தமிழ் சினிமா அப்டேட்ஸ் களை உடனுக்குடன் தெரிந்து கொள்ள Filmi Street App - ஐ டவுன்லோட் செய்யுங்கள்
சூப்பர் ஸ்டார் ரஜினிகாந்த் நடிப்பில் உருவாகியுள்ள திரைப்படம் அண்ணாத்த.
சன் பிக்சர்ஸ் தயாரித்துள்ள இந்த படத்தை சிவா இயக்க இமான் இசையமைத்துள்ளார்.
இதில் ரஜினியுடன் நயன்தாரா, கீர்த்தி சுரேஷ், மீனா, குஷ்பு, சூரி, பிரகாஷ்ராஜ், ஜெகபதிபாபு, ரெடின் கிங்ஸ்லீ, சதீஷ், பாண்டியராஜன், லிவிங்ஸ்டன் மற்றும் பலர் நடித்துள்ளனர்.
இந்த படத்தில் இடம் பெற்றுள்ள அண்ணாத்த அண்ணாத்த பாடல் முதலில் வெளியானது. இப்பாடலை எஸ்பி பாலசுப்ரமணியம் பாடியிருந்தார்.
அதன்பின்னர் சாரல் காத்து.. மருதாணி… வா சாமீ ஆகிய பாடல்கள் ஒன்றன் பின் ஒன்றாக வெளியானது.
தீபாவளியை முன்னிட்டு நவம்பர் 4ம் தேதி ‘அண்ணாத்த’ படம் உலகம் முழுவதும் ரிலீசாகவுள்ளது.
இந்த நிலையில் இன்று அக்டோபர் 27ஆம் தேதி மாலை 6 மணிக்கு அண்ணாத்த ட்ரைலர் வெளியாகியுள்ளது.
இது பக்கா ரஜினி படம் என்று சொல்லலாம். ரஜினிக்கே உரித்தான காமெடி கலகலப்பு, செம ஸ்டைல், அனல் பறக்கும் ஆக்சன் என பட்டைய கிளப்பியிருக்கிறார்.
ரஜினியின் தங்கையாக கீர்த்தி சுரேஷ் நடித்துள்ளார். சிஸ்டர் சென்டிமெண்ட் காட்சிகளும் செமயாய் ஒர்க் அவுட்ஆகியுள்ளது, தங்கச்சிக்கு ஒன்னுன்னா துடிக்கும் பாசமிகு அண்ணனாக அண்ணாத்த வருகிறார்.
சூரக்கோட்டை கிராமத்தின் ஊராட்சி மன்றத் தலைவராக (பிரசிடெண்ட்) ரஜினி நடித்துள்ளார். இவரது கேரக்டர் பெயர் காளையன்.
ரஜினியின் முறைப் பெண்களாக குஷ்பூ மீனா நடித்துள்ளனர். ரஜினிக்கு ஜோடியாக நயன்தாரா நடித்துள்ளார். ரஜினியுடன் கூடவே சுத்தும் கேரக்டர்களில் சூரி சதீஷ் உள்ளனர்.
சூரக்கோட்டை வில்லனாக பிரகாஷ் ராஜ் நடிக்க கொல்கத்தா வில்லனாக அபிமன்யூ சிங் & ஜெகபதிபாபு நடித்துள்ளனர்.
ட்ரைலர் முழுக்க நகைச்சுவையும் ஆக்சனும் தெரிகிறது. எனவே இதில் நீண்ட நாட்களுக்கு பிறகு ரஜினியின் கிராமத்து வாசனையை உணரலாம்.
1995ல் பாட்ஷா படத்தை பாத்துவிட்டு எப்படி ஆட்டோ டிரைவர்கள் செம கெத்தாக சுற்றினார்களோ.. அதே போல் தற்போது ‘அண்ணாத்த’ படத்த பாத்துட்டு காலர தூக்கி கெத்து கவுன்சிலர்கள் சுற்றுவார்கள் என எதிர்பார்க்கலாம்.
Superstar Rajinis Annaatthe Trailer makes storm on internet
#AnnaattheDeepavali