தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
அடுத்தாண்டு 2021ல் தமிழக சட்டமன்ற தேர்தல் நடைபெறவுள்ளது.
இதனை முன்னிட்டு அதிமுக கட்சியில் முதல்வர் வேட்பாளாராக யார் முன்னிறுத்தப்படுவார்? என்பது தொடர்பாக சர்ச்சைகள் கடந்த சில மாதங்களாக நடைபெற்று வந்தது.
அக்கட்சி உறுப்பினர்கள் தீவிரமாக ஆலோசனை நடத்தி வந்தனர்.
ஓபிஎஸ் மற்றும் ஈபிஎஸ் என இரண்டு குழுக்களாக மோதல் நீடித்து வந்தது.
முதல்வர் பழனிசாமி, துணை முதல்வர் ஓ பன்னீர் செல்வம் தனது ஆதரவு நிர்வாகிகள், மூத்த அமைச்சர்களுடன் தனித்தனியே ஆலோசனை நடத்தி வந்தனர்.
இதனால் தமிழக அரசியல் களம் சூடானது-
இந்த நிலையில், அதிமுக முதல்வர் வேட்பாளர் இன்று அறிவிக்கப்படும் என தெரிவித்து வந்தனர்.
அதன்படி காலை 9 மணியளவில் முதல்வரும் அதிமுக இணை ஒருங்கிணைப்பாளருமான எடப்பாடி பழனிசாமி கட்சியின் தலைமை அலுவலகத்திற்கு வந்தார்.
அமைச்சர்கள், அதிமுக நிர்வாகிகளும் அடுத்தடுத்து தலைமை அலுவலகம் வரத்தொடங்கினர்.
பின்னர் அதிமுக ஒருங்கிணைப்பாளர் ஓ பன்னீர் செல்வமும் கட்சி தலைமை அலுவலகம் வந்து சேர்ந்தார்.
இதன்பின்னர் இருவரும் இணைந்து கூட்டாக செய்தியாளர்களை சந்தித்தனர்.
அப்போது, அதிமுக சார்பில் வரும் 2021- ஆம் ஆண்டு சட்டமன்ற தேர்தலில் முதல்வர் வேட்பாளராக எடப்பாடி பழனிசாமி முன்னிறுத்தப்படுவார் என ஒருங்கிணைப்பாளர் ஓ பன்னீர் செல்வம் அறிவித்தார்.
மேலும் வழிகாட்டுதல் குழுவில் 11 பேர் இடம் பெற்றுள்ளனர். வழிகாட்டுதல் குழுவை எடப்பாடி பழனிசாமி அறிவித்தார்.
வழிகாட்டுதல் குழுவில் இடம் பெற்றவர்களின் பெயர்கள்..
• திண்டுக்கல் சீனிவாசன்
• தங்கமணி
• எஸ்.பி வேலுமணி
• ஜெயக்குமார்
• சிவிசண்முகம்
• காமராஜ்
• ஜேசிடி பிரபாகர் – முன்னாள் எம்.எல்.ஏ
• மனோஜ் பாண்டியன்
• பா மோகன் – முன்னாள் அமைச்சர்
• ரா. கோபால கிருஷ்ணன் முன்னாள் எம்.பி
• கி மாணிக்கம் – சோழவந்தான் தொகுதி எம்.எல்.ஏ
AIADMK chief minister candidate Edappadi Palanisamy says O Panner Selvam