தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
பிரபல டிவியில் முன்னனி தொகுப்பாளினியாக இருப்பவர் திவ்யதர்ஷினி (டிடி).
தனுஷ் உடன் பவர் பாண்டி, விக்ரமுடன் துருவ நட்சத்திரம் உள்ளிட்ட சில படங்களிலும் நடித்திருக்கிறார் டிடி.
டிவியில் மட்டுமில்ல சமூக வலைதளங்களில் இவருக்கென்று ரசிகர் பட்டாளமே உள்ளது.
ஊரடங்கு காலத்தில் பிரபலங்கள் பலரும் ரசிகர்களுடன் உரையாடுகின்றனர். ஆனால் டிடி வரவில்லை என்பதால் ஆர்வத்துடன் கேட்டனர்.
இந்த நிலையில் தனக்கு காலில் முறிவு ஏற்பட்டதாலேயே ஆன்லைனில் வர முடியவில்லை என டிடி தெரிவித்துள்ளார்.
இது குறித்து டிடி கூறியிருப்பதாவது:
ஊரடங்குக்குப் பிறகு இந்த விபத்து ஏற்பட்டது. என் கால் வலது முட்டியை சரி செய்து விட்டதாக நினைத்துக் கொண்டிருந்தபோது, என்னுடைய இடது கால் முட்டியில் முறிவு ஏற்பட்டது. வலி இருக்கிறது.
ஆன்லைனில் படங்கள் பார்ப்பது உள்ளிட்ட விஷயங்களில் என்னுடைய மனதை செலுத்த முயற்சி செய்து வந்தேன். இதை இங்கு பதிவிட மெல்ல வலிமை பெற்றேன்.
இதை சொல்லாமல் இருந்ததற்கு என் மீது அன்பு வைத்திருக்கும் மக்கள் என் மீது கோபம் கொள்வார்கள் என்று எனக்கு தெரியும்.
யாரையும் தொந்தரவு செய்ய விரும்பவில்லை. விரைவில் மீண்டு உங்களிடம் வந்து உங்கள் அன்பை பெறுவேன்.
என்னுடைய மருத்துவர்களுக்கு ஸ்பெஷல் நன்றிகள். நேர்லை வருமாறு கேட்டவர்கள் நான் முடியாது என்று சொன்ன காரணத்தை இப்போது புரிந்துகொள்வீர்கள் என்று நம்புகிறேன்.
இவ்வாறு டிடி தன் உடல் நிலை குறித்து கூறியுள்ளார்
TV Anchor DD aka Dhivya Dharshini gets injured in lock down