வீர தீர சூரன்..: ‘சியான்’ படத்திற்கு ‘சித்தா’ இயக்குனர் வைத்த மாஸ் டைட்டில்

கிரிக்கெட்டை விட ஃபுட்பால் தான்.; வீரர்களுக்காக ஐசரி கணேஷ் செய்த ஆச்சரிய செயல்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

கிரிக்கெட்டை விட ஃபுட்பால் தான்.; கால்பந்து வீரர்களுக்காக ஐசரி கணேஷ் செய்த ஆச்சரிய செயல்

*ஸ்பெயின் நாட்டு கால்பந்து வீரரை பயிற்சியாளராக நியமித்துள்ளது வேல்ஸ் ஃபுட்பால் கிளப்..

வேல்ஸ் குழுமங்களில் நிறுவனத்தலைவர் டாக்டர். ஐசரி கே. கணேஷ் பன்முகம் திறமை கொண்டவர். கல்வி, திரைத்துறை, விளையாட்டு, சமூக சேவை எனப்பல தளங்களில் முன்னேற்றத்தை கொண்டு வர உழைத்து வருபவர்.

தமிழ்நாடு ஒலிம்பிக் சங்கம் மற்றும் இந்திய டேக்வாண்டோ கூட்டமைப்பு ஆகியவற்றின் தலைவராக உள்ள டாக்டர் ஐசரி.கே.கணேஷ், விளையாட்டு வீரர்களை கண்டறிந்து அவர்களின் திறமைகளை வளர்ப்பதற்காக தொடர்ந்து பயணித்து வருகிறார்.

இதன் ஒரு பகுதியாக டாக்டர் ஐசரி கே கணேஷின் சிந்தனையில் உருவானது தான் வேல்ஸ் கால்பந்து கிளப். இந்த கிளப் தமிழ்நாட்டில் கால்பந்து விளையாட்டை வளர்ப்பதற்காக தொடங்கப்பட்டது.

தற்போது இந்த கிளப் கால்பந்து விளையாட்டு மீது ஆர்வம் கொண்டுள்ள பொருளாதாரத்தில் பின் தங்கிய மாணவர்களை ஊக்குவிக்கும் விதமாக ஒரு முன்னோடி திட்டத்தை அறிமுகப்படுத்தியுள்ளது.

இது குறித்து செய்தியாளர்களிடம் பேசிய வேல்ஸ் குழுமங்களின் நிறுவனத்தலைவர் டாக்டர். ஐசரி.கே கணேஷ்…

“கிரிக்கெட் உலகின் முதன்மையான விளையாட்டு கிடையாது. கால்பந்து தான் முதன்மையான விளையாட்டு. கிரிக்கெட் ஒரு சில இடங்களில் மட்டும் தான் விளையாடப்பட்டு வருகிறது, ஃபுட்பாலோ உலகம் முழுவதும் விளையாடப்பட்டு வருகிறது.

தமிழ்நாட்டில் நம்மால் கால்பந்து விளையாட்டை அடுத்த நிலைக்கு எடுத்துச்செல்ல முடியவில்லை.

அதற்கு நிறைய காரணங்கள் உள்ளன. இதையெல்லாம் நன்கு கவனித்த நான் தமிழ்நாட்டில் கால்பந்து விளையாட்டை அடுத்த தளத்திற்கு கொண்டு செல்ல வேண்டும் என வேல்ஸ் ஃபுட்பால் கிளப்பை தொடங்கினேன்.

இந்த கிளப் பொருளாதாரத்தில் பின் தங்கிய மாணவர்களுக்கு இலவச பயிற்சிகளை வழங்கும். அவர்கள் தங்கி பயிற்சி மேற்கொள்ள வசதியாக அவர்களுக்கு ஒரு தங்குமிடமும் தயார் செய்யப்பட்டு வருகிறது.

தமிழ்நாட்டில் குக்கிராமங்களில் உள்ள ஃபுட்பால் மீது ஆர்வம் கொண்ட வசதியில்லாத பல மாணவர்கள் இருப்பார்கள். அவர்களை, கண்டெடுத்து வேல்ஸ் ஃபுட்பால் கிளப்பில் ஆட வைத்து இந்திய அணிக்கு அனுப்புவதுதான் எங்கள் நோக்கம்.

இவர்களுக்கு சர்வதேச அளவிலான பயிற்சிகள் வழங்கப்படும் என்பதை இங்கு பெருமையுடன் தெரிவித்துக்கொள்கிறேன் அதற்காக தான் ஸ்பெயின் கால்பந்து வீரர் கெய்ஸ்கா டோகேரோவை, வேல்ஸ் ஃபுட்பால் கிளப்பின் சர்வதேச தூதராக நியமித்துள்ளோம். தமிழ்நாடு, தேசிய மற்றும் சர்வதேச அளவில் போட்டிகளை நடத்த திட்டமிட்டுள்ளோம் அதற்கு கெய்ஸ்கா நமக்கு உதவுவார் என நம்புகிறேன்.

இந்த வருடம் நடக்க இருக்கும் ஐ-லீக்கில் வேல்ஸ் ஃப்சி மாணவர்கள் நிச்சயம் நல்ல இடம் பிடிப்பார்கள் என எனக்கு தெரியும். நல்ல நோக்கம் நிச்சயம் வெற்றி பெற செய்தியாளர்கள் இந்த செய்தியை தமிழ்நாட்டின் மூலை முடுக்கு வரை சென்று சேர்க்க வேண்டும்”.
அதேபோல முன்னணி விளையாட்டு ஆடை பிராண்டான PUMA, வேல்ஸ் கால்பந்து கிளப்புடன் கூட்டு சேர்ந்து முதல் அணிக்கான ஜெர்சிகளை ஸ்பான்சர் செய்கிறது. இதற்காக பூமாவின் தென் மண்டல தலைவர் .ரமேஷ் அவர்களுக்கு நன்றியை தெரிவித்துக்கொள்கிறேன்” என்றார்.

ஸ்பெயின் கால்பந்து வீரர் கெய்ஸ்கா டோகேரோ பேசியதாவது, “வேல்ஸ் நிறுவனத்தின் நல்ல நோக்கத்தை ஆதரிக்கவே நானும் எனது அணியும் இங்கு வந்துள்ளோம்.

மாணவர்களுக்கு சர்வதேச பயிற்சி அளிக்கும் வாய்ப்பு எனக்கு வழங்கப்பட்டதை நான் பெருமையாக கருதுகிறேன். எங்களுக்கு சிறப்பான வரவேற்பு கொடுத்த சென்னைக்கும், வேல்ஸ் நிறுவனத்திற்கும் நன்றி. இங்கு வந்திருப்பதில் மகிழ்ச்சி!” என்றார்.

To encourage foot ball lovers Isari Ganesh started club

ரசிகர்களுக்கு ‘தங்கலான்’ விருந்து வைத்த படக்குழு.; சிலிர்க்கும் சியான் ரசிகர்கள்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

ரசிகர்களுக்கு ‘தங்கலான்’ விருந்து வைத்த படக்குழு.; சிலிர்க்கும் சியான் ரசிகர்கள்

ஜியோ ஸ்டுடியோஸ் மற்றும் ஸ்டுடியோ கிரீன் ஃபிலிம்ஸ் இணைந்து சியான் விக்ரமின் பிறந்த நாளில், அவர் நடிப்பில் தயாராகி, ரசிகர்களால் பெரிதும் எதிர்பார்க்கப்பட்ட தமிழ் திரைப்படமான ‘தங்கலான்’ திரைப்படத்திலிருந்து முதல் காட்சி துணுக்கை (கிளிம்ப்ஸை) வெளியிடுகிறது.

இந்திய சினிமாவில் தனித்துவமான நடிகரான சியான் விக்ரம் நடிப்பில், தமிழ் சினிமாவின் முன்னணி நட்சத்திர இயக்குநரான பா. ரஞ்சித் இயக்கத்தில், பிரம்மாண்டமான பட்ஜெட்டில் ‘தங்கலான்’ படத்தினை தயாரித்திருக்கிறது. இந்த திரைப்படம் ரசிகர்களின் பெரும் எதிர்பார்ப்பில் இருக்கிறது.‌

படத்தின் வெளியீட்டிற்காக பெருகிவரும் எதிர்பார்ப்புகளுக்கு இடையில் சியான் விக்ரமின் பிறந்த நாளான இன்று, ஏப்ரல் 17 அவரது ரசிகர்களுக்கு படக்குழுவினர் ஒரு சிறப்பான விருந்தை அளித்துள்ளனர். பெரும் ஆவலுடன் எதிர்பார்க்கப்பட்ட ‘தங்கலான்’ திரைப்படத்தின் சில காட்சிகளை வெளியிட்டுள்ளனர்.

இதில் சியான் விக்ரம் ஏற்றிருக்கும் கதாபாத்திரத்திற்காக அவரின் அர்ப்பணிப்புடன் கூடிய உழைப்பை… பிரமிக்க வைக்கும் மாற்றத்தைக் கண்டு, ரசிகர்கள் கொண்டாடுகின்றனர்.

இந்த காணொளி குறித்து இயக்குநர் பா. ரஞ்சித் பேசுகையில்…

” தங்கலான் திரைப்படம் உண்மை சம்பவங்களை அடிப்படையாகக் கொண்டு வரலாற்று சாகச கதையாக உருவாகி இருக்கிறது. இப்படத்திற்காக. சியான் விக்ரம் முழுமையான ஈடுபாட்டுடன் கூடிய பங்களிப்பை அளித்திருக்கிறார்.

ஒட்டுமொத்த படக்குழுவினரும் கடினமாக உழைத்திருக்கிறார்கள். இந்தியாவின் முன்னணி கன்டென்ட் ஸ்டுடியோவான ஜியோ ஸ்டுடியோஸ்- எங்கள் தயாரிப்பாளரான ஸ்டுடியோ கிரீன் கே. ஈ. ஞானவேல் ராஜாவுடன் இணைந்திருப்பதால் நான் மிகவும் உற்சாகமாக உள்ளேன். ஞானவேல் ராஜா இந்த திரைப்படத்தை வழங்குகிறார்.

விக்ரமின் பிறந்த நாளை முன்னிட்டு இந்த படத்திற்காக அவர் மேற்கொண்ட கடின உழைப்பை வெளிப்படுத்தவும், அவருடைய அர்ப்பணிப்புடன் கூடிய முயற்சியை போற்றவும், படத்தின் மீதான கவனத்தை அதிகரிக்கவும், படத்தைப் பற்றிய எதிர்பார்ப்பை எகிற வைக்கவும், இந்த காணொளியை வெளியிடுகிறோம். மேலும் படத்தைப் பற்றிய எதிர்பார்ப்பை இந்த காணொளி அதிகரிக்கும் என்று நம்புகிறேன் ” என்றார்.

சிறந்த நடிப்பிற்கான தேசிய விருதை வென்ற சியான் விக்ரம் – ஏழுமுறை ஃபிலிம்ஃபேர் விருதையும் வென்றிருக்கிறார். அவரது சிறந்த நடிப்பிற்காக தமிழ்நாடு மாநில அரசின் விருதுகளையும் ஐந்து முறை வென்றுள்ளார். அர்ப்பணிப்புடன் கூடிய பங்களிப்பு மற்றும் தொழில் முறையிலான அணுகுமுறைக்காக மிகவும் போற்றப்படும் விக்ரமின் நடிப்பில் ‘சேது’, ‘காசி’, ‘தில்’, ‘தூள்’, ‘ஜெமினி’, ‘சாமி’, ‘அந்நியன்’, ‘பிதாமகன்’, ‘ஐ’, ‘ராவணன்:, ‘தெய்வத்திருமகள்’, ‘இரு முகன்’, ‘கோப்ரா’, ‘மகான்’, ‘பொன்னியின் செல்வன் 1& 2’ ஆகிய படங்களின் மூலம் சர்வதேச அளவில் பிரபலமானவர்.

‘தங்கலான்’ படத்தில் சியான் விக்ரம், பார்வதி திருவோத்து, மாளவிகா மோகனன், பசுபதி, ஹரி கிருஷ்ணன், அன்புதுரை உள்ளிட்ட பலர் நடித்திருக்கிறார்கள். இந்தத் திரைப்படத்திற்கு ஜீ.வி. பிரகாஷ் குமார் இசையமைத்திருக்கிறார்.

இந்தத் திரைப்படத்தை ஜியோ ஸ்டுடியோஸின் ஜோதி தேஷ் பாண்டே மற்றும் ஸ்டுடியோ கிரீன் பிலிம்ஸ் நிறுவனத்தின் கே. ஈ. ஞானவேல் ராஜா ஆகியோர் இணைந்து தயாரித்துள்ளனர்.

1900 களின் முற்பகுதியில் வரலாற்று சிறப்புமிக்க கோலார் தங்க வயல்களின் ( கே.ஜி.எஃப்) பின்னணியில் அமைக்கப்பட்ட ‘தங்கலான்’- நிஜ வாழ்க்கை நிகழ்வுகளிலிருந்து அதன் அழுத்தமான கதையம்சத்துடன் பார்வையாளர்களை கவர தயாராகி உள்ளது. தென்னிந்தியாவில் தங்கத்தை ஆராய்வதில் ஒடுக்கப்பட்ட சமூகங்களின் அழிக்கப்பட்ட பங்களிப்பை விவரிக்கும் ஒரு வரலாற்று சாகச படைப்பாகும்.

இப்படத்தின் அறிவிப்பு வெளியானதிலிருந்து ரசிகர்களிடம் பெரும் ஆர்வத்தை பெற்றிருக்கிறது. மேலும் இந்த ஆண்டில் தென்னிந்திய சினிமாவில் பெரிதும் எதிர்பார்க்கப்படும் வெளியீடுகளில் ஒன்றாகவும் திகழ்கிறது.

‘தங்கலான்’ திரைப்படத்தின் இறுதி கட்டப் பணிகள் தற்போது விறுவிறுப்பாக நடைபெற்று வருகிறது. இதன் வெளியீட்டு தேதி விரைவில் அதிகாரப்பூர்வமாக அறிவிக்கப்படும். இந்தத் திரைப்படம் தமிழ், தெலுங்கு, மலையாளம், கன்னடம், இந்தி ஆகிய மொழிகளில் உலக அளவில் திரையரங்குகளில் பிரம்மாண்டமான முறையில் வெளியாகவிருக்கிறது.

Thangalaan glimpse released on Vikram birthday

JUST IN ‘ஜெயிலர் 2’ வாய்ப்பில்லன்னு நெல்சன் சொன்னாரு.; ஏ சர்டிபிகேட் ஏன்? – வசந்த் ரவி

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

JUST IN ‘ஜெயிலர் 2’ வாய்ப்பில்லன்னு நெல்சன் சொன்னாரு.; ஏ சர்டிபிகேட் ஏன்? – வசந்த் ரவி

தரமணி & ராக்கி உள்ளிட்ட படங்களின் நடித்தவர் நடிகர் வசந்த் ரவி.. இவரது நான்காவது படத்திலேயே ரஜினியுடன் இணைந்து நடிக்கும் வாய்ப்பை பெற்றார்.

நெல்சன் இயக்கிய ஜெய்லர் படத்தில் ரஜினியின் மகனாக நடித்திருந்தார். இந்த படம் 600 கோடிக்கு மேல் வசூல் செய்து மெகா பிளாக்பஸ்டர் ஹிட் ஆனது.

இந்த நிலையில் தற்போது இவரது நடிப்பில் உருவாகிய பொன் ஒன்று கண்டேன் என்ற படம் OTT-யில் ரிலீஸ் ஆக இருக்கிறது.

இந்த நிலையில் இன்று வடபழனியில் உள்ள ஒரு ஹோட்டலில் செய்தியாளர்களை சந்தித்தார் நடிகர் வசந்தி ரவி.

அப்போது அவர் பேசியதாவது..

என்னுடைய எல்லா படங்களுக்கும் பத்திரிகையாளர்கள் நீங்கள் மாபெரும் ஆதரவு தந்து வருகிறீர்கள் அதற்கு நன்றி.

பெரும்பாலும் என்னுடைய பல படங்களுக்கு சென்சாரில் ஏ சர்டிபிகேட் கிடைக்கிறது. தரமணிக்கு ஏன் சர்டிபிகேட் கொடுத்தார்கள் என்று தெரியவில்லை.

ராக்கி படத்தில் நிறைய வயலன்ஸ் இருந்தது.. ஆனால் அஸ்வின் படத்தில் நான் ஒரு தற்கொலை செய்து கொள்வதாக ஒரு காட்சி இருக்கும்.. அதனால் அதற்கு A சர்டிபிகேட் கிடைத்தது

எல்லாவிதமான சப்ஜெக்ட் கதைகளிலும் நடிக்க தயாராக இருக்கிறேன்.. அதற்கான கதைகளும் அமைய வேண்டும்.. அதற்கான இயக்குனர்கள் அமைய வேண்டும்.

பெரும்பாலும் என்னை சாக்லேட் பாயாகவும் ஜாலியான கேரக்டராகவும் பார்க்க விரும்புகிறார்கள் ரசிகர்கள்.. அதுவும் விரைவில் நடக்கும் என நம்புகிறேன்.

ஜெயிலர் 2 நடக்குமா என்பதை பற்றி என்னால் சொல்ல முடியாது..அது பற்றிய செய்திகள் வந்து கொண்டு தான் இருக்கின்றன.. ஆனால் அதன் தயாரிப்பு நிறுவனம் சன் பிக்சர்ஸ் எந்த அறிவிப்பு வெளியிடவில்லை.. நெல்சன் அது பற்றி அறிவிப்பை தரவில்லை.

அதேசமயம் கேரளாவில் ஜெயிலர் படம் ஷூட்டிங் நடைபெற்ற போது நான் நெல்சன்யிடம் பேசிக் கொண்டிருந்தேன். அப்போது… எனக்கு ஜெயிலர் பார்ட் 2 நடக்கும் என்று தோன்றுகிறது என்று நினைத்தேன்.. அவரிடம் சொன்னேன். அதற்கு அவர்.. ஜெயிலர் பார்ட் 2 நடக்கும் என தோன்றவில்லை.. வாய்ப்பில்லை என்றார்”

மேலும் செய்தியாளர்களின் பல்வேறு கேள்விகளுக்கு பதில் அளித்தார் நடிகர் வசந்த் ரவி..

Vasanth Ravi open talk about Jailer 2

பிரம்மாண்ட இயக்குனர் ஷங்கர் மகள் திருமண விழாவில் திரண்ட கோலிவுட்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

பிரபலங்கள் சூழ நடைபெற்ற இயக்குனர் ஷங்கரின் மூத்த மகள் ஐஸ்வர்யா ஷங்கர் – தருண் கார்த்திகேயன் திருமண வரவேற்பு நிகழ்ச்சி

இந்திய திரையுலகின் பிரமாண்ட இயக்குனர் ஷங்கரின் மூத்த மகள் ஐஸ்வர்யா ஷங்கர் – தருண் கார்த்திகேயன் திருமண வரவேற்பு நிகழ்ச்சி நேற்று (15-04-2024, திங்கட்கிழமை) மாலை, கிழக்கு கடற்கறை சாலையில் உள்ள திருமண மண்டபத்தில் இனிதே நடைபெற்றது.

மணமகன்

Tarun Karthikeyan

Son of

Mr. K. Karthikeyan
Mrs. Sapna Karthikeyan

மணமகள்

Dr Aishwarya Shankar

Daughter of

Mr. S.Shankar
Mrs. Eswari Shankar

இந்நிகழ்வில்

Actor Chiranjeevi
Actor Ramcharan – Upasana Kamineni Konidela
Actor Ranveer Singh
Actor Vijay Sethupathi
Actor Sivakarthikeyan
Actor Jayam Ravi
Actor Mohanlal
Actor Vijayantony
Actor Uppendhra
Actor SJ Suriya
Actor Raghava Lawrence
Actor Arunvijay
Actor Goundamani
Actor Soori
Actor Gautham Karthick
Actor Ramarajan
Actor Mohan
Actor Bobby Simha
Actor – Director Parthiban
Actor Prasanna & Actress Sneha
Actor Sibiraj
Actor Vaibhav
Actor Aadhi – Actress Nikki Galrani
Actor Sathish
Actor Srikanth (Telugu)
Actor Vasanth Ravi
Actor Rajesh
Actor Karunakaran
Actor Charlie
Actor Thambhi Ramaiah
Actor Manikandan (Boys)
Actor Chams
Actor Ajay Rathnam
Actor Sudhansu Pandey
Actor Ravikrishna
Actor Pandiyarajan
Actor Robo Shankar

Actress Shalini
Actress Kajal Agarwal
Actress Kalyani Priyadharsan
Actress Rakul Preet Singh
Actress KrithiShetty
Actress Shurthihasan
Actress Jhanvi kapoor
Actress Priya Bhavani Shankar
Actress Vanibhojan
Actress Andrea
Actress Aditi Balan
Actress Janani
Actress Vedhika
Actress Kasthuri
Actress Anusiya
Actress Vaidivukarasi
Actress Sri Priya

Director Bala
Director SA Chandrasekar & Shobha Chandrasekar
Director SP Muthuraman
Director T Rajendar
Director Vikraman
Director Rajivmenon
Director Gautham Vasudev Menon
Director AR Murugadoss
Director Hari & Preetha Hari
Director Mohan Raja
Director Vetrimaaran
Director Mari Selvaraj
Director Mysskin
Director Lokesh Kanagaraj
Director Nelson
Director Kiruthiga Udhayanidhi
Director Vijay
Director Karthik Subbaraj
Director H.Vinoth
Director Vasanth Sai
Director Saran
Director Sasi
Director Seenu Ramasamy
Director Thiyagarajan
Director SimbhuDevan
Director Balaji Sakthivel
Director Balaji Dharanitharan
Director Producer Chitra Lakshmanan

Redgiant Movies M.Shenbagamoorthy
Producer GKM Tamilkumaran (Lyca Productions)
Producer Dil Raju
Producer Kalaipuli S Dhanu
Producer TG Thiyagarajan
Producer Boney Kapoor
Producer Thenandal Films Murali – Hema Rukmani
Producer AM Rathnam
Producer Karunamoorthy (Ayngaran)
Producer Danayya
Producer Dhananjeyan
Producer Rajasekar & Family
Producer Director Madhesh
Producer Sembhiyan

Music Director AR Rahman
Music Director Anirudh
Music Director Devi Sri prasad
Music Director Thaman
Drums Sivamani

DOP Santhosh Sivan
DOP Ravivarman
DOP Ramji
Dop Ratnavelu
Dop Thiru
Dop Gopinath
Mrs KV Anand and Family

Art Director Thotta Dharani
Art Director Muthuraj

Lyricist Vairamuthu
Lyricist Madhan karky
Lyricist Kabilan Vairamuthu
Lyricist Vivek
Lyricist Viveka
Shobi – Lalitha Shobi
Singer Blaaze
Singer Sujatha

Stunt Master Silva

DGP Shankar Jiwal
City Commissioner Sandeep Rai Rathore

உள்ளிட்ட பலர் இத்திருமண வரவேற்பு நிகழ்ச்சிக்கு வருகை தந்து மணமக்களை வாழ்த்தினர்.

மணமக்களை வாழ்த்த வந்தவர்களை இயக்குனர் லிங்குசாமி, இயக்குனர் அட்லி, இயக்குனர் வசந்த பாலன், இயக்குனர் அறிவழகன், நடிகர் பரத், மேலாளர் தங்கதுரை, Executive Producer சுந்தர்ராஜ், விமல், கல்யாணம், PRO சதிஷ் (Team AIM) ஆகியோர் வரவேற்றனர்.

மாற்றுத்திறனாளியாக நடித்து வீடு கட்டி தருவேன்.; மல்லர் கம்ப கலைஞர்களுக்கு உதவும் லாரன்ஸ்

தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்

மாற்றுத்திறனாளியாக நடித்து வீடு கட்டி தருவேன்.; மல்லர் கம்ப கலைஞர்களுக்கு உதவும் லாரன்ஸ்

தமிழர் பாரம்பரிய மல்லர் கம்ப கலையில் கலக்கும் மாஸ்டர் ராகவா லாரான்ஸ் – ன்
கை கொடுக்கும் கை மாற்றுத்திறனாளி குழுவினர்!!

மாஸ்டர் ராகவா லாரன்ஸ் பத்திரிக்கையாளர் சந்திப்பு !

தமிழ் திரையுலகின் முன்னணி நட்சத்திர நடிகர் மாஸ்டர் ராகவா லாரன்ஸ், திரையுலக ஹீரோ என்பதை விட, அவர் நிஜ வாழ்வில் செய்து வரும் உதவிகள், அவரை ஒரு மிகப்பெரும் நட்சத்திரமாக மக்கள் மனதில் நிலை நிறுத்தி வருகிறது.

கடந்த 20 ஆண்டுகளாக அவர் செய்து வரும் உதவிகளுக்கு பலனாக, இன்று அடுத்த தலைமுறை எழுந்து நிற்கிறது.

தமிழர்களின் பாரம்பரிய மல்லர் கம்பம் சாகச கலை நிகழ்வு, இதுவரையிலும் உடல் வலு கொண்டவர்கள் மட்டுமே பங்கேற்கும் நிகழ்வாக இருந்தது. தற்போது ராகவா லாரன்ஸ் “கை கொடுக்கும் கை” மாற்றுத்திறனாளிகள் குழு சார்பில், மாற்றுத்திறனாளிகளும் பங்கேற்ற மல்லர் கம்பம் சாகச நிகழ்வு, பத்திரிக்கை ஊடக நண்பர்கள் முன்னிலையில் நடைபெற்றது.

இந்நிகழ்ச்சியில் கலந்து கொண்ட மாஸ்டர் ராகவா லாரன்ஸ் பங்கேற்பாளர்கள் அனைவருக்கும் தன் வாழ்த்துகளைத் தெரிவித்தார்.

இந்நிகழ்வினில் குழு ஒருங்கிணைப்பாளர் ….

நீங்கள் கொடுக்கும் கைதட்டல், தன்னம்பிக்கை எல்லாவற்றிருக்கும் காரணமான ராகவா லாரன்ஸ் மாஸ்டருக்கு இந்நேரத்தில் நன்றி தெரிவித்து கொள்கிறோம். எங்களை கடவுள் மாற்றுத்திறனாளிகளாக படைத்தாலும், அம்மா அப்பா ஏழ்மையாக இருந்தாலும், ராகவா லாரன்ஸ் மாஸ்டர் எங்களுக்கு என ஒரு அறக்கட்டளை உருவாக்கி, எங்களுக்கு பயிற்சி தந்து வாய்ப்புகள் வாங்கித் தந்து, எங்களுக்கு கடவுளாக இருக்கிறார்.

டான்ஸ் மட்டுமல்லாமல் இப்போது எங்களுக்கு மல்லர் கம்பம் பயிற்சி தர, இப்போது எங்கள் குழுவிற்கு பல வாய்ப்புகள் தொடர்ந்து வர ஆரம்பித்துள்ளது. நீங்களும் உங்கள் ஆதரவைத் தொடர்ந்து அளிக்குமாறு கேட்டுக்கொள்கிறேன் நன்றி.

மாஸ்டர் ராகவா லாரன்ஸ் பேசியதாவது..

எனக்கு எப்போதும் ஊக்கம் தருவது இந்த மாற்றுத்திறனாளி குழுவினர் தான். எனக்கு எப்போது தளர்வாக இருந்தாலும், இவர்களை ஆட வைத்து பார்த்து ஊக்கம் கொள்வேன். எப்போது எனக்கு வாய்ப்பு கிடைத்தாலும், பாடல்களில் டான்ஸில் இவர்களை ஆட வைப்பேன்.

சினிமாவில் சில நேரம் ஒரே மாதிரி இருக்கிறதே இவர்களையே தொடர்ந்து பயன்படுத்த வேண்டாம் மாஸ்டர் என்பார்கள், நயன்தாரா த்ரிஷா எத்தனை முறை ஆடினாலும் பார்க்கிறார்களே அது போல் நம் படங்களை பார்க்கட்டும் இவர்களையும் பார்க்கட்டும் என்பேன்.

சில காலமாக அவர்களுக்கு வாய்ப்புகள் குறைவாக இருக்கிறதே எனக் கவலைப்பட்டேன். அப்போது தான் ‘மல்லர் கம்பம்’ என ஒன்று இருக்கிறது அதைக் கற்றுக்கொள்கிறோம் மாஸ்டர் என்றார்கள். இது நல்ல வலுவான உடல் உள்ளவர்கள் செய்வது உங்களால் முடியுமா ? எனக் கேட்டேன், ஆனால் எங்களால் முடியும் என்றார்கள். அதே போல் கற்றுக்கொண்டார்கள், இங்கு அவர்கள் செய்வதை பார்த்தால் பிரமிப்பாக இருக்கிறது. இவர்களால் முடியாதது எதுவுமே இல்லை.

இவர்களால் எல்லாமே முடியும். இந்த பத்திரிக்கையாளர் சந்திப்பின் முக்கிய காரணமே, இதன் மூலம் இவர்களுக்கு வாய்ப்பு கிடைக்க வேண்டும் என்பதற்காகத் தான். இவர்கள் வாடகை கட்டக் கூட கஷ்டப்படுகிறார்கள். அதனால் உங்கள் வீட்டு விழா, தெரிந்த நிகழ்ச்சிகளில் இவர்களுக்கு வாய்ப்பு வழங்குங்கள். இவர்களை அழைத்து நிகழ்ச்சி செய்யும் அனைவருக்கும் நான் வீடியோவில் வாழ்த்து சொல்வேன்.

இவர்களுக்காக நான் என்னால் முடிந்த அனைத்தும் செய்வேன். இந்தக்கலை இவர்களை வாழ வைக்கும். இந்தக்கலையை கற்றுக்கொண்டதற்காக இவர்கள் அனைவருக்கும் நாளை என் வீட்டில் ஸ்கூட்டி வழங்குகிறேன். அது மட்டுமில்லாமல் மாற்றுத்திறனாளிகளை வைத்து ஒரு படம் எடுக்கவுள்ளேன். அதில் நான் மாற்றுத்திறனாளியாக நடிக்கிறேன்..
அதன் மூலம் வரும் வருமானத்தில், இவர்களுக்கு வீடுகட்டி தரவுள்ளேன். நீங்களும் இவர்களுக்கு தொடர்ந்து வாய்ப்பளியுங்கள் என்று கேட்டுக்கொள்கிறேன் நன்றி.

மேலும் இக்கலையை கற்றுதந்த மாஸ்டர் ஆதித்யன் மற்றும் குழுவினரை பாராட்டினார் ராகவா லாரன்ஸ்.

Actor Lawrence help to Mallar Kabbam artists