ஆணழகன் போட்டியில் வென்ற ஒன்பது திருடர்கள் பட இயக்குனர்

ஆணழகன் போட்டியில் வென்ற ஒன்பது திருடர்கள் பட இயக்குனர்

vijay paramasivamஇயக்குநர் ஒருவர் ஆணழகன் போட்டியில் கலந்து கொண்டு பரிசு பெற்று இருக்கிறார். அவர் பெயர் விஜய் பரமசிவம்.

இவரது அப்பா ஓர் ஒளிப்பதிவாளர் மட்டுமல்ல ‘கொலுசு ‘ என்ற படத்தை தயாரித்த தயாரிப்பாளரும் கூட.

இரண்டு முதுகலைப் பட்டம் பெற்ற விஜய் பரமசிவம். யாரிடமும் உதவியாளராகப் பணியாற்றவில்லை.

20 குறும்படங்களை இயக்கியிருக்கிறார். இவரது ‘ரூம் நம்பர் 76’ திரைப்பட விழாவில் சிறந்த குறும்படமாகத் தேர்வானதுடன் சிறந்த இயக்குநர் விருதையும் பெற்றுத் தந்தது.

பாலிமர் டிவிக்காக பல நிகழ்ச்சிகளையும் இயக்கியுள்ளார்.

ஒய்.ஜி.மகேந்திரன், நிழல்கள் ரவி நடிப்பில் ‘ஒன்பது திருடர்கள்’ என்கிற
ஒரு திரைப்படத்தையும் இயக்கியுள்ளார்.

இவரது இலக்கு திரைப்பட இயக்கம் தான் என்றாலும் அதற்கான தேடல் ஒரு பக்கம் இருந்தாலும் திறமை காட்டும் வகையில் வரும் பிற வாய்ப்புகளையும் பயன்படுத்தத் தவறவில்லை .

அவ்வகையில் இவர் பல நாடுகளுக்காக சுற்றுலா வளர்ச்சிக்காகப் படமெடுத்துள்ளார். இவர் சிங்கப்பூர், மலேஷியா, சீனா, இந்தோனேஷியா , தாய்லாந்து, ஹாங்காங்க், வியட்னாம், பிலிப்பைன்ஸ் , கம்போடியா என பல நாடுகளுக்கு இயக்கியுள்ளார்.

அதில் உலகளவில் பெரிய தொழில்நுட்பக் கலைஞர்கள் பணியாற்றியுள்ளனர்.

இப்படி உலகம் சுற்றி வந்த விஜய் பரமசிவம் உள்நாடு வந்திருக்கிறார். எதில் ஈடுபட்டாலும் அதன் அடியாழம் வரை சென்று ஈடுபாடு காட்டுவது இவரது இயல்பு.

ஆவணப்படங்கள் , விளம்பரப் படங்கள் எடுத்துக் கொடுத்து பல நாடுகளிலிருந்து பாராட்டுகளைப் பெற்றவர் , அடுத்து ஒரு முழு நீளத் திரைப்படத்துக்கான தேடுதலைத் தொடங்கியிருக்கிறார் .

எப்போதும் மனதை உற்சாகமாக வைத்துள்ள இவர் உடற்கட்டிலும் கவனம் செலுத்துபவர். அதற்காக உடற்பயிற்சிக் கூடம் சென்றிருக்கிறார்.

இவரது ஆர்வத்தை அறிந்த கமல் என்பவர் நீங்கள் ஏன் மிஸ்டர் தென்னிந்தியா போட்டிக்குத் தயாராகக் கூடாது? என்று தூண்டியிருக்கிறார்.

ஊக்கமும் தந்திருக்கிறார். ஒரு கணம் யோசித்தவர் அதிலும் இறங்கிப் பார்ப்பது என்று முடிவெடுத்திருக்கிறார்

இவருக்கு பிரபாகர், நெளஷத் என இரு பயிற்றுநர்கள் பயிற்சி அளித்துள்ளனர். மளமளவென பயிற்சிகள் , பரபரவென உணவுத் திட்டங்கள் எனத் தொடர்ந்திருக்கின்றன.

நான்கே மாதத்தில் சுமார் 25 கிலோ எடை குறைந்து தயாராகியுள்ளார். போட்டியில் பங்கேற்பது குறித்த நடைமுறைகளை ஏற்கெனவே மிஸ் சவுத் இந்தியா பட்டம் பெற்ற பிரதிக்ஷா அளித்துள்ளார்.

கடந்த டிசம்பர் 9 மற்றும் 10 தேதிகளில் நேரு உள்விளையாட்டரங்கத்தில் நடைபெற்ற தென்னிந்திய ஆணழகன் போட்டியில் ரன்னர் பரிசு பெற்றுள்ளார்.

அது மட்டுமல்ல ஆண் மாடல்களுக்கான போட்டியிலும் மூன்றாம் இடம் பெற்று பதக்கம் பெற்றுள்ளார். இவ்விழாவில் இயக்குநர் அமீர் கலந்து கொண்டார்.

இவர் ஓர் இயக்குநர் என்பதை அறிந்த அமீர் மகிழ்வுடன் இவரைத் தட்டிக் கொடுத்துப் பாராட்டியதை எண்ணிப் பெருமைப் படுகிறார்.

எதிலும் தீவிர ஈடுபாடு காட்டினால் புதிய துறையானாலும் அதில் முத்திரை பதிக்க முடியும் என்பதற்கு இந்தப் போட்டி முடிவுகள் உதாரணம் எனலாம்.

முழு ஈடுபாடு காட்டி அதில் தன் அடையாளத்தைப் பதிப்பது விஜய் பரமசிவத்தின் இயல்பு. அடுத்து திரைப்படத்தில் இறங்கி விட்டார்.

கதாநாயகர்களிடம் கதை சொல்லி சம்மதம் பெற்றுள்ளவர் விரைவில் அதற்கான அறிவிப்பை வெளியிடவுள்ளார்.

ஏற்கெனவே ஒரு படம் இயக்கியிருந்தாலும் அது மற்றவர் ஒருவரின் கதை, சின்ன பட்ஜெட் என இருந்ததால் அது ஒரு முன்னோட்டம் மட்டுமே முழுமையான படம் தன் கதையில் உருவாகவிருக்கும் அடுத்த படம் தான் என்று கூறுகிறார் நம்பிக்கையுடன்.

தொட்டது எதிலும் முத்திரைத் தடம் பதிக்கும் விஜய் பரமசிவம் பட இயக்கத்திலும் முத்திரை பதிப்பார் என நம்புவோம்.

Vijay Paramasivam won Runner in Mr South India 2017

mr south india 2017

காப்பியடித்து பொய் சொல்லும் அட்லி; மறைமுகமாக தாக்கிய பலூன் டைரக்டர்

காப்பியடித்து பொய் சொல்லும் அட்லி; மறைமுகமாக தாக்கிய பலூன் டைரக்டர்

If i copied i will accept I wont lie like Atlee says Balloon Director Sinishசினிஷ் இயக்கத்தில் ஜெய், அஞ்சலி, ஜனனி ஐயர், யோகிபாபு நடித்துள்ள படம் பலூன்.

யுவன் இசையமைத்துள்ள இப்படத்தின் ட்ரைலர் இன்று வெளியானது. அப்போது நடந்த பத்திரிகையாளர்கள் சந்திப்பில் சினிஷ் பேசியதாவது…

என்னை எல்லாரும் கோபக்காரன் என்றார்கள். ஒருவர் என்னை ஒரு இடத்திற்கு 6 மணி வரச்சொன்னால் நான் மிகச்சரியாக 6 மணிக்கெல்லாம் அங்கு இருப்பேன்.

ஆனால் சொன்னவர் வந்திருக்க மாட்டார். இதனால் எனக்கு கோபம் வரும். என் கேரக்டர் அப்படி.

என் தயாரிப்பாளர் ஒரு ஹாரர் பட வேண்டும் என்றார். எனவே 15, 20 படங்களை ஹாலிவுட் படங்களை போட்டு போட்டு பார்த்தேன்.

அதன்பிறகு தான் இந்த படத்தை உருவாக்கினேன். இதை நான் ஓபனாகவே சொல்கிறேன்.

மௌனராகம் போல் ஒரு படத்தை எடுத்துவிட்டு நான் மௌன ராகமே பார்க்கவில்லை என்பது போல் எல்லாம் என்னால் சொல்ல முடியாது’ என்று பேசினார்.

அட்லி இயக்கிய ராஜா ராணி படத்தை பார்த்த பலரும் இது மௌனராகம் படத்தின் ரீமேக் என்று கூறிவந்தனர் என்பது குறிப்பிடத்தக்கது.

If i copied i will accept I wont lie like Atlee says Balloon Director Sinish

ஜெய் ஹீரோயில்லை; ஸ்டோரிதான் ஹீரோ… பலூன் டைரக்டர் சினிஷ் சீற்றம்

ஜெய் ஹீரோயில்லை; ஸ்டோரிதான் ஹீரோ… பலூன் டைரக்டர் சினிஷ் சீற்றம்

Jai is not hero in my movie says Balloon director Sinishயுவன் சங்கர் ராஜா இசையமைப்பில் சினிஷ் இயக்கத்தில் உருவாகியுள்ள படம் பலூன்.

ஜெய், அஞ்சலி, ஜனனி ஐயர், யோகிபாபு உள்ளிட்டோர் நடித்துள்ளனர்.

இப்படத்தின் ட்ரைலர் வெளியீட்டு விழா இன்று நடைபெற்றது. அப்போது படக்குழுவினர் பத்திரிகையாளர்களை சந்தித்து பேசினர்.

ஆனால் வழக்கம்போல ஹீரோ ஜெய் வரவில்லை.

விழாவில் பேசிய பலரும் படத்தை குறித்து மட்டுமே பேசினர். ஜெய் குறித்து எவரும் வாய் திறக்கவில்லை.

இதுகுறித்து கேட்டபோது…

ஜெய் படத்தில் நடிப்பார். ஆனால் புரோமோசனுக்கு வரமாட்டார்.

என் படத்தில் என் கதைதான் ஹீரோ. அவர் இல்லை.” என்று பதிலளித்தார் சினிஷ்.

இப்படம் வருகிற டிசம்பர் 29ஆம் தேதி ரிலீஸ் ஆகிறது.

Jai is not hero in my movie says Balloon director Sinish

balloon sinish

ஒடியன் படத்திற்காக மோகன்லால் எடுத்த ரிஸ்க்; ரஜினி பாராட்டு

ஒடியன் படத்திற்காக மோகன்லால் எடுத்த ரிஸ்க்; ரஜினி பாராட்டு

Rajinikanth lauds Mohanlals new look in Odiyanமலையாள சினிமாவில் மிகப்பிரம்மாண்டாக தயாராகி வரும் படம் ‘ஒடியன்’.

ஸ்ரீகுமார் மேனன் இயக்கும் இப்படத்தில் நாயகனாக நடித்து வருகிறார் மோகன்லால்.

இப்படத்திற்கு தன் எடையை 15 கிலோ வரை குறைத்து இருக்கிறாராம் லால் சேட்டன்.

இப்படத்தின் டீசரை பார்த்துள்ள ரஜினி, மோகன்லாலின் கடின உழைப்பை பார்த்து மிகவும் பாராட்டியிருக்கிறார்.

இப்படத்தில் நாயகியாக மஞ்சுவாரியர் நடிக்க, இவருடன் பிரகாஷ்ராஜ், சித்திக், இன்னோசன்ட், நரேன், கைலாஷ் ஆகியோரும் நடிக்கின்றனர்.

இப்படத்தை 2018 மார்ச் மாதத்தில் வெளியிட திட்டமிட்டு இருக்கிறார்களாம்.

Rajinikanth lauds Mohanlals new look in Odiyan

ஆறு மாதத்தில் தனிக்கட்சி அறிவிப்பு; ரஜினி அண்ணன் சத்யநாராயணராவ் உறுதி

ஆறு மாதத்தில் தனிக்கட்சி அறிவிப்பு; ரஜினி அண்ணன் சத்யநாராயணராவ் உறுதி

Rajini will announce his political party in mid of 2018 says his brother Sathyanarayana Raoஇந்த வருடத்தின் முதல் பாதியில் தன் ரசிகர்களை சந்தித்து போட்டோ எடுத்துக் கொண்டார் ரஜினிகாந்த்.

அப்போது போர் வரும்போது பார்க்கலாம் என தன் அரசியல் வருகையை சூசகமாக தெரிவித்தார்.

தற்போது இன்னும் சில தினங்களில் மீண்டும் ரசிகர்களை சந்திக்கவுள்ளார் ரஜினி.

இந்நிலையில் ரஜினி பிறந்தநாள் விழாவில் கலந்துக் கொண்ட ரஜினியின் அண்ணன் சத்தியநாராயண ராவ் நிருபர்களிடம் கூறியதாவது…

ரஜினிக்கு மக்கள் ஆதரவு எப்போதும் உண்டு. அவர் அரசியலுக்கு வரவேண்டும் என தமிழக மக்கள் விரும்புகின்றனர்.

அவர் சிறந்த ஆன்மிகவாதி. அரசியலுக்கு வந்தால், பல நன்மைகளை

அவர் அரசியலுக்கு வருவதற்கு முன்பே பல பிரச்னைகளை சந்தித்து வருகிறார். ஆனால் அதற்குகெல்லாம் அவர் பயப்படமாட்டார்.

அவர் பாஜக.வுடன் கூட்டணி வைக்க மாட்டார். விரைவில், இன்னும் ஆறு மாதத்தில் (2018 ஜீன்) புதிய கட்சியை துவங்குவார்.” என்று கூறியுள்ளார்.

Rajini will announce his political party in mid of 2018 says his brother Sathyanarayana Rao

குழந்தைகளுக்கு பிடித்த 2 டைட்டில்கள்; ஒரே நாளில் மோதும் திலீப் சுப்பராயன்

குழந்தைகளுக்கு பிடித்த 2 டைட்டில்கள்; ஒரே நாளில் மோதும் திலீப் சுப்பராயன்

balloon and sangu chakkaramகுழந்தைகளுக்கு பிடித்த விளையாட்டு பொருட்களில் மிக முக்கியமானவை பலூன்.

அதுபோல் தீபாவளி பட்டாசுகளில் பிடித்தவை சங்கு சக்கரம்.

தற்போது இந்த இரண்டு பெயர்களிலும் இரு படங்கள் உருவாகியுள்ளது.

இவையிரண்டும் வருகிற டிசம்பர் 29ஆம் தேதி ரிலீஸ் ஆகவுள்ளது.

பலூன் படத்தை சினிஷ் என்பவர் இயக்க ஜெய், அஞ்சலி, ஜனனிஐயர் உள்ளிட்டோர் நடித்துள்ளனர்.

யுவன் இசையமைத்துள்ள இப்படத்தை ஸ்டண்ட் மாஸ்டர் திலீப் சுப்ராயன் தயாரித்துள்ளார்.

மாரிசன் என்பவர் இயக்கத்தில் உருவாகியுள்ள சங்கு சக்கரம் படத்தை சினிவாலா பிக்சர்ஸ் சார்பாக சதீஷ் மற்றும் லியோ விசன்ஸ் இணைந்து தயாரித்துள்ளனர்.

இப்படத்தில் திலீப்சுப்ராயன் முக்கிய வேடத்தில் நடித்துள்ளார்.

More Articles
Follows