தைக் கூறுங்கள். நன்றி ”
நடிகர் உபேந்திரா கூறியதாவது..,
“இந்த படத்தை வெளியிடப் போகும் லைகா புரொடக்ஷன்ஸ், GKM தமிழ் குமரன் மற்றும் சுபாஸ்கரன் அவர்களுக்கு நன்றி.
இந்த படத்தின் டிரெய்லர் பார்க்கும் போதே, இது தொழில்நுட்ப கலைஞர்களின் படம் என்று உங்களுக்குத் தெரிந்து இருக்கும். இயக்குநர் சந்துருவின் நான்கு வருடக் கனவு இது. அவருடைய பெருங்கனவு இந்த படத்தின் டிரெய்லரில் தெரிகிறது.
இந்த படத்தில் கிச்சா சுதீப், சிவராஜ்குமார் சிறப்புத் தோற்றத்தில் நடித்து இருக்கின்றனர். உங்களுடைய ஆதரவு இந்த படத்திற்குத் தேவை. கூடிய சீக்கிரம் இங்கு நேரடியாக ஒரு தமிழ்த் திரைப்படம் பண்ண ஆவலாக இருக்கிறேன். படம் பார்த்துவிட்டு உங்கள் கருத்தைக் கூறுங்கள். ” என்றார்.
இதன்பின்னர் பத்திரிகையாளர்கள் கேள்விக்கு ஸ்ரேயா மற்றும் உபேந்திரா இருவரும் பதில் அளித்தனர்.. அப்போது ரஜினி மற்றும் உபேந்திரா பற்றி கேள்வியை ஸ்ரேயாவிடம் கேட்டனர்.
அப்போது ரஜினி சூப்பர் ஸ்டார்.. உபேந்திரா ரியல் ஸ்டார் என்றார். அப்படி என்றால் இவர் மட்டும் தான் ரியல் ஸ்டார் என்ற சலசலப்பு ஏற்பட்டது.
இதனை புரிந்து கொண்ட உபேந்திரா.. “சூப்பர் ஸ்டார் என்றால் அது ரஜினி மட்டும்தான்” என அந்த சலசலப்புக்கு முற்றுப்புள்ளி வைத்தார்.
நடிகர்கள்
உபேந்திரா, கிச்சா சுதீப், ஸ்ரேயா சரண்
தொழில் நுட்ப குழு
தயாரிப்பு நிறுவனம் – Sri Siddeshwara Enterprises & Invenio Origin
தயாரிப்பு – R.சந்துரு
இணை தயாரிப்பு – அலங்கார் பாண்டியன்
இயக்கம் – R.சந்துரு
ஒளிப்பதிவு – A. J. ஷெட்டி
எடிட்டிங் – தீபு S. குமார்
இசை – ரவி பஸ்ருர்
மக்கள் தொடர்பு – சதீஷ் (AIM)
Who is the superstar? Upendra alerted by Shreya’s reply.; ‘Kabzaa’ festival is interesting